وحدت نیوز (اسلام آباد) مجلس وحدت مسلمین کے مرکزی سیکریٹری سیاسیات سید ناصر شیرازی نے نلترکے مقام پر ہیلی کاپٹر حادثے کے نتیجے میں قیمتی جانوں کے ضیاع پر دلی افسوس کا اظہار کرتے ہوئے اسے المناک سانحہ قرار دیا ہے۔ انہوں نے کہا کہ اس طرح کے واقعات کے سدباب کے لیے ایسے ایئرپورٹس کا قیام ضروری ہے جن پر موسمی تبدیلی اثرانداز نہ ہو۔وہ انتخابی مہم کے سلسلے میں اعلیٰ سطحی سیاسی وفد سے ملاقات کر رہے تھے۔ انہوں نے کہا کہ گلگت بلتستان میں ذرائع آمد ورفت کو معیاری اور پُر آسائش بنانا مجلس وحدت مسلمین کی ترجیحات میں شامل ہے۔ہم نے اس علاقے کی عوام کو آل ویدرایئرپورٹ کاتحفہ دینا ہے تاکہ وہ موسمی مشکلات سے بے نیاز ہو کر کسی بھی شہر کی طرف بلا خوف و خطر اپناسفر جاری رکھ سکیں۔نئے پل اور کشادہ سڑکیں تعمیر کی جائیں گی۔ یہاں کے معدنی وسائل کو بروئے کار لا کر علاقے کی ترقی و خوشحالی کے نئے سفر کی ہم نے بیناد رکھنی ہے۔انہوں نے کہا حلقہ نمبر ایک دو اور تین سے ہم نے جن امیدواروں کا اعلان کیا ہے وہ گلگت میں بہترین شہرت کی حامل اور ہر دلعزیز شخصیات ہیں ۔اس فیصلے سے ہماری سیاسی پوزیشن میں مزید بہتری آئی ہے اور اب مخالفین کی امیدیں ان تینوں حلقوں میں دم توڑچکی ہیں۔انہوں نے کہا کہ شیعہ سنی اخوت و وحد ت کا ہم نے ہر جگہ عملی مظاہرہ کیا ہے۔ گلگت بلتستان میں ہمارے اس عمل نے نہ صرف ہماری مقبولیت میں اضافہ کیا بلکہ اس تکفیری گروہ کو بھی تنہا کر دیا ہے جو اپنے علاوہ سب کو کافر و مشرک سمجھتے ہیں۔گلگت بلتستان میں الیکشن کے من پسند نتائج حاصل کرنے کے لیے پنجاب کے ریذیڈنٹ آفیسرز کو یہاں بھیجے جانے کے بھی شواہد مل رہے ہیں الیکشن کمیشن کو اس کا سختی سے نوٹس لینا چاہیے۔اگر الیکشن کے مخصوص عملے کو اسی طرح بھیجا جاتا رہا تو پھر چیف الیکشن کمیشن اور گورنر گلگت بلتستان کی ملی بھگت کے تاثر کو حقیقت سمجھا جائے گا۔