وحدت نیوز (کراچی) مجلس وحدت مسلمین پاکستان کے قائدین کی صوبائی سیکریٹریٹ وحدت ہاؤس سولجربازار میں خانوادہ اسیران حامیان مظلومین پاراچنار سے اہم ملاقات ہوئی ۔
اس ملاقات میں قائدین نے خانوادہ اسیران سے اُن کے مسائل سنے اور قائد وحدت سینیٹر علامہ راجہ ناصر عباس جعفری کی خصوصی ہدایت پر خانوادہ اسیران کی ہر ممکن مدد اور داد رسی کی یقین دہانی جبکہ مکمل قانونی معاونت جاری رکھنے کا عزم دھرایا، اس موقع پر قانونی امور پر مشاورت بھی کی گئی ۔
ملاقات میں مجاہد ملت بانی رہنما ایم ڈبلیوایم علامہ سیّد حسن ظفر نقوی، ایم ڈبلیوایم کے مرکزی وائس چیئرمین علامہ سیّد احمد اقبال رضوی، صدر صوبہ سندھ علامہ سیّد باقر عباس زیدی، نائب صدر صوبہ سندھ علامہ مختار امامی، صدر کراچی ڈویژن علّامہ مُحمد صادق جعفری، پولیٹیکل سیکریٹری کراچی ڈویژن علّامہ مبشر حسن، صدر عزاداری وِنگ کراچی ڈویژن سیّد رضی حیدر رضوی و دیگر موجود تھے۔
