The Latest
مشکل ترین وقت کربلا میں تھا جہاں تمام مرد شہید ہوچکے تھے سوائے ایک امام کے جو کہ بیمار تھے ،دشمن نے اپنے خیال میں بظاہر سب کچھ ختم کردیا تھا
میں نے کتابوں میں پڑھا ہے کہ یزید کے فوجی یزید سے کہہ رہے تھے کہ یزدید ہم نے پورے راستے ان پر تشدد کیا انہیں ٹارچر کیا ہر طرح کی ازیتیں دیں لیکن ان کے بڑے تو کجا ان کے بچے بھی ڈرے نہیں اور کسی نے شکست تسلیم نہیں کیا لہذا ہم نے بھی آج خوفزدہ نہیں ہونا دہشت گردی اور دہشت گردوں سے ہم کبھی خوفزدہ نہ ہوں
ان خیالات کا اظہار علامہ راجہ ناصر عباس جعفری سیکرٹری جنرل مجلس وحدت مسلمین پاکستان نے ڈھوک سیداں میں جلوس عاشورہ بم دھماکے میں شہید ہونے والے شہداء کے لواحقین سے ملاقات میں کیا
علامہ آغا علی رضوی کے سیکرٹری جنرل ایم ڈبلیو ایم بلتستان کے طور پر انتخاب کے بعد بلتستان کے جوانوں کے عزم و ہمت اور حوصلے بلند ہوگئے۔ علامہ آغا علی رضوی بلتستان کے جوانوں کی ہر دلعزیز شخصیت ہیں۔ آپ نے بلتستان کے جوانوں کو صحیح جہت دینے اور ان میں حسینی عزم پیدا کرنے میں بہت اہم کردار ادا کیا ہے۔ آپ نڈر، بہادر، بے باک اور حق گو عالم دین ہیں، تمام احتجاجی تحریکوں میں آپ نے نوجوانوں کی قیادت کی ہے، بلتستان کا جوان طبقہ آپ کے ہر حکم پر لبیک کہنے کو تیار ہے۔
جوانوں کے ایک وفد نے میڈیا سے گفتگو کرتے ہوئے کہا کہ علامہ آغا علی رضوی کی قیادت میں ہم اسلام دشمنوں، پاکستان دشمنوں اور دہشت گردوں کو اس علاقے میں ذلیل و رسواء کریں گے۔ انہوں نے کہا کہ مجلس وحدت المسلمین پاکستان بلتستان ڈویژن کی خوش نصیبی ہے کہ علامہ آغا علی رضوی جیسے عظیم رہنما ملے ہیں وہ یقیناً تنظیم کے اہداف تک رسائی حاصل کرنے کے لیے ہرممکن کوشش کریں گے اور ان کے انتخاب سے ہمارے حوصلے اور ہمت بلند ہوگئے ہیں، ہم ہمہ وقت دین کی سربلندی اور پاکستان کی بقاء کے لیے متسعد ہیں۔
امامیہ اسٹوڈنٹس آرگنائزیشن پاکستان بلتستان ