وحدت نیوز(ملتان) مجلس وحدت مسلمین ضلع ملتان کی جانب جامع مسجد الحسین نیو ملتان میں مومنین کو تجہیز و تکفین و تدفین اور غسل میت کے مسائل کی تربیت دینے کے لیے ایک ورکشاپ منعقد کی گئی۔ جس میں بزرگ عالم قاضی نادر علوی، مولانا عمران ظفر صاحب، ڈاکٹر موسی کاظم کاظمی اور یونٹس کے برادران نے شرکت کی۔
اس موقع پر علماء نے تجہیز و تکفین و تدفین و غسل میت کے شرعی مسائل اور ان کی اہمیت وقت پر روشنی ڈالی جبکہ ڈاکٹر موسی کاظم کاظمی نے کرونا وائرس سے انتقال کر جانے والے لوگوں کی میتوں سے اپنی حفاظت اور ان کے غسل میت پر کی جانے والی حفاظتی تدابیر سے آگاہ کیا۔
اس پر ضلعی سیکرٹری جنرل مرزا وجاہت علی کا کہنا تھا کہ ان شاءاللہ ضلع ملتان کمیٹیاں تشکیل دے گا جو کرونا وائرس سے انتقال کر جانے والوں کو بلامعاوضہ غسل میت اور تدفین کی سہولیات مہیا کرے گی۔
