The Latest
وحدت نیوز(سکردو) مجلس وحدت مسلمین پاکستان بلتستان کے ڈویژن کے سیکریٹری جنرل علامہ آغا علی رضوی نے کہا ہے کہ گلگت بلتستان کے غیورعوام کبھی بھی کسی ظالم و جابر کو ووٹ نہیںدے گی، اس خطہ کے حقوق کی جنگ کو ہمیشہ جاری رکھیں گے۔ ان خیالات کا اظہار انہوں نے حلقہ 5 کھرمنگ میں خطاب کرتے ہوئے کیا۔ ان کا کہنا تھا کہ مجلس وحدت مسلمین نے ہمیشہ ظالم کی مخالفت میں اپنی جدوجہد کو جاری رکھا اور انشاء اللہ مظلوم کی حمایت کے اس سفر کو ہمیشہ جاری رکھیں گے، گلگت بلتستان کے عوام نے ہمیشہ ملی غیرت کا ثبوت دیتے ہوئے ظالم کے خلاف تحریک میں ہمیشہ ہمارا ساتھ دیا اور انشاء اللہ عوام کبھی ظالم کی حمایت نہیں کریں گے۔ علامہ علی رضوی کا کہنا تھا کہ وفاقی جماعتوں نے ہمیشہ اس خطے کے مظلوم عوام کا استحصال کیا اور ہمیشہ عوام کو سبز باغ دکھا کر دھوکہ دیتے رہے،اب الحمداللہ یہاں کے عوام بیدار ہیں،اور کسی ظالم کو اس جنت نظیر خطے سے زیادتی کی اجازت نہیں دینگے،علامہ سید علی رضوی نے الیکشن میں دھاندلی کی صورت میں مسلم لیگ ن کو انتباہ کرتے ہوئے کہا کہ اس الیکشن میں دھاندلی اگر ہوئی تو ن لیگ کے لئے پورے ملک میں مشکلات پیدا ہونگے اور یہ پر امن خطہ عدم استحکام کا شکار ہوگا،شگر میں دھاندلی کی تیاریاں ن لیگ کی مکمل ہے،ہم واضح کرتے ہیں کہ ایسے کسی غلطی سے حکمران اجتناب کریں جس سے علاقے اور خطے کو نقصان ہو،عوامی رائے پر قدغن کو کوئی بھی ذی شعور برادشت نہیں کریگا،آغا علی رضوی کا کہنا تھا کہ ن لیگ کو انتظامیہ نے ہر ضابطہ اخلاق سے مثتثیٰ قرار دیا ہے،ائر پورٹ کے احاطے میں ن لیگی کارکنوں کو کھلے عام شور غوغا کی اجازت دے کر ضابظہ اخلاق کی دھجیاں بکھیر دی ہے دوسری طرف بلا جواز ایم ڈبلیوایم کے امیدواروں کو نوٹسز جاری کئے جارہے ہیں ہم آئین و قانون کے بالا دستی کی جنگ لڑ رہے ہیں،ہم اس دوہرے معیار کو ہرگز قبول نہیں کریں گے۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکر ٹری جنرل علامہ امین شہیدی نے کہا کہ گلگت بلتستان کے آئینی حقوق کی جنگ جیتنے اور علاقے کی پسماندگی دور کرنے کے لیے مظلوموں کو طاقتور بننا ہو گا اگر شفاف ماضی اور با کردار شخصیت کے حامل افراد الیکشن میں جیتیں گے تو عوام کی خدمت زیادہ بہتر ہو سکے گی کوئٹہ میں جب عوام نے صوبائی اسمبلی کی نشست پر ایم ڈبلیو ایم کے نمائندہ کو جتوایا تو کچھ ہی عرصے میں حلقہ میں 2 ارب روپے سے زیادہ کے ریکارڈ ترقیاتی کام ہوئے ہمیں اپنے ووٹ مفاد پرستوں ،کرپٹ اور دھوکے باز امیدواروں کو نہیں دینا چاہیے اور اس سلسلے میں کسی بھی قسم کی خاندانی،علاقائی اور ذاتی مصلحت سے کام نہیں لینا ہو گا ایم ڈبلیو ایم نے پورے ملک میں مظلوموں کے حقوق کی جنگ لڑی ہے اور تمام مکاتب فکر کے لوگوں کو اکھٹا کیا ہے گلگت بلتستان کی ترقی اور کامیابی کے لیے ہی ہم اسماعیلی اور نور بخشی کمیونٹی کے ساتھ ملکر جدوجہد کر رہے ہیں ہم جیتیں یا ہاریں عوام کی خدمت کا سلسلہ جاری رہے گا ان خیالات کا اظہار انہوں نے نلتر نومل گلگت میں ایک عوامی جلسے خطاب کرتے ہوئے کیا ۔
