وحدت نیوز(کندھ کوٹ) مجلس وحدت مسلمین پاکستان ضلع کشمور ایٹ کندھ کوٹ وحدت یوٹھ لاڑکانہ ڈویژن کی جانب سے قائد وحدت سینیٹر علامہ راجہ ناصرعباس جعفری کی ہدایت پرپاراچنار میں شیعہ نسل کشی کے خلاف مدرسہ ارشاد الثقلین سے پریس کلب تک احتجاجی ریلی نکالی گئی ۔

وفاقی حکومت خیبر پختونخواہ حکومت اور ضلع کرم ایجنسی  میں آمن کروانے والے تمام تر ذمہ دار اداروں کی نااہلی کے خلاف شدید نعرے بازی انتظامیہ پاراچنار کے مومنین کو تحفظ فراہم کرنے میں ناکام ہوچکی ہے۔

ریلی کی قیادت مجلس وحدت مسلمین ضلع کشمور ایٹ کندھ کوٹ کے صدر میر فاٸق علی خان جکہرانی جنرل سیکرٹری شیخ صابر حسین کربلائے تحصیل کندھ کوٹ کے صدر برادر بابر علی ملک وحدت یوٹھ لاڑکانہ ڈویزن کے رہنما راجہ پرویز احمد کربلائے نے کی۔

وحدت نیوز(اسلام آباد) چیئرمین ایم ڈبلیو ایم سینیٹر علامہ راجہ ناصر عباس کی اپیل پر پارہ چنار ضلع کرم کی مخدوش صورتحال کے خلاف ملک بھر میں احتجاج، احتجاجی مظاہرے اور ریلیاں چاروں صوبوں، گلگت بلتستان اور آزاد کشمیر سمیت ملک کے چھوٹے بڑے شہروں میں کیئے گئے،ملک بھر کی طرح مجلس وحدت مسلمین ضلع اسلام آباد کے زیر اہتمام احتجاجی مظاہرہ مرکزی امام بارگاہ جی سکس ٹو کے باہر کیا گیا، مظاہرے میں بڑی تعداد میں افراد کی شرکت، مظاہرین نے ضلع کرم پارہ چنار کی ستر روز سے سڑکوں کی بندش، ادویات کی کمی سے معصوم بچوں کی جانوں کے ضیاع پر شدید احتجاج کیا۔

شرکاء سے خطاب کرتے ہوئے مرکزی رہنما ایم ڈبلیو ایم پاکستان انجینئر ظہیر نقوی نے کہا کہ ضلع کرم پارہ چنار کے ستر روز سے بند راستوں کو فی الفور کھولا جائے، پارہ چنار اشیائے خوردونوش اور ادویات کی کمی سے کئی معصوم بچوں جان کی بازی ہار چکے ہیں، سرد ترین علاقے میں ایندھن اور دیگر ضروریات زندگی کا باہم نہ پہنچنا حکومتوں کی ناکامی و بے حسی کا ثبوت ہے، ریاست نے اپنے لاکھوں محب وطن شہریوں کو دہشت گردوں کے رحم و کرم پر چھوڑ دیا ہے، حکومت جرگوں پر انحصار نہیں کرتی بلکہ اس حکومتی رٹ کو چیلنج کرنے والوں سے آہنی ہاتھوں سے نمٹتی ہے۔

صوبائی صدر علامہ سید علی اکبر کاظمی نے کہا کہ صوبے اور وفاق کی جانب سے برتی گئی مسلسل غفلت اور کوتاہی انسانی المیے کا باعث بن رہی ہے، حکمران ہوش کے ناخن لیں اور علاقے میں امن و امان کے قیام کی ذمہ داری کو پورا کریں، ہم سنگین مشکلات میں گھرے اپنے پارہ چنار کے غیور عوام کو ایک لمحے کے لیے بھی فراموش نہیں کر سکتے، غیر ذمہ دارانہ بیانات کی بجائے عوام کو فوری طور پر ریلیف فراہمی کے عملی اقدامات کئے جائیں۔دیگر مقررین میں آغا اخلاق حسین، اعوان علی شاہ، مجلس وحدت اسلام آباد کے ضلعی صدر اسداللہ چیمہ شامل تھے۔

وحدت نیوز(ڈیرہ اسماعیل خان) مجلس وحدت مسلمین پاکستان کی جانب سے پورے ملک میں پارہ چنار سے اظہار یکجہتی کے لیے احتجاج آج ڈیرہ اسماعیل خان میں مجلس وحدت مسلمین تحریک تحفظ کوٹلی وقف امام حسین علیہ السلام بعد از نماز جمعہ کوٹلی امام حسین علیہ میں احتجاجی مظاہرہ کیا گیا احتجاجی ریلی بعد از نماز جمعہ بنوں میں روڈ پہنچی جس میں مومنین کی کثیر تعداد نے شرکت کی بشیر حسین جڑیہ نے شرکاء سے خطاب کرتے ہوئے کوٹلی امام حسین علیہ السلام پر ناجائز قابضین سے کوٹلی کو واگزار کرنے پر زور دیا آخر میں مجلس وحدت مسلمین ڈیرہ کے ضلعی صدر علامہ سید غضنفر علی نقوی نے اپنے خطاب میں پارہ چنار کے مظلوم جو ڈھائی ماہ سے محصور ہیں حکومت سے فوری روڈ کھولنے کا مطالبہ کیا ۔

