The Latest
وحدت نیوز(گلگت) شاہراہ قراقرم اور لالو سر کے بعد ضلع غذ ر میں سیکورٹی فورسز کی وردی میں ملبوس دہشت گرد وں کا پولیس چوکی پر حملہ انتہائی تشویشناک ہے۔گلگت چترال شاہراہ جس پر سفر پرامن تھا اب دہشت گردوں کے حملے نے اس شاہراہ کو بھی غیر محفوظ بنادیا ہے،ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے اپنے ایک بیان میں کیا ہے۔
انہوں نے کہا کہ اس حساس نوعیت کے واقعے کے بعد انتظامیہ کی آنکھیں کھلنی چاہئیں اور ضلع غذر میں فوری آپریشن شروع کیا جائے۔ ضلع غذر میں اس سے پہلے بھی اغوا اور قتل کے کئی واقعات رونما ہوئے ہیں جن پر انتظامیہ نے کوئی نوٹس نہیں لیا اور دہشت گردوں کے حوصلے بلند ہوئے اور آج سیکورٹی فورسز کی وردی میں خود پولیس چوکی پر حملہ کردیا۔انہوں نے کہا کہ اس واقعے سے ایسا لگ رہا ہے کہ قبائلی علاقوں میں جاری ضرب عضب آپریشن کے نتیجے میں دہشت گرد وں نے اس علاقے کا رخ کیا ہوا ہے جس کا ہم عرصہ دراز سے حکومت کی توجہ مبذول کرانے کی کوشش کرتے رہے ہیں لیکن حکومت ہمارے ان خدشات کو مسلسل نظر انداز کرتی رہی ہے۔حالیہ واقعے سے ثابت ہوتا ہے کہ یہ ایک منظم دہشت گردی ہے جس نے پولیس چوکی پر حملہ کرکے پولیس کو یرغمال کرکے سرکاری اسلحہ چھین لیا جو کہ ایک خطرناک سگنل ہے ۔انہوں نے کہا کہ حکومت اس واقعے کو سنجیدہ لیکر کاروائی کرے اور ملحقہ علاقوں میں فوجی آپریشن شروع کرے۔
وحدت نیوز (کراچی) مجلس وحدت مسلمین ضلع ملیر اور امامیہ میڈکس انٹرنیشنل (آئی ایم آئی )کے اشتراک سے ضلع بھر میں ہیپاٹائٹس بی سے بچائو کی فری ویکسینیشن مہم کا تیسرا اور آخری مرحلہ مکمل کرلیا گیاہے، ضلعی سیکریٹری فلاح وبہبود سید اسد علی زیدی نے وحدت نیوزسے گفتگو کرتے ہوئے کہا کہ الحمد اللہ جعفرطیار سوسائٹی ، کھرکھراپار اور بن قاسم ٹاون میں 1000سے زائد افراد کو بلاتفریق رنگ ونسل ، مسلک وزبان ومکان ہیپاٹائٹس بی سے بچائو کی فری ویکسینیشن لگائی گئی،واضح رہے کہ ہیپاٹائٹس سے بچائو کی ویکسینیشن تین مراحل میں لگائی جاتی ہے اس حوالے سے پہلی ڈوزماہ مارچ دوسری ماہ مئی اور تیسری اورآخری ماہ اگست کے اختتام پر لگائی گئی ہے۔
وحدت نیوز (حیدرآباد) وحدت ہائوس حیدرآباد سے ایک بیان جاری کرتے ہوئے سیکریٹری جنرل مجلس وحدت مسلمیں ضلع حیدرآباد مولانا امداد علی نسیمی نے کہا کہ 6 ستمبر بہادری اور شجاعت کا دن ہے جس نے ملک ور قوم کا سر فخر سے بلند کردیا اور دشمن کے ناکام عزائم کو خاک میں ملادیا،6ستمبریومِ دفاعِ پاکستان کے طور پر ہر سال اِن شہیدوں اور غازیوں کو خراجِ تحسین پیش کرنے کے لئے منایا جا تا ہے جنہوں نے وطنِ عزیز کی سالمیت اور یکجہتی کے تحفظ کے لئے عظیم قربانیاں دیں ۔