The Latest
وحدت نیوز (کراچی) مغل ہزارہ گوٹھ میں منعقدہ تعزیتی اجتماع سے خطاب کرتے ہوئے علامہ راجہ ناصرعباس جعفری نے کہا کہ انبیاء، آئمہ، اولیاء، اوصیاء،شہداء، صالحین اورصدیقین کا راستہ دینی سیاسی نظام کے احیاءکا راستہ ہے، آئمہ کی ولایت کی گواہی دینا آسان لیکن آئمہ کی سیاسی قیادت کا اعلان کرنا مشکل ہے، دشمن ہماری مذہبی شناخت سے نہیں سیاسی شناخت سے خوف کھاتا ہے، یزید پلید نے پہلے حکومت اسلامی پر قبضہ کیا پھراصول وفرو ع دین اورشریعت کو مسخ کیا،امام حسین ؑکا مقصدقیام حکومت اسلامی کو یزید ملعون کے ناپاک شکنجہ سے آزاد کروانا تھا۔غدیر کو فراموش کرنا کربلا بپا ہونے کا باعث بنا، امام حسین ؑکا خروج اپنے اس دینی سیاسی حق کا حصول تھا جو پہلے ان کے بابا علی ؑاور پھر بھائی حسن مجتبیٰ ؑسے چھینا گیا۔انہوں نے کہا کہ سیاسی جدوجہد بہت کٹھن اور مشکل راستے سے گذرنے کا نام ہے ، یہ ایک طولانی جنگ ہے جس میں کمزور اعصاب کے مالک افرادجلد شکست کھا جاتے ہیں ، ہمیں واجبات اورمستحبات میں تمیز سیکھنا ہو گی، ہمارے مغل ہزارہ گوٹھ کے شہداء نے بھی ولایت کے اصل معنیٰ کو سمجھ کر سیاسی میدان میں قدم رکھا تھا جو دشمن کو کسی صورت گوارہ نہ تھا۔ عالمی سطح پر جہاں جہاں شیعہ مکتب نے سیاسی واجتماعی میدان میں قیام کیا وہاں وہاں تشیع سرخرو ہوئی، یہاں تک کہ نائیجیریا جیسے پسماندہ علاقہ میں بھی شیعہ کی صداقت اور ایمان کی گواہی دی جاتی ہے۔
وحدت نیوز (کوئٹہ) ملی یکجہتی کونسل بلوچستان کے صوبائی جنرل سیکریٹری اورمجلس وحدت مسلمین بلوچستان کے سر براہ علامہ مقصود علی ڈومکی نے کہا ہے کہ نیشنل ایکشن پلان کا مقصد ملک سے دہشتگردی ،انتہا پسندی اور کرپشن کا خاتمہ ہے حکمران انہیں مس یوز کر نے سے اجتناب کریں۔ اسلام آباد میں بیٹھے داعش کے حامی کا پوری دنیا کو پتا ہے ، جس سے فقط نواز لیگ کے ارباب اقتدار ہی نا واقف ہیں ۔ ملک میں نیشنل ایکشن پلان پر صحیح طور پر عمل در آمد نہیں ہو رہا جس کے باعث دہشتگردی، انتہا پسندی اور کرپشن کا خاتمہ نہیں ہو رہا ۔
انہوں نے کہا کہ ہفتہ وحدت کے موقع پر تمام مسلمانوں کو اس بات کا عزم کرنا ہوگا کہ وہ اپنے اتحاد اور اتفاق کے ذریعے تفرقہ پر مبنی سامراجی سازش ناکام بنا دیں گے۔ آج امت مسلمہ کو اتحاد اور وحدت کی اشد ضرورت ہے کیونکہ اسرائیل اور امریکہ اپنے حواریوں کے ساتھ مل کر امت مسلمہ پر حملہ آور ہے۔ کرائے کے قاتل اسرائیل کے تحفظ اور گریٹر اسرائیل کے قیام کے لئے میدان عمل میں آچکے ہیں، جنہوں پاکستان سے نائیجریا تک امت مسلمہ کو لہو میں نہلا دیا ہے۔ مگر ان دین کے نام نہاد ٹھیکیداروں کے پاس قبلہ اول بیت المقدس اور مسجد اقصیٰ کی آزادی اور مظلوم فلسطینی مسلمانوں کی حمایت کا کوئی منصوبہ نہیں ہے۔ پاکستان میں داعش کے حامی اور سہولت کار موجود ہیں جن سے نواز حکومت جان بوجھ کر تغافل کر رہی ہے۔ اربوں ڈالر خرچ کرکے جن عناصر نے داعش کو بنایا ان سے داعش کے خلاف اقدام کی توقع رکھنا دیوانے کا خواب ہے۔
وحدت نیوز (لاہور) مجلس وحدت مسلمین کی مرکزی کوآرڈینیٹربرائے شعبہ خواتین خانم زہرا نقوی نے ہفتہ وحدت کی مناسبت سے اپنے پیغام میں کہا ہےکہ عید میلاد النبی (ص) کے اس پر مسرت موقع پر اس کٹھن اور دشوار دور میں " لبیک یا رسول اللہ " کہہ کہ تجدید عہد کرتے ہیں کہ حق کے راستے سے ایک قدم بھی پیچھے نہ ہٹیں گے ۔صرف سیرت و کردار رسول اللہ (ص) ہی ہے جنہوں نے اپنی رسالت و نبوت و گفتار سے پہلے صرف اپنے اخلاق و کردا،صداقت و امانت ،ایثار و شجات کے باعث وقت کے ظالموں اور زمانے کے بتوں کا مقابلہ کیا ہم تمام مسلمانوں خواہ وہ مرد ہوں یا عورت صرف ایک نقش قدم پر چلنے میں ہی راہ نجات ہے ۔آج یمن،پارا چنار،لبنان اور بالخصوص نائیجیریا لہو لہو ہے عاشقان رسول پر ظلم کے پہاڑ توڑے جا رہے ہیں ۔اب سکون سے گھروں میں بیٹھنے کا وقت نہیں ہم خواتین کو مانند بنت رسول (ص) کفر کے بتوں کو توڑنے کے لئے میدان عمل میں آنا ہو گا ۔صرف آپ (ص) کی سیرت ہی مشعل راہ ہے ۔خدایا !ہم تمام کو سیر نبوی(ص) پر عمل پیرا ہونے کی توفیق و سعادت عطا فرما۔
