وحدت نیوز(قاضی احمد) معاشرے معاشرےمیں انقلاب کی ترویج جوانوں کے میدان عملی میں وارد ہو ئے بغیر ممکن نہیں ، تاریخ اسلام میں فکر قرآن و رسالت کے امور کو معاشرے میں عام کر نے میں جوانوں کا اہم کردار رہا ہے،پیامبر اسلام ﷺنے معصب بن عمیر کو اپنا سفیر بنا کر جوانوں کی فکری اور عملی مثبت پہلوں کی تصدیق فرمائی ان خیالات کا اظہاروحدت یوتھ ونگ پاکستان کے مرکزی چیئر مین فضل عباس نقوی ایڈووکیٹ نےنواب شاہ کی تحصیل قاضی احمد میں  وحدت یوتھ سندھ کی صوبائی کونسل کے پہلے اجلاس سے خطاب کر تے ہو ئے کیا ۔

ان کاکہنا تھا کہ وحدت یوتھ ونگ پاکستان کے رضاکار خیر پور میں منعقد ہ عوامی اجتماع میں مجلس وحدت مسلمین پاکستان کے کارکنان کے شانہ بشانہ خدمات انجام دیں گے ، اس عظیم الشان عوامی اجتماع کو کامیاب بنانے کےلئے اپنی تمام تر صلاحیتوں کو بروئے کار لائیں گے،فضل عباس نقوی نے آئند ہ تین ماہ کے پروگرامات کا اعلان کر تے ہو ئے کہا کہ وحدت یوتھ ونگ پاکستان کی جانب سے بہت جلد یوتھ انٹلیکچوئل فورم کا قیام عمل میں لایا جارہا ہے، وحدت یو تھ سندھ کے مسئولین کی دو روزہ تربیتی ورکشاپ۲۱،۲۲،۲۳مارچ کو سہون شریف میں منعقد کی جائے گی جبکہ عوامی مہم کے سلسلے میں پولیو آگاہی مہم اور امن واک کا اہتمام بھی کیا جائے گا۔