نون لیگ کی اس دھاندلی کو روکنے کے لیے انتخابی مراحل سے شناسا تربیت یافتہ مجلس وحدت مسلمین کے پندرہ سو سے زائد نوجوان میدان میں موجود رہیں گے۔ انہوں نے کہا کہ مجلس وحدت مسلمین کے سربراہ علامہ راجہ ناصر کی سکردو آمد سے کارکنوں کے حوصلے بلند ہوئے ہیں اور وہ زیادہ پُرعزم انداز میں سیاسی جدوجہد میں مگن ہیں۔ یہ انتخابات گلگت بلتستان کی تاریخ میں اہم سنگ میل ثابت ہوں گے جو یہاں کے عوام کی تقدیر بدل کررکھ دیں گے۔

وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل و سیکرٹری امور خارجہ نے گلگت میں مظلومین یمن کے حق میں نکالی جانے والی ریلی پر گورنر گلگت بلتستان کی جانب سے مقدمے اور گرفتاریاں کرنے اور قائدین کو اشتہاری قرار دینے کی مزمت کرتے ہوئے کہا کہ پاکستان کے اندر طالبان کے حامیوں(پاکستان علماء کونسل) نے پارلیمنٹ کی قراداد کی مخالفت کرتے ہوئے ہر جمعہ کو ریلیاں اور احتجاج کر کے اسٹیٹ کے فیصلے کو چیلنچ کیا ہے۔ پاکستانی آئین کے باغی طالبان کی حمایت کرنے والے مولوی طاہر اشرفی جوکہ میڈیا پر سرعام یمن جنگ پر مصالحتی قرارداد کی دھجیاں اڑاتا ہے  لیکن اس سب کے باوجود ان لوگوں کو حکومت کی طرف سے ہر طرح کا تحفظ دیا جاتا ہے۔ لیکن یمن پر جاری مسلسل سعودی جارحیت کے خلاف اگر احتجاج کیا جائے تو اس پر حکومت کو نہ فقط اعتراض ہے بلکہ انتقامی کاروائی شروع ہو گئی ہے۔ دراصل اس خطے کی عوام اب بیدار ہے اور وہ پہلے والی سیاسی پارٹیوں کو مسترد کر چکے ہیں۔ اپنی آنے والی ناکامی کو دیکھ کر بوکھلاہٹ میں نون لیگی قائمہ حکومت اب انتقامی کاروائی پر اتر آئی ہے۔

