وحدت نیوز (مظفرآباد) آمد حبیب ؐ خدا مرحبا مرحبا، 11ربیع الاول دومیل سے چکوٹھی لبیک یا رسولؐ اللہ ریلی،مجلس وحدت مسلمین آزاد جموں و کشمیر کا بھرپو ر شرکت کا اعلان ، ریلی زیر اہتمام مرکزی سیرت کمیٹی ہٹیاں بالا ہو گی، ہم بھرپور شرکت و تعاون کریں گے، مجلس وحدت مسلمین آزاد جموں وکشمیر کے سیکرٹری جنرل علامہ سید تصورحسین نقوی الجوادی کی قیادت میں بھرپور شرکت کریں گے، ان خیالات کا اظہار مجلس وحدت مسلمین آزاد جموں وکشمیر کے سیکرٹری تعلیم و کوآرڈینیٹر برائے 11ربیع الاول لبیک یا رسول اللہ ؐ ریلی سید عمران حیدر سبزواری نے رابطہ مہم کے دوران مختلف وفود سے ملاقات کے دوران کیا ، انہوں نے کہا کہ حسب سابق مجلس وحدت مسلمین آزاد جموں وکشمیر پاکستان و آزاد کشمیر کی سب سے بڑی ریلی میں بھرپور شرکت کرے گی، ریلی دومیل پل سے شروع ہو کر کنٹرول لائن چکوٹھی اختتام پذیر ہو گی ،جہاں جلسے سے شیعہ سنی علمائے کرام خطاب کریں گے، مجلس وحدت مسلمین شیعہ سنی وحدت کے لیئے سرگرم، اہلسنت برادران کے ساتھ ہر سطح پر بھرپور تعاون کریں گے، قائد مجلس وحدت مسلمین علامہ راجہ ناصر عباس جعفری کے اعلان کے مطابق وحدت کے لیئے کسی بھی قربانی سے دریغ نہیں کیا جائے گا، دہشت گردی و انتہا پسندی کا واحد حل اتباع ذات رسول گرامی قدر میں ہے، اگر اس ذات کی پیروی کر لی جائے تو وہ وقت دور نہیں کہ جب دنیا پر حاکمیت اسلام ہو، شیعہ سنی وحدت تکفیریت کے منہ پر ذور دار طماچہ، شیعہ سنی ایک ہو کر تکفیریت کے لیئے تکلیف دہ ہیں ، لیکن جان لیا جائے کہ جس طرح پاکستان ملکر بنایا تھا ، اس کی نظریاتی و جغرافیائی سرحدوں کی حفاظت بھی ملکر کریں گے۔