وحدت نیوز(ملتان)مجلس وحدت مسلمین ضلع ملتان میں تنظیم سازی عمل کا جاری ہے، جلالپور پیروالا اور شجاع آبادکے بعد ملتان شہر میں یونٹ سازی مہم جاری ہے، ملتان کے علاقے پیراں غائب میں ایم ڈبلیو ایم کا نئے یونٹ کا قیام عمل میں لایا گیا، پیراں غائب یونٹ کا اجلاس جامعہ شہید مطہری میں منعقد ہوا۔
اجلاس میں صوبائی سیکرٹری جنرل علامہ اقتدار حسین نقوی، علامہ قاضی نادر حسین علوی، ضلعی آرگنائزر فخر نسیم صدیقی، سردار شہباز حیدر گرمانی، محمد رضا مومن، مولانا وسیم عباس معصومی، مولانا شمشاد حسین شمسی، سید عاصم علی جعفری، ملک عمران حیدر، محمد ذوالقرنین حیدر، علی رضاجعفری، سید محمد رضا نقوی اور دیگر موجود تھے۔
اجلاس میں اتفاق رائے سے سید عاصم علی جعفری کو نیا یونٹ سیکرٹری جنرل نامزد کیا گیا جبکہ ملک عمران حیدر کو ڈپٹی سیکرٹری جنرل ، مولانا شمشاد حیدر کو سیکرٹری تربیت نامزد کیا گیا، نامزد یونٹ کابینہ سے صوبائی سیکرٹری سیکرٹری علامہ اقتدار حسین نقوی نے حلف لیا۔