انکا مزید کہنا تھا کہ پارہ چنار چھ ماہ کے بچے کے منہ میں گولیاں مارنا عورتوں کے زیور اتارنے کے لئے ہاتھ کی انگلیوں کا کاٹنا یہ ان محصور لوگوں پر پے در پے ظلم  بربریت کی المناک داستان ہے جس پر وفاقی حکومت بشمول خیبرپختونخوا حکومت صرف تماشائی نظر آتی ہے شرکاء سے خطاب کرتے ہوئے علامہ صاحب نے مزید کہا کہ خیبرپختونخوا کے سپوکس مین بیرسٹر سیف کا میڈیا ٹاک میں یہ کہنا کہ وہاں دوائیاں موجود ہیں اور ساتھ سیف کا یہ کہنا کہ ہم ایک دن میں روڈ بحال کرسکتے ہیں اگر ہماری شرائط مانی جائیں ۔۔۔۔۔جسکا مطلب یہ ہوتا ہے کہ یہ بھیانک اور دردناک محاصرہ پارہ چنار میں ظلم ستم اس سب  کردار میں خیبرپختونخوا حکومت ملوث ہے اور اگر انکی ایماء شامل نہیں ہے تو سیف کی تردید کرے اور فوراً سے سیف کو اپنے عہدے سے بر طرف کرے آخر میں علامہ سید غضنفر علی نقوی نے شہداء کے بلندی درجات زخمیوں کی جلد صحت یابی کیلئے دعا کرائی۔

وحدت نیوز(کراچی) سربراہ مجلس وحدت مسلمین علامہ راجہ ناصر عباس جعفری کی اپیل پر گزشتہ دو ماہ سے ضلع کرم ایجنسی پاراچنار راستوں کی بندش محاصرے اشیائے ضروریہ اور ادویات کی قلت جس کی وجہ معصوم بچوں کی شہادتوں اور حکومتی نا اہلی کے خلاف جمعہ ملک گیر احتجاج کیا گیا۔اس حوالے سے کراچی سمیت سندھ کے اضلاع میں بعد نماز جمعہ احتجاجی مظاہرے و ریلیاں نکالی گئیں۔

ایم ڈبلیو ایم سندھ اورکراچی ڈویثرن کی جانب سے جامع مسجدحیدری،اورنگی ٹاؤن، پہلوان گوٹھ، مارٹن روڈ،لانڈھی و کورنگی،ملیر،اسٹیل ٹاؤن سمیت شہر کی دیگر جامع مساجد میں امام جمعہ نے کرم ایجنسی پاراچنار کے موجودہ حالات اور حکومتی نااہلی کے خلاف خطبات دیئے اور احتجاج میں شرکت کی۔

 احتجاجی مظاہرے سے خطاب سندھ کے صدر علامہ باقر عباس زیدی،علامہ حسن ظفر نقوی،علامہ مختار امامی،مولاناحیات عباس،علامہ صادق جعفری،ملک غلام عباس،مولانا نشان حیدر ، آصف صفوی ،علامہ مبشر حسن  و دیگر رہنماوں نے کیا۔

مقررین کا کہنا تھا کہ ضلع کرم میں سے مسلسل قتل عام ہو رہا ہے پارا چنار کے حالات دانستہ طور پر کشیدہ کیے جارہے ہیں،کرم ایجنسی ملک کا حصہ نہیں فلسطین غزہ بن گیا ہے۔ پاراچنار کے راستے بند ہیں، ادویات اور اشیاء خوردونوش کی شدید کمی ہے، گزشتہ دو ماہ سے جاری محاصرے میں 10سے زائد معصوم بچوں کی شہادتیں ہوچکی ہیں لاکھوں لوگوں کی زندگیوں کو شدید خطرات لاحق ہیں، حکومت کو چاہیئے کہ دیرپا امن کے لئے اپنے تمام تر وسائل بروئے کار لائے۔

انہوں نے کہا ضلع کرم میں شیعہ وسنی عوام کبھی بھی لڑائی نہیں چاہتے۔ مستقل بنیادوں پر جنگ بندی کو یقینی بنانے میں عملی کردار ادا کرنا چاہیے۔پارا چنار کے اعلی انتظامی افسران کو متعدد بار متنبہ کیا جاتا ہے کہ پارا چنار ایک حساس علاقہ اور شرپسندوں کے نشانے پر ہے یہاں سیکورٹی کے فول پروف انتظامات کی اشد ضرورت ہے۔لیکن انتظامیہ کی طرف سے خاطر خواہ انتظامات نہیں کیے جاتے جس کی وجہ سے گزشتہ دنوں سفاک دہشتگردوں کے حملے میں معصوم بچے،خواتین اور بزرگوں کی شہادت ہوئی۔

انہوں نے کہا پارا چنار کے معاملے پر انتظامیہ اور اعلی حکومتی عہدیداروں کی غیرسنجیدگی پورے ملک کے امن کے لیے سنگین خطرہ بن سکتی ہے۔لاکھوں کی آبادی میں عوام محصورہیں ایسا لگتا ہے یہ پاکستان کا حصہ نہیں فلسطین غزہ بن گیا ہے۔وفاقی و صوبائی حکومت سمیت سیکورٹی ادارے اور انتظامیہ دہشتگرد عناصر کے خلاف فیصلہ کن کاروائیاں کرے۔

انہوں نے وفاقی حکومت صدر و وزیر اعظم پاکستان،چیف جسٹس پاکستان، آرمی چیف سے مطالبہ کیا کہ پارا چنار حملوں میں ملوث طالبان،داعش و خوارج دہشتگردوں اور ان کے سہولت کاروں کے خلاف آپریشن کیا جائے۔ضلع کرم کا محاصرہ ختم کیا جائے اورپاراچنار میں غذائی قلت و ادویات کی فراہمی کو یقینی بنایا جائے۔