وحدت نیوز (ڈیرہ اسماعیل خان) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی اور انکے ہمراہ ایم ڈبلیوایم خیبر پختونخواکے صوبائی سیکرٹری سیاسیات ایڈووکیٹ تنویر عباس مہدی نے ڈیرہ اسماعیل خان ہائی کورٹ بار کا دورہ کیا ،ڈیرہ ہائی کورٹ بارکے صدر ایڈوکیٹ ساجد نواز صدو زائی جماعت اسلامی کے ڈویژن مسؤل ایڈوکیٹ زاہد محب اللہ ڈیرہ اسماعیل خان کے ہائی کورٹ بار کے سینئروکلاء سے ملاقات کی اور اپنی پارٹی کے بارے میں تفصیلی بریفنگ دی اور قومی و بین الاقوامی صورت حال پر تفصیلی تبادلہ خیال کیا گیا،  ہائی کورٹ بار کے صدر ساجد صدوزائی نے ایم ڈبلیوایم کےرہنماوں کو دوبارہ ہائی کورٹ باردورے کی دعوت دی۔

وحدت نیوز(گلگت) مجلس وحدت مسلمین کے سربراہ علامہ ناصرعباس جعفری نے اپنے دورہ گلگت کے دوران مرکزی جامع مسجد امامیہ میں امام جمعہ والجماعت علامہ سید راحت حسین الحسینی سے خصوصی ملاقات کی، اس موقع پر علاقائی اور عالمی سیاسی صورت حال سمیت دوطرفہ دلچسپی کے امور پر گفتگو ہوئی، علامہ ناصرعباس جعفری نے آغاراحت حسینی کو مجلس وحدت آئندہ کی سیاسی و انتخابی حکمت عملی سے بھی آگاہ کیا،علامہ سید راحت حسین الحسینی نے علامہ ناصرعباس جعفری کی آمد پر انکا شکریہ اداکیا،  اس موقع پرایم ڈبلیوایم گلگت بلتستان کے صوبائی سیکریٹری جنرل علامہ شیخ نیئرعباس مصطفوی، ایم ڈبلیوایم کے رہنماعلامہ سیدجعفرموسوی، علامہ عابد بہشتی ، غلام عباس، عارف قنبری اور سعید الحسنین بھی موجود تھے۔

وحدت نیوز (گلگت) مجلس وحدت مسلمین پاکستان کےسربراہ علامہ ناصرعباس جعفری جو ان دنوں آٹھ روزہ تنظیمی رودہ گلگت بلتستان پر ہیں ، آج انہوں نے مرکزی جامع مسجد امامیہ کے احاطے میں مدفون قائد گلگت بلتستان، مجاہد عالم دین علامہ سید ضیاء الدین رضوی کے مرقد پر حاضری دی ، اس موقع پر موجودہ قائد گلگت بلتستان اورامام جمعہ والجماعت علامہ سید راحت حسین الحسینی بھی ان کے ہمراہ موجود تھے، حاضرین نے شہید کے مرقد پر فاتحہ خوانی کی اوردعائے مغفرت کی،جبکہ ایم ڈبلیوایم گلگت بلتستان کے صوبائی سیکریٹری جنرل علامہ شیخ نیئر عباس مصطفوی، ایم ڈبلیوایم کے رہنماعلامہ سیدجعفرموسوی، علامہ عابد بہشتی ، غلام عباس، عارف قنبری اور سعید الحسنین بھی موجود تھے۔

وحدت نیوز (روندو) مجلس وحدت مسلمین پاکستان کے مرکزی سربراہ علامہ ناصرعباس جعفری اپنے دورہ بلتستان کے موقع پر سب ڈویژن روندو پہنچے۔ انکی روندو آمد کے موقع پر روندو باغیچہ کے مقام پر عوام کی بڑی تعداد نے انکا شاندار استقبال کیا۔ یہ استقبالیہ تقریب ایک ریلی کی شکل اختیار کر گئی، جس میں درجنون موٹر سائیکل سورار اور گاڑیاں موجود تھیں۔ روندو کے عوام تکبیر اور نعروں کی گونج میں انہیں جامع مسجد تھوار لے گئے، جہاں انہوں نے علماء و زعماء سے خطاب کیا۔ علامہ ناصر عباس جعفری نے اپنے خطاب میں کہا کہ یہاں کے سر بہ فلک پہاڑوں کی طرح یہاں کی عوام کے حوصلے بلند ہیں اور یہاں کی عوام با وفا عوام ہے، غیرت مند عوام ہے، انہوں نے اپنی قوت بازو سے اس خطہ کو ہندو سامراج سے آزاد کرکے پاکستان کے ساتھ الحاق کر دیا ہے، گلگت بلتستان کی عوام پاکستان کے محسن ہیں۔ گلگت بلتستان کی عوام کو حقوق سے محروم رکھنا وفاقی حکمرانوں کی احسان فراموش اور خیانت ہے۔