وحدت نیوز (ملتان) مجلس وحدت مسلمین پاکستان کے سربراہ علامہ ناصر عباس جعفری کے حکم پر ملک بھر میں عیدمیلادالنبی (ص)کے موقع پر میلاد کے جلوسوں کے لیے استقبالیہ کیمپ، چائے اور پانی کی سبیلوں کا اہتمام کیا گیا۔ ملتان میں بھی مجلس وحدت مسلمین کے زیراہتمام امام بارگاہ دولت گیٹ کے سامنے شہر بھر کے جلوسوں اور ریلیوں کو خوش آمدید کہنے کے لیے ’’استقبالیہ کیمپ‘‘لگایا گیا۔ کیمپ میں مجلس وحدت مسلمین پنجاب کے ڈپٹی سیکرٹری جنرل علامہ اقتدار حسین نقوی، ضلعی سیکرٹری جنرل علامہ قاضی نادر حسین علوی، ڈپٹی سیکرٹری جنرل محمد عباس صدیقی، سید ندیم عباس کاظمی، سید وسیم عباس زیدی، سید شبر رضا زیدی اور دیگر رہنما موجودتھے۔ مجلس وحدت مسلمین کی جانب سے میلاد کے جلوس کے شرکاء کو خوش آمدید کہا گیا اور اُن پر پھولوں کی پتیاں نچھاور کی گئیں۔ اس موقع پر جلوس کے منتظمین نے مجلس وحدت مسلمین کے رہنماؤں کی جانب سے کیمپ لگائے جانے کو سراہتے ہوئے کہا کہ اس وقت ملک میں شیعہ سنی اتحاد کی ضرورت ہے، ہم ملک کو اتحاد اور وحدت سے دشمن کے شر سے بچاسکتے ہیں۔ علامہ اقتدار نقوی نے کہا کہ ہم پاکستان میں اتحاد اور وحدت کے حقیقی داعی ہیں اور مجلس وحدت مسلمین نے شروع دن سے ملک میں اتحاد اور وحدت کو فروغ دیا ہے۔ آج الحمداللہ پاکستان کے تمام شہروں میں قائد وحدت کے حکم پر میلاد کے جلوسوں کو خوش آمدید کہنے کے لیے کیمپ ، چائے اور پانی کی سبیلوں کا اہتمام کیا گیا جس کا مقصد ملک دشمن عناصر کو اپنے اتحاد کے ذریعے شکست دینا ہے۔
وحدت نیوز (چکوٹھی) ہم کل بھی ایک تھے، ہیں اور رہیں گے، دہشت گردی و انتہاء پسندی سے شیعہ سنی مسلمانوں کا کوئی تعلق نہیں بلکہ وہ استعمار و طاغوت کے ایجنٹ تکفیرویوں کے کارہائے بد ہیں ،وہ وقت دور نہیں کہ جب ہم یہ ریلی سرینگر لے کر جائیں گے، اور مقبوضہ وادی کے مسلمان بھی لبیک یا رسولؐ اللہ کہتے ہوئے وہاں جمع ہوں گے ، ملکر میلاد منائیں گے ، لبیک یا رسولؐ اللہ عظیم الشان ریلی میں شیعہ سنی مسلمانوں کا ایک ساتھ ہو کر لبیک یا رسولؐ اللہ کہنا اس بات کی واضح دلیل ہے کہ رسول ؐ گرامی قدر کی ذات مبارکہ ہی باعث اتحاد و یگانگت ہے، ان خیالات کا اظہار مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے چکوٹھی کے مقام پر لبیک یا رسول ؐ اللہ ریلی کے اختتامی جلسے کے شرکاء سے خطاب کرتے ہوئے کیا ، جلسے میں مہمان خصوصی حریت کانفرنس آزاد کشمیر شاخ کے چئیرمین سیدیوسف نسیم تھے، علامہ تصور جوادی نے کہا کہ رسول ؐ کی ذات مبارکہ وجہ تخلیق کائنات، جن کے لیئے کائنات ، جن و انس بنے ، ان کی ہی اتباع میں شیعہ سنی کی بقاء ہے، انہی کے پرچم تلے اکٹھا ہونا پڑے گا ، لبیک یا رسول ؐ اللہ یعنی اے رسول ؐ جسطرح آپ نے ظلم و جبر کے خلاف عَلَمِ بغاوت بلند کیا تھا ، اسی طرح ہم بھی آپ کی سنت پر چلتے ہوئے ظلم و جبر کے خلاف آواز اٹھائیں گے، لبیک یا رسولؐ اللہ یعنی اے رسول ؐ جو جو آپ نے حکم دیا مانیں گے ، جس سے منع کیا رک جائیں گے، انہوں نے کہا کہ آج کی یہ ریلی شیعہ سنی وحدت کا عملی ثبوت ، آج کوئی شیعہ نہیں ، کوئی سنی نہیں بلکہ دومیل سے لیکر چکوٹھی تک جو بھی شامل ہوا عاشق مصطفےٰ ؐ بن کر شامل ہوا، آج دنیاوی سیاست ہار گئی ، عشق محمد ؐ نے حبیب خدا کے عاشقان کے دلوں میں گھر کر لیا ، آج دومیل سے چکوٹھی تک ایک صدا جو فضا میں موجود تھی وہ لبیک یا رسول ؐ اللہ و لبیک یا حسین ؑ کے نعروں کی صدا تھی۔
