وحدت نیوز (کراچی) کمشنرکراچی ڈویژن شعیب احمد صدیقی نے مجلس وحدت مسلمین کراچی ڈویژن کی دعوت پرجعفرطیار سوسائٹی کا ہنگامی دورہ کیا، اس موقع پر ایم ڈبلیوایم ضلع ملیر کے سیکریٹری جنرل اور فوکل پرسن  احسن عباس رضوی ، ایم ڈبلیوایم کے دیگر رہنما ثمر عباس ،آصف نقوی، اسدزیدی، عارف زیدی ودیگر موجود تھے، رہنماوں نے کمشنر کراچی کو جعفرطیا رسوسائٹی کو درپیش صفائی ستہرائی اور سیوریج کے ناقص انتظامات کے حوالے سے آگاہ کیا،احسن عباس کا کہنا تھاجعفرطیار سوسائٹی سمیت ملیر کی مختلف آبادیاں گٹرکے گندے بدبو دار پانی میں گھری ہوئی ہیں ، ماہ مبارک رمضان میں نمازی حضرات کو سیوریج کے گندے پانی کے سبب مساجد آنے جانے میں شدید مشکلات کا سامنا ہے، انہوں نے کہا کہ ایام شہادت حضرت علی ؑنزدیک ہیں گلی گلی مجالس و جلوس کا انعقاد ہوگا لیکن صفائی ستہرائی کے انتظامات بلکل ناقص ہیں ،گلی گلی کوچہ کوچہ سیوریج کا گندا پانی کھڑا ہے، واٹر بورڈ انتظامیہ اہلیان جعفرطیار کو پاکستان کا شہری ہی تسلیم نہیں کرتی،پچاس ہزار سے زائد نفوس پر مشتمل آبادی کے سیوریج کے پانی کی نکاسی کیلئےتین ماہ میں ایک بار واٹر بورڈ انتطامیہ سیکشن وراڈنگ مشین کا ایک پیئرپھیج کراحسان جتاتی ہے۔

احسن عباس کا مزید کہنا تھا کہ  شیش محل تا ملیر پندرہ کھڑےسیوریج کے گندے پانی کے باعث مقامی تاجر کاروبار بند کرکے جانے پر مجبور ہوگئے لیکن اہلیان جعفرطیار اپنے گھر بار چھوڑ کر نہیں جائیں بلکہ سڑکوں پر نکلیں گے اور اپنا جائز حق چھین کر لیں گے،احسن عباس نے ملیر میں بجلی کی غیر منصافہ لوڈشیڈنگ پر بھی تشویش کا اظہار کیااور کہا کہ سترفیصدبلنگ کے باوجودملیر اور جعفرطیار کے عوام پرساڑھے سات گھنٹے کی شیڈول اور دو گھنٹے کی بغیر شیڈول لوڈشیڈنگ کی صورت میں  کے الیکٹرک کاظلم جاری ہے ، جس پر کمشنر کراچی شعیب احمد صدیقی نے متعلقہ حکام پر سخت برہمی کا اظہار کیا، انہوں نے کے الیکٹرک ،واٹر بورڈ، ڈی ایم سی اور کےایم سی کے متعلقہ حکام کوہدایات جاری کیں کے اہل علاقہ کو درپیش مشکلات کیلئے فوری وموثراقدامات کیئے جائیں اور سیوریج کے پانی کی نکاسی کا مستقل حل تلاش کرکے کام کا آغا زکیا جائے۔

