وحدت نیوز(جیکب آباد)مجلس وحدت مسلمین پاکستان کے مرکزی ترجمان علامہ مقصود علی ڈومکی عزاداری سیل کے رہنما  سید احسان علی شاہ بخاری سید فضل عباس شاہ اور جنرل سیکرٹری سید غلام شبیر نقوی نے ایس ایس پی جیکب آباد بشیر احمد بروہی سے ملاقات کی اور انہیں عشرہ محرم کے دوران بہترین سیکورٹی اتنظامات پر اپریسئیشن لیٹر دیا۔

 اس موقع پر گفتگو کرتے ہوئے علامہ مقصود علی ڈومکی نے کہا کہ جیکب آباد جیسے حساس ضلع میں عوام کے تحفظ کے لئے ایس ایس پی جیکب آباد کی کوششیں قابل تعریف ہیں ہم ضلعی انتظامیہ اور پولیس کی خدمات کو قدر کی نگاہ سے دیکھتے ہیں۔اس موقع پر جناب بشیر احمد بروہی نے عزاداری سیل کے ذمہ داران کا شکریہ ادا کیا۔ اور بتایا کہ 12 محرم کو جیکب آباد میں ایک عزادار مولا بخش بروہی کا جو قتل ہوا ہے ان کے قاتل کو گرفتار کیا گیا ہے۔