انہوں نے کہا کہ ہمارا یوں اکٹھا ہونا تکفیریت کے منہ پر تمانچہ ہے،آج ہم یہ کہنے میں حق بجانب ہیں کہ شیعہ سنی ساتھ ساتھ ہیں تکفیری خالی ہاتھ ہیں، ہم اس پلیٹ فارم سے لائن آف کنٹرول پر آ کر مقبوضہ کشمیر کے محکوم و مظلوم عوام کو یہ پیغام دینے آئے ہیں کہ تم سب لبیک یا رسولؐ اللہ و لبیک یا حسین ؑ کی طاقت لیکر اٹھو ہم بھی اٹھیں گے اور تب وہ وقت دور نہیں کہ جب ہم ملکر میلاد منائیں گے، ہم اس پلیٹ فارم سے دہشت گردوں کی مذمت بھی کرنے آئے ہیں کہ ہمارے نبیؐ تو رحمت تھے تم تو ظلمت ہو، ہمارے نبی ؐ تو عادل تھے ، تم ظالم ہو ، ہمارے نبی ؐ کا جہانوں کی رحمت تم تو سفاک درندے ہو، تمہارے لیئے شیعہ سنی مسلمانوں کے درمیاں کوئی جگہ نہیں ، تمہارا مقصد کہ یہ لڑ پڑیں ، ایک دوسرے کے خون کے درپے ہو جائیں آؤ آج دیکھو ہم ہاتھوں میں ہاتھ ڈالے کھڑے ہیں ، تم تو استعمار و طاغوت کے کارندے ہو ، تمہارا دین محمدؐی سے کوئی تعلق نہیں ، علامہ سید تصور جوادی نے کہا کہ ہم میلاد بھی منائیں گے ، غم بھی منائیں گے، دہشت گرد ہمارے راستے کی دیوار نہیں بن سکتے ، ہم ایک ہو کر ان کا مقابلہ کریں گے، انہیں اپنے مذموم مقاصد میں کامیاب نہیں ہونے دیں گے، چاہے اس کے لیئے ہمیں اپنا خون ہی کیوں نہ دینا پڑے ، ہم شیعہ سنی وحدت سے دہشت گردوں کے خواب چکناچور کر دیں گے، تمہارے خاتمے تک ہم چین سے نہیں بیٹھیں گے، علامہ تصور جوادی نے مذید کہا کہ کشمیر کے ہر شیعہ کشمیری سنیوں کے ساتھ ملکر میلاد منائے گا جلوسوں میں بھرپور شرکت کرے گا۔ محرم کے جلوسوں کو روکنے والے میلاد رسول ؐ کے جلوسوں کو بھی بدعت کہنے لگے ، لیکن یہ ہمارا قانونی و شرعی حق ہے جس سے ہم کسی صورت دستبردار نہیں ہوں گے ، ہمارے نبی کا پیغام امن کا پیغام ہے جو گھر گھر پھیلائیں گے ، جھنڈا امن کا جھنڈا گھر گھر لہرائیں گے ، طالبان و داعش جو بے گناہوں کے گلے کاٹتے ہیں ، جو مسجدوں میں دھماکے کرتے ہیں ، جو ہمارے جلتے ہوئے چراغوں کو بجھاتے ہیں وہ کیا میلاد رکوائیں گے ، ہم جس رسول ؐ کا کلمہ پڑھتے ہیں اسی رسول ؐ کے پرچم تلے ایک ہو کر میلاد بھی منائیں گے ،محرم بھی منائیں گے ، ذکر محمد ؐ و آل ؑ محمد ؐ سے فضا معطر رہے گی، یعنی درود ہی درود ہو گا ، بارود کا نام نشان نہ ہو گا۔
علامہ راجہ ناصرعباس جعفری کی دوسہرہ چوک میں نادرا آفس کے قریب ہونے والے دھماکے کی سخت الفاظ میں مذمت
وحدت نیوز (لاہور) مجلس وحدت مسلمین پاکستان کے سربراہ علامہ راجہ ناصرعباس جعفری نے مردان، دوسہرہ چوک میں نادرا آفس کے قریب ہونے والے دھماکہ کی شدید مذمت کرتے ہوئے کہا ہے کہ دہشت گردی کے خلاف جنگ کو ناکام بنانے کے لئے ملک دشمن طاقتیں سرگرم ہیں،دہشت گردوں کے سہولت کار اور سرپرستوں کی کوشش ہے کہ کسی طرح اس جنگ کو متنازعہ بنا کر ناکامی سے دوچار کرے پاکستان کی متنازعہ خارجہ پالیسی اور دفتر خارجہ کے مبہم بیانات اس بات کی واضح دلیل ہے،انہوں نے کہا کہ ہمارا ملک اس بات کامتحمل نہیں کہ ہم اغیار کی اقتدار اور مفادات کی جنگ کا حصہ بنے،دنیا میں بھر میں دہشت گردوں کے سرپرست ناکام اور رسوا ہو رہے ہیں، مشرق وسطیٰ میں جاری مفادات کی جنگ سے ہمیں دور رہنا ہو گا۔
