وحدت نیوز(کراچی)متحدہ قومی موومنٹ کے رکن صوبائی اسمبلی سندھ ڈاکٹر صغیراحمد کے پاک سرزمین پارٹی میں شمولت کے بعد PS-117کی خالی ہونے والی نشست پر کاغذات نامزدگی جمع کروانے والے مجلس وحدت مسلمین کے امیدوار محسن مقادم اور رضوان پنجوانی شیعہ علماءکونسل کے امیداوار علی رضا لال جی کے حق میں دستبردارہو گئے ہیں ، اس بات اعلان گذشتہ روز ایم ڈبلیوایم صوبہ سندھ کے نامزد سیکریٹری امور سیاسیات سید علی حسین نقوی نے شیعہ علماءکونسل کے صوبائی رہنمائوں کے ہمراہ پریس کانفرنس کرتے ہوئے کیا، علی حسین نقوی کا کہنا تھا کہ مجلس وحدت مسلمین نے ہمیشہ قومی وحدت اور یگانگت کو پارٹی مفادات پر ترجیح دی ہےاور حلقہ PS-117میں بھی ہم نے اپنی قیادت کی اتحاد وحدت کی پالیسی کو جاری رکھتے ہوئے شیعہ علماءکونسل کے امیدوار کے حق میں اپنے امیداوار دستبردارکروانے کا اعلان کیا ہے، ہم شیعہ علماءکونسل کے امیدوار کی مکمل حمایت کا اعلان کرتے ہیں ساتھ ہی ان کی الیکشن مہم میں بھی ان کا بھر پور ساتھ دینے کی یقین دہانی کرواتے ہیں ۔شیعہ علماءکونسل کے رہنما علامہ جعفر سبحانی نے مجلس وحدت مسلمین کے اس جذبہ خیر سگالی پر مسرت کا اظہار کیا اور علی رضا لال جی کی حمایت کرنے پر اظہار تشکر کیا۔واضح رہے کہ ایم ڈبلیوایم کے امیداروں کے علاوہ اس نشست پر نامزددو آزاد امیداروں حسنین حیدری اور عون علی نے بھی علی رضا لال جی کی حمایت میں دستبردارہو نے کا اعلان کردیا ہے ۔

وحدت نیوز(لاہور) اہل سنت عالم دین محمد علی نقشبندی صاحب کی تحفظ ناموس رسالت کے وفد کے ہمراہ مجلس وحدت مسلمین پنجاب سیکرٹریٹ آمد، علامہ راجہ ناصر عباس جعفری صاحب کو پھولوں کے گلدستے کے ساتھ مرکزی سیکرٹری جنرل مجلس وحدت مسلمین پاکستان منتخب ہونے پر مبارک باد پیش کی اور اتحاد امت مسلمہ کے لیے کی جانے والی خدمات پر ناصر ملت علامہ راجہ ناصر عباس جعفری صاحب کو خراج تحسین پیش کیا،س موقع پر مجلس وحدت مسلمین کے مرکزی ڈپٹی سیکرٹری علامہ سید احمد اقبال رضوی، مرکزی سیکریٹری مالیات علامہ سید مبارک علی موسوی ، مرکزی سیکرٹری سیاسیات برادر اسد نقوی ، برادر ناصر شیرازی اور لاہور کے نو منتخب سیکرٹری جنرل علامہ سید حسن ہمدانی سمیت دیگر ضلعی عہدہ داران موجود تھے۔دونوں رہنمائوں کے درمیان دوطرفہ دلچسپی کے امور سمیت ملکی حالات پر بھی تفصیلی بات چیت ہوئی، علامہ راجہ ناصرعباس جعفری وفدمیں شامل معززمہمانان گرامی کی آمد پر ان کا شکریہ ادا کیا۔

وحدت نیوز(لاہور) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے گذشتہ روزدورہ لاہور کے موقع پر  سربراہ تحریک  اتحاد امت مصطفیٰ پیر شفاعت الرسول سے ان کے آستانہ پر ملاقات کی  ، اس موقع پر ایم ڈبلیوایم کے مرکزی سیکریٹری امور سیاسیات سید اسد عباس نقوی، رکن شوریٰ عالی سید ناصرشیرازی،سیکریٹری جنرل لاہور علامہ سید حسن ہمدانی ودیگر بھی مو جود تھے ، ایم ڈبلیوایم قائدین کی آمد پر پیر شفاعت الرسول کے مریدوں کی جانب سے گل پاشی کرکے شاندار استقبال کیاگیا ،علامہ راجہ ناصرعباس جعفری نے پیر شفاعت الرسول کو تحریک  اتحاد امت مصطفیٰ ﷺکا چیف آرگنائزر نامزدہونے پر مبارک باد پیش کی،
ان کاکہنا تھا کہ پاکستان سے تکفیریت کے خاتمے اور امن واستحکام کے قیام کیلئے مضبوط شیعہ سنی روابط کا قیام ناگزیر ہے، الحمداللہ مجلس وحدت مسلمین نے وطن عزیز میں اہل سنت تنظیمات کے ساتھ گراس روٹ تک برادرانہ تعلقات قائم کرکے تکفیریت کا منہ کالا کیا ہے۔ پیر شفاعت الرسول نے  تحریک  اتحاد امت مصطفیٰ ﷺمیں مجلس وحدت مسلمین کی شمولیت کو خوش آئند قرار دیتے ہوئے کہا کہ ایم ڈبلیوایم اور خصوصاًآپ کی اتحاد بین المسلمین کے لئے جدوجہد روز روشن کی طرح عیاں ہے، انہوں نے ایم ڈبلیوایم قائدین کا آمد پر شکریہ ادا کیا۔

