وحدت نیوز (اسلام آباد ) بدنام زمانہ تکفیری دہشت گروہ کالعدم سپاہ صحابہ کے مزید 80 (اسی) دہشت گردوں کی لاشیں تدفین کے لئے عرب ملک شام سے پاکستان منتقل کردی گئیں۔ اب تک شام میں واصل جہنم ہونے والے سینکڑوں یزیدی دہشت گردوں کی لاشیں پاکستان منتقل کی جاچکی ہیں۔ باخبر ذرائع کے مطابق لاشوں کی تازہ ترین خفیہ منتقلی کے دوران صوبہ خیبر پختونخواہ کے ہزارہ ڈویژن اور ضلع ڈیرہ اسماعیل خان میں درجنوں یزیدی دہشت گردوں کی لاشیں منتقل کی جاچکی ہیں۔ صوبہ بلوچستان کے دارالحکومت کوئٹہ اور ضلع مستونگ میں، صوبہ پنجاب کے ضلع جھنگ اور صوبہ سندھ کے دارالحکومت اور پاکستان کی اقتصادی شہہ رگ کراچی میں بھی درجنوں تکفیری دہشت گردوں کی لاشیں منتقل کی گئی ہیں۔ ذرائع کا کہنا ہے کہ ان دہشت گردوں کی خفیہ تدفین بھی کی جاچکی ہے۔

دوسری جانب پورے پاکستان میں اور سوشل میڈیا میں خاص طور پر یہ بات مشہور ہوچکی ہے کہ حال ہی میں وفاقی دارالحکومت اسلام آباد میں ایک مسلح شخص نے تقریباً چھ گھنٹوں تک ہوائی فائرنگ کرکے پولیس اور شہریوں کو پریشان اور مصروف کئے رکھا، اس کا مقصد بھی یزیدی دہشت گردوں کی بذریعہ ہوائی جہاز منتقلی سے توجہ ہٹانا تھا۔ کیونکہ جب تک یہ ڈرامہ چلتا رہا سارے نیوز چینل اس کی کوریج کرتے رہے جس سے پورے پاکستان کی توجہ اس واقعے پر مرکوز رہی۔ یاد رہے کہ امریکا اور اسرائیل کی نیابتی جنگ (پراکسی وار) لڑنے کے لئے دنیا بھر سے دہشت گردوں کو شام میں جمع کیا گیا ہے جو وہاں نہتے شہریوں، شامی فوج اور پولیس کا قتل عام کررہے ہیں جبکہ کئی جگہ بم دھماکے کرکے سرکاری و رہائشی عمارات تباہ کرچکے ہیں۔ سب سے بڑھ کر یہ کہ اہل بیت علیہم السلام اور صحابہ کرام کے مزارات پر بھی دہشت گرد حملے کرچکے ہیں۔

وحدت نیوز (گھوٹکی) پاکستان کے 66ویں یوم آزاد ی کے موقع پر مجلس وحدت مسلمین پاکستان ضلع گھوٹکی کی جانب سے امن ریلی نکالی گئی جسمیں علمائے کرام ، تنظیمی ذمہ داران اور عوام کیی بڑی تعداد نے شرکت کی ۔

شرکاء سے خطاب کر تے ہو ئے مقررین نے کہا کہ یوم آزادی کے موقع پر تمام اہلیان پاکستان کو وطن عزیز کے استحکا م اور اس میں قیام امن کے لئے تجدید عہد کرنا ہو گا ، پاکستان آج تاریخ نازک ترین دور سے گزر رہا ہے ، تمام پاکستانیوں کو علاقائی ، لسانی اور مسلکی تعصبات سے بالا تر ہو کر فقط قومی سوچ و فکر اپنانا ہو گی ، اسی میں پاکستان کی بقاء ہے۔ دہشت گردی پاکستان کو دیمک کی طرح چاٹ رہی ہے ،ہمیں مل کر دہشت گردوں کو ان کے مضموم عزائم میں ناکام بنانا ہو گا۔

وحدت نیوز(نواب شاہ) کراچی میں اسماعیلی برادری پر دہشت گردوں کی جانب سے کریکر حملے ملک کی سالمیت پر حملہ ہیں ، ہم اس کی پرزور مذمت کر تے ہیں ، دہشت گردوں نے جشن آزادی کے موقع پر دہشت گردانہ کاروائی سے ثابت کردیا کے ان کے دل میں اس وطن اور اس کے عوام کے لئے ذرہ برابر بھی ہمدردی نہیں ، پاکستان اس وقت تاریخ کے ناذک ترین دور سے گزر رہا ہے ، پاکستان کو اندرونی اور بیرونی دونوں محاذوں پر جنگ کا سامنا ہے ۔ ان خیالات کا اظہار مجلس وحدت مسلمین پاکستان صوبہ سندھ کے سیکریٹری جنرل علامہ مختار احمد امامی نے اپنے مذمتی بیان میں کیا۔