مجلس وحدت مسلمین پاکستان کے مرکزی سیکر ٹری فلاح وبہبود نثار علی فیضی نے کہا کہ ایم ڈبلیو ایم الیکشن جیت کر گلگت بلتستان کو ماڈل صوبہ بنائے گی اسوقت بھی محدود وسائل کے باوجود پورے ملک میں بالعموم اور جی بی میں بالخصوص مساجد، طبی مراکز ،فراہمی آب پروجیکٹ،کفالت ایتام ،اور نادار غریب لوگوں کے لیے رہائشی منصوبے مکمل کر کے عوامی خدمت کی مثال قائم کی ہے ہماری جماعت اپنے منشور اور شاندار کارکردگی کی بنیاد پر اہلیت رکھتی ہے کہ وہ گلگت بلتستان کی محرومی وپسماندگی کو مکمل دور کرے الیکشن میں ہمارے امیدوار تعلیم، شخصیت اور خدمت کے اعتبار سے عوام کے لیے بہترین آپشن ہیں امید ہے کہ 8 جون کو پورے خطے میں عوام خیمے پر مہر لگا کر اپنی قسمت بدلنے کا آغاز کرینگے جلسے سے ایم ڈبلیو ایم سندھ کے صو بائی سیکر ٹری جنرل علامہ مختار امامی،مرکزی سیکر ٹری یوتھ فضل عباس نقوی اور علاقے کے پیش امام شیخ انصار حسین نے بھی خطاب کیا ۔
وحدت نیوز (کراچی) مجلس وحدت مسلمین کے مرکزی جنرل سیکریٹری علامہ راجہ ناصر عباس جعفری نے سعودی عرب کے شہر دمام کی مسجد امام حسینؑ میں دوران نماز جمعہ دہشتگردوں کی جانب سے خود کش بم حملے کی شدید مذمت کی اور واقع میں شہید ہونے والے 4 سے زائد نمازی کی شہادت اور متعدد افراد کے زخمی ہونے پر و حدت ہاؤس کراچی سے جاری اپنے مذمتی بیان میں کہنا تھا کہ سعودی عرب دہشتگردی کے واقعات میں اضافہ ہوتا جا رہا ہے گزشتہ جمعہ قطیف جامع مسجد امام علی ؑ اورآج دہشتگردوں نے جامع مسجد امام حسین ؑ کو اپنا ہدف بنایا جانا سعودی حکومت کی داعش اور القائدہ کو فراہم کردہ پشت پناہی خودکش حملوں کا باعٖث ہے مساجد اور عبادت گاہوں کو نشانہ بنانے والے عناصرکے ہاتھ ہزاروں بے گناہ مسلمانوں کے خون سے تر ہیں۔سعودیہ بے گناہ نمازیوں کو نشانہ بنانے والے یزیدی فکر کے پیرو کار ہیں دہشتگردی کے مسلسل واقعات سعودی حکومت پر سوالیہ نشان ہیں سعودی حکومت نے اپنے سیاسی و اقتصادی مفادات کے حصول کے لیے عالم اسلام کو شدید خطرات سے دوچار کررکھا ہے۔ تکفیری گروہوں کی سعودی پشت پناہی ان کے حوصلے بلند کرنے میں لگی ہوئی ہے جو دنیا بھر میں دہشت کی علامت بن چکے ہیں۔انہوں نے کہا کہ دہشت گردی کے خاتمے کی اولین شرط تکفیری سوچ کو شکست دینا ہے جس کی جڑوں کی آبیاری سعودیہ میں ہو رہی ہے اور شاخیں ساری دنیا میں پھیلی ہوئی ہیں۔مسلمان کا مسلمان کے ہاتھوں نعرہ تکبیر کے ساتھ قتل قہر خداوندی کو دعوت کے سوا کچھ نہیں عرب بادشاہوں نے جن ثانپ نما مجاہدوں کوپاکستان ، افغانستان، ایران ، عراق، شام، لبنان کیلئے دودھ پلا کر پالا تھا آج وہی سانپ سعودیہ عرب میں عوام کو ڈس رہے ہیں ۔ جب تک سعودی حکومت ان عناصر کے خلاف بھر پور کاروائی نہیں کرتی تھی تب تک دنیا میں امن کا قیام ممکن نہیں۔انہوں نے اقوام عالم سے بالعموم اور امت مسلمہ سے بالخصوص مطالبہ کیا کہ وہ عالمی امن وامان کے قیام اور دنیا بھر کے مسلمانوں کی جان و مال کے تحفظ کو یقینی بنانے کے لیے سعودی حکومت پر دباو ڈالے کہ وہ ان عناصر کی معاونت ترک کرے جو اسلام کے نام پر قتل و غارت کے مرتکب ہو کر دنیا بھر میں مسلمانوں کی بدنامی کا باعث بن رہے ہیں۔
وحدت نیوز(سکردو) مجلس وحدت مسلمین پاکستان کے مرکزی سیکریٹری سیاسیات ناصرعباس شیرازی نے کہا ہے کہ نوازلیگ کی حکومت تکفیری دہشت گردوں کی سرپرست ہے، کوئٹہ میں ٹارگٹ کلنگ کی مذمت کرتے ہیں، دہشت گردوں کیخلاف پورے ملک میں آپریشن ضرب عضب کیا جائے۔ ان خیالات کا اظہار انہوں نے آئی ایس او بلتستان ڈویژن کی جانب سے یادگار شہداء سکردو میں احتجاجی مظاہرے سے خطاب کرتے ہوئے کیا۔ ناصر شیرازی کا کہنا تھا کہ کوئٹہ میں جاری ٹارگٹ کلنگ کے اصل ذمہ دار وہ لوگ ہیں کہ جنہوں نے طالبان سے مذاکرات کے نام پر ملک کو دہشت گردوں کے آگے ڈالنے کی کوشش کی گئی، لیکن ملت جعفریہ کی استقامت نے ان عناصرکی تمام سازشوں کو ناکام بنا دیا۔ ان کا کہنا تھا کہ جب تمام پارلیمانی جماعتیں طالبان سے مذاکرات کیلئے نواز لیگ کو مینڈیٹ دے کر آئیں تھیں تب واحد جماعت مجلس وحدت مسلمین تھی کہ جس نے طالبان سے مذاکرات کو شیطان سے مذاکرات قرار دیا اور آج پورے پاکستان سمیت پاک افواج نے بھی مجلس وحدت مسلمین کے مؤقف کی تائید کرتے ہوئے آپریشن ضرب عضب کا آغاز کیا ہے، لیکن اس آپریشن کو پورے ملک میں کرنے کی ضرورت ہے۔ ناصر شیرازی کا کہنا تھا کہ ہم نے شیعہ سنی اتحاد کے ذریعے تمام تکفیری دہشت گردوں اور ان کے سرپرستوں کو بے نقاب کردیا ہے اور انشاء اللہ وحدت کے اس سفر کے ذریعے پاکستان امن کی وادی بنانے کی تحریک جاریرکھیں گے۔
وحدت نیوز (کھرمنگ) میوزکل شو کرکے کھرمنگ کی عوام کو خوشحالی کے خواب دکھانے والے ایک دن بعد پانچ سال کے لئے غائب ہو جائیں گے،سادہ لوح عوام کو ہر دور کے سیاست دانوں نے دھوکے دیئے،اب یہاں کے عوام باشعور اور بیدار ہیں،کوئی بھی بلتستان کے عوام کو سہانے خواب دکھا کر ووٹ نہیں لے سکتا،ان خیالات کا اظہار مجلس وحدت مسلمین کھرمنگ کے امیدوار ڈاکٹر شجاعت میثم نے حلقہ 5میں انتخابی جلسے سے خطاب میں کیا،انہوں نے کہا کہ ہم عوام کی عملی خدمت پر یقین رکھتے ہیں،انشااللہ ہم عوام سے یہ وعدہ کرتے ہیں کہ ہم آپ سے خیانت نہیں کریں گے،مجلس وحدت مسلمین مستضعفین کی جماعت ہے،اور ہمارے قائدین کی استقامت اور شجاعت کا ثمر ہے کہ ملک بھر کی بڑی پارٹیاں اس عوامی جماعت کی سیاسی طاقت دیکھ کر خوفزدہ ہیں،ہمارا اوڑھنا بچھونا عوام ہے،عوامی لوگ میوزکل شو اور سبز باغ نہیں دکھاتے وہ عوام کے لئے کام کرتے ہیں،انشااللہ بلتستان کے عوام بیدار ہیں اور وہ کسی کے بہکاوے میں نہیں آئیں گے۔
