وحدت نیوز(سرگودھا)صوبائی صدرمجلس وحدت مسلمین پنجاب علامہ سیدعلی اکبر کاظمی نے اپنے سرگودھا دورہ کے دوران ضلع سرگودھا کی تحصیل ساہیوال میں معروف تنظیمی شخصیت قائد شہید علامہ عارف حسین الحسینی رہ کےدیرینہ ساتھی جناب سید علمدار حسین کی رہائشگاہ پر پہنچے جہاں انہوں نے سید علمدار حسین شاہ سے ملاقات کی اور علاقے کی تنظیمی ،سیاسی صورتحال پر تبادلہ خیال کیا ۔ وہ کافی دیر علمدار حسین شاہ کے ساتھ رہے اور باہمی دلچسپی کے امور پر گفتگو فرماتے رہے ۔ مجلس وحدت مسلمین پنجاب کے نائب صدر جناب سید ملازم حسین شاہ نقوی ،ضلع سرگودھا کے ضلعی صدر جناب مولانا ذوالفقار اسدی اور دیگر تنظیمی ساتھی بھی صوبائی صدر کے ہمراہ تھے ۔