انہوں نے کہا کہ یہاں کے لوگ وطن سے محبت کرتے ہیں، وطن کی خدمت کرتے ہیں، پاک فوج میں بھی وطن کا دفاع کرتے ہیں، لیکن یہاں کی عوام پر وقفے وقفے سے ظلم کے پہاڑ توڑے گئے، صرف یہی نہیں بلکہ پورے ملک میں پاکستان سے محبت کرنے والوں کو ظلم کا نشانہ بنایا گیا ہے۔ بانی پاکستان سے لیکر لیاقت علیخان تک سب کے ساتھ جو کچھ ہوا وه سب جانتے ہیں۔ بانی پاکستان اس دنیا سے جا رہے تھے تو کس کسمپرسی سے جا رہے تھے، سب جانتے ہیں۔ انہیں کس طرح کی مشکلات میں گھیرا گیا، سب جانتے ہیں۔ آج بھی وہی لوگ سرگرم عمل ہیں، وہی لوگ اولیاء کی قبروں کو اڑاتے ہیں، مسجدوں اور امام بارگاہوں پر حملے کرتے ہیں، تعلیمی اداروں اور شاہراہوں کو خون میں نہلاتے ہیں، حد تو یہ ہے کہ ان دہشتگردوں اور وطن دشمنوں کی جانب سے حکیم الامت علامہ اقبال کی قبر کو اڑانے کی دھمکی مل رہی ہے۔ یہ دہشتگرد بیس کروڑ آبادی کے ملک کو کھوکھلا کر رہے ہیں، انکے ہاتھوں کوئی ادارہ محفوظ نہیں۔

علامہ ناصر عباس جعفری نے تھوار میں عوامی اجتماع سے خطاب کرتے ہوئے کہا کہ ہم اس علاقے کے حقوق کو لیکر رہیں گے، چھین کر رہیں گے، یہاں منظم سازش کے تحت جوانوں میں منشیات عام کی جا رہی ہے، یہاں کے محکمہ صحت کو تباه کیا گیا ہے، اس ملک میں جب تک لاشیں لیکر دھرنا نہ دیں مظلوموں کی شنوائی نہیں ہوتی، ہم نے ملکر ان کرپٹ لوگوں کو شکست دینی ہے۔ انہوں نے مزید کہا کہ گلگت بلتستان دنیا کا خوبصورت علاقہ لیکن بدحالی کا شکار ہے، سڑکوں کا برا حال ہے، صاف پانی میسر نہیں جبکہ یہاں مینرل واٹر ہے، بجلی کا بحران ہے، ہسپتالوں کے آپریشن تھیٹر میں چند ہزار کا ہیٹنگ سسٹم نہیں، ریسکیو کے پاس موسم کے مطابق ایمبولینس نہیں، غوطہ خور نہیں، مہینوں حادثات کے شکار ریسکیو نہیں ہوپاتے، یہ حکومت ہماری نسلوں کا کو برباد کر رہی ہے، یہاں الیکشن میں پیسہ چلتا ہے۔

 
ایم ڈبلیو ایم کے سربراہ نے سوال کیا کہ کیا ہم غریب ملکر شرافت سے پیسہ کو شکست نہیں دے سکتے؟ کیا شریف اور ایماندار کو ملک کا حاکم نہیں بنایا جاسکتا۔؟ لہٰذا ہمیں معاشرتی مسائل کو حل کرنے کے لئے میدان عمل میں اترنا ہوگا۔ لوگ جب معاشرتی مسائل سے لاتعلق رہیں تو پھر امام بھی جیلوں میں ڈالا جاتا ہے، ہم شریف اور مظلوم ملکر کرپشن کو شکست دے سکتے ہیں، سرمایہ دار کبھی بھی عوامی بہتری کا نہیں سوچتا۔ انہوں نے کہا کہ روندو عاشقان اہلبیت (ع) کی سرزمین ہے۔ کربلا دنیا پرستی، بزدلی، بے وفائی اور بے دینی کیخلاف جنگ کا نام ہے۔ کربلا حیا، پاک دامنی، شجاعت اور مظلوموں کے حق کی جنگ کا نام ہے۔ ہم نے خاموش نهیں رہنا ہے، ظلم چاہے دنیا کے جس کونے میں ہو، اسکے خلاف آواز بلند کرنی ہے۔

وحدت نیوز(کراچی) سندھ بھر میں جاری شیعہ ٹارگٹ کلنگ خصوصاًسندھ کے ضلع شکار پور میں گذشتہ روز تکفیری دہشت گردوں کی فائرنگ سے شہید ہو نے والے علامہ شفقت عباس سولنگی کے بہیمانہ قتل کے خلاف آج مجلس وحدت مسلمین صوبہ سندھ کی کال پر صوبے بھر میں یوم احتجاج منایا گیا، اس سلسلے میں کراچی ، حیدر آباد، نواب شاہ، لاڑکانہ ،ٹھٹھہ، نوشہروفیروز، ٹنڈومحمد خان، ماتلی، بدین، مورواور شکارپور سمیت دیگر اضلاع میں بعد نماز جمعہ احتجاجی مظاہرے کیئے گئے اور ریلیاں نکالی گئیں ، جسمیں بڑی تعداد میں ایم ڈبلیوایم کے کارکنان اور عوام نے شرکت کی، مظاہرین نے ہاتھوں میں بینرزاور پلے کارڈ اٹھا رکھے تھے جن پر دہشت گردوں ، داعش اور انکے اتحادیوں ، نا اہل سندھ حکومت کے خلاف نعرے درج تھے۔

حیدرآباد میں ایم ڈبلیوایم کے زیر اہتمام مرکزی احتجاجی مظاہرہ بعد نماز جمعہ قدم گاہ مولا علی ؑ کے باہر منعقد ہوا، احتجاجی مظاہرے سے خطاب کرتے ہوئے ایم ڈبلیوایم کے رہنما علامہ گل حسن مرتضوی نے کہا کہسمیت سندھ بھر میں اسلام و ملک دشمن تکفیری قوتیں بھر پورانداز میں منظم ہو رہی ہیں ، جس کا ثبوت کراچی سمیت اندرون سندھ مختلف اضلاع میں روز انہ شیعہ علماء، تاجروں اور عمائدین کی مسلسل ٹارگٹ کلنگ ہے، شکار پور میں گذشتہ روز تکفیری دہشت گرد عناصر کے ہاتھوں شہید ہونے والے علامہ شفقت عباس سولنگی اتحاد بین المسلمین کے داعی اور ملت جعفریہ کا عظیم سرمایہ تھے، جن کا قتل ملت تشیع کا عظیم نقصان ہے۔

لاڑکانہ میں نکالی گئی احتجاجی ریلی سے خطاب کرتے ہوئے ایم ڈبلیوایم کے ضلعی سیکریٹری جنرل طارق بدوی نے اپنے خطاب میں سندھ حکومت خصوصاً وزیر اعلیٰ سندھ قائم علی شاہ سے مطالبہ کیا کہ کراچی سمیت سندھ بھرمیں پھیلتے ہوئے دہشت گردوں کے نیٹ ورک کو توڑنے کے لئے ٹھوس اقدامات کیئے جائیں ، کراچی میں جاری ٹارگٹڈ آپریشن کا دائرہ مدارس کے نام پر قائم دہشت گردوں کے محفوظ ٹھکانوں تک وسیع کیا جائے ، قانون نافذ کرنے والے اداروں کی رپورٹس اور ماضی میں رو نما ہونے والے واقعات اس بات کے عکاس ہیں کہ بعض دینی مدارس تعلیمات اسلامی کے نام پر انتہاپسندی اور فرقہ واریت کی ترویج و اشاعت میں سرگرم عمل ہیں ۔