وحدت نیوز (سکردو) مجلس وحدت مسلمین پاکستان کے مرکزی رہنما علامہ شیخ اعجاز حسین بہشتی نے کہا ہے کہ نوازشریف کی حکومت پاکستان میں آل سعود کی نمائندہ حکومت ہے، گلگت بلتستان کو رائیونڈ سمجھنے والوں کو 8 جون کو بھرپور جواب دیں گے۔ ان خیالات کا اظہار انہوں امامیہ اسٹوڈنٹس آرگنائزیشن پاکستان بلتستان ڈویژن کی جانب یادگار شہداء سکردو پر کوئٹہ میں شیعہ نسل کشی کیخلاف احتجاجی مظاہرے سے خطاب کرتے ہوئے کیا۔ علامہ اعجاز بہشتی کا کہنا تھا کہ گلگت بلتستان کے عوام یہ بات جان چکی ہے،کہ جن کے مفادات وطن عزیز کے ازلی دشمن انڈیا کے ساتھ وابستہ ہوں وہ کبھی بھی اس خطے کی ترقی کے لئے کام نہیں کریں گے،ضلع کے نام پر ہنزہ،کھرمنگ اور شگر کے عوام کو بیووقف بنایا گیا،انشااللہ گندم سبسڈی کی طرح آئینی حقوق اور اضلاع عوام طاقت سے چھین کر لیں گے،ہم بائی چانس پاکستانی نہیں بلکہ بائی چوائس پاکستانی ہے،ملت جعفریہ اور گلگت بلتستان کے عوام پاکستان کی فطری دفاعی لائن ہے،ملک دشمن دہشت گردوں کا نشانہ یا تو ملت جعفریہ ہے یا پاکستان کے افواج کیونکہ وہ جانتے ہیں کہ ان دونوںکو نقصان پہنچائے بغیر ان کے مذموم عزائم کی کامیابی ممکن نہیں،آج سن لیں پاکستان کے دشمن ہم وطن عزیز پر کے لئے اپنی جانوں کی قربانی کو عین عبادت سمجھتے ہیں،لیکن ہم اس دہشت گردی کے ناسور کو اور ان کے سہولت کاروں کو بخوبی جانتے ہیں ان کو بے نقاب کرکے دم لیں گے تاکہ پاکستان امن کا گہوارہ بنے اور دشمن کے عزائم خاک میں مل جائے۔
وحدت نیوز (شگر) اصولوں کی سیاست پر کوئی سمجھوتا نہیں کریں گے،ہمارا منشور پرامن مستحکم پاکستان اور نفرتوں ،تفرقہ بازی،دہشت گردی،بے روزگاری ،انصاف کی فراہمی،روشن مستقبل،تعلیمی و صنعتی انقلاب،اور خود انحصاری کے لئے جدو جہد کرنا ہے،شگر کے عوام نے روائتی سیاست کیخلاف فیصلہ د ے کر ثابت کیا کہ وہ علاقے میں تبدیلی کے خواہاں ہے،ان خیالات کا اظہار مجلس وحدت مسلمین شگر کے امیدوار فدا علی شگری تسر شگر میں عوامی اجتماع سے خطاب کرتے ہوئے کیا،انہوں نے کہا کہ ہم اقتدار کے لئے الیکشن میں نہیں آئے،ہماری جدو جہد عوامی حقوق کی بحالی اور روائتی سیاست کا خاتمہ ہے،تاکہ شگر کے غیور عوام کو اپنی طاقت کا احساس ہو کہ نمائندے ان کے نوکر ہے وہ نمائندوں کے نہیں،گذشتہ 35 سالوں سے بیچارے عوام ووٹ دینے کے بعد نمائندوں سے ملاقات کے لئے پانچ سال دھکے کھاتے رہتے ہیں اور الیکشن قریب آتے ہی سیاست دان ان کو بیووقف بنانے کے لئے ان کے گھروں کا طواف شروع کرتے ہیں،ہم اس نظام سیاست کو ہمیشہ کے لئے ختم کر کے رہیں گے،وہ شگر جس کو علی شیر خان انچن نے روم سے موازنہ کیا تھا آج یہاں کے عوام بنیادی حقوق سے محروم ہے،یہ ایک لمحہ فکریہ سے کم نہیں،انشااللہ مجلس وحدت مسلمین شگر کو ماڈل ضلع بنا کر پورے گلگت بلتستان کے لئے مثال قائم کریگی۔
