وحدت نیوز(کراچی) مجلس وحدت مسلمین پاکستان کے صوبہ سندھ کے ڈپٹی سیکرٹری جنرل یعقوب حسینی نے وحدت ہاوس کراچی میں کارکنان سے خطاب کرتے ہوئے کہا کہ پاکستان میں جاری دہشت گردی میں موجود حکمران فریق ہیں۔موجودہ حکومت دہشت گردوں کو وسائل اور معاونت فراہم کرتی ہے۔پاکستان میں موجود ایک مخصوص مسلک کے باصلاحیت افراد کی صرف اس لیے مسلسل ٹارگٹ کلنگ کی جار ہی ہے کہ حکمرانوں کو ان سے اختلاف ہے۔پاکستان کے حکمران فرعونیت، قارونیت اور یزیدیت جیسی تین صفات کا مجموعہ ہیں۔پاکستان میں عدل و انصاف کے پرخچے اڑائیں جا رہے ہیں۔ملک کے با اختیار اداروں کو چاہیے کہ وہ عوام پر ہونے والی اس حکومتی ظلم و بربریت کا نوٹس لیں۔ اگر پاکستان کے مظلوموں کی آواز نہ سنی گئی تو وطن عزیز کی بقا و سالمیت خطرے میں پڑ جائے گی۔انہوں نے کہا کہ گزشتہ تین عشروں سے ملک فرقہ واریت کی لپٹ میں ہے۔خطے میں فرقہ وارانہ قتل سے شروع ہونے والے اس فضا نے دہشت گردی کی شکل اختیار کر کے پوری امت مسلمہ کومنتشر اور بدامنی کا شکار کر رکھا ہے ان کا مذید کہنا تھا کہ قائد وحدت علامہ راجہ ناصر عباس جعفری کی بھوک ہڑتال کو دو ماہ مکمل ہو گئے ہیں اور حکمران شرمناک بے حسی کامظاہرہ کر رہے ہیں۔

وحدت نیوز(سکردو) مدینہ منورہ میں روضہ رسول ؐ کے قریب گذشتہ دنوں دہشتگردوں کے حملے، عراق میں امام زادہ سید محمد کے روضے پر حملے، پاکستان میں امجد صابری کی ٹارگٹ کلنگ اور ڈیرہ اسماعیل خان میں ایڈووکیٹ شاہد شیرازی کی ٹارگٹ کلنگ کے خلاف مجلس وحدت مسلمین بلتستان ڈویژن کے زیراہتمام ایک عظیم الشان احتجاجی ریلی امامیہ چوک اسکردو سے نکالی گئی۔ ریلی کی قیادت مجلس وحدت مسلمین بلتستان کے سیکریٹری جنرل آغا علی رضوی اور دیگر علمائے کرام نے کی۔ احتجاجی ریلی امامیہ چوک سے شروع ہوئی جو کلفٹن پل، بے نظیر چوک، علمدار چوک، حسینی چوک سے ہوتی ہوئی ایک طویل مسافت طے کرتی ہوئی یادگار شہداء دھرنا کیمپ میں پہنچی۔ ریلی کے شرکاء نے ہاتھوں نے پلے کارڈز اور بینئرز اٹھا رکھے تھے، جن پر دہشتگردی کے خلاف نعرے درج تھے۔ احتجاجی ریلی سے کلفٹن پل پر شیخ غلام حسن عابدی نے خطاب کیا اور دنیا بھر میں جاری دہشتگردی کے واقعات بالخصوص پاکستان میں جاری ٹارگٹ کلنگ کی مذمت کی۔ ریلی علمدار چوک پر پہنچی تو آغا علی رضوی نے شرکاء سے مخاطب ہو کر احتجاجی ریلی کے مقاصد بیان کئے اور ریلی میں اہلسنت برادری کی شرکت پر شکریہ بھی ادا کیا۔ ریلی اپنے مقررہ راستوں سے ہوتی ہوئی یادگار شہداء اسکردو پر پہنچی اور وہاں جلسے کی صورت اختیار کر گئی، جس سے علمائے کرام نے خطاب کیا۔ مجلس وحدت مسلمین کی جانب سے نکالی گئی ریلی کے نعروں سے اسکردو شہر کی فضاء گونجتی رہی۔

