The Latest
وحدت نیوز (سکردو) گلگت بلتستان کے عوام بیدار ہے8 جون مظلومین کی فتح کا دن ثابت ہوگا،ن لیگ دھاندلی کے سر پر الیکشن جیتنے کے خواب دیکھنا بند کر دیں،ہم کسی بھی قسم کی ناانصافی کو برداشت نہیں کریں گے،ان خیالات کا اظہار مجلس وحدت مسلمین پاکستان کے مرکزی امور خارجہ علامہ ڈاکٹر شفقت حسین شیرازی نے مہدی آباد میں جلسہ سے خطاب کرتے ہوئے کیا ،مہدی آباد پہنچنے پر عوام کی جانب سے علامہ ڈاکٹر شفقت شیرازی کا والہانہ استقبال،فلگ شگاف نعروں سے مہدی آباد کی فضا گونج اُٹھی،علامہ شفقت شیرازی کا کہنا تھا یہ بات ہمارے علم میں آئی ہے کہ ن لیگ نے سیالکوٹ،گجرانوالہ سے گلوں بٹوں کے ڈیتھ سکواڈ کے گلگت بلتستان روانگی علاقے کی امن کے لئے تشویشناک ہے،ہم کسی بھی غیر مقامی کی الیکشن میں مداخلت کو ہرگس برداشت نہیں کریں گے،گلگت بلتستان کے انتظامیہ نوٹس لیں،ن لیگ کی شکست نوشتہ دیوار ہے،اور وہ اپنی شکست کو چھپانے کے لئے کوئی بھی ہتھکنڈا استعمال کر سکتی ہے جس سے یہ پرامن علاقہ عدم استحکام کا شکار ہوگا،انہوں نے کہا کہ ماروی میمن کی جانب سے بے نظیر انکم سپورٹس کے نام پر لوگوں سے شناختی کارڈ جمع لیے جا رہے ہیں،الیکشن کمیشن اور انتظامیہ کو پیشگی اطلاع کے باوجود خاموشی مضحکہ خیز ہیں،پری پول ریگنگ پر یہاں کے انتظامیہ مکمل خاموش ہیں،گلگت بلتستان کو کسی بڑے بحران سے دوچار ہونے سے بچانے کے لئے افواج پاکستان الیکشن کی خود مکمل نگرانی کریں،علامہ شفقت شیرازی کا کہنا تھا کہ گلگت بلتستان کے عوام کو برسوں سے بیووقف بنانے والے اس دفعہ نامراد رہیں گے۔
وحدت نیوز (ہنزہ نگر) مجلس وحدت مسلمین پاکستان کے سربراہ علامہ راجہ ناصر عباس جعفری نے کہا ہے پاکستان میں برسر اقتدار حکمرانوں نے استحصال اور ظلم و جبر کا بازارگرم کر رکھا ہے اور حکمران عیاش،ظالم، شرابی اور جابر ہیں۔ ملک و قوم کی تعمیر و ترقی کے بجائے اپنے عیاشیوں اور کرپشن میں مگن ہیں جس کی وجہ سے وطن عزیز دہشت گردی بد انتظامی اور افراتفری کا شکار ہے۔ ملک میں کرپشن کاآج یہ حال ہے کہ نوازشریف امیر اور پاکستان غریب ہے پنجاب ہو یا گلگت بلتستان غریب ہر جگہ پسا جارہا ہے اور طاقت ور اپنے زور بازو سے اور ناجائز طریقے سے ملکی وسائل اپنے ذاتی مفاد میں استعمال کرہے ہیں۔
علامہ راجہ ناصر عباس جعفری نے ہوپر نگر کے عوام سے اپیل کی وہ اس بار اپنے حقوق کے ضامن تنظیم کو ووٹ دیکر آزمائیں اور ظالم اور جابر حکمرانوں کو اس بار مسترد کرکے ان کو ان کی حیثیت کا احساس دلائیں۔