گلگت بلتستان کے الیکشن کی عوام نے ایم ڈبلیو ایم کے حق میں فیصلہ دے دیا ہے وہ جماعت کہ جو محروموں کی جنگ لڑ رہی ہے اور ہر محاذ پر ملک دشمن عناصر کے خلاف بر سر پیکار کھڑی ہے۔ اور انشاء اللہ الیکشن کے نتائج ہمارے حق میں ہونگے۔ کیونکہ ہم اہلیت و خدمت کے بل بوتے پر اس خطے میں وارد ہوئے ہیں۔ پس نون لیگ ہوش کے ناخن لے اور بجائے انتقامی سیاست کے وہ خدمت و اہلیت کی سیاست کریں۔

وحدت نیوز (لاہور) تحریک وحدت اسلامی کے تحت لاہور میں منعقدہ جشن مولود کعبہ سے خطاب کرتے ہوئے مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے کہا کہ آل سعود امت مسلمہ میں نفاق کا باعث بن رہے ہیں، یمن میں جمہوریت کے بقاءکی جنگ لڑنے والی سعودی حکومت خود داخلی بغاوت کا سامنا کررہی ہے،سعودی حکومت نے ظالمانہ طرز عمل اختیارکرتے ہوئے معروف شیعہ عالم دین آیت اللہ شیخ باقر النمر کو بلاجواز پابند سلاسل رکھا اور اب انہیں پھانسی چڑھانے کی تیاری مکمل کرلی گئی ہے، انہوں نے مزید کہا کہ آیت اللہ باقرالنمر کی پھانسی دراصل خودآل سعود کے اقتدار کیلئے پھندہ ثابت ہوگی، انہوں نے اقوام متحدہ، انسانی حقوق کی تنظیمات اور عالمی عدالت انصاف سے مطالبہ کیا کہ وہ آیت اللہ باقرالنمر کی بلاجواز گرفتاری  ، ان پر ہونے والے سنگین مظالم اور پھانسی کے فیصلے کا نوٹس لیں ۔

وحدت نیوز (اﺳﮑﺮﺩﻭ) مجلس وحدت مسلمین بلتستان ڈویژن کے سیکریٹری جنرل علامہ ﺳﯿﺪ ﻋﻠﯽ ﺭﺿﻮﯼ ،ﭘﺎﮐﺴﺘﺎﻥ ﺗﺤﺮﯾﮏ ﺍﻧﺼﺎﻑ ﮐﮯ ﺭﮨﻨﻤﺎﺀﺭﺍﺟﮧ ﺟﻼﻝﺣﺴﯿﻦ ﻣﻘﭙﻮﻥ ، ﻣﺤﻤﺪ ﺗﻘﯽ ﺁﺧﻮﻧﺰﺍﺩﮦ، ﺷﯿﻌﮧ ﻋﻠﻤﺎﺀﮐﻮﻧﺴﻞ ﮐﮯﺭﮨﻨﻤﺎﺀﻏﻼﻡ ﺷﮩﺰﺍﺩ ﺁﻏﺎ ، ﺍﮮ ﭘﯽ ﺍﯾﻢ ﺍﯾﻞ ﮐﮯ ﺭﮨﻨﻤﺎﺀﺣﺎﺟﯽﻣﻨﻈﻮﺭ ﯾﻮﻟﺘﺮ، ﭘﯿﭙﻠﺰﭘﺎﺭﭨﯽ ﮐﮯ ﺭﮨﻨﻤﺎﺀﻋﺒﺎﺱ ﭘﺎﺭﻭﯼ ،ﻗﻮﻣﯽ ﻭﻃﻦ ﭘﺎﺭﭨﯽ ﮐﮯ ﺭﮨﻨﻤﺎﺀﺷﯿﺦ ﻓﺮﻣﺎﻥ ﻋﻠﯽ ﻧﺼﯿﺮﺍﻟﺪﯾﻦ ﻧﮯ ﮐﮩﺎ ﮨﮯ ﮐﮧ ﮔﻮﺭﻧﺮ ﻗﺎﻧﻮﻥ ﺳﺎﺯ ﺍﺳﻤﺒﻠﯽ ﮐﮯ ﺁﺋﻨﺪﮦﺍﻧﺘﺨﺎﺑﺎﺕ ﭘﺮ ﺍﺛﺮ ﺍﻧﺪﺯﮨﻮﻧﮯ ﮐﮯﻟﺌﮯ ﺑﻠﺘﺴﺘﺎﻥ ﺁﺋﮯ ﮨﯿﮟ ﭼﯿﻒﺍﻟﯿﮑﺸﻦ ﮐﻤﺸﻨﺮ ﮔﻮﺭﻧﺮ ﮐﮯ ﺩﻭﺭﮮ ﮐﺎ ﻧﻮﭨﺲ ﻟﯿﮟ ﺍﻭﺭ ﺍﻧﮩﯿﮟﻏﯿﺮ ﺿﺮﻭﺭﯼ ﺩﻭﺭﮮ ﮐﺮﻧﮯ ﺳﮯ ﺭﻭﮐﯿﮟ ﻭﺭﻧﮧ ﻣﺴﺎﺋﻞﭘﯿﭽﯿﺪﮦ ﮨﻮ ﺟﺎﺋﯿﮟ ﮔﮯ ﯾﮧ ﺷﮑﺎﯾﺎﺕ ﺍﻧﮩﻮﮞ ﻧﮯ ﮈﺳﭩﺮﮐﭧﺭﯾﭩﺮﻧﯿﻨﮓ ﺁﻓﯿﺴﺮ ﮐﻮ ﭘﯿﺶ ﮐﯽ ﮔﺌﯽ ﺩﺭﺧﻮﺍﺳﺖ ﻣﯿﮟﮐﯿﮞﺪﺭﺧﻮﺍﺳﺖ ﻣﯿﮟ ﻣﺨﺘﻠﻒ ﺟﻤﺎﻋﺘﻮﮞ ﻧﮯ ﺷﮑﺎﯾﺖ ﮐﯽﮨﮯ ﮐﮧ ﮔﻮﺭﻧﺮ ﻏﯿﺮ ﺿﺮﻭﺭﯼ ﺩﻭﺭﮮ ﮐﺮ ﮐﮯ ﺍﻟﯿﮑﺸﻦ ﮐﮯﻟﺌﮯﺗﯿﺎﺭ ﮐﺌﮯ ﮔﺌﮯ ﺿﺎﺑﻄﮧ ﺍﺧﻼﻕ ﮐﯽ ﺳﻨﮕﯿﻦ ﺧﻼﻑ ﻭﺭﺯﯼﮐﺮﺭﮨﮯ ﮨﯿﮟ ﻟﮩٰﺬﺍ ﺍﻧﮩﯿﮟ ﺭﻭﮐﺎ ﺟﺎﺋﮯ ﻭﺭﻧﮧ ﺳﯿﺎﺳﯽﺟﻤﺎﻋﺘﯿﮟ ﭼﯿﻦ ﺳﮯ ﻧﮩﯿﮟ ﺑﯿﭩﮭﯿﮟ ﮔﯽ ﺍﻧﮩﻮﮞ ﻧﮯﺩﺭﺧﻮﺍﺳﺖ ﻣﯿﮟ ﻣﻮﻗﻒ ﺍﺧﺘﯿﺎﺭ ﮐﯿﺎ ﮨﮯ ﮐﮧ ﺿﺎﺑﻄﮧ ﺍﺧﻼﻕﮐﯽ ﺷﻖ ﻧﻤﺒﺮ30 ﮐﮯ ﺗﺤﺖ ﮔﻮﺭﻧﺮ ﺍﻟﯿﮑﺸﻦ ﮐﮯ ﺩﻭﺭﺍﻥ ﮐﺴﯽﻋﻼﻗﮯ ﮐﺎ ﺩﻭﺭﮦ ﻧﮩﯿﮟ ﮐﺮ ﺳﮑﺘﮯ ﻣﮕﺮ ﮔﻠﮕﺖ ﺑﻠﺘﺴﺘﺎﻥ ﮐﮯﮔﻮﺭﻧﺮ ﺗﻤﺎﻡ ﻗﻮﺍﻧﯿﻦ ﮐﻮ ﭘﺲ ﭘﺸﺖ ﮈﺍﻝ ﺭﮨﮯ ﮨﯿﮟ ﺍﻟﯿﮑﺸﻦﭘﺮ ﺍﺛﺮ ﺍﻧﺪﺍﺯ ﮨﻮﻧﮯ ﮐﯽ ﮐﻮﺷﺶ ﮐﺮﮨﺮﮮ ﮨﯿﮟ ﺟﻮ ﺳﻨﮕﯿﻦﺯﯾﺎﺩﺗﯽ ﮨﮯ ﺍﻧﮩﻮﮞﻨﮯ ﺩﺭﺧﻮﺍﺳﺖ ﻣﯿﮟ ﻟﮑﮭﺎ ﮨﮯ ﮐﮧ ﮨﻢﺻﺎﻑ ﺷﻔﺎﻑ ﺍﻟﯿﮑﺸﻦ ﭼﺎﮨﺘﮯ ﮨﯿﮟ ﮔﻮﺭﻧﺮ ﮐﯽ ﻣﺪﺍﺧﻠﺖ ﮐﮯﺑﻌﺪ ﺍﻟﯿﮑﺸﻦ ﮐﯽ ﺷﻔﺎﻓﯿﺖ ﺳﻮﺍﻟﯿﮧ ﻧﺸﺎﻥ ﺑﻦ ﮔﺌﯽ ﮨﮯﺍﻧﮩﻮﮞﻨﮯ ﮐﮩﺎ ﮐﮧ ﺍﻟﯿﮑﺸﻦ ﻣﯿﮟ ﺩﮬﺎﻧﺪﻟﯽ ﮐﯽ ﮐﻮﺷﺶ ﻧﺎﮐﺎﻡﺑﻨﺎﺩﯼ ﺟﺎﺋﯿﮞ گی۔

وحدت نیوز (نجف اشرف) بمناسبت شہادت عالمہ غیر معلمہ عقیلہ بنی ھاشم صدیقۃ الطاہرہ ام المصائب حضرت سیدہ زینب سلام اللہ علیھا کی شھادت کی مناسبت سے دفتر مجلس وحدت مسلمین نجف اشرف میں ایک مجلس عزاء کا اہتمام کیا گیا جس سے حوزہ علمیہ نجف اشرف کے معروف استاد حجۃالاسلام والمسلمین علامہ محمد بلال مہدی النجفی صاحب نے خطاب کیا، انھوں نے اپنے خطاب میں علم کی فضیلت کو بیان کیا حصول علم کے ساتھ معاشری میں اپنی ذمہ داریوں کو بخوبی انجام دینے کی اہمیت پر زور دیا
اس کے ساتھ انھوں نے بی بی کے فضائل بیان کیئے، انھوں نے پاکستان میں مجلس وحدت مسلمین کی قوم وملت کی شب روز کی خدمات کی طرف اشارہ کرتے ہوئے کہا کہ باکمال ہیں وہ لوگ جو ہر وقت اپنی قوم و ملت کی خدمت کر رہے ہیں ہر مشکل وقت میں اپنی قوم کو مایوس ہونے نہیں دیا ہمیں بھی ان بہادر لوگوں کا ساتھ دینا ہوگا تاکہ کل روز محشر خداکی بارگاہ میں سرخرو پہنچیں ۔