وحدت نیوز (کراچی ) ملک بھر میں جاری شیعہ نسل کشی کے خلاف اسلام آبا دمیں جاری قائد وحدت علامہ راجہ ناصرعباس جعفری کی بھوک ہڑتال کی حمایت میں ایم ڈبلیوایم کراچی ڈویژن کی جانب سے نمائش چورنگی پر علامتی بھوک ہڑتالی کیمپ قائم کردیا گیا ہے،  وحدت مسلمین کے مرکزی رہنما علامہ باقرعباس زیدی، علامہ مختارامامی ، کراچی کے رہنما علامہ مبشر حسن ، علی حسین نقوی ،علامہ علی انور جعفری ،علامہ صادق جعفری ،علامہ احسان دانش ،ناصر حسینی ،ڈاکٹر مدثر حسین سمیت کارکنان کی بڑی تعدادنے بھول ہر تالی کیمپ میں علامہ راجہ ناصر عباس جعفری سے اظہار یکجہتی کیلئے علامتی بھوک ہڑتال کر کے اپنا احتجاج ریکارڈ کروایا۔ بھوک ہڑتالی کیمپ میں شہدائے پاراچنار ،ڈیرہ اسماعیل خان ،شہدائے ایصال ثواب کیلئے فاتحہ خوانی بھی کی گئی۔ اس موقع پرمیڈیا سے گفتگو کرتے ہوئے ایم ڈبلیو ایم کے سیکرٹری سیاسیات علی حسین نقوی کا کہنا تھا کہ اس احتجاجی کیمپ کا مقصد ملک میں بسنے والی بے گناہ عوام کے خانوادوں سے اظہار یکجہتی اور ملک خداداد میں جاری دہشتگردی کالعدم جماعتوں کے بڑھتے ہوئے نفوذ اور ان کے سہولت کاروں کے خلاف حکومتی و ریاستی اداروں کی مجر مانہ خاموشی پر اپنا موثر احتجاج ریکارڈ کر وانا ہے ملک میں بڑھتی ہوئی تازہ دہشتگردی کی لہرپر ملکی محب وطن عوام میں تشویش پائی جاتی ہے ایسا لگتا ہے کے ملک میں دوبارہ طالبان دہشتگردوں اور ان کی بغل بچہ کالعدم جماعتوں کو فری ہینڈ دیا جا رہا ہے اورپھر سے پروفیشنلز کو ٹارگٹ کلنگ کا نشانہ بنا کر قومی نقصان کیا جا رہا ہے۔

 انہوں نے کہا کہ کراچی میں خرم ذکی کاقتل تکفیریوں کے خلاف آواز بلند کرنے کی سزا ہے حکومت اور ریاستی اداروں نے ایک ہفتہ گزر جانے کے باوجود ڈیرہ اسماعیل خان وکلاء کے قتل سمیت کراچی میں خرم ذکی کے قتل پر اب تک کوئی جو ڈیشنل انکوائری کمیشن تشکیل نہیں دیا جبکہ دوسری جانب نیشنل ایکشن پلان کی آڑ میں ملت جعفریہ سے تعلق رکھنے والے بے گناہ افراد کو انتقامی کاروائیوں کا نشانہ بنایا جا رہا ہے۔ انہوں نے کہا کہ ہمارا حکومت ،ریاستی ادروں کے ساتھ ساتھ اب عدلیہ پر سے بھی اعتماد اٹھتا جا رہا ہے۔یہ اطلاعات بھی منظر عام پرموجود ہیں کہ سپریم کورٹ کے جج کی سفارش پر عالمی دہشتگرد تنظیم داعش کیلئے کام کرنے والے افراد کو جیل سے رہا کیا گیا ہے اور دوسری جانب جن ججوں نے ماڈل ٹاون کیس کا فیصلہ حکومت کی مرضی کے برعکس کیا ان کے خلاف حکومت نے انتقامی کاروائیوں کا آغاز کر دیا ہے۔ جب حکمران تنزلی کی اس سطح تک گر جائیں تب ملکی سلامتی و بقا خطرے میں پڑ جاتی ہے۔ان کا کہنا تھا کہ کراچی مین نمائش چورنگی پر لگایا جانے والا یہ علامتی بھوک ہرتالی کیمپ مرکزی قائدین کے اسلام آباد پریس کلب پر احتجاجی بھوک ہر تالی کیمپ سے مشروط ہے جب تک مرکزی قائدین کا حکم نہیں آجاتا یہ بھوک ہڑتالی کیمپ روزانہ جاری رہے گا ۔

