وحدت نیوز(حیدرآباد) قائد وحدت حجتہ الاسلام والمسلمین علامہ راجا ناصر عباس جعفری مرکزی چیئرمین ایم ڈبلیو۔ایم پاکستان کی ھدایت پر شھر حیدرآباد میں مجلس وحدت مسلمین عزاداری ونگ/ مجلس علمائے مکتب اھلبیت حیدرآباد کی جانب سے احتجاجی ریلی نکالی گئی۔ ریلی میں مجلس وحدت مسلمین لیڈیز ونگ نے بھی بھرپور شرکت کی ۔
ریلی کی قیادت علامہ گل حسن مرتضوی، سید صفدر عباس، قبلہ ساجد علی ساجدی سید وقار زیدی و محمد جمن سولنگی نے کی جب کے اس موقعے پر مولانا ملازم حسین حسینی، مولانا پسند علی غیوری، مولانا عمران علی دستی صاحب ایڈوکیٹ رحمان رضا عباسی نے شرکاء سے خطاب کیا۔
ریلی میں شریک حیدرآباد کی تمام تنظیمیں، انجمنیں، علماء اکرام و شخصیات نے بھرپور شرکت کی اور پاراچنار کی مظلومین عوام کے حق میں آواز بلند کی دہشتگردوں کے محاصرے صوبائی اور وفاقی حکومت کی نااہلی اور مجرمانہ خاموشی کی سخت مذمت کی گئی دوائیں نہ ہونے کی وجہ سے پارہ چنار کے سو بچوں کی شہادت کی ذمیدار ریاست اور ریاست پر قابض حکمرانوں کو قرار دیا گیا۔
اور مطالبہ کیا گیا کہ پارہ چنار کا فوری محاصرہ ختم کرواکر کے پارہ چنار مومنین کے مطالبات کو فوری تسلیم کیا جائے ،آخر میں المصطفی پارک چوک پر علامتی دھرنا لگایا۔
