وحدت نیوز(کراچی) مجلس وحدت مسلمین کراچی ڈویژن کے سیکریٹری جنرل علامہ صادق جعفری کی وفد کے ہمراہ امامیہ اسکاؤٹس کے شہید رضاکار سید حسن رضا رضوی کے والد سید اقتدار مسلم رضوی سے ان کے گھر پر ملاقات جواں سال فرزند کی شہادت پر اظہار افسوس اور فاتحہ خوانی، علامہ صادق جعفری نے قائد وحدت علامہ راجہ ناصرعباس جعفری اور صوبائی سیکریٹری جنرل علامہ سید باقر عباس زیدی کی جانب سے بھی تعزیت پیش کی۔
علامہ صادق جعفری نے کہا کہ آپ ایک عظیم شہید کے والد ہیں جنہیں یہ اعزاز حاصل ہے کہ ان کے فرزند نے تعلیمات قرآنی یعنی ایک انسان کی جان بچانا تمام انسانیت کی جان بچانے کے مترادف ہے کو عملی کیا اور ایک نہیں بلکہ دو قیمتی انسانی جانیں بچانے کے لئے اپنی جان کی قربانی دے دی، علامہ صادق جعفری نے تاحال کسی ذرائع ابلاغ کی جانب سے شہید حسن رضا کو خراج تحسین پیش ناکرنے اور کسی حکومتی شخصیت کی جانب سے دو الفاظ ہمدردی کے ادا ناکرنے پر افسوس کا اظہار کیا اور صدر مملکت اور وزیر اعظم پاکستان سے مطالبہ کیا کہ اس عظیم شہید کو اعلی سول ایوارڈ سے نوازا جائے۔
بعد ازاں ایم ڈبلیوایم کے وفد نے جائے حادثہ کا دورہ بھی کیا اس موقع پر شہید کے والد اور علامہ صادق جعفری نے اس بات پر اتفاق کیا کہ شہر قائد میں نالوں پر قائم مکانات اور تجاویزات کا فوری خاتمہ کیا جائے تاکہ آئندہ کسی بھی حادثے سے بچا جاسکے، علامہ صادق جعفری کے ہمراہ ایم ڈبلیوایم کے رہنما علامہ علی انور جعفری، میر تقی ظفر ،حیدر زیدی و دیگر بھی موجود تھے۔