یومِ دفاعِ پاکستان اس عہد کی تجدید کا دن بھی ہے کہ اگر ہم ایمان ،اتحاد اور نظم جیسی اعلیٰ خصوصیات اپنے اندر سمو لیں جو بانیء پاکستان قائد اعظم کے رہنما اصول تھے تو کوئی بھی جارح ہمارے ملک کو نقصان نہیں پہنچا سکتا ۔ستمبر 1965ء وہ دن ہے جب عددی برتری کے زعم میں مبتلا ہمارے دشمن نے پاکستان کو محکوم بنانے کی کوشش کی اور پوری دنیا یہ دیکھ کر حیران رہ گئی کہ پاکستان کے عوام اور افواج دشمن کے عزائم کے آگے سیسہ پلائی دیوار بن گئے اور اسکے منصوبے خاک میں ملا دئیے۔دشمن کے بزدلانہ ہتھکنڈوں کو دیکھ کر یومِ دفاع کے موقع پر ستمبر 1965کے اْنہی جذبوں اور ولولوں کی یادیں تازہ ہو گئی ہیں ۔
وحدت نیوز(کراچی) ایم ڈبلیو ایم کی مرکزی قیادت کی اپیل پر ملک بھر کی طرح 6ستمبر دفاع پاکستان شہدائے وطن کو خراج عقیدت پیش کر نے اور سلامتی اور استحکام کے لیے دعائیں مانگی گئیں اور شہدائے پاکستان کی یاد میں خصوصی اجتماعات منعقد کئے گئے۔اس سلسلے میں ایم ڈبلیو ایم کے مرکزی، صوبائی اور ضلعی دفاترمیں قر آن خوانی و فاتحہ خوانی کے اجتماعات منعقد کئے گئے مجلس وحدت مسلمین کراچی ڈویثرن کی جانب سے50ویں یوم دفاع پاکستان کے حوالے سے کراچی نمائش چورنگی پر مر کزی کیمپ لگایا گیا جہاں شہداء کو خراج عقیدت پیش کرنے کیلئے شمع روشن کی گئی اور مزار قائد پر وفد کے ہمراہ حاضری دی اور فاتحہ خوانی کی جس میں ایم ڈبلیو ایم کے سیکرٹری جنرل حسن ہاشمی بشمول وفد میں مولانا محمد اسحاق قرائیتی،مولا ناحمیدحسین الحسینی،مولانا ملازم حسین غدیری،مولانا ایوب صابری،مولانا علی طاہری،مولانا ملک غلام عباس،مولانا ضامن راجا،مولانااسحاق مقدسی،مولانااشر حسین مطاہری،مولانا احسان دانش،مولانا صادق جعفری،علامہ علی انور ،علا مبشر حسن ،ناصر حسین الحسینی،رضوان پنجوانی ،روح اللہ مجلسی،رضا نقوی،ڈاکٹر مدثر حسین ،زین رضوی ،آصف صفوی سمیت ایم ڈبلیو ایم کارکنان اورشہریوں کی بڑی تعداد موجود تھی جنہوں نے 6ستمبر 1965کے شہدا ئے وطن کی کو خراج عقیدت پیش کرتے ہوئے شمع روشن کی اور شہدائے کے ایصال ثواب کیلئے خصوصی دعاء بھی کی۔موقع پر مجلس وحدت مسلمین کے رہنماء علی حسین نقوی کا زرائع ابلاغ کے نمائندگا ن سے گفتگو میں کہنا تھا کہ 6ستمبریوم دفاع پر پاکستان کی بقاء ،سلامتی اور خوشحالی تجدید عہد اور ملک دشمنوں سے جنگ کے عزم کا دن ہے،کسی ملک و اسلام دشمن قوتوں کے ایجنڈے کو اس ملک میں کامیاب نہیں ہونے دیں گے آج کے دن بانیان پاکستان قائد اعظم محمد علی جناح ؒ و مفکر پاکستان علامہ محمد اقبالؒ اور شہدائے پاکستان کو سلام عقیدت پیش کرتے ہیں،1965پاک افواج کے بہادر سپوتوں نے ہندوستان کے ناقابل تسخیر ہونے کے دعوے کو خاک میں ملا دیا،دشمن کے ناپاک عزائم کوخاک میں ملانے والے فوجی جوانوں کو سلام عقیدت پیش کرتے ہیں، 1965سے