ان کا کہنا تھا کہ جب کے پوری ملک محب وطن عوام جشن آزادی کی خوشیوں میں مگن ہیں ، ملک دشمن عناصر اپنی پاکستان دشمنی میں مصروف ہیں ،کوئی بھی مسلک کوئی بھی مکتب پاکستان میں دہشت گردی سے محفوظ نہیں ہے۔کوئی ادارہ اپنی ذمہ داری ادا کرنے کو تیار نہیں ، غرض یہ کہ سکیورٹی اداروں پر حملے ہو رہے ہیں ، اور حکمرانوں نے کبوتروں کی طرح آنکھیں بند کی ہوئی ہیں ۔ پاکستان اس وقت تاریخ کے ناذک ترین دور سے گزر رہا ہے ، پاکستان کو اندرونی اور بیرونی دونوں محاذوں پر جنگ کا سامنا ہے، پاکستان کی داخلی سکیورٹی کی صورتحال سے فائدہ اٹھا کر ہمارا پڑوسی ملک بھارت ہمیں آنکھیں دکھا رہا ہے ،ایل او سی پرگذشہ کئی روز سے جاری بھارتی جارحیت ہمارے اندرونی سکیورٹی خامیوں کا نتیجہ ہیں ۔

ان کا کہنا تھا کہ اب وقت کم ہے فوجی اور سول لیڈر شپ کو پاکستان کے استحکام کے لئے ٹھوس اور موثر حکمت عملی وضح کرنی ہو گی ورنہ اس ملک میں جلد دہشت گردوں کا عملی راج ہو گا ، انہوں نے مطالبہ کیا کہ حکومت تمام مکاتب فکر کے شہریو ں کی جان و مال کے تحفظ کو یقینی بنائے ، اور دہشت گردوں کو نشان عبرت بنا کرمثال قائم کرے۔

وحدت نیوز (اسلام آباد)  مجلس وحدت مسلمین کے مرکزی سیکرٹری جنرل علامہ ناصر عباس جعفری(حفظ اللہ)  نے کہا ہے کہ ایل او سی پر ہونے والے حالیہ واقعات تشویشناک ہیں، امریکہ بھارت کو خطے میں تھانیدار بنانا چاہتا ہے، حکومت کو دوستوں اور دشمنوں میں تمیز کرنا ہوگی۔ بھارت سے آلو، ٹماٹر اور اب بجلی کے خریدار بتائیں کہ 65 برسوں سے کتنی سفارت کاری کام آئی ہے، مذاکرات اچھی بات ہے لیکن یک طرفہ ٹریفک قوم کی توہین ہے۔ تاریخ گواہ ہے کہ بھارت نے کبھی بھی پاکستان کیخلاف کوئی موقع ہاتھ سے نہیں جانے دیا، اندرونی صورتحال سے فائدہ اٹھانے والی قوتیں دراصل پاکستان کو تنہا کرنے کے درپے ہیں، امریکی ایماء پر پاکستان کو سینڈویج بنانے کی شازشیں کی جا رہی ہیں، لہٰذا حکمرانوں اور ریاستی اسٹیک ہولڈرز کو ہوش کے ناخن لینا ہونگے، پاکستان کے فقط دو ہی خیرخواہ ملک ہیں جن کی سرحدیں ہمیشہ سے پاکستان کے خلاف استعمال نہیں ہوئیں اور انہوں نے ہمیشہ مشکل اور کڑے وقت میں پاکستان کا ساتھ دیا ہے۔ یہی وجہ ہے کہ امریکہ اور اس کے حواری گوادر منصوبے اور پاک ایران گیس پائپ لائن کی مخالفت کرتے ہیں، کیونکہ انہیں معلوم ہے کہ ان منصوبوں سے پاکستان کی ترقی اور زندگی وابسطہ ہے، ان قوتوں کی خواہش ہے کہ پاکستان کو مکمل طور پر تنہا کر دیا جائے۔

علامہ ناصر عباس جعفری (حفظ اللہ)نے کہا کہ فوج کو پاک بھارت سرحد کی صورتحال سے زیادہ اس وقت ملک کی اندرونی صورتحال پر توجہ دینا ہوگی، اگر ہم اندر سے کمزور ہوگئے تو دشمن کیلئے حملہ کرنا کوئی مشکل کام نہیں رہے گا، بھارت پاکستان پر حملے کی جرات نہیں کرسکتا کیونکہ اسے معلوم ہے کہ پاکستان ایٹمی قوت ہے اور اس نے یہ طاقت کیوں حاصل کی ہے، انڈیا بخوبی جانتا ہے۔

علامہ ناصر عباس جعفری ( حفظ اللہ)نے کہا کہ قومی اسمبلی کا سیشن شروع ہوگیا ہے، لٰہذا قومی قیادت کو مل بیٹھ کر فی الفور دہشتگردی کیخلاف فیصلے کرنا ہوگا، دہشتگردی ملک کو دیمک کی طرح چاٹ رہی ہے اور ملک اندر سے دن بدن کمزور ہوتا جا رہا ہے۔ نواز حکومت کو مذاکرات کا ڈرامہ چھوڑ کر ملک دشمن عناصر کیخلاف فیصلہ کن آپریشن کرنا ہوگا۔

