The Latest
وحدت نیوز(روندو) یوتھ آف روندو کے چیئرمین اور ایم ڈبلیوایم کے رہنماسید یاسین شاہ نے اپنے ایک بیان میں کہا کہ آٹھ جون کو راجہ ناصر علی خان کی کامیابی یقینی ہے، انشاءاللہ ہم اہلیان روندو راجہ ناصرعلی خان نے کامیابی علامہ راجہ ناصرعباس جعفری کو تحفہ کریں گے، انہوں نے کہا کہ ایم ڈبلیوایم نے اختیارات اور وسائل کے بغیر گلگت بلتستان کیلئے وہ کام کیئے جو برسراقتدار جماعتیں بھی نہیں کرتیں ، گندم سبسڈی ایشو پر ایم ڈبلیوایم نے قائدانہ کردار ادا کیا جو کسی سے ڈھکا چھپا نہیں ۔
وحدت نیوز (گلگت) ملت کے حقوق کے تحفظ کی دعویدار جماعتوں کی خود غرضی اور ملی مسائل کے حل میں ناکامی کی بناء پر مجلس وحدت مسلمین کی ضرورت محسوس ہوئی اور بلا خوف و تردید یہی وہ جماعت ہے جو عصر حاضر میں ملت کو درپیش ہر طرح کے چیلنجوں اور مسائل سے نمٹنے اور ان کا حل پیش کرنے کی بہترین صلاحیت رکھتی ہے۔ان خیالات کا اظہار مجلس وحدت مسلمین کے نامزد امیدوار برائے جی بی ایل اے 4 ہنزہ نگر II ڈاکٹر علی محمد نے چھلت میں عوامی اجتماع سے اپنے خطاب میں کہا۔ انہوں نے کہا کہ وحدت مسلمین عوامی محرومیوں اور ملت کی نمائندگی کے دعویدار قیادت کی خود غرضی اور ہوس اقتدار میں مبتلا ہونے کیوجہ سے پیدا ہونے والی محرومیوں کا فطری رد عمل ہے۔ آج میرے حلقے میں جو لوگ پیسے کے بل بوتے پر اقتدار میں آنا چاہتے ہیں وہ عوامی مسائل سے غافل اور اقتدار کے پجاری ہیں اور ناجائز ذرائع سے قوم کی لوٹی ہوئی دولت سے عوام کے ضمیر کا سودا کرنا چاہتے ہیں لیکن یہ ان کی بھول ہے کیونکہ نگر کے عوام نے ایسے اوچھے ہتھکنڈوں کو مسترد کرتے ہوئے اقتدار پرستوں کو مایوس کردیا ہے اورحلقے کے باضمیر اور باغیرت ماؤں بہنوں کی قدر دانی کرتا ہوں جنہوں نے پیسے لینے سے نہ صرف انکار کردیا بلکہ ان عناصر کو واضح کیا ہے کہ وہ پیسے کے عوض اپنے ضمیر کا سودا کرنے کو ہرگز تیار نہیں۔ ڈاکٹر علی محمد نے مزید کہا کہ ملت پر مشکلات اور مصائب کی گھڑیوں میں عوام کو تنہاچھوڑنے والے آج کس منہ سے ملت کی ہمدردی کا دم بھرتے ہیں۔ مجلس وحدت قومی اور عالمی سازشوں کو نہ صرف ادراک رکھتی ہے بلکہ اتحاد بین المسلمین اور ملی وحدت کے ذریعے انہیں خاک میں ملانے کیلئے مکمل طور پر آمادہ و تیار ہے۔ اس موقع پر ممبر صوبائی اسمبلی بلوچستان آغا محمد رضا نے بھی خطاب کیا۔