شروع ہونے والی افواج پاکستان کی استقامت و ایثار آج ضرب عضب تک جاری ہے،بھارت کی جانب سے لائن آف کنٹرول پر مسلسل گولہ باری اور پاکستانی شہریوں کی شہادتیں، ملت پاکستان اور افواج پاکستان کے عزم وحوصلے اور ولولے کے آگے رکاوٹ نہیں بن سکتیں ، یوم دفاع کے روز ہمیں شہدائے وطن سے عہد کرنا ہوگا کے اپنی جان و مال سے بڑھ کر اس ملک کی حفاظت کرنا ہو گی حب الوطنی کے جذبے سے شرسار ہوکر ہر اس دشمن کے خلاف ہم نے سیسہ پلائی ہوئی دیوار بننا ہے اور ہر اس اندرونی و بیرونی دشمن کو شکست دینا ہے جس کے عزائم اس پاک وطن کے خلاف ہیں ۔ اس موقع پر علامہ صادق جعفری نے وطن عزیر کی سلامتی و خوشحالی اور شہدائے یوم دفاع پاکستان سمیت دہشتگردی کے خلاف جنگ میں شہید ہونے والے پاک افواج کے جوانوں کے ایصال ثواب کیلئے خصوصی دعا کرائی ۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے اسلام آباد میں منعقدہ تربیتی ورکشاپ سے خطاب کرتے ہوئے کہا ہے کہ غیبت کبریٰ کے دور میں ولایت فقیہ ہمیں امامت سے متصل رکھے گا۔ یورپ کی طرف سے لبرل ازم کا نظام دیا گیا، جس میں دین و سیاست کو جدا کر دیا گیا، معاشی نظام سرمایہ دارانہ تھا، یہ نظام خدا اور آخرت سے کٹا ہوا نظام ہے۔ لہذا اس نظام نے انسانوں کو خدا سے کاٹ کر جدید بت کدوں کی جانب روانہ کیا۔ امامت نظام رسالت کا تسلسل ہے۔ امامت میں سیاسی و دینی پیشوائی موجود ہیں۔ امامت میں دین و سیاست اکٹھے ہیں۔ یہ تشیع کا سیاسی نظریہ ہے۔ سقیفہ میں دین و سیاست جدا ہوئے۔ غیبت کبریٰ میں نظام ولایت فقیہ ہمیں امامت سے متصل رکھے گا۔ امام خمینی (رہ) نے دین و سیاست کی وحدت کے نظریئے کا احیاء کیا۔ 65 ہزار شہداء اس راستے کے لئے پیش کئے۔ آئمہ کے سخت ترین سیاسی مبارزات کا ہدف اسلامی حکومت کا قیام تھا۔
وحدت نیوز (اسلام آباد) یوم دفاع پاکستان کی گولڈن جوبلی کے موقع پر مرکزی سیکریٹریٹ سے جاری اپنے تہنتی پیغام میں سربراہ مجلس وحدت مسلمین پاکستان علامہ ناصر عباس جعفری نے کہا ہے کہ آج 50برس بعد بھی شہدائے وطن کی قربانیاں ہمارے دلوں میں زندہ ہیں ،6 ستمبر1965کا عظیم دن پاکستان کی تاریخ میں سنہری حروف سے لکھا ہوا ہے، پاک افواج کے بہادر سپوتوں نے ہندوستان کے ناقابل تسخیر ہونے کے دعوے کو خاک میں ملا دیا، اپنی قیمتی جانوں کا نذرانہ پیش کرکے دشمن کے ناپاک عزائم کوخاک میں ملانے والے فوجی جوانوں کو سلام عقیدت پیش کرتے ہیں ، 1965سے شروع ہونے والا افواج پاکستان کی استقامت و ایثار کا سفرآج ضرب عضب تک جاری ہے،بھارت کی جانب سے لائن آف کنٹرول پر مسلسل گولہ باری اور پاکستانی شہریوں کی شہادتیں، ملت پاکستان اور افواج پاکستان کے عزم وحوصلے اور ولولے کے آگے رکاوٹ نہیں بن سکتیں ،بھارت پاک چین اقتصادی راہداری