انہوں نے کہا کہ اگر گلگت بلتستان میں عادل منصف عوام پرست حکومت ہوتی تو بے پناہ وسائل سے ملا مال یہ خطہ آج سویزرلینڈ سے زیادہ ترقی یافتہ ہوتا مگر ان غافل ظالم اور کرپٹ حکمرانوں کی بے حسی کی وجہ سے آج یہ علاقہ بنیادی وسائل سے محروم ہیں۔ انہوں نے کہا کہ عوام اس بار ایسے امیدواروں کا انتخاب کریں جو شفاف ماضی کے حامل ہیں اور ایسے پارٹی کو ووٹ دے جو انصاف، میرٹ ، قانون کا بول بالا کرے جو عوام کے مفاد کے لئے قانون سازی کرے۔ یہ کام ایم ڈبلیو ایم اگر عوام گلگت بلتستان کا تعاون رہا تو کرسکتی ہے ۔ ہم ایسا حکومت قائم کریں گے جو پاکستان اور چاروں صوبوں کے لئے مشالی ہوگا۔ ہم یہاں تعلیمی انقلاب لائینگے اور اس علاقے کے آینئی حقوق چھین کر لائیںگے اور مظلوم کو باعزت جینے کا حق دینگے۔
سنی اتحاد کونسل پاکستان کے سربراہ صاحبزادہ حامد رضانے اپنے خطاب میں کہا کہ آج اختیار عوام کے ہاتھ میں ہے، عوام کھلی آنکھوں سے لوگوں کا انتخاب کریں۔ مجھے امید ہے کہ گلگت بلتستان کے باشعور عوام اس بار اپنے گھر کے لئے ڈاکووں کا انتخاب نہیں کریںگے۔ عوام لوگوں کا ماضی دیکھ کر ووٹ کریں۔ حامد رضا نے کہا کہ نواز حکومت دراصل تکفیریت اور دہشت گردی کی علمبردار ہے اورنواز شریف جیسے نااہل شخص کو پرائمری سکول میں داخل کرنے کی ضرورت ہے جو امریکی صدر سے بات کرنے کے لئے اپنے ساتھ پرچی لیکر گیا تھا ۔ انہوں نے عوام پر زور دیا کہ وہ حق اور میرٹ کے لیئے آٹھ جون کو ایم ڈبلیو ایم کے امیداور کو کامیاب کریں۔ تقریب سے علمائے کرام کے علاوہ ایم ڈبلیوایم کے امیدوارحاجی رضوان نے بھی خطاب کیا۔
وحدت نیوز (شگر) مجلس وحدت مسلمین پاکستان بلتستان کے حلقہ نمبر 6 کے امیدوار فدا علی شگری کی انتخابی مہم زور و شور سے جاری ہے، انتخابی مہم کے سلسلے میں جہاں جلسہ، جلوس، ریلیوں کا سلسلہ جاری ہے، وہیں ایک بات کہ جس نے سب کو ورطہ حیرت میں ڈال دیا وہ یہ ہے کہ پروفیسر فدا علی شگری کی انتخابی مہم میں اہل حدیث خواتین بھی بڑھ چڑھ کر حصہ لے رہی ہیں۔ اسلام ٹائمز کے نمائندہ نے جب ان خواتین سے استفسار کیا کہ وہ کس مقصد کے تحت پروفیسر فدا علی شگری کی انتخابی مہم چلا رہی ہیں تو ان میں سے ایک خاتون کا کہنا تھا کہ مجلس وحدت مسلمین نے اپنے نام کی طرح اتحاد و وحدت کو پورے شگر میں پروان چڑھایا ہے، اس حلقہ میں راجہ اعظم خان اور عمران ندیم کے مقابلے میں انتخابات میں حصہ لینا بھی ایک انقلاب سے کم نہیں کیونکہ شگر میں راجہ اعظم خان اور عمران ندیم کے مقابلے میں انتخابات میں اپنا امیدوار کھڑا کرنا بھی بہت بڑا اقدام تھا جس کا ان انتخابات سے پہلے تصور بھی محال تھا۔ انہوں نے مزید کہا کہ مجلس وحدت مسلمین نے پروفیسر فدا علی شگری کی صورت میں ایک قابل، ایماندار اور دیندار شخص کو ہمارے نمائندہ کے طور پر متعارف کروایا ہے اور پسے ہوئے مظلوم طبقے کو ایک حوصلہ فراہم کیا ہے لہٰذا ایسے لائق شخص کی انتخابی کیمپین چلانے کو ہم اپنا فریضہ سمجھتے ہیں۔
وحدت نیوز (سکردو) پاکستان کے نامور عالم دین اور قائد گلگت بلتستان مرحوم شیخ غلام محمد کے فرزند علامہ مرزا یوسف حسین کا ”اسلام ٹائمز“ کے ساتھ خصوصی انٹرویو میں کہنا تھا کہ میرا نہیں خیال کہ گلگت بلتستان انتخابات میں شیعہ جماعتوں کا ووٹ بینک تقسیم ہوگا، کیونکہ میں لوگوں کو ایم ڈبلیو ایم کی طرف متوجہ دیکھتا ہوں، کیونکہ لوگ کافی حد تک انکی کارکردگی سے مطمئن نظر آتے ہیں، اس لئے ووٹ بھی انہیں دینگے۔ پھر یہاں لوگ پیپلز پارٹی اور مسلم لیگ (ن) سے نفرت کرتے ہیں، کیونکہ مہدی شاہ حکومت نے پانچ سال حکومت کی، لیکن قوم کے مسائل حل نہیں کئے، وہ یہ سمجھتے تھے کہ کچھ لوگوں کو نوکریاں دیں گے، تو سارے لوگ اگلی بار بھی ووٹ دینگے، مگر صورتحال یہ ہے کہ مہدی شاہ کے اپنے حلقے میں اسے شکست ہوتی دکھائی دے رہی ہے، وہ جیت نہیں رہا ہے۔ بہرحال شیعہ جماعتوں کا ووٹ تقسیم نہیں ہوگا، کیونکہ اکثریت کی رائے یہ ہے کہ وہ ایم ڈبلیو ایم کو ووٹ دینگے، اسے کامیاب بنائیں گے۔ شیعہ قوم جسے سازش کے تحت سلا دیا گیا تھا، مگر ایم ڈبلیو ایم نے میدان میں آکر اپنی کارکردگی سے قوم کو بیدار کر دیا ہے، اسی بیداری کے باعث قوم بھی ان سے مطمئن ہے، اور ایم ڈبلیو ایم خود بھی چاہتی ہے کہ موقع سے مثبت فائدہ اٹھائے، اور اگر موقع ملتا ہے تو یہ قوم کے اہم مسائل کو حل کی طرف توجہ دیں اور ان مسائل کو حل کرائیں۔
انہوں نے کہا کہ گلگت بلتستان انتخابات کے حوالے سے اب تک کے جو میرے مشاہدات ہیں، اس حوالے سے مذہبی جماعتوں میں مجلس وحدت مسلمین کی بہت اچھی پوزیشن ہے، کیونکہ ایم ڈبلیو ایم کی اب تک کی کارکردگی عوام کیلئے متاثر کن بھی ہے، اور عوام ان سے مطمئن بھی ہے، بلتستان کے تقریباً تمام حلقوں سے ایم ڈبلیو ایم نے امیدوار کھڑے کئے ہیں، میرے حساب سے ایم ڈبلیو ایم پانچ نشستوں پر اسکردو سے کامیابی حاصل کر لے گی، گلگت میں ایم ڈبلیو ایم کی اچھی پوزیشن ہے۔