وحدت نیوز (شگر/عابد شگری) مکتب ہمدانیہ امامیہ گلاب پور نے مجلس وحدت مسلمین کی حمایت کرتے ہوئے فدا علی شگری کو ووٹ دینے کا اعلان کردیا۔انہوں نے حمایت کا اعلان مولاناامین کی قیادت میں ایک وفد نے ایم ڈبلیو ایم آفس شگر میں ایم ڈبلیو ایم کے نامزد امیدوار فدا علی شگری ،ڈپٹی سیکریٹری جنرل ایم ڈبلیو ایم شگر شیخ کاظم ذاکری سے ملاقات کے دوران کیا۔شگر کی چوتھی بڑی مکتبہ فکر مکتب ہمدانیہ امامیہ گلاب پورکی نمائندہ جماعت انجمن مودت اہلبیت ؑ کی درجنوں افراد نے ایک وفد کی صورت میں ایم ڈبلیو ایم شگر کی آفس میں ان کے عہدیداروں سے ملاقات کی ۔اور ایم ڈبلیو ایم میں شمولیت اختیار کرتے ہوئے ایم ڈبلیو ایم کے نامزد امیدوارفدا علی شگری کو اپنی تمام مسلک کی جانب سے حمایت اور ووٹ دینے کا اعلان کیا۔ان کا کہنا تھا کہ وہ ایم ڈبلیو ایم کی پالیسیوں سے متاثر ہوکر آیا ہے۔ گذشتہ ادوار میں مکتب ہمدانیہ سے منتخب نمائندوں نے سوتیلی ماں جیسا سلوک کیا۔ہمیں الیکشن کے بعد ہمیشہ نظر انداز اکرتا رہا۔جس کی وجہ سے ان کے مکتب کے تمام افرادسابقہ نمائندوں سے نالاں تھے۔ایم ڈبلیو ایم کی اتحاد بین المسلمین اور غریبوں کیساتھ یکساں سلوک والی پالیسی کی وجہ سے ہمیں خود ایم ڈبلیو ایم کی جانب کھینچ لایا۔اس موقع پر نامزد امیدوار فدا علی شگری نے وفد کی حمایت کا شکریہ ادا کرتے ہوئے یقین دلایا کہ ایم ڈبلیو ایم ہمیشہ تمام مکتبہ فکر کے افراد کو برابر نمائندگی دینے کیساتھ ساتھ کسی کے ساتھ بھی کوئی زیادتی نہیں ہونے دینگے۔مکتب ہمدانیہ کی تمام مسائل کو ایم ڈبلیو ایم اقتدار میں آئے یا نہ آئے ضرور ترجیحی بنیاد پر حل کرینگے۔
وحدت نیوز (اسلام آباد) مجلس وحدت مسلمین پاکستان کےسربراہ علامہ ناصر عباس جعفری نےمرکزی سیکریٹریٹ سے جاری پیغام میں عالم اسلام کو وارث زمانہ امام العصر عجل اللہ فرجہ الشریف کی ولادت باسعادت کی مبارکباد دیتے ہوئے کہا ہے کہ عالم بشریت تشنہ عدالت ہے جس کی تشنگی عدل کی شراب طہور سے ہی بجھ سکتی ہے۔بشریت کو خدا اور اس کا نظام عدل چاہیے اور پندرہ شعبان المعظم کادن عدل کی روشنی میں حق دار کو اس کے حق لوٹانے کا دن ہے۔ یہ دن ہمیں درس دیتا ہے کہ ہم عدالت، انسانی حقوق، مظلوموںکی حمایت، حاکموں کے رعیت اور رعیت کے حاکموں پر حقوق کی ادائیگی کا درس دیتا ہے۔ کیونکہ اس دن جو ہستی اس دنیا میں تشریف لائی وہ عدل الٰہی کی مظہر ہے اور جب وہ غیبت کبریٰ کے خاتمے کے بعدحکم خدا سے ظہور کرے گی تو اس دنیا کو عدل و انصاف سے ایسے بھر دے گی جیسے یہ دنیا ظلم و جور سے بھر چکی ہو گی۔