علامہ راجہ ناصر عباس جعفری نے مردان دھماکے نتیجے میں جاں بحق ہونے والوں کی مغفرت اور زخمیوں کی جلد صحت یابی کے لئے دعا کرنت ہوئے کہا کہ معصوم لوگوں کو قتل کرنے والے درندہ صفت دہشتگردوں اور ان کے سرغناوں کو اس ملک میں امن ہضم نہیں ہورہا،دہشتگردوں کے خلاف آپریشن مذید تیز کرنا ہوگامرادان دھماکہ اس بات کی دلیل ہے کہ دہشتگرد ختم نہیں ہوئے بلکہ خاموش ہوگئے ہیں ان درندہ صفت لوگوں کے کمین گاہوں کو چن چن کر ختم کرنا ہوگا۔عوام کو جان و مال کا تحفظ فراہم کرنا صوبائی حکومت اور سیکیورٹی اداروں کا اولین فرض ہے، حکومت عوام کو تحفظ فراہم کرے،علامہ راجہ ناصر عباس جعفری نے سیالکوٹ ڈسکہ سے عالمی دہشت گرد ،،داعش،، کے کارندوں کی گرفتاری پر تشویش کا اظہار کرتے ہوئے کہا کہ پنجاب میں کالعدم دہشت گرد جماعت کے سربراہ پروٹوکول کے ساتھ مختلف مذہبی جماعتوں کے مراکز کے دوروں میں مصروف ہے،اور ان مذہبی سیاسی جماعتوں کی جانب سے ان کو ویلکم کیا جا رہا ہے،ایسے میں پنجاب سے داعش کے کارندوں کی گرفتاری کوئی حیران کن بات نہیں۔
وحدت نیوز (ملتان) مجلس وحدت مسلمین پنجاب کے ڈپٹی سیکرٹری جنرل علامہ اقتدارحسین نقوی نے کہا ہے کہ 25دسمبر کو بانی پاکستان کا روز پیدائش ہے کاش پاکستان کے حکمران قائد کی فکر اور اُن کے نظریات پر عمل کرتے تو آج پاکستان کی یہ صورتحال نہ ہوتی۔ وحدت سیکرٹریٹ میں قائد اعظم کو خراج تحسین پیش کرنے کے لیے منعقدہ تقریب سے خطاب کرتے ہوئے علامہ اقتدارنقوی نے کہا کہ آج کا پاکستان اور قائد کے پاکستان میں زمین اور آسمان کا فرق ہے، قائد اعظم نے جس عظیم مقصد کے لیے پاکستان کو بنایا تھا آج اُنہیں مقاصد کو فراموش کردیا گیا ہے۔ موجودہ حکمرانوں کا قائد کے ویژن سے کوئی تعلق نہیں، آج پاکستان کی عوام جن مشکلات کا شکار ہے قائد اعظم انہی کے حل کے لیے الگ مملکت چاہتے تھے۔ حکمرانوں کی جانب سے بلند وبانگ دعوؤں کی بجائے عملی اقدامات کی ضرورت ہے۔ اس موقع پر خطاب کرتے ہوئے علامہ قاضی نادر حسین علوی نے کہا کہ موجودہ حکمرانوں سے قائدکا پاکستان بننے کی توقع رکھنا فضول ہے۔ کل تک جو مذہبی وسیاسی رہنما قائد اعظم پر کفر کے فتوے لگارہے تھے آج وہی پاکستانی اداروں کے کرتے دھرتے بنے بیٹھے ہیں، پاکستان کو اتنا نقصان باہر نہیں پہنچا جتنا اندرونی دشمن پہنچارہے ہیں۔ اس موقع پر مجلس وحدت مسلمین کے رہنماؤں نے حضرت عیسی علیہ السلام کی ولادت کے موقع پر مسیحائی برادری کو مبارکباد پیش کی۔ تقریب سے محمد عباس صدیقی، سید وسیم عباس زیدی، مہر سخاوت علی،سید علی رضا بخاری اور دیگر نے خطاب کیا۔
وحدت نیوز (بھکر) مجلس وحدت مسلمین پاکستان کے مرکزی آفس کے مسؤل علامہ اصغرعسکری کے والد خادم حسین شہانی کی رسمِ قل خوانی ان کے آبائی گاوں جھمٹ شہانی میں ادا کر دی گئی رسم قل خوانی میں مجلس وحدت مسلمین کی شورٰی عالی کے رکن علامہ سید حسنین عباس گردیزی ، صوبائی سیکرٹری پنجاب علامہ عبد الخالق اسدی ، صوبائی مسؤل آفس برادر زاہد حسین مہدوی ، جامعۃالرضا کے استاد علامہ ڈاکٹر حسنین نادر ،جامعہ حسین شہانی بھکر کے پرنسپل مولانا فدا حسین خان، مولانا عرفان حیدر نقوی ،مولانا اقبال حسین حسنی ، مولانا قلب علی خان ،مقامی سیاسی رہنماوں عامر حیات شہانی، ایم پی اے حمید اکبر خان نوانی، سابقہ ضلعی ناظم انعام اللہ خان شہانی سابقہ صوبائی وزیر پنجاب سمیت ضلعی سیکرٹری جنرل سفیر حسین شہانی ، سابق امید وار قومی اسمبلی احسان اللہ خان سمیت ہزاروں افراد نے شرکت کی ۔شرکاء قل خوانی سے رکن شورٰی عالی علامہ سید حسنین عباس گردیزی نے موت و حیات کے فلسفہ پر تفصیل سے خطاب کیا بعد ازاں مرحوم کے بڑے بیٹے محمد اختر خان شہانی کی دستار بندی علامہ حسنین گردیزی اور مرحوم کی برادری کے بزرگان نے کی۔مجلس وحدت مسلمین کے رہنماوں نے علامہ اصغر عسکری سے ان کے مرحوم والد کے انتقال پر تعزیت پیش کی اور مرحوم کے بلندی درجات اور پسماندگان کے صبر و جمیل کے لیے دعا کی ۔
