وحدت نیوز(پشاور) مجلس وحدت مسلمین خیبر پختون خوا کے سیکرٹری جنرل علامہ سید محمد سبطین حسینی نے کہا کہ شعبان ایک معظم مہینہ ہے ہمیں اس مہینہ میں خدا کے ساتھ اور زیادہ قرب اختیار کرنا چاہئے کیونکہ اس مہینہ میں اہل بیت کی ولادت کے ایام ہیں۔ انہوں نے کہا کہ اہلبیت وہ گھرانہ ہے کہ قرآن و فرامین رسول اللہ ﷺ کی روشنی میں کسی کا موزانہ نہیں ہو سکتا۔ انہوں نے امام بارگاہ رسالپور میں مومنین سے خطاب کرتے ہوئے کہا کہ آج کے اس دور میں اہل بیت کے پیروکاروں کا رہنا خود کسی ایک معجزہ سے کم نہیں ہے۔ اور درحقیقت یہ ایک وعدہ الہیٰ ہے کہ اہلبیت ؑ کا ہر سو تذکرہ ہو انکی یاد ہو۔ ہم خدا سے دعاگو ہیں کہ دارین میں ہمیں مصطفی و مرتضیٰ سے متمسک رکھیں۔