وحدت(سکھر)جمعتہ الوداع یوم القد س پر مجلس وحدت مسلمین ضلع سکھر ، شیعہ ایکشن کمیٹی ، امامیہ اسٹوڈنٹس آرگنائزیشن ضلع سکھر ، اصغریہ آرگنائیزیشن سکھر ،اصغریہ اسٹوڈنٹس آرگنائیزیشن ، امامیہ اسٹوڈنٹس آرگنائیزیشن شعبہ طالبات،پیام ولایت فاؤنڈیشن، پاک حیدری اسکاؤٹس ،اور سکھر کی تمام ماتمی انجمنوں کی طرف سے عظیم الشا ن یوم القدس ریلی کا جلوس جامع حیدری مسجد تا پریس کلب سکھرتک علماء اور مذہبی رہنماؤں کی قیادت میں نکالا گیا ۔جلوس میں خواتین اور بچوں کی بڑی تعدادبھی شریک تھی شرکاء نے بیت المقد س اور فلسطین کی آزادی ، اسرائیل وامریکہ کی بربادی کے نعرے لگاتے ہوئے ،مردہ باد امریکہ ، مردہ باد اسرائیل ، اے بیت المقد س مت گھبرا یہ خون رگوں میں تیر ا ہے۔

پریس کلب سکھر پر شرکاء سے چوہدری اظہر حسن سیکریٹری جنرل مجلس وحدت مسلمین ضلع سکھر، سید فدا حسین شاہ موسوی ، چئیر مین شیعہ ایکشن کمیٹی ضلع سکھر ، مولانا علی بخش سجادی جنرل سیکریٹری شیعہ ایکشن کمیٹی ضلع سکھر ،سعید صفوی ڈویژنل صدر ISO، اشرف علی اسدی صدر اصغریہ آرگنائزیشن ، برادر آفتاب میرانی ڈپٹی جنرل سیکریٹری مجلس وحدت مسلمین ضلع سکھر، نے خطاب کرتے ہوئے کہا کہ دنیا میں اس وقت امریکہ ، اور اسرائیل کے مظالم اور پالیسیوں کی وجہ سے دنیا کا امن و امان تباہ ہوچکا ہے ۔یہ ہر ملک میں دہشتگردوں کو پال کر اپنے مقاصد کیلئے استعمال کررہے ہیں۔اسرائیل فلسطین اور بیت المقدس پرقابض ہے۔مسلمانوں پر ظلم ہورہاہے۔لیکن عرب ممالک کی مجرمانہ خاموشی ایک جرم ہے۔آج شام کو تباہ کرنے کیلئے امریکہ اسرائیل سعودی عرب ، قطر، ودیگر ممالک شام میں دہشتگردوں کو اسلحہ اور مالی وسائل دیے رہے ہیں۔شام میں حضرت بی بی زینبؑ اور اصحاب کے کی بے حرمتی کروای جارہی ہے۔ہم واضح کرتے ہیں کہ امریکہ اسرائیل اور سعودی عرب کامیاب نہیں ہونگے۔

انشاء اللہ اسرائیل کو ایک دن تبا ہ ہونا ہے۔امریکہ کو آخر ٹوٹنا ہے۔ظلم ختم ہونا ہے۔حق اور اہل حق کو کامیاب ہونا ہے۔فلسطین شام اور دیگرمظلوم ممالک اپنے آپ کو تنہا ناسمجھیں ،دنیا کے مسلمان مظلوموں کے حامی اور ان کے ساتھ ہیں۔

وحدت نیوز (ملتان)  مجلس وحدت مسلمین پاکستان کے مرکزی سیکرٹری اُمورجوان سید فضل عباس نقوی نے کہا ہے کہ اگر سانحہ چلاس اور لولوسر کی تحقیقات کی جاتیں تو غیرملکیوں کے قتل جیسا واقعہ رونما نہ ہوتا۔ دیا میر کا واقعہ پاکستان کا چہرہ مسخ اور عالمی برادری میں پاکستان کو بدنام کرنے کی گہری سازش ہے۔

 ان خیالات کا اظہار اُنہوں نے ملتان میں مجلس وحدت مسلمین کے زیراہتمام منعقدہ ہ ''عصر غیبت میں ہماری ذمہ داریوں ''سیمینار سے خطاب کرتے ہوئے کیا۔ ایم ڈبلیو ایم جوان کے سربراہ کا مزید کہنا تھا کہ جن علاقوں میں فوج اور کوہ پیما ئوں کے علاوہ دور دور تک کسی انسان کا نام و نشان نہیں ملتا اور لوگ ہیلی کاپٹرز پر جاتے ہوئے گھبراتے ہیں وہاں دہشتگردی کا واقعہ پیش آنا ہمارے سیکورٹی اداروں اور ایجنسیوں کی بدترین ناکامی ہے۔ اُنہوں نے کہا کہ سانحہ پشاور میں مسجد پر حملہ دراصل اسلام پر حملہ ہے ۔ وفاقی وصوبائی حکومت نے اگر ان واقعات کا نوٹس نہ لیا تو پاکستان کی سالمیت خطرے میں پڑ جائے گی۔