وحدت نیوز (کوئٹہ) مجلس وحدت مسلمین کوئٹہ ڈویژن کے سیکریٹری جنرل عباس علی نے اپنے ایک بیان میں نو منتخب وزیر اعلیٰ بلوچستان نواب ثناء اللہ زہری کو اپنی اور مجلس وحدت مسلمین کی جانب سے مبارکباد دیتے ہوئے کہا کہ وہ بلوچستان کی ترقی و خوشحالی کیلئے مثبت سیاسی طرز فکر کو اپنائیں گے۔ صوبے میں امن و امان کا قیام اور گڈ گورننس ان کی اولین ترجیح ہوگی ذاتی اور سیاسی مصلحتوں سے بالاتر ہوکر عوام کی خدمت کریں گے، ہم امید رکھتے ہیں کہ وہ صوبے کی غربت، پسماندگی اور محرومیوں کا ازالہ کریں گے۔ گذشتہ برسوں میں بلوچستان میں جس طرح مذہبی دہشتگردی اور ٹارگیٹ کلنگ ہوتی رہی اور بالخصوص ہزارہ قوم کے ساتھ جو ظلم ہوا اس میں ڈاکٹر مالک بلوچ کی اچھی کارکردگی کی وجہ سے کمی ہوئی ہم امید رکھتے ہیں کہ آپ ہزارہ قوم کے زخموں پر مرہم رکھیں گے اور بلوچستان سے مذہبی دہشتگردی اور ٹارگیٹ کلنگ کا خاتمہ کریں گے۔ڈاکٹر مالک بلوچ ڈھائی سالہ کاکردگی بہت اچھی رہی۔ ہم نواب صاحب سے امید رکھتے ہیں ک وہ بھی اسی کارکردگی کا مظاہرہ کریں گے، یہ خوش آئند عمل ہے کہ مری معاہدے پر عملدرآمد ہوا اور انتقال اقتدار احسن طریقے سے ہوا ، جس پر بلوچستان کی سیاسی جماعتیں مبارکباد کے مستحق ہیں۔ ہم محترمہ راحیلہ درانی کو پہلی خاتون اسپیکر منتخب ہونے پر مبارکباد پیش کرتے ہیں اور امید رکھتے ہیں کہ آپ سب چیزوں پر اس ایوان کو ترجیح دیں گے۔ اس کے تقدس اور اس کے فیصلوں پر عملدرآمد کو یقینی بنائیں گی اور بلوچستان کی قبائلی اور جمہوری روایات کی پاسداری کرتے ہوئے ایوان کو چلائیں گی۔ توقع رکھتے ہیں کہ آپ حکومت اور اپوزیشن سب کو ساتھ لے کر چلیں گی اور ایک نئی روایت کی داغ بیل ڈالیں گی۔
وحدت نیوز (اسلام آباد) ملک بھر میں مجلس وحدت مسلمین پاکستان کے زیر اہتمام عید میلادالنبی ﷺ کے جلوسوں کا بھر پور استقبال،گل پاشی درو سلام اور لبیک یارسول اللہ کے فلک شگاف نعرے،اتحاد بین المسلمین کا فقیدالمثال مظاہرہ،وفاقی دارالحکومت اسلام آباد سمیت چاروں صوبوں آزاد کشمیر اور گلگت بلتستان کے چھوٹے بڑ ے شہروں ، قصبوں، دیہاتوں میں ملت جعفریہ سے تعلق رکھنے والے افراد علمائے کرام اور عمائدین نے برادران اہلسنت کے زیر اہتمام میلاد مبارک کے جلوسوں میں بھر شرکت ،جگہ جگہ استقبال سینکڑوں جہگوں پر سبیلوں اور نیاز کا اہتمام کر کے اتحاد ویکجہتی فقید المثال عملی نمونہ پیش کیا،اسلام آباد میں مرکزی جلوس میلاد النبی ﷺکے استقبال کیلئے ایم ڈبلیوایم نے کیمپ اور سبیل کا اہتمام کیا، مرکزی رہنما علامہ اعجاز بہشتی نے شرکائے جلوس کو خوش آمدید کہا، راولپنڈی میں علامہ ساجد شیرازی نے اہل سنت برادران کے جلوس میلاد النبی ﷺکااستقبال کیا،لاہور میں موچی دروازہ پر ایم ڈبلیوایم کے زیراہتمام جلوس میلاد النبیﷺکیلئے استقبالیہ کیمپ اور سبیل کا اہتمام کیا گیا، اس موقع پر ایم ڈبلیوایم رہنما علامہ اقبال کامرانی، فصاحت حسین، عمران زیدی،رائے ماجدعلی ،نقی مہدی ودیگرموجودتھے، مجلس وحدت مسلمین پاکستان کے سربراہ علامہ راجہ ناصر عباس جعفری نے پیغمبر اعظم ﷺ کی یوم ولادت کے مناسبت سے ملک بھر میں 12 ربیع الاول سے 17 ربیع الاول تک ہفتہ وحدت منانے کا اعلان بھی کیا ہے جس کی پر نور محافلوں کا آغازکر دیا گیا۔
