وحدت نیوز (کراچی) مجلس وحدت مسلمین پاکستان صوبائی سیکرٹری جنرل علامہ مختار امامی نے وحدت سیکرٹریٹ میں جنرل ورکرر اجلاس سے خطاب کرتے ہوئے کہا ہے کہ ملک کودرپیش تمام مسائل کا حل تعلیمات قرآن و اہلبیت ؑ میں مضمر ہے ، انشاء اللہ 27 مارچ کوبھٹ شاہ میں منعقد ہونے والی بیداری امت واستحکام پاکستان کانفرنس 18کروڑ مفلوک الحال عوام کے لیے روشنی کی کرن ثابت ہو گی ، اس روزہزاروں فرزندان توحید سرزمین وطن پر ہونے والی دہشت گردی ، لاقانونیت ، ٹارگٹ کلنگ ، بیرونی مداخلت اور حکومت کی خاموش پالیسوں کے خلاف جدو جہد کا اعلان کریں گے ،اس موقع پر عالم کربلائی ،مولانا نشان حیدر ساجدی علامہ عبداللہ مطہری ،آصف صفوی ،شفقت لنگا ،ناصر حسین اور حیدر زیدی بھی موجود تھے ۔

علامہ مختار امامی کا کہنا تھا کہ آج امریکی و سعودی نفوذ کی بدولت سرزمین پا ک بے گناہ انسانوں کے خون سے رنگین ہے ،اور کربلا کا منظر پیش کررہی ہے، یہاں ہر روز بے گناہوں کا خون پانی کی طرح بہایا جا رہا ہے۔ اس لیے ہر باضمیر، غیرت مند، شجاع اور وطن سے محبت کرنے والے فرد پر فرض ہے کہ وہ پاک سرزمین کی حفاظت کے میدان عمل میں اترے۔ انہوں نے کہا کہ ملک میں بڑھتی ہوتی دہشتگردی لاقانونیت اور بد امنی امریکی غلامی کا نتیجہ ہے انشاء اللہ پاکستان سے محبت، حق کی شناخت اور طاغوت کی غلامی سے انکار کرنے والے پیروان قرآن و اہلبیت ؑ 27مارچ کو ثابت کر دیں گے کہ اب ملک میں امریکی وسعودی مداخلت کو مزید برداشت نہیں کیا جائے گااوروطن عزیزکو دہشت گردی کی لعنت سے پاک کرنے کی پاک فوج کی تمام کوششوں کو مکمل سپورٹ کیا جائے گا، ہم ملک دشمن عناصرکی ہیخ کنی کیلئے آپریشن ضرب عضب کی حمایت جاری رکھیں گے۔

وحدت نیوز (نصیرآباد) مجلس وحدت مسلمین بلوچستان کے سیکریٹری جنرل اور شہداء کمیٹی کے چیئرمین علامہ مقصود علی ڈومکی نے ایک وفد کے ہمراہ کمشنرنصیر آباد ڈویژن احمد عزیز تارڑسے ملاقات کی۔ ملاقات میں سانحہ چھلگری آٹھ محرم خود کش حملے سے متعلق مسائل پر تفصیلی تبادلہ خیال کیا گیا۔ ملاقات میں صوبائی ڈپٹی سیکریٹری جنرل مولانا سید ظفر عباس شمسی و دیگر موجود تھے۔

اس موقع پرگفتگو کرتے ہوئے علامہ مقصود علی ڈومکی نے کہا کہ چار ماہ گذر جانے کے باوجود دھشت گردوں کی عدم گرفتاری ریاستی اداروں کی کارکردگی پر سوالیہ نشان ہے۔ وارثان شہداء آج بھی مجرموں کی گرفتاری کے لئے حکمرانوں سے انصاف کی امیدف لئے بیٹھے ہیں۔

انہوں نے کہا کہ نصیر آباد ڈویژن سمیت بلوچستان بھر میں دہشت گردی کے مراکز اور سہولت کار موجود ہیں جن کے خلاف بھرپورآپریشن کی ضرورت ہے۔ بلوچستان اور سندہ میں دھشت گردی کے لئے مستونگ کے دھشت گرد آتے ہیں۔ مستونگ دھشت گردی کا گڑہ بن چکا ہے، پاک فوج مستونگ میں دھشت گردی کے مراکز کے خلاف آپریشن کرے۔

اس موقع پر کمشنر رفیق احمد تارڑ نے کہا کہ دھشت گرد عوام اور ملک کے دشمن ہیں جن کا خاتمہ ضروری ہے۔ ہم دھشت گردی کا خاتمہ چاہتے ہیں، اور اس سلسلے میں بھرپور کوشش کریں گے۔ انہوں نے کہا کہ زخمیوں کے علاج معالجے کے لئے صوبائی حکومت کو باضابطہ طور پر مراسلہ ارسال کیا ہے، جبکہ یادگار شہداء ٹاور کی تعمیر کے سلسلے میں پیش رفت کی جائے۔

