وحدت نیوز(رحیم یارخان) ضلع رحیم یار خان کے معروف سیاسی سماجی اور دینی رہنما سید سجادحسین شاہ نقوی مجلس وحدت مسلمین لیاقت پور کے دوسری مرتبہ تحصیل سیکرٹری جنرل منتخب ۔ اپنے عہدہ کا حلف اٹھا لیا۔ تفصیل کے مطابق مجلس وحدت مسلمین رحیم یار خان کا ایک خصوصی اجلاس گزشتہ روز مرکزی امام بارگاہ خان بیلہ میں ہوا جس میں تحصیل بھر کے مختلف شیعہ آبادیوں سے عمائدین ملت جعفریہ نے کثیر تعداد میں شرکت کی ۔ اجلاس میں ضلع رحیم یار خان کے معروف سیاسی سماجی ومذہبی رہنما سید سجاد حسین نقوی مجلس وحدت مسلمین لیاقت پور کے متفقہ تحصیل سیکرٹری جنرل چن لئیے گئے ۔ بعدازاں ضلعی سیکرٹری جنرل سید حسنین رضا نقوی نے نومنتخب سیکرٹری جنرل سے آئندہ دو سالوں کے لئیے حلف لیا ۔ اس موقع پر سید منور حسین شمسی، سید علی رضا زیدی، نیازاحمد دشتی، منتظر مہدی۔،محمد نواز خان، مداح حسین شاہ،مولانا مبارک علی شاہ، ذاکر امداد کاظم چشتی، رب نواز جعفری ،حافظ ثقلین نقوی ، سید مجاہد حسین شاہ، نوید کاشف چارن، مولانا محمد حنیف ودیگر بھی موجود تھے۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
