وحدت نیوز (گلگت) پاکستان پیپلز پارٹی گلگت بلتستان کے بانی وزیر صادق کے فرزند سینئررہنما وزیر سلیم نے ایم ڈبلیوایم میں باقائدہ شمولیت کا اعلان کردیاہے، مجلس وحدت مسلمین کے مرکزی سیکریٹری امورسیاسیات سید ناصرشیرازی نے پھولوں کے ہار پہنا کر انہیں پارٹی میں خوش آمدید کہا، اس موقع پر وزیر سلیم کا کہنا تھا کہ پارٹی کی پانچ سالہ ناقص کارکردگی سےدلبرداشتہ ہوکرایم ڈبلیوایم میں شمولیت کا فیصلہ کیا، ہم پیپلز پارٹی کے لئے بے پناہ قربانیاں دیں لیکن اس کا صلہ ہمیں کرپشن اور لوٹ مار کی صورت میں ملا، آج سے ایم ڈبلیوایم کی مضبوطی کیلئے کام کروں گا۔