وحدت نیوز (اسکردو) مجلس وحدت مسلمین پاکستان کے سربراہ علامہ ناصر عباس جعفری نے اسکردو میں پریس کانفرنس سے خطاب کرتے ہوئے کہا ہے کہ پنجاب کے حلقہ این اے 125 کے نتائج نے واضح کر دیا کہ ملک کے عام انتخابات میں عوامی مینڈیٹ پر ڈاکہ ڈالا گیا ہے اور وفاقی جماعت جس نے ملک کے عام انتخابات میں دھاندلی کے تمام ریکارڈز توڑ دیئے ہیں، اب گلگت بلتستان میں انتخابات کو چرانا چاہتی ہے۔ گلگت بلتستان کے انتخابات میں دھاندلی کے تمام تر لوازمات مہیا کر رکھے ہیں۔ جی بی میں نگران حکومت کا قیام، الیکشن کمشنر کی تقرری، وزیراعظم کے اعلانات، گورنر گلگت بلتستان کی تعیناتی، ان دنوں گورنر کے پے در پے بلتستان میں دورہ جات اور اعلانات قبل از انتخابات دھاندلی ہے۔ گلگت بلتستان میں پولنگ اسٹیشنز کو کم کرنا غیر جمہوری عمل ہے، اس عمل کے ذریعے انتظامیہ چاہتی ہے گلگت بلتستان کے عوام کو حق رائے دہی سے محروم رکھا جائے، لیکن یہاں کے عوام باشعور ہیں، نواز حکومت کو کسی صورت دھاندلی کرنے نہیں دیں گے۔ بلتستان کے مختلف حلقوں میں پولنگ اسٹیشنز کو کم کرنا قانون اور آئین کو پاوں تلے روندنے کے مترادف ہے، الیکشن کمیشن اور انتظامیہ کو چاہیے تھا کہ ایسی سہولتیں پیدا کریں کہ عوام زیادہ سے زیادہ حق رائے دہی استعمال کرسکیں لیکن انہیں اس حق سے روکا جا رہا ہے۔

انہوں نے کہا کہ نواز شریف کی حکومت کے پاس اختیار ہے، اگر نواز شریف چاہیں تو گلگت بلتستان کو آئینی حقوق دے سکتے ہیں، پارلیمنٹ کا مشترکہ اجلاس بلا کر گلگت بلتستان کے مستقبل کا فیصلہ کرسکتے ہیں اور 67سالہ محرومیوں کا ازالہ ممکن ہے، لیکن نواز حکومت بالکل مخلص نہیں، اگر نواز حکومت گلگت بلتستان کو حقوق دے دیں، آئینی حق دیں، پارلیمنٹ اور اسمبلی میں نمائندگی دیں اور خطہ کو محرومی سے نکالیں تو ہم انکے حق میں دستبردار ہونے کے لئے بھی تیار ہیں، لیکن ہم جانتے ہیں کہ وہ یہاں کے عوام کو حقوق دینے نہیں بلکہ عوام کے حقوق اور وسائل لوٹنے آئے ہیں۔ وہ تمام قوتیں جو اس خطے کو حقوق سے محروم رکھنے کی ذمہ دار ہیں، انکا یہ عمل خیانت ہے اور گلگت بلتستان کو حقوق سے محروم رکھنا پاکستان دشمنی کے سوا کچھ نہیں، کیونکہ جتنے محب وطن گلگت بلتستان کے عوام ہیں ملک میں کہیں نہیں، اس خطے کے عوام نے پاکستان کو سب کچھ دیا اور پاکستان سے کچھ بھی نہیں لیا۔