وحدت نیوز (سکردو) ایم ڈبلیو ایم کے نامزد امیدوار حلقہ 5کھرمنگ ڈاکٹر شجاعت میثم نے کہا ہے کہ کھرمنگ کے عوام کوجھوٹے ضلع اور کالج کے نام پرگمراہ اور بیوقوف بنایا جارہا ہے۔ عوام اب باشعور ہوچکا ہے اور کسی ایسے جھوٹے اعلانات اور وعدوں پر یقین نہیں کرینگے۔اور کھرمنگ سے مورثی سیاست کو ختم کریں گے۔کھرمنگ کی عوام کو گذشتہ دو دہائیوں سے دو افراد کی بالادستی اور اقتدار کی خاطر آپس میں دست و گریباں کیا جارہا تھا۔ایم ڈبلیو ایم نے میدان سیاست میں آکر ان بتوں کو توڑا ہے اور عوام کی بالادستی کو یقینی بنانے غریب اور متوسط طبقوں کی نمائندگی کیلئے عوام کی آواز بنیں گے۔اور کھرمنگ کی عوام اور علاقے کی محرومیوں کا ازالہ کرینگے۔کھرمنگ کی عوام جھوٹے نعرے اور اعلانات کرنے والوں کو مسترد کرتے ہوئے عوامی پارٹی کو مضبوط کریں گے۔
وحدت نیوز (سکردو) شگر میں ن لیگ کی جانب سے ووٹرز کو اوپن ووٹ کاسٹ کرنے کے لئے مجبور کیا جا رہا ہے،یہی احکامات پیپلز پارٹی کے امیدوار کی ظرف سے بھی جاری ہوا ہے،الیکشن کمیشن اس عمل کا فوری نوٹس لیں بصورت دیگرٍ حالات کے تمام تر ذمہ دارانتظامیہ اورالیکشن کیمشن ہونگے،شگر کے عوام کو ہراساں کرنے کا سلسلہ جاری ہے اس کے نتائج بھیانک ہونگے،ہم مطالبہ کرتے ہیں کہ افواج پاکستان الیکشن کو شفاف بنانے میں بھر پور کردار ادا کریں،ان خیالات کا اظہار مجلس وحدت مسلمین بلتستان ڈویژن کے سیکرٹری جنرل علامہ آغا علی رضوی نے الیکشن سیل کے ہنگامی اجلاس سے خطاب کرتے ہوئے کیا،انہوں نے کہا کہ ن لیگ کے امیدواروں نے مضافاتی علاقوں میں دھاندلی کی ٹاسک اپنے گلو بٹوں کو سونپ دیے ہیں،الیکشن کو شفاف اور منصافانہ بنانے کا واحد حل پاک افواج کی مکمل نگرانی ہے،بصورت دیگر علاقہ ایک بڑے بحران سے دوچار ہو جائے گا،ہم عوام سے ضمیر کی آزادی چھینے کی کسی کو اجازت نہیں دینگے،اگر دھاندلی کے سپیشلسٹ ن لیگ کی جانب سے پنجاب اور ملک کے دیگر حصوں میں ہونے والے الیکشن کے عمل کو گلگت بلتستان میں دھرایا گیا تو ہم نتائج کو ہرگس قبول نہیں کریں گے،بے نظیر انکم سپورٹس کے نام پر سادہ لوح عوام کو ن لیگ کے وفاقی رہنما بلتستان میں گمراہ کر رہے ہیں،الیکشن کمیشن کی خاموشی ہمیں سمجھ میں نہیں آتی،مجلس وحدت مسلمین الیکشن کمیشن،انتظامیہ اورعلاقے کے حساس اداروں سے مطالبہ کرتے ہیں کہ خدارا عوامی رائے عامہ اور اظہار رائے پر قدغن لگانے کے عمل کو روکیں،ورنہ لوگوں کو کنٹرول کرنا ہمارے لئے مشکل ہو جائے گا،عوام اس قسم کے ناانصافیوں کو برداشت کرنے کے لئے ہرگس تیار نہیں۔
