وحدت نیوز(گلگت) وزیر اعظم پاکستان عمران خان کی جانب سے نامزد اور متوقع وزیر اعلیٰ گلگت بلتستان بیرسٹر خالد خورشید کو مبارک باد پیش کرنے کیلئے مجلس وحدت مسلمین کے وفد کی مرکزی سیکریٹری امور سیاسیات سید عباس نقوی کی سربراہی میں ان سے ملاقات ۔
بیرسٹر خالد خورشیدکی رہائش گاہ پرہونے والی اس ملاقات کے موقع پر مجلس وحدت مسلمین کےنومنتخب رکن گلگت بلتستان اسمبلی شیخ اکبر علی رجائی، محمد کاظم میثم، صوبائی ترجمان الیاس صدیقی، کاچو ولایت علی خان اور دیگر صوبائی رہنماؤں کے ہمراہ بھی موجود تھے ۔
ملاقات میں جناب خالد خورشید اور ایم ڈبلیوایم کے رہنماؤں کے درمیان صوبے میں حکومت سازی کے مراحل اور آنے والے وقتوں میں پیشرفت کے حوالے سے گفتگو ہوئی۔
متوقع وزیر اعلیٰ گلگت بلتستان نے ایم ڈبلیوایم کے وفد کا پرتپاک خیر مقدم کیا اور باہمی مشاورت کیساتھ گلگت بلتستان کے معاملات کو آگے لیکر چلنے اور عوامی مسائل کےحل کا اعادہ کیا۔ اس دوران پاکستان تحریک انصاف کے سابق رکن اسمبلی راجہ جہانزیب بھی موجود تھے۔
