وحدت نیوز(کراچی) مجلس وحدت مسلمین صوبہ سندھ کی کابینہ کا اجلاس وحدت ہاوس سولجز بازار میں علامہ مختار امامی زیر صدارت منعقد ہوا جلاس سے خطاب کرتے ہوئے صوبائی سیکرٹری جنرل علامہ مختار امامی نے خطاب کرتے ہوئے کہا کہ ایم ڈبلیو ایم کی جانب سے شہید قائدعلامہ عارف حسینی کی ستائیسویں برسی بھر پور جوش وجذبے اور عقیدت واحترام سے منائی جائے گی اس سلسلے میں سندھ بھر میں بیداری امت و استحکام پاکستان کے عنوان سے دعائیہ مجالس اور سمینارز منعقد کیے جائے گئے ،انہوں نے کہاکہ شہید عارف حسین الحسینی کی شخصیت صرف فقہ جعفریہ نہیں بلکہ پوری مسلم دنیا کے لئے ایک مثال ہے۔ انہوں نے ساری زندگی طاغوتی طاقتوں کے خلاف جدو جہد کی اور اتحاد بین المسلمین کے لئے اپنی جان دے دی۔ انہوں نے کہاکہ اس تقریب کا عنوان بیداری امت و استحکام پاکستان رکھنے کا مقصد یہ ہے کہ ملک اور امت کو درپیش مسائل سے نکالنے کے لئے شہید عارف حسین الحسینی کی زندگی کو اپنانا ہوگا،شہید نے اپنی مختصر زندگی میں مسلم امہ کے لئے بے پناہ خدمات سرانجام دیں یہی وجہ ہے کہ اپنے ہوں یا پرائے سب ان کی تعریف کیے بغیر نہیں رہ سکتے ،علامہ مختار امامی کا کہنا تھاکہ اس تقریب میں نہ صرف سید عارف حسین الحسینی کی زندگی پر روشنی ڈالی جائے گی بلکہ پاکستان کو درپیش موجودہ مسائل اور آپریشن ضرب عضب اور ملک دشمن دہشت گردوں کے ہاتھوں بربریت کا نشانہ بننے والے شہدائے پاکستان کو بھی خراج عقیدت پیش کریں گے۔ انہوں نے کہاکہ عارف حسینی صرف ایک مذہبی رہنما کا نام نہیں بلکہ ایک سوچ اور فکر کا نام ہے جو کہ آج بھی زندہ ہے ،شہید نے نہ صرف داخلی چیلنجز کا مقابلہ کرنے کے لئے اپنی جدو جہد جاری رکھی بلکہ بین الاقومی سطح پر پاکستان کے حقیقی دشمنوں کیخلاف بھی آواز بلند کرتے رہے، انہوں نے کہاکہ علامہ عارف عارف الحسینی نے سب سے پہلے مسئلہ فلسطین ہو یا روس کا افغانستان پر قبضہ عالمی سطح پر بھر پور احتجاج کیا اور باقی تمام جماعتوں کو قائل کرکے ان کی حمایت حاصل کی ،آج کے مسائل سے نکلنے کے لئے بھی اس وقت قوم کو ایسی قیادت کی ضرورت ہے۔ ،اجلاس میں عالم کربلائی ،علامہ عبداللہ مطہری،مولانا نشان حیدر ساجدی ،آصف صفوی ،شفقت لنگا،حیدر زیدی،امتیاز شاہ بخاری ،ناصر حسین سمیت دیگر رہنماوں نے شرکت کی۔

وحدت نیوز (کراچی) مجلس وحدت مسلمین صوبہ سندھ کے ڈپٹی سیکریٹری جنرل عالم کربلائی نے معروف عالم دین اور خطیب مسجد باب العلم علامہ سید شہنشاہ حسین نقوی سے انکی رہائش گاہ پر ملاقات کی اور ان کی اہلیہ محترمہ کے انتقال پر ملال پر تعزیت اور دلی ہمدردی کا اظہار کیا، عالم کربلائی نے مرحومہ کے ایصال ثواب کے لیئے فاتحہ خوانی بھی کی ۔