وحدت نیوز (گلگت) سابق مرکزی رہنما پاکستان پیپلز پارٹی سابق سینیٹر چیئرمین وائس آف شہداء پاکستان سید فیصل رضا عابدی نے گلگت بلتستان کے الیکشن میں مجلس وحدت مسلمین کے امیدواروں کی حمایت کا اعلان،گلگت اور بلتستان میں مجلس وحدت مسلمین کے امیدواروں کے انتخابی مہم میں شرکت،گلگت بلتستان کے غیور عوام علاقے میں اتحاد بین المسلمین،کرپٹ مافیا کے خاتمے اور تعلیمی و صنعتی انقلاب کے لئے مجلس وحدت مسلمین کے امیدواروں کو کامیاب بنائیں،ان خیالات کا اظہار سید فیصل رضا عابدی نے مجلس وحدت مسلمین کے امیدوار حلقہ 1 گلگت الیاس صدیقی کے ہمراہ گلگت میں انتخابی جلسے سے خطاب کرتے ہوئے کیا انہوں نے کہا گلگت بلتستان کے عوام بخوبی جانتے ہیں کہ جب ،چلاس،کوہستان،بابوسر ٹاپ پر ان کو بسوں سے اتار کر شناختی کارڈ دیکھ کر قتل کررہے تھے اس وقت ملک میں ایم ڈبلیوایم کے سوا کسی جماعت نے ان مظلوموں کے آواز نہیں اُٹھائی،گلگت بلتستان میں پاکستان دشمنوں کی سازشوں کو آپ کی اسی نمائندہ جماعت نے ناکام بنا کر شیعہ سنی اتحاد کو فروغ دے کر خطے کو امن کا گہوارہ بنایا،آج پاکستان کے اہل سنت کی سب سے بڑی جماعت سنی اتحاد کونسل کے چیئرمین صاحبزادہ حامد رضا اور دیگر رہنماوُں کا ایم ڈبلیو ایم کے الیکشن مہم میں حصہ لینا اس بات کی دلیل ہے یہ قومی و اتحاد بین المسلمین کے داعی جماعت ہے،گلگت بلتستان کے عوام ڈاکووں،لٹیروں اور جاگیرداروں کیخلاف متحد ہوں اور اس عوام دوست جماعت کا ساتھ دیں تاکہ آپ کے مستقبل سنور جائے،بصورت دیگر یہی لٹیرے آپ پرپھر سے مسلط ہونگے،یہ گلگت بلتستان کا آخری الیکشن ہے اگلا الیکشن قومی اسمبلی کا ہو گا۔
وحدت نیوز (گلگت) گلگت بلتستان میں جو جماعتیں تیس سالوں تک اقتدار میں رہیں انہوں نے عوام کو مایوسی کے سوا کچھ نہیں دیا،عوام ایک بارمجلس وحدت کوموقع فراہم کریں ہم انشاء اللہ عوام کو مایوس نہیں کرینگے اور حقیقی عوامی نمائندے اقتدار کے ثمرات عوام تک پہنچائیں گے۔ان خیالات کا اظہار مجلس وحدت مسلمین کے سربراہ علامہ ناصر عباس جعفری نے چھلت میں عوامی اجتماع سے خطاب کرتے ہوئے کیا ۔
انہوں نے کہا کہ رہبر مسلمین سید علی خامنہ ای نے کبھی بھی پاکستان میں کسی جماعت کو الیکشن میں سپورٹ نہیں کیا اور عوام کو کسی مخصوص جماعت کو ووٹ دینے کا حکم نہیں دیا۔انہوں نے کہا کہ جو کوئی یہ تاثر دینے کی کوشش کرتا ہے وہ سراسر جھوٹ ہے اور عوام ایسی باتوں پر ہرگز اعتبار نہ کریں۔ر ہبر معظم اپنے ہی ملک میں پارٹی پولیٹکس میں مداخلت نہیں کرتے ہیں اگر ایسا ہوتا تو آج ایران میں 30 سے زائد سیاسی جماعتیں نہیں ہوتی اور مقام معظم رہبری نے کبھی کسی پارٹی کی حمایت کی ہے اور نہ ہی انہوں نے کسی امیدوار کے حق میں کمپین چلائی ہے۔