منصوبے اور ایک مستقبل کے ایک خودکفیل معاشی پاکستان کے خواب سے خوفزدہ ہے، بھارت کو ایک دہشت گردی میں گھرا، خون آلودپاکستان سوٹ کرتا ہے، ناکہ ایک مضبوط اور معاشی اقتصادی اعتبار سے مستحکم پاکستان، افسوس آج ہمارے نا عاقبت اندیش حکمران بھی بھارت کی پالیسی کی پیرویکرتے ہوئے دفاع وطن کی ضامن افواج پاکستان کے خلاف محاذآرائی میں مصروف ہیں ،افواج پاکستان لٹیرے سیاست دانوں سے زیادہ محب وطن ہیں ،جوکہ بیرونی سرحدوں سمیت وطن عزیزکی نظریاتی اور معاشی سرحدوں کی بھی حفاظت کا کام بخیر وخوبی انجام دیں رہے ہیں،بیرونی ایجنڈوں پر برسراقتدار آنے والے حکمرانوں کی تجوریوں میں بھری قومی دولت واپس نکلوانے کیلئے دن رات کوشاں ہیں، بیس کروڑاہل وطن تاریخ کے اس نازک دوراہے پر اپنی پاک فوج اور اس کے سپہ سالارکے شابہ بشابہ کھڑے ہیں۔
ان کامزید کہنا تھا افواج پاکستان کی تاریخ جذبہ ایثار و فدا کاری سے عبارت ہے، بھارتی جارحیت ہو یا طالبانی لشکر کشی، ضرب عضب ہو یا سیلاب و زلزلہ فوجی جوان ہر لمحہ ملک و قوم کی خدمت میں پیش پیش نظر آتے ہیں ،حالیہ ملکی سیاسی حالات میں بھی پاک فوج کا کردار قابل تحسین ہے ، انتہائی درجے کی سازشوں کے باوجود افواج پاکستان نے سیاسی معاملات میں دخل اندازی سے گریز گیااور سیاسی مسائل کے حل کے لئے اپنا غیر جانبدار قابل ستائشکردار اد اکیا، لیکن دوسری جانب ملک دشمن ایجنڈے پر کاربند قومی وسائل ہڑپ کرجانے والے بعض حکمران صبح وشام افواج پاکستان کا استحقاق مجروح کرنے میں مصروف ہیں ، جن کا مقصد ملت پاکستان اور افواج پاکستان کے درمیان کشیدگی کو پروان چڑھا کر اپنے غیر ملکی آقاؤں کے ایجنڈے کو عملی جامہ پہنانا اورقومی دفاع کو کمزور کر نا ہے، لیکن ملت پاکستان بیدار اور ہوشیار ہے افواج پاکستان کے خلاف حکمران جماعت ، بعض ذرائع ابلاغ اورغیر ملکی ایجنسیوں کسی بھی سازش کو کسی صورت کامیاب نہیں ہونے دے گی۔
وحدت نیوز(قم المقدس رپورٹ ازسجاد احمد) مجلس وحدت مسلمین قم کے شعبہ میڈیا کی مجلس وحدت مسلمین پاکستان کی شوریٰ عالی کے اہم رکن حجۃ الاسلام والمسلمین مولانا حسنین عباس گردیزی کے ساتھ ایک اہم نشست ہوئی ۔اس نشست میں حجۃ الاسلام والمسلمین مولانا حسنین عباس گردیزی نے جہاں میڈیا کی دنیا میں جدید ٹیکنالوجی کے استعمال کی ضرورت و اہمیت پر زور دیا وہیں یہ بھی کہا کہ جدید ٹیکنالوجی کودینِ اسلام کی تبلیغ اور نشرواشاعت کے لئے آگاہانہ اور شعوری طور پر استعمال کیاجانا چاہئے۔انہوں نے مجلس وحدت مسلمین قم کے شعبہ میڈیا کے ممبران پر زور دیا کے وحدتِ اسلامی کے فروغ،باہمی اتحاد اور بیداری و اخوّت و بھائی چارے کے لئے میڈیا سے مربوط ٹیکنالوجی کو بھرپور طریقے سے استعمال کریں۔