علامہ ناصر عباس جعفری نے عید میلاد النبی ﷺ پر امت مسلمہ و عالم بشریت کو مبارکباد اور اپنے تہنیتی پیغام میں کہا کہ سرورکائنات رحمت للعالمین کی ذات اقدس ہی مسلم امہ کے درمیان مرکزی وحدت ہے عید میلادالنبی ﷺ کے جلوسوں میں جس اتحاد و یگانگت کے ساتھ شیعہ سنی عوام شریک ہوئے اس سے بخوبی اس بات کا انداز لگا یا جا سکتا ہے کہ پاکستان میں شیعہ سنی یک جان اور متحد ہیں،نفرت اور دہشت گردی پھیلانے والوں کا دونوں مکتب سے کوئی تعلق نہیں،ماہ ربیع الاول کے اس بابرکت ایام میں جس عملی وحدت کا مظاہرہ دیکھنے آیا یہ اس بات کی واضح دلیل ہے کہ فرقہ پرستوں کے ناپاک عزائم خاک میں مل گئے ہیں،دہشت گرد دراصل ملک میں فرقہ واریت کو ہوا دے کر مسلمانوں کو آپس میں دست و گریبان کرکے ملکی سالمیت کو نقصان پہنچانا چاہتے ہیں۔انہوں نے کہا مملکت خداداد پاکستان کے حکمران اور سیاست دان اگر رسول اعظم ﷺ کے اسوہ حسنہ پر عمل کرے تو ملک کو درپیش مشکلات اور دہشت گردی جیسے عفریت سے مکمل چھٹکارہ ممکن ہے،بدقسمتی سے ہمارے حکمران اسوہ حسنہ کو بھلا کر فرعونیت کے راستے پر چل نکلے ہیں،عوام کی جان مال کی تحفظ سے ان کو کوئی سروکار نہیں،بادشاہانہ طرز زندگی گزارنے والے حکمران کبھی بھی غریبوں کا خیرخواہ نہیں ہوسکتے،گذشتہ روز سندھ میں حکمران جماعت کے لاڈلے چیئرمین کی پروٹوکول نے ایک معصوم غریب کی بیٹی جان سے ہاتھ دھو بیٹھی،کیا میرے رسول ﷺ کے امتی حکمران ایسے ہوتے ہیں،عوام کے خون پسینے کی کمائی پر ٹیکس سے حاصل کردہ آمدنی پر حق اس قوم کے غریب عوام کا ہے،بدقسمتی سے اس ملک میں اشرافیہ اور دو خاندانوں پر مشتمل مورثی سیاست دان اقتدار پر قابض ہے،جن کو غریبوں اور مطلوم عوام کے مفاد سے کوئی سروکار نہیں،آج کے دن ہمیں عہد کرنا چاہیئے کہ مادر وطن کو توانا اور مستحکم کرنے کے لئے اس سرمایہ دارانہ نظام کی تبدیلی میں اپنا کردار ادا کرنا ہوگا،تاکہ نبی رحمتﷺ کے بتائے ہوئے اصولوں کے مطابق ہم اپنی زندگیاں گزار سکیں۔
دریں اثناء جشن میلاد النبی پر مجلس وحدت مسلمین کی جانب سے 50سے زائد شہروں میں ایک ہزارمقامات پر استقبالیہ کیمپ و سبیلیں لگائی گئیں ،کراچی میں نمائش چورنگی ،بلدیہ ٹاؤن،مارٹن روڈ،ایف سی ایریا،انچولی،نیو کراچی،گلشن اقبال،گلستان جوہر،ڈرگ کالونی،شاہ فیصل ،ملیر جعفر طیار سائٹی،لانڈھی ،کورنگی،اسٹیل ٹاؤن سمیت مختلف جہگوں پر مجلس وحدت مسلمین کراچی کے عہدیداران اور علمائے کرام نے جلوس ہائے میلاد مبار ک کا استقبالیہ کیمپ، سبیلیں لگائی گئی اور دن بھر جلوسوں میں شریک رہے ،مجلس وحدت مسلمین کراچی کی جانب سے مرکزی جلو س جشن ولادت با سعادت سرور کائنات ﷺ نشتر پارک کے شرکاء کیلئے استقبالیہ کیمپ و سبیل لگائی گئی جس میں ایم ڈبلیو ایم کراچی کے سیکر ٹری جنرل حسن ہاشمی بشمول مولانا صادق جعفری ،مولانا احسان دانش،علامہ مبشر حسن،علامہ علی انور،علی حسین نقوی،ڈاکٹر مدثر حسین ،ناصر حسینی،رضوان پنجوانی،روح اللہ مجلسی،سمیت کارکنان کی بڑی تعداد موجود تھی۔
ضلع ملیرکراچی میں عید میلاد النبیﷺکے موقع پر مرکزی سبیل اور استقبالیہ کیمپ نادعلی اسکوائرپر لگایا گیا،مجلس وحدت مسلمین اوردیگر ملی تنظیمات کی جانب سے لگائی گئی اس سبیل میں علمائے کرام ، شیعہ سنی نعت خواں حضرات نے بھر پور شرکت کی، شرکائے جلوس پر گلپاشی کی گئی، جبکہ تمام شرکائے جلوس کی گیارہ اور بارہ ربیع الاول کو چائے اور سبیل سے تواضع کی گئی۔
اندرون سندھ حیدرآباد،نوابشاہ، ٹنڈومحمد خان،بدین، ماتلی، شہداد کوٹ، مورو،شکارپور،لاڑکانہ،سکھر،دادو،کشموراوردیگراضلاع میں بھی جشن عید میلاد النبیﷺکے موقع پرمجلس وحدت مسلمین کی جانب سے استقبالیہ کیمپس اور سبیلیں لگائی گئیں ،جگہ جگہ شرکائے جلوس پر پھولوں کی پتیاں نچھاور کی گئیں ،جبکہ شربت اورچائے سے شرکاءسے کی تواضع کی گئی۔
