وحدت نیوز(سکردو) سندس کے لیے رکھی گئی کیپٹن حسن لنک روڈ کا باقاعدہ افتتاح حجت الاسلام شیخ نثار حسین اور بلتستان کے معروف محقق ، ادیب، دانشور اور سماجی شخصیت جناب محمد حسن حسرت نے اپنے دست مبارک سے کیا۔

 اس موقع پر اپوزیشن لیڈر گلگت بلتستان اسمبلی و پارلیمانی لیڈر مجلس وحدت مسلمین گلگت بلتستان محمد کاظم میثم،حاجی عباس، چئیرمین سخاوت، حاجی نذیر، حاجی تقی، حاجی بشیر، ڈاکٹر شکیل، وزیر الیاس سمیت علاقے کے سرکردگان عمائدین اور جوانوں کی بڑی تعداد موجود تھی۔ یہ عوام کا دیرینہ مطالبہ تھا۔ جس کے حل پر عمائدین علاقہ نے اپوزیشن لیڈر کا شکریہ ادا کیا گیا۔

وحدت نیوز(نجف اشرف) مرکزی سیکریٹری امور خارجہ ایم ڈبلیو ایم حجتہ الاسلام ڈاکٹر سید شفقت حسین شیرازی کی فرزند ارجمند آیت اللہ العظمی حافظ شیخ بشیر حسین نجفی دام ظلہ جناب حجتہ الاسلام والمسلمین شیخ علی نجفی سے ملاقات جس میں انکے پدر بزرگوار کے کامیاب آپریشن اور صحت کے متعلق احوال پرسی کی اور چیئرمین ایم ڈبلیو ایم کی طرف سے نیک خواہشات کا پیغام پہنچایا۔

تفصیلات کے مطابق سربراہ مجلس علماء امامیہ پاکستان اور مجلس وحدت مسلمین پاکستان کے سیکرٹری امور خارجہ حجتہ الاسلام والمسلمین ڈاکٹر سید شفقت حسین شیرازی کی اپنے حالیہ دورہ عراق کے دوران نجف اشرف میں دفتر آیت اللہ شیخ حافظ بشیر حسین نجفی کے سربراہ اور انکے فرزند ارجمند حجتہ الاسلام والمسلمین شیخ علی نجفی سے ایم ڈبلیو ایم شعبہ نجف اشرف کے صدر حجتہ الاسلام مولانا سید عون موسوی کے ہمراہ ملاقات۔

ملاقات میں سیکریٹری امور خارجہ نے مولانا شیخ علی نجفی سے انکے والد گرامی کی ناسازگی صحت کے بارے میں دریافت کیا اور چیئرمین مجلس وحدت مسلمین پاکستان حجتہ الاسلام والمسلمین علامہ راجہ ناصر عباس جعفری کی طرف سے آیت اللہ شیخ بشیر حسین نجفی کی جلد صحتیابی کیلئے نیک خواہشات کا پیغام پہنچایا گیا۔

علاوہ ازیں ملاقات میں پاکستان کے قومی و ملی مسائل زیر بحث آئے۔ سیکریٹری امور خارجہ کی طرف سے ملک و ملت کی خاطر مجلس وحدت مسلمین کے مواقف و کردار اور فعالیت و خدمات کے حوالے سے تفصیلات بیان کی گئیں۔

وحدت نیوز(سکردو) متحدہ اپوزیشن جی بی اسمبلی ممبران کی قائد حزب اختلاف ومجلس وحدت مسلمین کے پارلیمانی لیڈر کاظم میثم کی سربراہی میں آل پارٹیز کوآرڈینیشن کمیٹی کے صدر غلام حسین اطہر اور دیگر رہنماوں کے ساتھ اہم بیٹھک ہوئی۔ اس موقع پراپوزیشن ممبران جاوید منوا، وزیر سلیم، راجہ زکریا، ایوب وزیری و دیگر موجود تھے، آل پارٹیز کوآرڈینیشن کمیٹی نے اپوزیشن ممبران کو گلگت بلتستان اسمبلی میں گندم ایشو پر سخت موقف اپنانے پر سراہا۔ اس موقع پر گلگت بلتستان کی مجموعی صورتحال پر تبادلہ خیال کیا گیا۔