وحدت نیوز (ہوسٹن) مجلس وحدت مسلمین کے رکن بلوچستان اسمبلی آغا سید محمد رضانے 6ستمبر1965ء کے شہداء کو سلام پیش کرتے ہوئے کہا ہے کہ مادروطن کیلئے پاک فوج کے بہادرجوانوں کی لازوال قربانیوں کو کھبی فراموش نہیں کیاجاسکتاہے ، مجلس وحدت مسلمین پاکستان دفاع وطن کیلئے جانوں کا نذرانہ پیش کرنے والے فوجی جوانوں کو یوم دفاع پاکستان کے موقع پر خراج تحسین پیش کرتے ہیں یوم دفاع پاکستان کو جوش و خروش سے منانا ہماری قومی جذبات کی عکاس ہے۔ان خیالات کا اظہار انہوں نے اپنے دورہ امریکہ کے موقع پر ہوسٹن میں اہل بیت ؑ فائونڈیشن کے تحت زینبیہ ؑامام بارگاہ میں پاکستانی کمیونٹی کے ساتھ ایک نشست سے خطاب کرتے ہوئے کیا۔
انہوں نے کہا کہ ہم دفاع وطن میں ہمیشہ اپنی باصلاحیت فوجی جوانوں کے ہمراہ شانہ بشانہ کھڑے ہیں۔یوم دفاع پاکستان ہمیں اپنی صلاحیتوں قربانیوں کا احساس دلاتی ہیں جس کے بدولت پاکستان کے غیور عوام وفوج بے مثال اتحادکا مظاہرہ کرکے وطن عزیز پاکستان کو تاریخی دفاع کرکے دنیا والوں کو بتادیاتھا کہ پاکستانی قوم اپنے مادر وطن کی سا لمیت پر کھبی بھی آنچ نہیں آنے دینگے چاہیے دشمن کس قدر طاقتور اور مکار ہی کیو ں نہ ہو۔پاکستانی قوم اپنے مادر وطن کی بقاء اور ترقی کیلئے کسی بھی قسم کے قربانی سے دریغ نہیں کرینگے۔
انہوں نے مزید کہا کہ پاکستانی قوم زندہ و جاوید ہے اور اپنی مادر وطن کیلئے استقلال و آزادی کی خاطر اپنے پاک فوج و دیگر رضاکاروں کے قربانیوں کو کھبی فراہموش نہیں کرینگے اور انہی دفاع وطن کے شہداء کی یاد مناتے ہوئے ان کے لازوال قربانیوں اور افکار کو اپنی آئندہ نسلوں تک منتقل کرینگے،آزادی کی قد ر و قمیت وہی بہتر جانتی ہے جو اس نعمت سے محروم ہے یہی وجہ ہے کہ دفاع پاکستان کیلئے شہداء کے قربانیوں کو سنہرے حروف کے ساتھ ہر سال یاد کیاجاتاہے ہماری آزادی کو انہی شہدائے پاک وطن اپنے خون کے ساتھ بیمہ کیا ہے ۔اب پاکستانی قوم انہیں دشمنوں سے پنجا آزما ہے کیونکہ وہی دشمن ہمارے پاک وطن کے امن وامان ، اقتصادی ڈھانچے کو تباہ کرنے لیئے اپنے کرائے کے ناپاک دہشتگردوں کے ذریعے پاکستان کے اندرہمارے پاک فوج اور عوام کا خون بہا کر اپنے مذموم مقاصد کو حاصل کرنے درپے ہیں۔جس طرح 6ستمبر کو پاکستانی قوم نے اپنے اندرونی اختلاف بالائے طاق رکھ کر مادروطن کا دفاع کیاتھا بالکل اسی طرح آج بھی اتحاد و یگانگت کامظاہرکر کے ملک دشمن عناصر کیلئے ازحد ضروری ہیں ملکی ترقی اور بقاء کیلئے ضروری ہے کہ آپس میں شیروشکر ہو۔
ملک بھر میں یوم دفاع پاکستان شان و شوکت سے منانا ہماری شرعی اور اخلاقی ذمہ داری ہے،علامہ اعجاز بہشتی
