وحدت نیوز(ملتان) مجلس وحدت مسلمین جنوبی پنجاب کے صوبائی سیکرٹری سیاسیات انجینئر سخاوت علی نے کہا کہ یوم پاکستان وطن عزیز کی تاریخ کا ایک اہم دن ہے۔23مارچ 1940 کو قرار داد پاکستان پیش کی گئی اور اسی دن پاکستان کے حصول کے لئے تحریک کا آغاز کیا گیا، پاکستانی قوم نے یہ ثابت کردیا کہ جب وہ فیصلہ کرلے تو پھر منزل حاصل کرکے ہی دم لیتی ہے۔

مجلس وحدت مسلمین ضلع ملتان میں تنظیم سازی کا سلسلہ جاری، ملتان کے علاقے غوث آباد میں نیا یونٹ قائم، مولانا زاہد حسین قریشی نئے سیکرٹری جنرل منتخب ہوگئے، تفصیل کے مطابق غوث آباد یونٹ کا اجلاس صوبائی سیکرٹری سیاسیات انجینیئر مہر سخاوت علی سیال اور ممبر ضلعی آرگنائزنگ کمیٹی محمد رضا مومن کی زیرصدارت منعقد ہوا، جلاس میں سردار مرید حسین خان، سید شکیل عباس طاہر، قمر عباس، مظاہر حسین، رضا عباس، ذیشان بھٹہ، اسد عباس شاہ، اسماعیل شاہ، افضال شاہ، ماسٹر بشیر حسین، ندیم شاہ، نیئر عباس، عبدالوہاب اور دیگر نے شرکت کی۔

اجلاس کے اختتام پر اکثریت رائے سے مولانا زاہد حسین قریشی کو نیا یونٹ سیکرٹری جنرل منتخب کیا گیا، نومنتخب سیکرٹری جنرل سے صوبائی سیکرٹری سیاسیات مہر سخاوت علی سیال نے حلف لیا۔ مہر سخاوت علی نے کہا کہ یوم پاکستان وطن عزیز کی تاریخ کا ایک اہم دن ہے۔23مارچ 1940 کو قرار داد پاکستان پیش کی گئی اور اسی دن پاکستان کے حصول کے لئے تحریک کا آغاز کیا گیا، پاکستانی قوم نے یہ ثابت کردیا کہ جب وہ فیصلہ کرلے تو پھر منزل حاصل کرکے ہی دم لیتی ہے۔

 یوم پاکستان کی قرار داد کی وجہ سے7سال بعد ایک نیا ملک پاکستان دنیا کے نقشے پر ابھر کر سامنے آیا۔الحمد للہ آج ہم آزاد فضا میں سانس لے رہے ہیں۔اجلاس کے اختتام پر پاکستان کی سلامتی کیلئے خصوصی دعاکرائی گئی۔