 اپوزیشن ممبران نے گندم سبسڈی کے حوالے سے جاری تحریک کی بھرپور حمایت کا اعلان کیا اور واضح کیا کہ صوبائی حکومت اپنے عوام پر دباؤ ڈالنے کی بجائے وفاق پر دباؤ ڈالتی تو یہ مسئلہ اب تک حل ہو چکا ہوتا۔ عوامی حقوق کے لیے چلنے والی تحریکوں کو مختلف تقسیمات کے ذریعے سبوتاژ کرنے کی کوشش ہوگی جسے یہاں کے عوام کسی صورت کامیاب ہونے نہیں یونے دینگے۔
 
 متحدہ اپوزیشن نے کہا کہ حکومتی اراکین اب بھی گندم ایشیو پر یکجا نہیں ہیں۔ حکومتی پارٹی کے کچھ افراد اضافے پر بضد ہیں جبکہ چند رہنما اسکی مخالفت کر رہے ہیں۔ وزیراعظم پاکستان نے وزیراعلی کو چار ارب روپے گندم کی مد گرانٹ دینے کی یقین دہانی کرائی تھی لیکن یہ حکومت اسے بھی فالو کرنے کو تیار نہیں۔ حکومت اپنے حصے کی ذمہ داری تک ادا کرنے کو تیار نہیں۔ آل پارٹیز کوآرڈینیشن کمیٹی کے سربراہ نے اپوزیشن ممبران کو یقین دلایا کہ عوامی حقوق کے لیے میدان میں نکلے ہیں اور اسے حل کرکے دم لیں گے۔

وحدت نیوز(دادو)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے کہا مغربی تہذیب نے عورت کے حقوق کا نعرہ لگا کر عریاں تہذیب اور فحاشی کو فروغ دیا، جو عورت اور انسانیت کے ساتھ ظلم کے مترادف ہے۔ ان خیالات کا اظہار انہوں نے حیدری امام بارگاہ میہڑ ضلع دادو میں ایام فاطمیہ کی مناسبت سے منعقدہ سالانہ مجلس عزاء سے خطاب کرتے ہوئے کیا۔

 اس موقع پر علامہ مقصود ڈومکی نے کہا کہ سیدہ کائنات صدیقہ الکبریٰ حضرت فاطمہ الزہراء سلام اللہ علیہا بضعہ منی ہونے کے باعث جزو رسالت اور مرکز ہدایت ہیں۔ سیدہ النساء العالمین کی مظلومیت کا اندازہ آپ علیہا السلام کے اس دردناک جملے سے لگایا جا سکتا ہے جس میں آپ نے ارشاد فرمایا "مجھ پر وہ مصائب ٹوٹے کہ اگر وہ دنوں پر پڑتے تو دن سیاہ راتوں میں بدل جاتے۔"

علامہ مقصود ڈومکی نے کہا کہ رسول اللہ صلی اللہ علیہ وآلہ وسلم کی اکلوتی بیٹی سیدہ نساء اہل الجنت کی مظلومانہ شہادت، وصیت اور رات کے اندھیرے میں تدفین عالم انسانیت کے لئے بہت سارے سوالات چھوڑ گئی۔ وہ مظلومیت جو ہر باضمیر اور با شعور انسان کو تڑپا دیتی ہے۔ انہوں نے کہا کہ دین اسلام خواتین کے حقوق کا علمبردار ہے، پیغمبر اسلام صلی اللہ علیہ وآلہ وسلم نے بیٹی کو رحمت قرار دیا اور خواتین کے لئے حصول علم کو فرض قرار دیا۔ دین اسلام خواتین کے حقوق کا علمبردار ہے، مگر فحاشی اور عریانی کا مخالف ہے۔ مغربی تہذیب نے عورت کے حقوق کا نعرہ لگا کر عریاں تہذیب اور فحاشی کو فروغ دیا، جو عورت اور انسانیت کے ساتھ ظلم کے مترادف ہے۔ مسلم خواتین کو مغربی ثقافتی یلغار کے مقابلے کے لئے سیرت سیدہ فاطمہ الزہراء سلام اللہ علیہا کو اپنانا چاہیے۔