علامہ ناصر عباس جعفری کا کہنا تھا کہ نظام الٰہی چاہے تو تکوینی نظام کائنات ہو یا تشریعی نظام دونوں کی اساس اور بنیاد عدل پر قائم ہے۔ انہوں نے کہا کہ خدا وند کریم نے انسانیت کی ہدایت کے لئے اپنے عدل کے مظہر معصوم انبیاء اور آئمہ طاہرین کو بھیجا جن کی زندگیاں معاشرے سے ظلم و بربریت اور نا انصافی کے خاتمے اور عدل و انصاف کے قیام کے لئے صرف ہوئیں۔ اسلام نے جو ضابطہ حیات دنیا کو دیا اس کی بنیاد بھی عدل ہے۔ ابو الآئمہ حضرت امیر المؤمنین علیہ السلام کے فرمان کا حوالہ دیتے ہوئے ان کا کہنا تھا کہ ایک شخص نے مولائے کائنات سے پوچھا کہ عدل افضل ہے یا سخاوت ؟ تو آپ نے فرمایا کہ عدل افضل ہے کیونکہ عدل کی بنیاد پر نظام حیات کو تشکیل دیا جا سکتا ہے۔ لہٰذا معاشرے سے ظلم کا خاتمہ اور عدالت کا قیام ہماری شرعی ذمہ داری ہے۔
انہوں نے تاریخ تشیع کا حوالہ دیتے ہوئے کہا کہ جب عدالت کو گھر میں محصور کر دیا گیا اور ظلم وہاں جا بیٹھا جہاں کا اہل نہیں تھا تو اس وقت حضرت سیدہ فاطمہ الزھراء سلام اللہ علیھا نے ظلم کے خلاف قیام کیا۔ اور یہی بعد میں آنے والے آئمہ طاہرین کے لئے مشعل راہ بنا۔اس سے یہ بھی ظاہر ہوتا ہے کہ ظلم کے خلاف اٹھنانہ صرف مردوں بلکہ خواتین کی بھی شرعی ذمہ داری ہے۔ ہم شیعیان حیدر کرار انبیاء کرام اور آئمہ طاہرین کے مبارزات کے وارث ہیں۔ان کا کہنا تھا کہ ہمیں نہ صرف خود کو عالمی انقلاب امام زمانہ عجل اللہ فرجہ الشریف کے لئے تیار کرنا چاہیے بلکہ اس انقلاب کے لئے جس میں پوری انسانیت کی فلاح ہے زمین ہموار کرنی چاہیے اور اس راستے میں مشکلات سے گھبرانا ملت جعفریہ کا شعار نہیں ہے،یہی وقت ہے منجی عالم بشریت امام مہدی عج کے عالمی انقلاب کی راہ ہموار کرنے کا، انہوں نے کہا کہ ملت جعفریہ دنیا کی بہترین ملت ہے اور اس کے اخلاص کا موازنہ کسی بھی دوسرے سے نہیں کیا جا سکتا ۔ اب ضرورت اس امر کی ہے کہ ہم اپنے آپ کو طاقتور بنائیں اور اپنی ملت کے لئے اپنی زندگیاں صرف کر دیں۔
وحدت نیوز (سکردو) مجلس وحدت مسلمین کے امیدوار حلقہ ۲ اسکردو کاچو امتیاز حیدر خان نے قمراہ میں انتہائی مصروف دن گذارا، سب سے پہلے وہ مرتضٰی آباد پہنچے جہاں انہوں نے عمائدین ، سرکردگان اور بزرگوں سے ملاقات کی اس موقع پر کاچو امتیاز خان کا والہانہ استقبال بھی کیا گیا، عمائدین مرتضٰی آباد نے کاچو امتیاز کی مکمل حمایت کا اعلان کیا، اس کے بعد کاچو امتیاز نے ن لیگ اور پیپلز پارٹی کے مقامی عہدیداران کی جانب سے ا نکے اعزاز میں رکھی گئی تقریب میں شرکت کی ، تقریب کے روھ رواں برادر اکبر نے نہایت خوبصورت انداز میں معزز مہمانان گرامی کو خوش آمدید کہااور مدلل انداز میں کاچو امتیاز سے اپنی وابستگی اور حمایت کی وجوہات بیان کیں ، پیپلز پارٹی قمراہ کے صدر غلام رسول دلشاد نے اپنی خوبصورت شاعرانہ انداز میں کاچو امتیاز کی حمایت کا اعلان کیا۔