وحدت نیوز (کراچی) مجلس وحدت مسلمین پاکستان کراچی ڈویژن کے ڈپٹی سیکریٹری جنرل سید رضا امام نقوی نے کہا ہے کہ کراچی میں بجلی کی لوڈشیڈنگ کے باعث بڑی تعداد میں افراد کی اموات کی ذمہ دار کے الیکٹرک ہے، کے الیٹرک کے خلاف بجلی کی بندش کے بعد ملک میں انارکی پیدا کرنے کی سازش کے جرم میں بغاوت کا مقدمہ قائم کیا جائے۔ ان خیالات کا اظہار انہوں نے صوبائی سیکریٹریٹ سے جاری اپنے بیان میں کیا۔ سید رضا امام نقوی کا کہنا تھا کہ مجلس وحدت نے ہمیشہ عوام کی مظلومیت کی آواز کو بلند کیا اور کراچی کی عوام کی آواز بن کر ظالم حکمرانوں سے اپنی عوام کے حقوق کی جنگ لڑیں گے۔ ان کا کہنا تھا کہ سندھ حکومت اور وفاقی حکومت کی غفلت نے بھی عوام کی زندگی اجیرن کردی ہے، بجلی کے بحران کے ثابت کردیا ہے کہ حکمران کسی بھی صورت حکومت کے اہل نہیں لہٰذا ان کے خاتمے کی تحریک کا آغاز کیا جائے۔ ایم ڈبلیو ایم کراچی کے ڈپٹی سیکریٹری جنرل نے مطالبہ کیا کہ کے الیکٹرک کی انتظامیہ کے اہم افراد کے ناموں کو ای سی ایل میں ڈالا جائے تاکہ وہ ملک سے فرار کرنے میں کامیاب نہ ہوں اور ان کو گرفتار کرکے ان 1200 سے زائد افراد کے قتل کا مقدمہ چلایا جائے۔

وحدت نیوز (کراچی) مجلس وحدت مسلمین پاکستان کراچی ڈویثرن کی جانب سے شہر قائد میں گرمی کی شدت سے جاں بحق ہونے والے1200سے زائد افراد کی ہلاکت پر افسوس کا اظہار کیا جبکہ ملک بھر میں جاری بجلی کی غیر اعلانیہ بندش کے خلاف ایم ڈبلیو ایم کراچی ڈویثرن کی جانب سے کراچی پریس کلب کے سامنے احتجاجی مظاہرا کیا گیا جس میں بجلی کی غیر اعلانیہ لوڈ شیدنگ کا اصل زمہ دار وفاقی حکومت اور کے الیکٹرک کی نا اہل انتظامیہ کو ٹھرایا ۔احتجاجی مظاہرے میں ایم ڈبلیو ایم رہنماء علامہ مبشر حسن ،حسن ہاشمی ،علامہ علی انور،علی حسین نقوی ،پاکستان تحریک انصاف کے رہنما اسرار عباسی،پاکستان عوامی تحریک کے رہنما قیصر اقبال سمیت ڈاکٹر مدثر حسین،آصف صفوی،ناصر حسینی،حیدر زیدی سمیت کارکنان کی بڑی تعداد موجود تھی جنہوں نے شہر میں جاری حالیہ توائی بحران پر کے الیکٹرک کے خلاف بینرز اور پلے کارڈز اُٹھائے ہوئے تھے ۔مظاہرین نے کے الیکٹرک اور وفاقی حکومت کے خلاف شدید نعرے بازی کی جس میں گو نواز گو کا نعرے لگائے گئے ۔