وحدت نیوز(مظفرآباد )سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی نے عبدالستار ایدھی کے انتقال پر گہرے افسوس کا اظہار کرتے ہوئے کہا کہ عبدالستار ایدھی سماجی خدمت کا ایک سنہرا باب جو بند ہو گیا ، دکھی انسانیت کی خدمت کے لیے عبدالستار ایدھی کی خدمات ہمیشہ یاد رکھی جائیں گی ، ایسی شخصیت جو ہمیشہ بے سہاروں کو سہارا دیتی رہی آج داغ مفارقت دے گئی، پورا ملک سوگوار ہے ، مخلصانہ تگ و دو کے ذریعے انہوں نے دکھی انسانیت کی خدمت کی ،ہم ایک مخلص ، انسان دوست ، غریب پرور اور محب وطن شخصیت سے محروم ہو گئے ، ان کی خدمات کو تازیست یاد رکھا جائے گا، علامہ سید تصور حسین نقوی الجوادی نے ان کے خاندان سے اظہار تعزیت کرتے ہوئے ان کے صبر جمیل اور مرحوم کی بلندی درجات کے لیے دعا کی۔

وحدت نیوز(قم) قائد وحدت علامہ راجہ ناصر عباس جعفری سے  اظہار یکجہتی کے لئےعیدالفطر کی نماز کے بعد مومنین کرام کی ایک بڑی تعداد ایم ڈبلیو ایم قم کے دفتر پہنچی جہاں ایم ڈبلیو ایم کے امور خارجہ کے سیکرٹری ڈاکٹرحجۃ الاسلام شفقت شیرازی نے حاضرین کاشکریہ ادا کرتے ہوئے انہیں تازہ ترین صورتحال سے آگاہ کیا۔اس موقع پر انہوں نے کہا کہ قائد وحدت کے مطالبات مکمل طور پر آئینی اور انسانی اقدار کے ترجمان ہیں اور ظالم  حکمرانوں کے پاس ہمارے مطالبات قبول کرنے کے سوا کوئی دوسرا راستہ نہیں۔ انہوں نے کہا کہ ہماری تاریخ آئینی جدوجہد سے رقم ہے اور اہم اپنے مطالبات سے کسی طور بھی پیچھے نہیں ہٹیں گے۔نشست میں سوال و جواب کا سلسلہ بھی جاری رہا،  حاضرین نے قائد وحدت راجہ ناصر عباس جعفری کے حکم پر سیاہ پٹیاں بھی باندھ رکھی تھیں ۔

وحدت نیوز(اسلام آباد) تحریک منہاج القرآن کے سربراہ علامہ طاہر القادی نے اپنے اعلی سطح وفد اور کثیر تعداد کارکنوں کے ہمراہ مجلس وحدت مسلمین کے سربراہ علامہ راجہ ناصر عباس جعفری سے ایم ڈبلیو ایم کے بھوک ہڑتالی کیمپ میں ملاقات کی ۔میڈیا کے نمائندوں اورشرکا سے خطاب کرتے ہوئے علامہ طاہر القادری نے کہا کہ پاکستان میں جاری دہشت گردی میں موجود حکمران فریق ہیں۔موجودہ حکومت دہشت گردوں کو وسائل اور معاونت فراہم کرتی ہے۔پاکستان میں موجود ایک مخصوص مسلک کے باصلاحیت افراد کی صرف اس لیے مسلسل ٹارگٹ کلنگ کی جار ہی ہے کہ حکمرانوں کو ان سے اختلاف ہے۔پاکستان کے حکمران فرعونیت، قارونیت اور یزیدیت جیسی تین صفات کا مجموعہ ہیں۔پاکستان میں عدل و انصاف کے پرخچے اڑائیں جا رہے ہیں۔ملک کے با اختیار اداروں کو چاہیے کہ وہ عوام پر ہونے والی اس حکومتی ظلم و بربریت کا نوٹس لیں۔ اگر پاکستان کے مظلوموں کی آواز نہ سنی گئی تو وطن عزیز کی بقا و سالمیت خطرے میں پڑ جائے گی۔انہوں نے کہا کہ گزشتہ تین عشروں سے ملک فرقہ واریت کی لپٹ میں ہے۔خطے میں فرقہ وارانہ قتل سے شروع ہونے والے اس فضا نے دہشت گردی کی شکل اختیار کر کے پوری امت مسلمہ کومنتشر اور بدامنی کا شکار کر رکھا ہے۔تحریک منہاج القرآن کے سربراہ نے علامہ راجہ ناصر عباس جعفری کے تمام مطالبات کی مکمل تائید کا اعلان کرتے ہوئے کہا ہے کہ ملت تشیع کے رہنما کی بھوک ہڑتال کو دو ماہ مکمل ہو گئے ہیں اور حکمران شرمناک بے حسی کامظاہرہ کر رہے ہیں۔ ہم مجلس وحدت مسلمین کے دست و بازو ہیں۔ہمیں جہاں پکارا جائے گا ہم وہیں اپنی پوری تحریک کے ہمراہ ایم ڈبلیو ایم کے شانہ بشانہ کھڑے ہوں گے۔31جولائی کو لاہور میں قومی مشاورت کے لیے تمام قوتوں کو بلایا جا رہا ہے جس کی میزبانی تحریک منہاج القران اور مجلس وحدت مسلمین کرے گی۔ظالم حکمرانوں کے خلاف آئندہ لائحہ عمل اور قومی مشاورت میں طے کیا جائے گا۔علامہ ناصر عباس ایک صاحب کردار ،با تدبر اور با حکمت شخصیت ہیں۔ان کے فیصلے قوم و ملت کے لیے یقیناًبہترین ہوں گے۔