ٹھٹھہ میں احتجاجی مظاہرے سے خطاب کرتے ہوئے ضلعی سیکریٹری جنرل مختار دایو نے کہا کہ ملت جعفریہ کو مسلسل حب الوطنی کے سنگین سزا دی جارہی ہے، آئے روز شیعہ عمائدین کو دہشت گرد چن چن کر نشانہ بنا رہے ہیں ، ملت جعفریہ کے عظیم علماء ، دانشور، ڈاکٹرز اور تاجر ظلم و بربریت کا شکار ہوچکے ہیں ، حکومت اور قانون نافذ کرنے والے ادارے زبانی جمع خرچ کے سوا کچھ نہ کر سکے، عدالتی نظام بھی مصلحت پسندی اور خوف کے باعث قتل و غارت گر ی میں ملوث دہشت گردوں کو سزا دینے سے قاصر نظر آتی ہے۔

وحدت نیوز(ملتان) ایم ڈبلیوایم کے حمایت یافتہ ملتان کے حلقہ این اے149سے نومنتخب رُکن قومی اسمبلی ملک محمد عامر ڈوگر نے وحدت ہائوس (جامع مسجد الحسین )ملتان میں مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی سے ملاقات کی۔ اس موقع پر ایم ڈبلیو ایم ملتان کے سیکرٹری جنرل علامہ سید اقتدارحسین نقوی، ڈپٹی سیکرٹری جنرل سلیم عباس صدیقی، علامہ قاضی نادر حسین علوی، مولانا عمران ظفر، سیکرٹری سیاسیات مہر سخاوت، وسیم زیدی، ملک حسنین عباس انصاری، ذیشان حیدرعابدی، ناصر عباس گردیزی، قمر زیدی، سید طاہرعباس گردیزی، حسن اختر رضوی، شبررضا زیدی اور مجلس وحدت مسلمین جنوبی پنجاب کے میڈیاکوارڈینیٹر ثقلین نقوی موجود تھے۔

مجلس وحدت مسلمین کی حمایت سے منتخب ہونے والے ممبر قومی اسمبلی ملک عامر ڈوگر سے ملاقات کے دوران گفتگو کرتے ہوئے مجلس وحدت مسلمین کے مرکزی سیکرٹری سیاسیات سید ناصر عباس شیرازی کا کہنا تھا کہ پاکستان اس وقت کرپشن، بدعنوانی، مہنگائی، بے روزگاری سمیت بہت سے مسائل کا شکا ر ہے لیکن ملک کے نام نہاد اور جعلی حکمران اپنی عیش وعشرت اور اقتدار کو طول دینے کی ہرممکن کوشش کررہے ہیں لیکن ملک میں دھرنوں سے پیداہونے والی صورتحال نے ہرپاکستانی کو ایک نیا حوصلہ دیا ہے کہ ظالم کے سامنے کھڑے ہوکر آوازحق کو بلند کرنا چاہیے۔   ناصر شیرازی کا مزید کہنا تھا کہ شیعہ سنی وحدت سے تکفیریت کا چہرہ واضح ہورہا ہے، آج پاکستان میں ایک طرف کو خوش آمدید کہا جارہا ہے اور دوسری طرف اُس سے انکار کیا جارہا ہے، مجلس وحدت مسلمین پاکستان نے آپ کی حمایت کا فیصلہ کیا اور پھر ہر ممکن کوشش کی۔ یاد رہے کہ ملک عامر ڈوگر کے مدمقابل اُمیدوار کالعدم سپاہ صحابہ کے حمایت یافتہ تھے جس پر مجلس وحدت مسلمین نے ملک عامر ڈوگر کی حمایت کی۔ جس حلقے سے ملک عامر ڈوگر کامیاب ہوئے ہیں یہ شیعہ اکثریتی حلقہ ہے اور یہ حلقہ عزادری کا مرکزہے۔

نومنتخب رُکن اسمبلی نے ضمنی الیکشن میں مجلس وحدت مسلمین کی جانب سے حمایت کرنے پر شکریہ ادا کیا اور کہا کہ ملک سے فرقہ واریت کا خاتمہ ہی ترقی کا پیش خیمہ ہے، بعض نام نہاد لیڈر بھی مصلحت کاشکار ہیں اور حق بات کہنے کی بجائے ظالم کے ظلم میں شریک ہورہے ہیں۔