مظاہرے سے خطاب میں ایم ڈبلیو ایم کراچی کے رہنماء علامہ مبشر حسن کا کہنا تھا کہ شہر میں بارہ سو سے زائدمرنے والے افراد کی اموات کی زمہ داری وفاقی وزیر خواجہ آصف و عابد شیرعلی پرعائد ہوتی ہے ۔وفاقی حکومت ایک منظم سازش کے تحت معاشی حب کراچی کو مفلوج کررہی ہے۔ شہر میں توانائی بحران در اصل نواز حکومت شہر قائد سے تعصب نکال رہی ہے معاشی حب کا ریوینیو اس شہر پر لگایا جاتا تو آج بجلی بندش کا تصور بھی ممکن نہیں تھا۔650میگا واٹ بجلی فراہم کرنے کی دعویدار حکومت بتائے کے روشنیوں کا شہر کراچی کو تاریخیوں میں کیوں دھکیلا جا رہا ہے ۔ اور ملکی معیشت کا پیہ چلانے والے اس شہر کی بجلی کی رسد کو کیوں نہیں پورا کیا جاتا۔ شہر میں توانائی کا بحران سنگین صورتحال اختیار کرتاجا رہا ہے لوگ بجلی بندش کے سبب جان لیوا گرمی سے مر رہے ہیں مگر حل کیلئے حکومت جھوٹے دعوئے کر رہی ہیں گزشتہ8روز میں بارہ سو سے زائد افراد گرمی وبجلی بندش کی وجہ سے حلاق ہوگئے مگر وفاقی حکمرانوں کی صحت پر کوئی اثر نہیں بڑھ رہا دوسری جانب قومی اسمبلی میں بیٹھ وفاقی وزیر خو اجہ آصف و عابد شیر علی لمبی لمبی تقریریں کر کے کے الیکٹرک کی سفائیاں پیش کر رہے ہیں اور عوام کو مسلسل دھوکا رہے ہیں ایم ڈبلیو ایم کی جانب سے وفاقی وزراء وکے الیکڑک کی انتظامیہ کے خلاف بہت جلدپٹیشن داخل کرائی جائے گی۔مظاہرین سے خطاب میں دیگر مقرریں نے حالیہ توانائی بحران کے خلاف وفاقی حکومت کوشدید تنقید کا نشانہ بناتے ہوئے کہنا تھا کہ شہر میں بجلی بحران کے الیکٹرک اورفاقی حکومت کا پیدا کر دا ہے جو دریقیناًمعاشی حب کراچی کو نقصان پہچانے کی سازش ہے ۔ ایک نجی کمپنی آپریشن برق کے نام پر سکیورٹی اداروں کوکس بنیاد پر استعمال کر کے عوا م کو ہراساں کر رہی ہے ۔کے الیکٹرک نے شہر کی عوام کو یر غمال بنا لیا آپریشن برق کی آڑ میں شہر میں بجلی کی کمی کے نام پر مصنوئی بحران پیداکیا گیا۔بجلی کی موجود گی کے باوجود کراچی شہر میں کے الیکٹرک کی اپنی منفی پالیسیوں کی وجہ سے بجلی فراہم نہیں کی گئی جس کی وجہ سے شہر میں بد ترین لوڈ شیڈنگ ہوئی اورقیمتی عوامی جانوں سمیت کراچی کی انڈسٹریز کوبڑا نقصا ن پہنچا۔

ایم ڈبلیو ایم کے رہنماؤں نے چیف جسٹس پاکستان سے مطالبہ کیا کہ حالیہ توانائی کے بحران سے ہونے والی اموات کے اصل زمہ دار وفاقی وزیر خواجہ آصف وعابد شیر علی اور کے الیکٹرک انتظامیہ کے خلاف سو موٹو ایکشن لیا جائے فوری بر طرف کیا جائے۔ کے الیکٹرک انتظامیہ کے خلاف قانونی کاروائی عمل میں لائی جائے۔کراچی کی عوام ملک کی سب سے مہنگی بجلی خرید رہی ہیں بجلی کی قیمتوں میں کمی کی جائے۔عوام سے اضافی بلز اور خطیر منافع کمانے والی کے الیکٹرک انتظامیہ کے خلاف سرکاری کمیشن بنایا جائے ۔ نجی کمپنی کے الیکٹرک انتظامیہ کے خلاف مقدمہ درج کر کے اس کے پیچھے شیئز ہولڈرزکا اصل چہرہ عوام کے سامنے لایا جائے۔ شہر کو آفت زدہ قرار دیا جائے اور شہر میں فوری ایمر جنسی نافذکر کے 3ماہ تک بلا طاطعل بجلی فراہم کی جائے وفاقی حکومت الزامات کی سیاست سے باز رہیں اورتوانائی بحران کا فوری خاتمہ کیلئے عملی اقدامات کئے جائیں ۔صوبائی حکومت کی جانب سے سرکاری اسپتالوں میں مریضوں کی دیکھ بھال کے انتظامات کو مذید بہتر بنایا جائے ۔ہیٹ اسٹروک سے متا ثرہ مریضوں کیلئے ہنگامی بنیادوں پر شہر کے مختلف علاقوں اور شاہراؤں پرعارضی میڈیکل ٹریٹمنٹ کمیپسلگائے جائیں جس سے مریضوں کی فوری مدد کی جاسکے ۔ شہر میں سرکاری سطح پر فوری سرد خانہ تیار کئے جائیں ۔ کے الیکٹرک کو حکومتی دائرے میں واپس لیا جائے نجکاری کے خاتمہ کا اعلان کیا جائے ۔وفاقی وزیر خواجہ آصف اور عابد شیر علی سے فوری وزارتیں واپس لی جائیں ۔ایم ڈبلیو ایم اور عوام نے کے الیکٹرک کی نا اہل انتظامیہ کے خلاف آپریشن برق کا آغاز کر دیا ہے اگر وفاقی حکومت کی جانب سے کے الیکٹرک کی مجرم انتظامیہ اور بجلی بندش کے حل کی فوری کوشش نہیں کی گئی تو ملک گیر احتجاج اور دھرنوں کی کال دی جائے گی۔