وحدت نیوز (کراچی) مجلس وحدت مسلمین پاکستان شعبہ تبلیغات کے مرکزی سیکریٹری علامہ اعجاز بہشتی نے یوم دفاع پاکستان کے حوالے سے اپنے ایک بیان میں کہا کہ، ۶ ستمبر ہمارے لٗے باعث فخر کا دن ہے اور ملک بھر میں یوم دفاع پاکستان کو شان و شوکت سے منانا ہماری شرعی اور اخلاقی ذمہ داری ہے۔
یوم دفاع یعنی اس دن کو منانا ہے جس دن وطن عزیز پاکستان کے بہادر اور غیور افواج نے اس پاک سر زمین کی خاطر جرات و بہادری کا مظاہرہ کرتے ہوئے اپنی جانوں کا نظرانہ پیش کیا اور بھارت کے ناپاک عزائم کو کو خاک میں ملا دیا اور فاتح قرار پائے۔
یوم دفاع کے دن ہمیں چاہیے کہ پاک فوج کے جوانوں کو ان کی بہادری اور ان کی قربانی پر خراج تحسین پیش کریں اور پاک فوج کے ساتھ ساتھ وطن عزیز کے ان بہادور بیٹوں کو بھی نہیں بھولنا چاہئے جنہوں نے اس سرزمین کی حفاظت کی خاطرمختلف محازوں پر اپنے جانوں کی قربانی پیش کی، چاہئے وہ دشمن کے ساتھ لائن آف کنٹرول پر شہید ہوئے ہوں یا کراچی ، کوئٹہ، گلگت بلتستان کی سر زمین پر بے گناہ شہید ہوئے ہوں ، پاکستان کی سر زمین پر بے گناہ شہید ہونے والے ہر شہری کو یاد کرنا اور ان کے دشمنوں کو کیفر کردار تک پہنچانا ہماری ذمہ داری ہے۔
خانوادہ شہداء کی حصلہ افزائی کرنی چاہئے تاکہ ملک عزیز کے لئے قربانی دینے والوں کے حوصلہ بلند ہوں اور دشمن کے حوصلہ پست ہوں اور دشمنوں اپنی ہر سازش میں ناکام ہوں ۔
وحدت نیوز (قم المقدس رپورٹ ازسجاد احمد) مجلس وحدت مسلمین قم کے زیر اہتمام مدرسہ حجتیہ کے مطہری ہال میں قبلہ مفتی جعفر حسینؒ کی برسی کا پروگرام منعقد کیا گیا ۔پروگرام سے خطا ب کرتے ہوئے مجلس وحدت مسلمین پاکستان کے سیکرٹری سیاسیات ناصر شیرازی نے خطاب کرتے ہوئے کہا کہ مجلس وحدت مسلمین آج جتنے کام بھی کررہی ہے ان کی بنیادیں سید محمد دہلویؒ،مفتی جعفر حسینؒ اور علامہ عارف حسین حسینیؒ نے ہی ڈالی ہیں۔انہوں نے کہا کہ امام خمینیؒ نے بھی قائد شہید کے افکار کو زندہ رکھنے کا حکم دیاہے اور الحمدللہ مجلس وحدت مسلمین نے اس حکم پر لبّیک کہتے ہوئے آج مختلف محازوں پر پاکستان میں استعمار اور تکفیریت کو زبردست شکست دی ہے۔سیکرٹری سیاسیات نے اپنے خطاب میں کہا کہ پاکستان میں شیعوں کو اچھوت بنادیاگیاتھا،ہمارے سرکاری ادارے اور سیاستدان شیعوں کی ٹارگٹ کلنگ کی سرپرستی کرتے تھے،حکومتی سرپرستی میں طالبان،سپاہ صحابہ اور لشکرِ جھنگوی جیسی شیعہ کش تنظیمیں سرِ عام سرگرم تھیں لیکن ایم ڈبلیو ایم کی میدانِ عمل میں جہد مسلسل اور جرات و استقلال کے باعث بہت ہی کم عرصے میں آج سب کو شیعان حیدر کرار کی قدر و قیمت کا پتہ چل گیاہے اور انہیں شدّت سے یہ احساس ہوگیاہے کہ شیعیانِ حیدر کرّار کو اعتماد میں لئے بغیر کوئی فیصلہ نہیں کیا جاسکتا۔انہوں نے کہا کہ اب ہمیں بھی شعوری طور پر اس پیغام کو دوسروں تک پہنچاناچاہیے کہ ایک کمزور ملت اپنے زمانے کے امام کی ناصر نہیں ہوسکتی۔