وحدت نیوز( گلگت) مجلس وحدت مسلمین نے حقیقی معنوں میں اتحاد بین المسلمین کا عملی ثبوت فراہم کیا ہے اورپورے پاکستان میں اتحاد و وحدت کے ذریعے تکفیریت کو شکست فاش سے دوچار کردیا ہے۔ جو جماعتیں کل تک القاعدہ اور طالبان کی پشت پر کھڑی تھیں اور میڈیا اور اسمبلیوں میں ان کے گیت گارہی تھیں انہیں چھپنے کی جگہ نہیں مل رہی ہے۔ان خیالات کا سنی اتحاد کونسل پاکستان کے سربراہ صاحبزادہ حامد رضا نے برمس کے مقام پر عوامی اجتماع سے اپنے خطاب میں کہا۔ یاد رہے کہ صاحبزادہ حامد رضا رضاکارانہ طور پر گلگت بلتستان کے حالیہ الیکشن میں مجلس وحدت مسلمین کے قومی و ملی خدمات کے پیش نظر مجلس کے امیدواروں کی کمپین چلانے کیلئے پچھلے ایک ہفتے سے گلگت کے دورے پر ہیں۔
انہوں نے اپنے خطاب میں کہا کہ ہم نے مجلس وحدت کے ساتھ اتحاد کسی ذاتی لالچ یا مفاد کیلئے نہیں کیا بلکہ وسیع تر ملکی مفاد اور استحکام پاکستان کی خاطر کیا ہے اور نہایت ہی قلیل عرصے میں اتحاد کی برکت سے پورے ملک میں دہشت گردوں کے قدم اکھڑ چکے ہیں اور ان دہشت گردوں کے درپردہ حامی بے نقاب ہوچکے ہیں اور چھپتے پھر رہے ہیں۔لہٰذا گلگت بلتستان کے غیور عوام سے اپیل ہے کہ استحکام پاکستان اور گلگت بلتستان کی ترقی و خوشحالی کیلئے مجلس وحدت کا ساتھ دیں۔
وحدت نیوز (گلگت) مجلس وحدت مسلمین روائتی سیاسی نعروں کی بجائے دیرینہ عوامی مسائل کے حل کیلئے ایک قابل عمل وژن اور اسی حوالے سے درپیش چیلنجوں کا مقابلہ کرنے کی صلاحیت رکھتی ہے جس کا ثبوت ہماری آٹھ سالہ قومی و ملی مسائل و چیلنجوں سے نمٹنے کیلئے عملی جدوجہد اور تاریخی کردار سے عیاں ہے۔ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے برمس بالا میں عوامی اجتماع سے خطاب کرتے ہوئے کیا۔ انہوں نے کہا کہ گلگت بلتستان میں جتنی بھی حکومتیں آئیں اور جن جن سیاسی جماعتوں نے حکومتیں بنائیں وہ یہاں کے عوام کے دیرینہ آئینی ،سیاسی اور معاشی مسائل کو حل کرنے میں بری طرح ناکام ہوئیں ہیں اور ان جماعتوں نے عوام کو حقوق کے نام پر ان کا استحصال کیا ہے ،یہی وجہ ہے آج پبلک میں ان جماعتوں کے خلاف غم و غصہ پایا جاتا ہے ۔