علامہ ناصر عباس جعفری نے کہا کہ گلگت بلتستان کے انتخابات میں دھاندلی نواز لیگ کے گلے کی ہڈی بن جائے گی اور وہ کسی صورت اسے نگل نہیں سکیں سکے گی۔ جس طریقے سے گلگت بلتستان میں قبل از انتخابات دھاندلی شروع کی ہوئی وہ انتہائی افسوسناک اور قانون نافذ کرنے والے اداروں کے لئے چیلنج ہے۔ گلگت بلتستان کے قانون نافذ کرنے والے اداروں کو چاہیے کہ پری پول رگنگ کو روکنے میں اپنا کردار ادا کریں۔ گلگت بلتستان میں مجلس وحدت مسلمین کے رہنماوں کے خلاف بلاجواز مقدمات قبل از انتخابات دھاندلی ہے، نواز حکومت چاہتی ہے کہ مجلس وحدت مسلمین کے نمائندوں اور رہنماوں پر دفعات عائد کرکے انتخابات کو ہائی جیک کریں۔ انہوں نے کہا کہ گلگت کے حلقہ نمبر3 سے شیخ نیئر عباس مصطفوی اور حلقہ نمبر2 سے مطہر عباس مجلس وحدت کے ٹکٹ سے انتخابات لڑیں گے۔

انہوں نے کہا کہ ہم گلگت بلتستان میں انتخابات اہلیت اور کارکردگی کی بنیاد پر لڑیں گے، مذہب کے نام پر ووٹ بٹورنا درست نہیں سمجھتے۔ ہم مذہب کو سیاست کے لئے استعمال کرنے کے مخالف ہیں اور اہلیت اور معیارات کی بنیاد پر انتخابات میں حصہ لیں گے۔ انہوں نے مزید کہا کہ گلگت بلتستان کے انتخابات کے سلسلے میں جس سطح پہ قبل از انتخابات دھاندلی ہوئی ہے اور دوران انتخابات الیکشن کی تیاریاں مکمل ہیں، اس الیکشن کمیشن سے شفاف انتخابات کی توقع رکھنا عبث ہے، لہذٰا ہم گلگت بلتستان کے انتخابات کو فوج کی نگرانی میں کرانے کا مطالبہ کرتے ہیں، کیونکہ انتظامیہ، الیکشن کمیشن، نگران صوبائی حکومت اور اس نواز لیگی وفاقی حکومت کی سرپرستی میں شفاف الیکشن ممکن ہی نہیں۔