وحدت نیوز(کراچی) مجلس وحدت مسلمین پاکستان صوبہ سندھ کی جانب سے صوبائی سیکریڑیٹ سولجر بازار میں شہادت دختر رسول ﷺ حضرت سید فاطمہ الزھراء سلام اللہ علیہا کی مناسبت سے مجلس عزاء منعقد ہوئی ، مجلس عزاء سے ایم ڈبلیو ایم پاکستان کے مرکزی سیکریڑی تربیت علامہ احمد اقبال رضوی نے خطاب کرتے ہوئے کہا کہ خاتون جنت حضرت زہراء سلام ا للہ علیہا کی سیرت و کردار تمام عالم اسلام کے کیلئے مشعل راہ ہے جناب سیدہ زہراء سلام علیہا نے سخت و کٹھن وقت میں ولایت علیؑ و دین کی ترویج کے فرائج انجام دی دئیے آج کے اس پرآشوب دور میں عالم اسلام کو حضرت مخدومہ کونین سیدہ فاطمہ سلام اللہ علیہا اور اہلبیت رسول ﷺ کے بتائے ہوئے اصولوں پر چلنا ہوگا جنکی محبت کا حکم خدا نے دیا ہے تاکہ عالم اسلام متحد ہو کر دشمنان اسلام کے ظلم و بربریت کے خلاف علم جہاد بلند کریں انہوں نے مزید کہا کہ چودہ سو سال پہلے اہلبیت رسول ﷺ پر مظالم ڈھائے گئے اور آج بھی انکے پیروکاروں پر شام ، یمن، نائجیریا ، پاکستان عراق ، بحرین و دیگر ممالک میں ظلم بربریت کے پہاڑ توڑے جارہے ہیں ۔ امت مسلمہ کو متحد ہوکر دشمنان اسلام کی سازشوں کا مقابلہ کرنا ہوگا مشرق وسطیٰ میں لگائی جانے والی آگ کے پیچھے صہیونی مقاصد ہیں چند نادان دوست ممالک صہیونی ایجنڈو ں کے آلہ کار بن کر امت مسلمہ میں انتشار کا باعث بن رہے ہیں ایسے حالات میں ملکی حکمرانوں کو اپنا مثبت کردار ادا کرنا ہو گا جس سے خطہ میں امن و امان کی ابتر صورتحال پر قابو پایا جاسکے۔

وحدت نیوز (سکردو) مجلس وحدت مسلمین پاکستان گلگت بلتستان کے رہنما اور رکن گلگت بلتستان قانون ساز اسمبلی کاچوامتیاز حیدرخان نے اپنے ایک بیان میں کہا ہے کہ پاک چین اقتصادی راہداری میں گلگت بلتستان کو متناسب حصہ نہ دیا گیا تو جو حالات پیش آئیں گے اس کی ذمہ داری صوبائی اور وفاقی حکومت پرعائد ہوگی۔ گلگت بلتستان کے عوام کا صبر کا پیمانہ لبریز ہوچکا ہے، کہیں ایسا نہ ہو کہ یہ عوام ایسا اقدام اٹھانے پر مجبور ہوجائے جسکے نتیجے وطن عزیز کا سب سے بڑا منصوبہ تعطل کا شکار ہو۔ سی پیک کمیٹی میں گلگت بلتستان کو نمائندگی نہ دینا اس بات کی دلیل ہے کہ جی بی کے حصے میں کچھ بھی نہیں ہے۔ شریف برادران کے قصائد پڑھنے والے بتائیں کہ بلیک اینڈ وائٹ میں سی پیک میں جی بی کے لیے کیا ہے اور سی پیک کمیٹی میں نمائندگی کیوں نہیں ہے۔ اکنامک کوریڈور نہ پورے ہونے والا خواب بننے سے قبل گلگت بلتستان کے محرومیوں کا ازالہ کیا جائے۔

انہوں نے مزید کہا کہ دیامر کے غیور عوام، غذر کے عوام، ہنزہ نگر کے عوام اور گلگت بلتستان کے عوام اپنے حقوق چھیننے کے لیے تیار رہیں، موجودہ حکومت سے حقوق ملنا ممکن نہیں ہے۔ اگر گلگت بلتستان کے عوام کسی قسم کی سازش کا شکار ہوئے بغیر متحد ہوجائیں تو کسی بھی غاصب کی ہمت نہیں ہوگی کہ جی بی کے حقوق پر ڈاکہ ڈالے۔ گلگت بلتستان کی صوبائی اور وفاقی حکومت اکنامک کوریڈور میں حصہ کے نام پر لولی پاپ دینے کی کوشش کرے گی اور عوام کو تقسیم کرکے اپنا الو سیدھا کرے گی، جس کے لیے عوام کو ہشیار رہنے کی ضرورت ہے۔ میں گلگت بلتستان کے غیور عوام سے گزارش کرتا ہوں کہ اپنے حقوق کے لیے حصول کے لیے میدان میں نکلنے کے لیے آمادہ رہیں، بغیر کسی رنگ و نسل اور فرقے کی تمیز کے سب بھائی بھائی بن کر آگے بڑھنے کی ضرورت ہے۔ اگر اس موقع پر بھی عوام خاموش رہے اور صوبائی حکومت کی جھوٹی تسلیوں اور کھوکھلے دعووں پر یقین کرتے رہے تو آنے والی نسلیں ہمیں نہیں بخشیں گی۔