وحدت نیوز (گلگت) مجلس وحدت مسلمین پاکستان گلگت بلتستان کے عوام کے آئینی حقوق کی جنگ بھرپور انداز سے لڑے گی اور اس وقت تک حکمرانوں کا جینا دوبھر کردینگے جب تک یہاں کے عوام کو آئینی حقوق نہیں دئیے جاتے۔ہمارا یہ نعرہ صرف انتخابی مہم کا حصہ نہیں بلکہ یہ نعرہ ہمارے منشور کا بنیادی حصہ ہے۔ان خیالات کا اظہا ر مجلس وحدت مسلمین پاکستان کے سربراہ علامہ ناصر عباس جعفری نے نگر خاص میں عوامی جلسے سے خطاب کرتے ہوئے کیا۔
انہوں نے کہا کہ ہم مجلس وحدت مسلمین کے پلیٹ فارم سے کوئی ایسا غیر قانونی اقدام نہیں اٹھائینگے جس سے عوام ہمیں مستقبل میں ندامت کا سامنا کرنا پڑے ۔ خطے کے عوام کو گزشتہ 68 سالوں بنیادی حقوق سے محروم رکھا گیا ہے اور ہم انشاء اللہ اقتدار میں آکر پہلے پانچ سالوں میں گلگت بلتستان کے عوام کی ان محرومیوں کا ازالہ کرینگے اور علاقے کی تعمیر و ترقی کیلئے دن دوگنی رات چکنی محنت کرینگے۔مجلس وحدت مسلمین پاکستان نے ضلع ہنزہ نگر کیلئے بے داغ ماضی ، اہل اور دیانت دار افراد کا انتخاب کیا ہے جو یقیناًدوسری جماعتوں کے نامزد کردہ امیدواروں سے ممتاز ہیں اور عوامی امنگوں کی ترجمانی کرینگے۔انہوں نے کہا کہ گلگت بلتستان کے عوام کے حقوق کو غصب کرنے والوں سے جلد حساب لیا جائیگا ،عوام مطمئن رہیں مجلس وحدت مسلمین خطے کے عوام کو مایوس نہیں کرے گی۔ہم نے علاقے کی نمائندگی کیلئے اہل افراد کو میدان میں اتار کر اپنی وعدے کی پاسداری کی ہے اور ہمیں امید ہے کہ عوام ہمارے نامزد کردہ امیدواروں کا ضرور کامیابی دلوائیں گے۔
جلسے سے خطاب کرتے ہوئے سنی اتحاد کونسل پاکستان کے سربراہ صاحبزادہ حامد رضا نے کہا کہ گلگت بلتستان کے بلند و بالا چٹانو ں کے درمیان رہنے والے باوفا پاکستانیوں کا شعور بھی بلند ہے اور ان جوانوں کے حوصلے بھی چٹانوں کی مانند مضبوط ہیں۔ان سنگلاخ چٹانو ں کے درمیان بسنے والے عوام کی صلاحیتیں کسی سے کم نہیں ،لیکن افسوس کے ساتھ کہنا پڑتا ہے کہ مفاد پرست حکمرانوں نے آج تک خطے کے با صلاحیت افراد کو اقتدار میں شامل کرکے ان کی صلاحیتوں استفادہ کرنے کی کوئی سنجیدہ کوشش نہیں کی ہے۔ حکمرانوں نے 63 سال بعد ایک پیکیج کے ذریعے ڈمی صوبائی سٹیٹس تو دیا ہے لیکن تمام تر اختیارات کو یہاں کے منتخب عوامی نمائندوں کو منتقل نہیں کیا ہے جس سے ثابت ہوتا ہے کہ حکمران علاقے کے عوام سے مخلص نہیں ۔