وحدت نیوز (کراچی) مجلس وحدت مسلمین صوبہ سندھ کے رہنماعلامہ مختار امامی عالم کربلائی ،مولانا نشان حیدر ساجدی ،عبداللہ مطہری ،امتیاز علی بخاری ،نے کہا کہ گذشتہ روز سعودی عرب کے علاقے قطیف کی مسجد امام علی میں ہونے والی دہشت گردانہ کاروئی کی شدید مذمت کرتے ہیں اور سعودی حکمرانوں کو اس دہشت گردی کا ذمہ دار سمجھتے ہیں ، سعودی عرب کے اندر قطیف اور الاحساء سمیت عوامیہ کے شہریوں کو سعودی حکومت کی جانب سے بم دھماکے کا تحفہ صرف اس لئے دیا گیا کہ انہوں نے سعودی حکومت کی جانب سے بلا جواز گرفتار کئے گئے آیت اللہ باقر النمر کی رہائی کے لئے احتجاج کیا تھا ، تو کیا احتجاج کرنا جرم ہے؟ یا اس جرم کی سزا یہ ہے کہ مسجد میں خود کش دھماکہ ہی کروا دیا جائے۔ ہم تمام مسلم ممالک سے اپیل کرتے ہیں کہ سعودی حکومت جو اپنے ملک میں ایک چھوٹی سے مسجد کی سیکورٹی کرنے میں ناکام رہی ہے وہ اس سال حج کے انتظامات کس طرح فول پروف کر سکتی ہے تاہم حج کے انتظامات کے لئے تمام مسلم ممالک کو مشترکہ طور پر انتظامات کرنے دینے چاہئیں۔واضح رہے کہ گذشتہ روز سعود ی عرب میں مسجد امام علی میں ہونے والی دہشت گردانہ کاروائی اور پاکستان کی مساجد اور امام بارگاہوں میں ہونے والی دہشت گردانہ کاروائیوں میں مماثلت پائی جاتی ہے اور گذشتہ روز ہی پشاور میں دو شیعہ مسلمانوں کو بھی ٹارگٹ کلنگ کا نشانہ بنا کر شہید کیا گیا جو کہ واضح طور پر سعودی حمایت یافتہ دہشت گردوں کی کھلی کاروائی ہے۔

وحدت نیوز (سجاول) گلگت بلتستان الیکشن کے حوالے سے مجلس وحدت مسلمین ضلع سجاول کے سیکریٹری جنرل مختیار دایو نے اپنے ایک بیان میں کہا کہ ولایت کے پیروکاروں کی سرزمین پر جیت بھی ولایت کے پیروکاروں کی ہوگی،انھوں نے شفاف الیکشن کے لئے جنرل راحیل شریف سے الیکشن کو فوج کی نگرانی میں کرنے کی بھی اپیل کی ہے، ان کا مزید کہنا تھا کہ سندھ اور پنجاب کے عوام کی بدحالی دیکھ کر گلگت بلتستان کی باشعور عوام کو زرداری-ازم اور نواز-ازم کا اندازہ ہو چکا ہے،گلگت بلتستان انتخابات میں مجلس وحدت مسلمین واضح اکثریت سے کامیاب ہو گی۔

