وحدت نیوز(مشہد مقدس) دفتر مجلس وحدت مسلمین مشہد مقدس میں امام علی زین العابدین علیہ السلام کی شہادت کی مناسبت سے مجلس عزا کا انعقاد کیا گیا ۔مجلس عزا کی ابتداء تلاوت کلام مجید سے کی گئی جس کی سعادت قاری محمد جواد رضا نے حاصل کی پروگرام کے پہلے خطیب مولانا محمد اختر نے فضائل و مصائب محمد و آل محمد علیہم سلام بیان کیے۔پروگرام کے دوسرے خطیب حجۃ الاسلام و المسلمین مولانا ظہیر عباس مدنی صاحب نے امام زین العابدین علیہ السلام کی سیرت طیبہ پر اپنے مخصوص انداز میں خطاب فرمایا۔پروگرام میں علمائے کرام اور طلباۓ عظام نے بھرپور شرکت فرمائی۔پروگرام سے پہلے برادر مولانا محمد سلیم محمدی صاحب کے بھائی خواجہ اکمل حسین اور برادر علی عمران کے والد محمد عباس کے ایصال ثواب کے لئے قرآن خوانی کی گئی۔