وحدت نیوز (کوئٹہ) مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری دو روزہ دورے پر کوئٹہ تشریف لائے انھوں نے مجلس وحد ت مسلمین کوئٹہ ڈویژن اور اجتماعی شادی کمیٹی کے زیر اہتمام آٹھویں اجتماعی شادی میں بطور مہمان خصوصی شریک ہوئے۔ اس پروقار تقریب جس میں21 اہل تشیع اور اہل سنت جوڑوں کی اجتماعی شادیوں کا یزدان خان ماڈل ہائی سکول کے سبزہ زار پر اہتمام کیا گیا ۔

اس موقع پر علامہ راجہ ناصر عباس جعفری نے خطاب کرتے ہوئے کہا کہ مجلس وحدت مسلمین بلا تفریق رنگ و نسل عوام کی خدمت پر یقین رکھتی ہے ہم نے ہمیشہ اصولوں کی سیاست کی ۔ ہمیں عوام کے مفادات عزیز ہیں نفرت کی سیاست پر یقین نہیں رکھتے ۔ جس کا عملی ثبوت آج کی یہ پر وقار شادی کی تقریب ہے جس میں تمام برادر اقوام سے تعلق رکھنے والے جوڑے شامل ہیں۔ اسلام ہمیں سادگی کا درس دیتا ہے اس کو اپناتے ہوئے ہمیں غلط رسومات کی حوصلہ شکنی کرنا ہوگی تا کہ لوگ بآسانی اپنی رسومات کو ادا کر سکیں ۔ ہم مستقبل میں بھی اتحاد بین المسلمین کا عملی مظاہرہ کرتے ہوئے اسی قسم کی تقریبات کا اہتمام کرے گی۔ انھوں نے مزید کہا کہ اس قسم کے تقریبات کے انعقاد سے شہر میں برادر اقوام کے درمیان بھائی چارہ گی کی فضاء قائم ہوگی اور ان عناصر کی حوصلہ شکنی ہوگی جو اپنے مذموم مقاصد کے حصول کے لئے برادر اقوام میں نفرت پھیلانے کی کوشش کررہے ہیں۔اس پروقار تقریب میں علامہ ہاشم موسوی ، ممبر صوبائی اسمبلی سید محمد رضا ، اراکین اسمبلی ، کونسلران ، معززین شہر اور لوگوں کی کثیر تعداد نے شرکت کی۔

