وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری امور تربیت نرگس سجاد جعفری نے کہا ہے کہ سانحہ ماڈل ٹاون کے نامزد ملزمان کو کیفر کردار تک پہنچایا جائے، مجلس وحدت مسلمین انصاف ملنے تک پر موقع پر مظلومین سانحہ ماڈل ٹاون کیساتھ کھڑے رہی گی۔ ان خیالات کا اظہار انہوں نے لاہور میں پاکستان عوامی تحریک کے احتجاجی دھرنے میں وفد کے ہمراہ شرکت کے موقع پر خطاب کرتے ہوئے کیا، ان کا کہنا تھا کہ جسٹس باقر کی رپورٹ کو منظر عام پر لایا جائے، سانحہ ماڈل ٹاون کے نامزد ملزمان جن کے خلاف ایف آئی آر کاٹی گئی تھی اس ایف آئی آر پر عمل درآمد ابھی تک کیوں نہیں ہوا۔ دن دیہاڑے چودہ افراد کا قتل ہوتا ہے اور ایک آدمی گرفتار نہیں ہوتا بلکہ الٹا مقتولین کے ساتھیوں کے خلاف جھوٹے مقدمات بنائے جاتے ہیں۔ ان کا کہنا تھا کہ مجلس وحدت مسلمین پاکستان کل بھی سانحہ ماڈل ٹاون کے مظلوموں کے ساتھ کھڑی تھی اور آج بھی سانحہ ماڈل ٹاون کے بے گناہوں کو جب تک انصاف نہیں  ملتا ساتھ کھڑی ہے۔ ہم سب کربلا کے ماننے والے ہیں مولا امیرالمومنین علیہ السلام کا فرمان ہے کونا لظالم خصما و للمظلوم عونا ہر ظالم سے بیزاری اور ہر مظلوم کے مدد گار بن کر رہنا۔ انہوں نے کہا کہ ہم آج سانحہ ماڈل ٹاون کے مظلوموں کے ساتھ اظہار یکجہتی کے لئے آئے ہیں
 ازشریف نے عوام سے جھوٹ بولا اور 20 کروڑ عوام کے ساتھ دھوکا کیا جس کی وجہ سے نااہل ہوا، جوسانحہ ماڈل ٹاون کے مظلوموں کو انصاف تو دلا نہ سکا وہ کس منہ سے 90 دن انصاف دلانے کی بات کر رہا ہے۔