ضلع علی پور میں عالمی یومِ میلاد مصطفیٰ (ص) کے سلسلہ میں برادران اہل سنت کا مرکزی جلوس بہادر والی مسجد سے نکالا گیا جس کا مجلس وحدت مسلمین پاکستان ضلع علی پور کی طرف سے امام بارگاہ مہاجرین کے سامنے استقبال کیا گیا اس موقعہ پر مجلس وحدت مسلمین کے سینکڑوں کارکن اور مقامی راہنماء جن میں ضلعی سیکرٹری جنرل سید اعجاز حسین شاہ ، سابق امید وار قومی اسمبلی سید محمد حسن زیدی ، مقامی ایم پی اے سید سبطین رضا نقوی بھی موجودتھے ۔استقبالی شرکاء نے میلا د النبی کے جلو س کے شرکاء کے گلے میں ہار ڈالے اور پھولوں کی پتیاں نچھاور کیں اس موقع پر اہل سنت کے نامور عالم دین صاحبزادہ معین الدین صاحب نے شرکاء سے خطاب کیا او رشیعہ سنی اتحاد کے اس عظیم مظاہرہ پر شکریہ کیا ۔ علاوہ ازیں رات گئے اہل سنت کی مشعل بردار ریلی جب امام بارگاہ مہاجرین کے سامنے آئی تو اس کی سوپ اور چائے سے پزیرائی کی گئی ۔
ضلع قصور میں مجلس وحدت مسلمین پاکستان کے زیر اہتمام میلاد النبی ﷺ ریلی امام بارگاہ حسینیہ سے صوبائی سیکرٹری امور جوانان سید علی عمران نقوی ضلعی سیکرٹری علی حسین شمسی ، جی ایچ حیات اور مولانا سید اعجاز حسین رضوی کی زیر قیادت نکالی گئی جو بعد میں اہل سنت کی مرکزی ریلی سے مل گئی ریلی سے سید اعجاز حسین رضوی نے سیرت نبی اور اتحاد بین المسلمین کے حوالے سے خطاب کیا انہوں نے خطاب میں کہا کہ آج عالم اسلام کو آپس میں اتحاد کی اشد ضرورت ہے اور سیرت نبوی اس کی علمبردار ہے ۔
مجلس وحدت مسلمین ضلع سرگودھا کے زیر اہتمام امام بارگاہ مقام حیات سے موٹر سائیکل ریلی نکالی گئی جو کہ مختلف شاہراوں اور مقامات امام بارگاہ 7بلاک سے گشت کرتی ہوئی اہل سنت کے مرکزی جلوس میلاد میں شامل ہو گئی شرکاء جلوس کے لئے مجلس وحدت کے زیر اہتمام سبیل لگائی گئی اور شرکاء جلوس پر پھول نچھاورکئے گئے شرکاء استقبالیہ سے مولانا سید عمران شاہ نے خطاب کیا۔
مجلس وحدت مسلمین ضلع میانوالی کے زیر اہتمام ضلع میں تین مقامات مٹھا سادات، ٹبہ شاہ ، میر شاہ والی تحصیل عیسیٰ خیل میں میلاد النبی ﷺ کے جلوس کے راستے میں استقبالیہ کیمپ لگائے گئے جن کی قیادت سید ضمیر الحسن نقوی اور سید زاہد حسین نقوی نے کی شرکا اجلاس کی بڑی تعداد نے میلاد النبی اور وحدت کے حوالے سے نعرہ بازی کی ۔
ضلع میں مجلس وحدت مسلمین پاکستان کے وفد نے ضلعی سیکرٹری جنرل سفیر عباس شہانی ایڈووکیٹ کی قیادت میں جامع فرید سے کنگزگیٹ تک ریلی نکالی گئی ،جس کا اہل سنت شرکاء نے بھرپور خیر مقدم کیا اور شیعہ سنی اتحاد کے حوالے سے نعرے بازی کی گئی اور مجلس وحدت مسلمین ضلع بھکر کی مقامی قیادت نے بھر پور شرکت کی ۔
مجلس وحدت مسلمین ضلع فیصل آباد میں شہر بھر میں مختلف مقامات پر استقبالی کیمپ لگائے گئے جن میں ضلعی سیکرٹری جنرل ڈاکٹر سید افتخار حسین نقوی کی قیادت میں امام بارگاہ حیدریہ امیں پور بازار میں لگایا گیا جس میں مقامی شیعہ رہنما علامہ احسان جعفری ڈپٹی سیکرٹری جنرل علامہ اسماعیل عابدی ، سید شاہد عباس شاہ ، دلاور عباس خان ، سید علمدار حسین شمسی ، سید سیرت عباس ، سید وسیم عمران اور حسین شیرازی ، مقامی ماتمی سنگتوں اور انتظامیہ کے سینکڑوں کارکنان نے شرکت کی ، شرکاء استقبالیہ کیمپ نے میلاد النبی کے مرکزی جلوس کا استقبال کیا اور شیعہ سنی اتحاداور یگانگت کے لئے جدو جہد جاری رکھنے کا عزم کیا ۔شرکا ء ریلی سے ضلعی سیکرٹری جنرل ڈاکٹر افتخار حسین نقوی نے بھی خطاب کیا۔
مجلس وحدت مسلمین ضلع چنیوٹ میں مختلف مقامات پر استقبالیہ کیمپ لگائے جن میں مرکزی کیمپ علاقہ سانگرہ سادات میں لگایا گیا جس میں علاقہ ٹھٹھی بالہ راجہ ، یاریکے ، جوئیاں شریف ،سے آنے والے میلاد النبی کے مرکزی جلوسوں کا استقبال کیا گیا ۔شرکاء جلوس سے صوبائی سیکرٹری سیاسیات سید اخلاق الحسن بخاری نے کہا کہ امام خمینی نے 12سے 17ربیع الااول کو عالم اسلام کے باہمی اتحاد و یگانگت کو فروغ دینے کیلئے ہفتہ وحدت منانے کا اعلان کر کے شیعہ سنی اتحاد کے دشمنوں کے عزائم کو خاک میں ملا دیا۔انہوں نے کہا کہ شیعہ او ر سنی اسلام کے چہرے کی دو آنکھیں ہیں ۔