انہوں نے کہا کہ اب ماضی کے آزمائے ہوئے اقتدار کے بھوکی سیاسی جماعتوں سے خطے کے پیچیدہ مسائل کے حل کی توقع رکھنا عبث ہی نہیں بلکہ خود فریبی کے مترادف ہے۔ مجلس وحدت مسلمین ملک عزیز میں بسنے والے تمام مظلوم طبقوں کے اجتماعی مسائل اور بالخصوص گلگت بلتستان کے عوام کی محرومیوں نہ صرف مکمل آگاہ ہے بلکہ ان مسائل کے حل کیلئے میدان عمل میں موجود رہی ہے ۔گلگت بلتستان کے عوام کو مفاد پرست حکمرانوں کی زیادتیوں سے نجات دلانے کیلئے مجلس وحدت مسلمین کا رول تمام جماعتوں سے نمایاں اور واضح ہے ،آج جو جماعتیں لوگوں کو ان کے مسائل حل کرنے کے پرفریب خواب دکھاکر ایک بار پھر اقتدار میں آنا چاہتی ہیں ان سے ہم یہ سوال پوچھنے کا حق رکھتے ہیں کہ انہوں نے اپنے طویل اقتدار میں ان مسائل کے حل کی جانب کیوں توجہ نہیں دی بلکہ ان کی توجہ اقتدار کے مزے لوٹنے ،کرپشن میں حصہ ڈالنے کے سوا کچھ بھی نہیں رہا۔ ان سیاسی مداریوں نے لوگوں کو سبز باغ دکھاکر خطے کی محرومیوں کو ختم کرنے اور عوام کو سیاسی،معاشی طور پر مستحکم کرنے کی بجائے ذاتی تجوریاں بھریں ہیں۔ آج گلگت بلتستان میں جہاں ہر طرف دریا بہتے ہیں لیکن شہر اندھیروں میں ڈوبا ہوا ہے۔تعلیم، صحت اور دیگر تمام شعبے زبوں حالی کا شکار ہیں ،امن وامان جیسے مسائل بھی جوں کے توں ہیں،جیلیں ٹوٹیں مگر حکومت کے کان میں جوں نہ رینگی لہٰذا مستقبل میں ایسی کمزور اور ذاتی مفادات کی تجارت کرنے والی سیاسی جماعتوں سے مسائل کے حل کی امید رکھنا فضول ہے۔ مجلس وحدت مسلمین کاہدف اقتدار نہیں بلکہ اقتدار کے حقیقی وارث غریب عوام کو شریک اقتدار کرنا ہے تاکہ علاقے کی ترقی و خوشحالی اور پائیدار امن کی ضامن ہے۔
وحدت نیوز (سکردو) مجلس وحدت مسلمین پاکستان کے مرکزی سیکرٹری اطلاعات سید مہدی عابدی،سیکرٹری امور خارجہ علامہ ڈاکٹر شفقت شیرازی اور مجلس وحدت مسلمین کے مرکزی سیکرٹری تربیت علامہ احمد اقبال رضوی الیکشن مہم کا حصہ بننے کیلئے گلگت پہنچ گئے،کارکنوں کی بڑی تعداد اور صوبائی سیکرٹری اطلاعات گلگت بلتستان علی حیدر نے اُن کا استقبال کیا، گلگت میں کارکنان سے خطاب کرتے ہوئے مرکزی سیکرٹری اطلاعات مجلس وحدت مسلمین پاکستان سید مہدی عابدی کا کہنا تھا کہ گلگت بلتستان کے غیور عوام کی بیداری کو سلام پیش کرتا ہوں کہ جنہوں نے وقت کے فرعونوں سے ٹکر لے کر ثابت کیا کہ وہ سچے پاکستانی ہیں اور وطن عزیز کو دیمک کی طرح چاٹنے والوں کو عبرت ناک شکست دیں گے،ہم نے ہمیشہ وطن دشمنوں اور ظالموں کے خلاف اپنی جان ہتھیلی