وحدت نیوز(اسلام آباد) ملی یکجہتی کونسل پاکستان نے بھی علامہ ناصرعباس جعفری کی بھوک ہڑتال کی حمایت کردی اور مطالبہ کیا ہے کہ حکومت مجلس وحدت مسلمین کے سیکرٹری جنرل علامہ ناصرعباس جعفری کے مطالبات کو تسلیم کرے۔ ملی یکجہتی کونسل کے وفد کونسل کے سیکرٹری جنرل لیاقت بلوچ کی قیادت میں نیشنل پریس کلب اسلام آباد کے باہر لگے بھوک ہڑتالی کیمپ میں علامہ ناصر عباس جعفری سے ملاقات کی اور ان سے اظہار یکجہتی کیا۔ وفد میں جماعت اسلامی کے مرکزی نائب صدر میاں اسلم اور ملی یکجہتی کونسل کے رہنما ثاقب اکبر بھی موجود تھے۔ رہنماوں سے گفتگو کرتے ہوئے علامہ ناصر عباس کا کہنا تھا کہ ملک بھر میں شیعہ سنی افراد کی ٹارگٹ کلنگ کی جا رہی ہے لیکن کوئی پوچھنے والا نہیں ہے، ہر طرف بےبسی اور بےحسی کی کیفیت پائی جاتی ہے۔

ان کا کہنا تھا کہ خیبر پختونخوا حکومت نے بےحسی کے تمام ریکارڈ توڑ ڈالے، پشاور اور ڈیرہ اسماعیل خان میں پروفیشنلز کو چن چن کر قتل کیا گیا، لیکن پی ٹی آئی کے کسی وزیر نے شہداء کے خانوادوں کی اشک شوئی تک نہ کی، حتٰی ان واقعات کی مذمت تک نہ کی۔ پارا چنار میں بےگناہ مظاہرین پر فائرنگ کرکے ایف سی کمانڈنٹ نے اپنے ہی پاکستانی بھائیوں سے زندگی کا حق چھین لیا۔ پنجاب میں بےگناہ افراد پر نیشنل ایکشن پلان کی آڑ میں پرچے کاٹے جا رہے ہیں، دورد و سلام پڑھنے پر اہل سنت بھائیوں کو تنگ کیا جا رہا ہے، کراچی میں سماجی کارکن خرم ذکی کو شہید کر دیا گیا، ایسے میں جب ہر طرف خاموشی ہے تو مجبور ہوا کہ اس طریقہ احتجاج کو اپناوں۔ اس موقع پر لیاقت بلوچ کا کہنا تھا کہ ان کی جماعت آپ سے اظہار یکجہتی کرتی ہے اور آپ کے تمام جائز مطالبات کو تسلیم کئے جانے کا مطالبہ کرتی ہے۔

وحدت نیوز(جیکب آباد) مجلس وحدت مسلمین پاکستان کے زیر اہتمام دھشت گردی کے خلاف ملک گیر احتجاج کے سلسلے میں جیکب آباد میں صوبائی سیکرٹری جنرل علامہ مقصود علی ڈومکی اور ضلعی سیکرٹری جنرل حسن رضا غدیری کی سربراہی میں علامتی بھوک ہڑتال کی گئی۔

علامتی بھوک ہڑتال کیمپ سے آل پارٹیز کانفرنس کے چئیر مین شعبان ابڑو ،مجلس وحدت مسلمین کے رہنما نثار احمد ابڑو،سیدغلام شبیر نقوی، وسیم لطیف مہر ، شاھد جوادی،isoجیکب آباد یونٹ کے صدر رجب پیچوھوو دیگر نے خطاب کیا۔

اس موقع پرشرکاء نے قائد وحدت علامہ راجہ ناصر عباس جعفری سے بھرپور یکجہتی کا اظہار کرتے ہوئے کہا کہ ملک سے دھشت گردی کا خاتمہ کیا جائے ۔اس موقعہ پر خطاب کرتے ہوئے مجلس وحدت مسلمین سندہ کے سیکریٹری جنرل علامہ مقصود علی ڈٖومکی نے کہا کہ پاراچنار میں ایف سی کے ہاتھوں معصوم شہریوں کا قتل شرمناک عمل ہے۔سماجی رہنما خرم زکی کے قاتل لال مسجد کا برقعہ پوش ملا اور کالعدم جماعت ہے، جن کے خلاف فوری کاروائی کی جائے۔

انہوں نے کہا کہ جیکب آباد کے زخمیوں کو سات ماہ گذر جانے کے باوجود چیک اور امداد نہیں ملی جبکہ جیکب آباد ،شکارپور،اور قمبر شھداد کوٹ میں دھشت گردوں کے ٹریننگ کیمپس موجود ہیں جن کے خلاف پولیس اور رینجرز مشترکہ آپریشن کرے۔ نہتے شہریوں پر گولی چلانے والے آخر دھشت گردوں کے خلاف گولی کیوں نہیں چلاتے؟