علامہ ناصر عباس نے علامہ ڈاکٹر طاہر القادری، عوامی مسلم لیگ کے سربراہ شیخ رشید احمد اور دیگر شخصیات کا ہڑتالی کیمپ آمد پر شکریہ ادا کرتے ہوئے کہا کہ ہم ظالم حکمرانوں کے خلاف یہاں گزشتہ دو ماہ سے بھوک ہڑتال پر بیٹھے ہوئے ہیں۔ہمارا احتجاج پاکستان کی بیس کروڑ مظلوم عوام کے لیے ہے۔ہمارے حکمران بے حس ہیں ۔دہشت گردی کے خلاف جاری ضرب عضب کو ناکام بنانے کے لیے نیشنل ایکشن پلان کے نام پر انتقامی کاروائیاں کی جا رہیں ہیں۔ہمارے شیعہ نوجوان کو دہشت گردی اور حکومتی بربریت کی بھینٹ چڑھایا جا رہا ہے۔ہم دو ماہ سے بھوک ہڑتا ل پر ہیں ۔پاکستان سمیت دنیا بھر میں مجلس وحدت مسلمین سے اظہار یکجہتی کے لیے احتجاج کا سلسلہ جاری ہے لیکن موجودہ حکومت بے حس بنی ہوئی ہے۔17 جولائی کو پاکستان کے مختلف شہروں میں ایم ڈبلیو ایم کی خواتین احتجاج کریں گی۔22 جولائی کو ملک کی تمام اہم شاہراوں پر اپنے مطالبات کے حق میں دھرنے دیے جائیں گے ۔

اس موقعہ پر شیخ رشید احمد نے کہا کہ علامہ ناصر عباس جعفری کی اس ملک کو ضرورت ہے۔ ہم ان سے اپیل کرتے ہیں کہ وہ اپنی بھوک ہڑتال کو ختم کریں۔ ہمارے حکمران بے حس ، ظالم اور اخلاقیات سے عاری ہیں۔وہ مہذب احتجاج کی زبان نہیں سمجھتے۔

وحدت نیوز(اسلام آباد) معروف سماجی کارکن عبدالستار ایدھی کو خراج عقیدت پیش کرنے کے لیے ملک بھر کی طرح وفاقی دارالحکومت اسلام آباد میں بھی تعزیتی تقریبات جاری ہیں ، مجلس وحدت  مسلمین کی  جانب سے عبدالستار ایدھی کی یاد میں شمعیں روشن کی گئیں۔ مجلس وحدت مسلمین کے سربراہ علامہ ناصر عباس کی قیادت میں نیشنل پریس کلب کے سامنے شمعیں روشن کی گئیں اور عبدالستار ایدھی کی خدمات کو خراج تحسین پیش کیا گیا۔ علامہ ناصر عباس کا کہنا تھا کہ ایدھی کی انسانیت کے لیے خدمات کو کبھی بھلایا نہیں جا سکتا،ایدھی صاحب کی صورت میں پاکستان کی سرزمین سے ایک ایسا شخص رخصت ہواہےجسکی تمام زندگی سادگی اور زہد کا عملی نمونہ تھی، جویتیموں اور بیوائوں کے لئے شفیق باپ کی حیثیت رکھتا تھا، وہ ایسا شخص تھا جس نے شب وروز اس ملک کے غریبوں اور دردمندوں کی دکھوں کو بانٹے کی کوشش کی جو ہم سب کے لئے رول ماڈل تھا، ملک کو ایسی شخصیات کی اشد ضرورت ہے، شرکاء کی جانب سے عبدالستار ایدھی کے لیے دعائے مغفرت بھی کی گئی۔