پر رکھ کرقیام کیااور اسے اپنے لئے اعزاز قرا ر دیا، آج بھی ہم گلگت بلتستان کے عوام سے یہ عہد کرتے ہیں کہ پاکستان کے ان غیور سپوتوں کیساتھ کسی سیاسی و مذہبی گروہ کو ناانصافی اور ظلم و جبر کرنے کی اجازت نہیں دینگے،گلگت بلتستان پاکستان کا فطری دفاعی لائن ہیں،یہاں کی شجاع عوام سینہ تان کر ہمارے ازلی دشمن بھارت کیخلاف پاکستان کی سلامتی کے لئے سربکف ہمہ وقت تیار ہیں،پاکستان کے دفاع میں گلگت بلتستان کے نوجوان کلیدی کردار ادا کر رہے ہیں،وطن عزیز کی ان حساس سرحدوں پر آپ لوگوں کی موجودگی پاکستانی عوام کے لئے امن و سلامتی کا ضامن ہے،سید مہدی عابدی کا کہنا تھا کہ وفاقی حکومت کی جانب سے اقتصادی راہ داری کی آل پارٹیز کانفرنس میں گلگت بلتستان کو نظر انداز کرنا گلگت بلتستان کے عوام کی توہین ہیں،وفاقی حکومت کی اس عمل سے یہ واضح ہو گیا کہ اُن کو گلگت بلتستان کی ترقی اور عوامی مفادات میں کوئی دلچسپی نہیں،انشااللہ یہاں کے غیور عوام 8 جون کوگلگت بلتستان کے حقیقی ہمدرد قومی جماعت مجلس وحدت مسلمین کو کامیاب کرکے گلگت بلتستان کو نظر انداز کرنے والوں کو بھرپور جواب دینگے۔
دوسری جانب مجلس وحدت مسلمین کے رکن بلوچستان اسمبلی آغاسید محمد رضا رضوی ایم ڈبلیو ایم گلگت بلتستان کے الیکشن مہم میں حصہ لینے گلگت پہنچ گئے،صوبائی سیکرٹری سیاسیات محمدغلام عباس نے کارکنوں کے ہمراہ ان کا ستقبال کیا ،مجلس وحدت مسلمین کے صوبائی سیکرٹریٹ میں کارکنان سے خطاب میں ان کا کہنا تھا کہ مجلس وحدت مسلمین وہ جماعت ہے جس نے مظلومین کو جینے کا سلیقہ سکھایا،آج کوئٹہ سے لے کر سیاچن تک کے مظلوم عوام قائد وحدت ناصر ملت علامہ راجہ ناصر عباس جعفری کو اپنے لئے نجات دہندہ سمجھتے ہیں،مجلس وحدت مسلمین کی کارکردگی دیکھنا چاہتے ہو تو کوئٹہ آپ کے سامنے ہیں،آج حکومتی فنڈز کو ہم پوری ایمانداری کیساتھ عوام پر خرچ کررہے ہیں،ہم پاکستان کے ہر ادارے کو دعوت دیتے ہیں آئیں کوئٹہ میں ہمارا احتساب کریں،ہمارے اثاثے چیک کریں،الیکشن سے پہلے سے اثاثوں میں کمی آئی ہو گی لیکن بڑھے نہیں،ہم عوامی خدمت کو عین عبادت سمجھ کر کر رہے ہیں،آغا محمد رضا کا کہنا تھا کہ گلگت بلتستان کے عوام مفاد پرستوں کو مسترد کر دیں گے، مجھے یقین ہے کہ خوشحالی آپ کا مقدر بنے گی، گلگت بلتستان عاشقان رسولﷺ کی سر زمین ہے، یہاں کے عوام پاکستان کی دفاعی فرنٹ لائن ہے،ان روایتی سیاست دانوں نے اس جنت نظیر علاقے کو محرومیوں کے سوا کچھ نہیں دیا،زراعت،معدنیات،سیاحت