ضلع شیخوپورہ میں مجلس وحدت مسلمین او راہل سنت کی مشترکہ ریلی کربلا امامیہ کالونی سے نکالی گئی جو کہ امامیہ کالونی کی مختلف گلیوں اور چوراہوں سے ہوتی ہوئی مرکزی جامعہ مسجد میں آکر اختتام پذیر ہوئی ریلی کی قیادت ضلع سیکرٹری جنرل سید حسین رضا کاظمی نو منتخب کونسلر سید حسنین رضا کاظمی امامیہ اسٹوڈنٹس کے صدر ناظم نقوی نے کی اس کے علاوہ حیدر رضوی ، آغا جعفر ، سبط حسین اور مقامی شیعہ رہنماوں سید شبیر حسین شاہ ، آغا مصطفی حسن نے شرکت کی جبکہ اہل سنت قائدین قاری احسان گلزار ، رانا محمد اسلم ، چاچا یونس ، مشتاق ، مغیث اسلم نے شرکت کی شرکا ء سریلی نے شیعہ سنی اتحاد وحدت اور مل کر کام کرنے پر اتفاق کیا۔
مجلس وحدت مسلمین پاکستان تحصیل ٹوبہ ٹیک سنگھ کے زیر اہتمام سیکرٹری جنرل رانا نعیم عباس کی قیادت میں مرکزی امام بارگاہ جھنگ روڈ میں مرکزی جلوس میلاد النبی کے استقبال کیلئے کیمپ لگایا گیا جس میں مقامی شیعہ راہنماوں ماتمی سنگتوں اور کارکنوں کی بڑی تعداد نے شرکت کی شرکاء استقبالیہ کیمپ نے جب جلوس مرکزی امام بارگاہ کے سامنے سے گزراتو پھولوں کی پتیاں نچھاور کی گئیں اس موقع پر علامہ ہدایت حسین ہدائتی صاحب ،مولانا محمد حسین جعفری ، سابق سیکرٹری جنرل رانا شاہد علی خان اور رضوان حیدر موجود تھے ۔اس کے علاوہ کمالیہ ، گوجرہ رجانہ پیر محل جھکڑ میں بھی استقبالی کیمپ لگائے گئے ۔
ضلع گجرانوالہ میں مجلس وحدت مسلمین پاکستان کے زیر اہتمام مرکزی سیکرٹری جنرل علامہ راجہ ناصر عباس جعفری کی کال پر ہفتہ وحدت کے سلسلہ میں مرکزی میلاد النبی ریلی کا استقبال مسجد حیدریہ میں کیا گیا اس موقعہ پر ضلعی سیکرٹری جنرل چوہدری مشتاق حسین ورک مولانا عابد حسین عابدی سید اظہر حسین شاہ سید رضوان حسین شاہ سید اعجاز حسین شاہ اور سینکڑوں کارکنان موجود تھے ۔ریلی میں شرکاء نے شیعہ سنی اتحاد و وحدت کے حوالے سے نعرہ بازی کی ۔
ضلع سیالکوٹ میں مجلس وحدت مسلمین پاکستان کی کال پر ہفتہ وحدت کے سلسلہ میں مرکزی میلاد ریلی کے استقبال کے لئے علامہ اقبال چوک میں سیالکوٹ کے ضلعی سیکرٹری جنرل آغا قیصر نواز ، صوبائی سیکرٹری تحفظ عزاداری سجاد بیگ ایڈووکیٹ سید ثقلین قمر محمد یونس کی سرپرستی میں کیمپ لگا یا گیا جس میں مقامی ماتمی سنگتوں اور انجمنوں کے عہدیداران اور کارکنوں کی بڑی تعداد نے شرکت کی ۔دوسرا کیمپ امام بارگاہ کنٹونمنٹ میں تحصیل سیکرٹری جنرل سید کوثر عباس نقوی کی سربراہی میں لگایا گیا یہاں بھی شرکا جلوس پر پھولوں کی پتیاں نچھاور کی گئیں اور اتحاد و وحدت کے نعرے بلند کئے گئے ۔
مجلس وحدت مسلمین ضلع وہاڑی کے زیر اہتمام تحصیل بوریوالہ میں استقبالہ کیمپ گول چوک بوریوالہ میں لگا یا گیا جہاں انجمن تاجران بوریوالہ ، امن کمیٹی ، انجمن حیدر رجسٹرد نے خصوصی طور پر کیمپ کا دورہ کیا اس موقعہ پر چوہدری علی عابد اور ملک تنویر احمد بھٹہ نے خطاب کیا اس موقعہ شرکاء کے لیئے لنگر کا اہتمام کیا گیا ۔
علاوہ ازیں میلسی میں ریلوے چوک میں کیمپ لگایا گیا جس میں ضلعی کابینہ سمیت سینکڑوں کارکنوں نے شرکت کی ۔
ضلع اوکاڑہ میں مجلس وحدت مسلمین پاکستان کی کال پر مرکزی میلاد النبی ریلیوں میں شرکت کی گئی تفصیلات کے مطابق ضلع اوکاڑ ہ کی مرکزی میلاد النبی ریلی جو کہ غوثیہ چوک سے نکلتی سے میں تحصیل سیکرٹری جنرل اوکاڑہ سید سجاد حسین زیدی کی قیادت میں وفد نے شرکت کی جبکہ تحصیل دیپالپور میں محلہ گیلانیہ سید زاہد حسین گیلانی کے ڈیرہ سے نکلنے والی مرکزی ریلی میں ضلعی سیکرٹری جنرل سید انوار الحسن زیدی کی قیادت میں سید راحت حسین زیدی ، رائے امین ، نصیر حسین کھرل ، اور سینکڑوں کارکنان نے شرکت کی ۔