انہوں نے کہا کہ سنی اتحاد کونسل اور مجلس وحدت مسلمین نے پورے پاکستان میں تکفیریت کو بے نقاب کردیا ہے اگر وحدت مسلمین پاکستان کو میرے خون کی ضرورت پڑی تو دریغ نہیں کرینگے اور سنی شیعہ اتحاد وحدت کی قوت سے پاکستان دشمن قوتوں کا قلع قمع کردینگے۔ انہوں نے کہا کہ مسلم لیگ نواز دہشت گردوں کی پشت پناہی اور انہیں تحفظ فراہم کررہی ہے جس کے ہمارے پاس شواہد موجود لہٰذا گلگت بلتستان کے عوام نواز لیگ کے جھوٹے نعروں کے دھوکے میں نہ آئیں ورنہ رانا ثناء اللہ جیسے تکفیری سوچ رکھنے والے لیگی متوالے آپ کے مستقبل کے فیصلے کرنے لگیں گے ۔ انہوں نے کہا کہ 8 جون کا سورج وحدت مسلمین کی فتح کی نوید لیکر طلوع ہوگا ۔
وحدت نیوز(شگر)مجلس وحدت مسلمین پاکستان بلتستان ڈویژن شگر کے زیراہتمام الیکشن مہم کے سلسلے میں ایک عظیم الشان ریلی کا انعقاد کیا گیا۔ ریلی شگر کی تاریخ کی سب سے بڑی ریلی تھی ، اس ریلی میں ہزاروں کارکنان اور مجلس وحدت مسلمین کے ووٹرز موجود تھے ۔ ریلی کئی کلومیٹرز پر مشتمل تھی اور شرکائے ریلی کے عزم و ارادے اور حوصلے سے اندازہ ہو رہا تھا کہ آئندہ انتخابات میں حلقہ 6شگر میں مجلس وحدت کے امیدوار لیکچرار فد ا علی شگری بھاری اکثریت سے فاتح قرار پائیں گے۔ پاور شو کے لیے نکالی جانے والی ریلی شگر تسر سے شگر مل تک پھیلی ہوئی ہے اور شگر کی فضا مجلس وحدت کے کارکنان کے صداوں سے گونجتی رہی ۔ اس موقع پر حلقہ شگر کے امیدوار فدا علی شگری نے اپنے خطاب میں کہا کہ مجلس وحدت کے پرچم تلے گلگت بلتستان میں تبدیلی کا آغاز ہوچکا ہے ۔ عوام کی حمایت سے مجلس وحدت گلگت بلتستان کو روشن اور بااختیار بنا کر دم لے گی اور ظالم حکمرانون کا گھیرا تنگ کیا جائے گا۔ انہوں نے کہا کہ گلگت بلتستان کی تعمیر و ترقی کے نئے دور کا آغاز ہوچکا ہے اس تعمیر و ترقی کے لیے عوام کو قربانی دینے کی ضرورت ہے ۔ وفاقی جماعتوں نے گلگت بلتستان میں عوام کو حقوق سے محروم رکھا گیا ہے اور یہ وفاقی جماعتیں کبھی گلگت بلتستان سے مخلص نہیں رہی ہے اور اب وہ دور آچکا ہے کہ ہم ان وفاقی خیانت کرنے والی جماعتوں کو دوبارہ گلگت بلتستان میں گھسنے اور عوامی مینڈیٹ کو چرانے کی اجازت نہیں دے گے۔ انہوں نے کہا کہ مجھے امید ہے کہ عوام مجلس وحدت کے نمائندہ کو کبھی مایوس نہیں کریں گے، ہمیں اگر حکومت کا موقع ملتا ہے تو ہم بتادیں گے حکومت کس طرح کی جاتی ہے۔
وحدت نیوز (گلگت) مجلس وحدت مسلمین پاکستان کے ذیلی ادارہ خیرالعمل کے تحت نلتر، گلگت میں مسجد کا افتتاح، ڈپٹی سیکرٹری جنرل ایم ڈبلیو ایم علامہ امین شہیدی، خیرالعمل کے چیئرمین نثار فیضی، رہنما ایم ڈبلیو ایم سندھ علامہ مختار امامی، رہنما ایم ڈبلیو ایم خیبر پی کے علامہ وحید عباس کاظمی، مجلس وحدت مسلمین پاکستان کے شعبہ وحدت یوتھ پاکستان کے مرکزی چیئرمین برادرسید فضل عباس نقوی ایڈووکیٹ، میڈیا سیکرٹری ایم ڈبلیو ایم خیبر پی کے نوید حسین نقوی اور دیگر کی شرکت۔ اہلیان علاقہ اور خیرالعمل کے تعاون سے قلیل عرصہ میں صحت افزاء مقام نلتر میں خوبصورت مسجد بنائی گئی، اہلیان علاقہ نے اس تعاون پر خیرالعمل فاونڈیشن کا شکریہ ادا کیا۔