سے مالا مال خطے کے عوام کے چہروں پر چھائے مایوسی ان سیاسی فرعونوں کے ماتھے پر کلنک کا ٹیکہ ہے،اللہ تعالیٰ نے قرآن پاک میں ارشاد فرمایا ہے کہ جب تک انسان خود جدوجہد نہ کریں ہم اس کے حالات کو نہیں بدلیں گے،آج گلگت بلتستان کے عوام کے پاس ایک موقع ہے کہ وہ اپنے مستقبل کا فیصلہ کریں اگر آپ نے اس میں کوتاہی کی تو آپکی نسلیں اس غلطی کا خمیازہ بھگتیں گے۔
وحدت نیوز (سکردو) مجلس وحدت مسلمین پاکستان کے مرکزی رہنما علامہ اعجاز حسین بہشتی نے کہا ہے کہ دس سال تک حرملہ کا تیر کہہ کر عوام کو بیوقوف بنانے والے آج اس ہی تیر کیلئے ووٹ مانگ رہے ہیں، شگر کے عوام اب بیدار ہوچکے ہیں، علامہ راجہ ناصر عباس کے ایک ایک حرف پر اپنی جان قربان کرنے کیلئے تیار ہیں، جلس وحدت مسلمین شگر کے عوام کی آرزو ہے، انشا اللہ 8 جون کو شگر کے عوام سیاسی فرعونوں، معاشی قارونوں اور عوام کو بیوقوف بنانے والے ہر غدار کو شکست دیں گے، نواز لیگ میں شمولیت کا معنی خوبصورت گلاب کو خون سے بھرے جگ میں ڈالنے کے مترادف ہے، گلاب کی خوبصورتی اور پاکیزگی میں شک نہیں ، لیکن خون کی ملاوٹ کے بعد گلاب اپنی حیثیت کو کھو بیٹھنا ہے، مجھے یقین کامل ہے انشا اللہ 8 جون کو شگر کے عوام روایتی سیاستدانوں اور جاگیرداروں کو بدترین شکست دیں گے۔ واضح رہے کہ گلگت بلتستان کے انتخابات میں حلقہ 6 شگر میں تین امیدوار مقابلے میں ہیں جن میں ن لیگ نے راجہ اعظم خان، پیپلز پارٹی کے عمران ندیم اور مجلس وحدت مسلمین کے فدا علی شگری کے درمیان مقابلہ ہے۔ خیال یہ کیا جارہا ہے کہ اصل مقابلہ عمران ندیم اور فدا علی شگری کے درمیان ہے۔
وحدت نیوز (گلگت) دستبرداری کی خبروں میں کوئی صداقت نہیں، اسلامی تحریک سے اتحاد قوم کے وسیع تر مفاد کے لئے ہوا ہے، حلقہ 3 سے میری دستبرداری کی جھوٹی خبر مخالفین کی بدنیتی کی عکاسی کرتا ہے۔ ان خیالات کا اظہار مجلس وحدت مسلمین حلقہ 3 کے امیدوار علامہ نئیر عباس مصطفوی نے میڈیا سے بات کرتے ہوئے کیا۔ انہوں نے کہا کہ اسلامی تحریک پاکستان سے اتحاد ضرور ہوا ہے مگر کسی بھی امیدوار کے حق میں الیکشن سے دستبرداری کی خبروں میں کوئی صداقت نہیں ہے، ایسی خبریں پھیلا کر چند لوگ اپنی ذاتی مفاد کے لئے ایسی جھوٹی خبریں پھیلا رہے ہیں۔ متفقہ امیدوار کا حتمی فیصلہ آغا راحت حسین الحسینی کرینگے ایم ڈبلیو ایم نے فیصلے کا حق آغا کو دیا ہے، اگر وہ حکم دیں تو ہم جان بھی دے سکتے ہیں، لیکن دوسرے لوگ بھی آغا راحت کے فیصلے کو حتمی سمجھیں۔