علامہ ناصر عباس جعفری نے مزید کہا کہ عوام کو چاہئے کہ وہ باکردار اور متقی افراد کو ووٹ دیں عبا قبا اور عمامے کو نہ دیکھیں، صاحب کردار افراد کو اپنی نمائندگی کیلئے منتخب کرکے سیاست میں شرافت کو رواج دیں۔انہوں نے کہا کہ مجلس وحدت مسلمین نے مظلوم و مستضعف عوام کے حقوق کیلئے کراچی سے گلگت بلتستان تک پرامن جدوجہد کی ہے اور عوامی حقوق کی اس جدوجہد میں ہماری جماعت نے نہ سودا بازی کی اور نہ ہی ملی مفادات پر کسی مصلحت کو آڑے آنے دیا۔ کوئٹہ سے کراچی اور گلگت سے پاراچنار تک ملت کے خلاف ہونے والی ہرسازش اور ظلم کے خلاف جرات مندانہ اور دوٹوک موقف اپنایا۔
انہوں نے کہا کہ ہمارے امیدوار اپنی اہلیت اور قابلیت کی بنیاد پر عوام کی نمائندگی کے لئے زیادہ مناسب ہیں اور یہی نمائندے منتخب ہوکر عوام کے مسائل حل کرینگے۔ انہوں نے مزید کہا کہ ہم نے اپنی اہلیت کا مظاہر کرکے دکھایا ہے اورہم ہی مستقبل کے چیلنجوں اور ملی مسائل کے حل کی اہلیت اور طاقت رکھتے ہیں۔
وحدت نیوز(روندو) روندو تلو برق سے تعلق رکھنے والے 85گھرانو ں نے مجلس وحدت مسلمین کے امیدوار راجہ ناصرعلی خان کی حمایت کا اعلان کردیا ہے، شرقی اور نمبر دار خاندانوں کے وفدنے ریلی کی شکل میں ایم ڈبلیوایم آفس ڈمبوداس آکر راجہ ناصرعلی خان سے ملاقات کی انہیں اپنی بھرپور حمایت کا یقین دلایا، وفد میں امیر بیگ، حوالدار شیر محمد، فداحسین ، حاجی خان، صابر ابراہیم ، ابرارحسن اور دیگر شامل تھے،وفد نے ایم ڈبلیوایم کی علاقائی خدمات اور وژن سے متاثر ہوکر ایم ڈبلیوایم کے امیدوار کی حمایت کا اعلان کیا، وفد کے شرکاء کو کہنا تھا کہ مجلس وحدت مسلمین نے کم مدت میں گلگت بلتستان کے مسائل کی حل میں کلیدی کردار ادا کیا۔
وحدت نیوز(روندو) یوتھ آف روندو کے چیئرمین اور ایم ڈبلیوایم کے رہنماسید یاسین شاہ نے اپنے ایک بیان میں کہا کہ آٹھ جون کو راجہ ناصر علی خان کی کامیابی یقینی ہے، انشاءاللہ ہم اہلیان روندو راجہ ناصرعلی خان نے کامیابی علامہ راجہ ناصرعباس جعفری کو تحفہ کریں گے، انہوں نے کہا کہ ایم ڈبلیوایم نے اختیارات اور وسائل کے بغیر گلگت بلتستان کیلئے وہ کام کیئے جو برسراقتدار جماعتیں بھی نہیں کرتیں ، گندم سبسڈی ایشو پر ایم ڈبلیوایم نے قائدانہ کردار ادا کیا جو کسی سے ڈھکا چھپا نہیں ۔