وحدت نیوز(خیرپور)مجلس وحدت مسلمین پاکستان کے مرکزی معاون سیکریٹری سیاسیات علامہ مقصود علی ڈومکی نے ضلع خیر پور میرس کا دورہ کیا ،اس موقعہ پر انہوں نے کنب سٹی اور پیر وسان میں منعقد ہ مجالس عزا اور عوامی اجتماعات سے خطاب کیا ،انہوں نے پیر وسان پریس کلب میں ضلعی سیکریٹری جنرل منور علی جعفری کے ہمراہ پریس کانفرنس سے خطاب کرتے ہوئے کہا کہ مجلس وحدت مسلمین آئندہ بلدیاتی الیکشن میں بھر پور حصہ لے گی، بلدیاتی الیکشن کے سلسلے میں 30 مئی کو حیدرآباداور31 مئی کو کراچی اور سکھر میں مشاورتی اجلاس منعقد کیے جارہے ہیں جن میں MWMکے تنظیمی ذمہ داران کے علاوہ علماء کرام اور مختلف شخصیات شریک ہونگے ۔

انہوں نے کہا کہ نظام ولایت کے ماننے والے طاغوتی نظاموں کو چھوڑ کر نظام ولایت فقیہ کے محور پر جمع ہوجائیں ۔انہوں نے کہا کہ پاکستان میں بسنے والے پانچ کروڑشیعہ، پاک وطن کی سر بلندی اور سالمیت کے لئے اپنا بھر پور کردار ادا کرینگے ۔ اور پاک وطن کو دھشت گردی اور مسائل سے نکالنے میں اپنا مثبت کردار ادا کریں گے۔

۱۶ مئی یوم مردہ باد امریکہ و اسرائیل کے موقعہ پر انہوں نے کہا کہ اسرائیل کا وجود عالم انسانیت کے لئے خطرہ ہے ،عالمی سامراج امریکہ اور بوڑھے استعمار برطانیہ نے اسرائیلی جرائم کی سر پرستی کرکے سنگین جرم کا ارتکاب کیا ہے ،دنیا بھر کے حریت پسند عوام جلد ہی سر زمین فلسطین اور قبلہ اول بیت المقدس کی ، اسرائیلی غاصبانہ قبضے سے آزادی ، اپنی آنکھوں سے دیکھیں گے۔

وحدت نیوز(اسلام آباد)مجلس وحدت مسلمین کے سیکٹریری امور خارجہ حجۃ الاسلام والمسلمین سید شفقت شیرازی نے سانحہ صفورہ چورنگی کراچی کی مزمت کرتے ہوے کہا کہ سعودی وزیر اور امام کعبہ کے دورہ اور کالعدم تنظیموں سمیت تکفیری مدارس اور مولویوں سے ملاقات کے فورا بعد کویٹہ پشاور اور کراچی میں ایس ایس پی اور آج 50بے گناہ مسلمانوں کی شہادت انتہائی تشویشناک امر ہے  نون لیگ ایک طرف دہشت گردی کے خلاف  آپریشن کا دعوی کررہی ہے جبکہ سعودی بادشاہوں کی خوشنودی کیلے ملک بھر میں کالعدم تنظیموں اور دہشت گردوں سے ناتے جوڑی ہوئی ہے فوجی عدالتوں کے قیام اور قومی ایکشن پلان مرتب ہونے کے بعد سانحہ صفورہ چورنگی جیسے المناک سانحات سیکورٹی اداروں کی کارکردگی پر سوالیہ نشان ہے ۔

نواز شریف سعودی نوازی کرتے ہوے یمن کے مظلوم عوام پر ظلم کرنے فوج بھجنے کی باتیں کررہا ہے جبلہ اپنے ملک کی حالت روز بہ روز ناگفتہ بہ ہوتی جارہی ہے  نواز شریف کو چاہیے کہ سعودی محلات کی سیکورٹی کی فکر کرنے سے پہلے اپنے ملک کی اندرونی سیکورٹی کی فکر کریں اور دہشت گرد تنظیموں سے تعلقات ختم کرکے ملک کو بچائے ورنہ پاکستان کے شیعہ سنی مسلمان دہشت گرد تنظیموں اور مدارس سمیت انکے سیاسی ونگ نون لیگ کے خلاف اپنا لایحہ عمل طے کرنے پر مجبور ہوجاینگے۔