وحدت نیوز (حیدرآباد) مجلس وحدت مسلمین ضلع حیدرآباد کی جانب سے جمعے کی نماز کے بعد قدم گاہ مولا علی عہ سے ایک احتجاجی ریلی نکالی گئی،جس کی قیادت مولانا امداد علی نسیمی کر رہے تھے،ریلی کے شرکاء سے خطاب کرتے ہوئے مولانا امداد علی نسیمی کا کہنا تھا کہ پوری دنیا میں مسلم امہ کو نشانہ بنایہ جا رہا ہے اور ہمارے حکمران خاموش تماشائے بنے ہوئے ہیں، برما، بحرین، فلسطین، شام، عراق میں مسلمانوں کو کچلا جا رہا ہے،برما انسانی درندگی کی انتہا ہوچکی ہے،عالمی اسٹیبلشمنٹ برما میں مسلم کشی اور نریندرمودی کی پشت پناہی میں ملوث ہے، حکمران ہوش کے ناخن لے،گلگت بلتستان الیکشن میں بدترین دھاندلی کے باوجود ہم نے وہاں سے نشستیں جیتیں، گلگت بلتستان کے عوام کے میڈیٹ کو ان سے چھینا گیا جو کہ ایک تاریخی ذیادتی ہے،مولانا امداد علی نسیمی اور دیگر کا کہنا تھا کہ بھارت آنکھیں کولے ایسا نہ ہو کہ اس کو پھر ماضی پہ افسوس کرنا پڑے، چونکہ ہندستان کئی دہائیوں سے پاک وطن کے شہریوں کو سرحد کے اندر قتل کرتا رہا ہےاور اب اس کو ہوز کے ناخن لے اور مودی اپنی عوام کے مسائل حل کرے ناکہ پڑوسی ممالک کے معاملات میں مداخلت کرے، جو کہ ناقابل برادشت عمل ہے،حکمران جماعت نے پری پول رگنگ کا ہوم ورک کرلیا تھا جس کا خدشہ ہماری قیادت نے پہلی ہی ظاہر کردیا تھا اور ماروی میمن نے پیسوں کی برسات سے عوامی میڈیٹ پر کاری ضرب لگائی گئی ہے، ووٹوں کی گنتی رکاواکر ہمارے امیدواروں کے ووٹوں کو نظر اندا ز کیا جارہا ہے جو کے قابل مذمت فعل ہے،اس موقع پر مجلس وحدت مسلمین ضلع حیدرآباد کی کابینہ کے ممبرز بھی موجود تھے۔

وحدت نیوز (اسلام آباد) مجلس وحدت مسلمین اسلام آباد نے کوئٹہ میں جاری ٹارگٹ کلنگ اور برما میں مسلمانوں پر ہونے والے ظلم و بربریت کے خلاف اسلام آباد پریس کلب کے سامنے ایک مظاہرہ کیا۔شرکا سے خطاب کرتے ہوئے ایم ڈبلیو ایم اسلام آباد کے جنرل سیکریٹری انجینئر ظہیر نقوی نے کہا کہ حکومت اگر دہشت گردی کے خاتمے میں سنجیدہ ہے تو پھر بلوچستان میں کالعدم تنظیموں کے ٹھکانوں پر بھرپور آپریشن کرے۔دہشت گردی کے یہ مراکز پاکستان کی سالمیت و بقا کے خلاف سخت خطرہ ہیں۔ ضرب عضب کا دائرہ کارکو پھیلا کر ملک کے ہر اس کونے تک وسعت دی جائے جہاں جہاں دہشت گردوں کی پناہ گاہیں ہیں۔

انہوں نے کہا کہ دہشت گردوں کے سہولت کار ان گھناونی سرگرمیوں میں معاون کا کردار ادا کر رہے ہیں۔ جب تک انہیں تختہ دار پر نہیں لٹکایا جاتا تب تک ملک میں امن کا قیام ممکن نہیں۔ظہیر نقوی نے کہا کہ برما میں بے گناہ مسلمانوں کو بے دردی کے ساتھ شہید کیا جا رہا ہے۔جو مسلمان بچ گئے ہیں وہ بھی ظلم سے محفوظ نہیں ہیں۔اس صورتحال میں پاکستان سمیت تمام مسلم ممالک کو روہنگیا کے مسلمانوں کے حق میں عالمی سطح پر آواز بلند کرنے کی ضرورت ہے۔مظاہرہ میں ایم ڈبلیو ایم کے مرکزی رہنما ملک اقرار حسین، ڈپٹی مسؤل مرکزی آفس ارشاد حسین بنگش,مدثر کاظمی سمیت بیشتر کارکنان اور عہدیدران نے شرکت کی۔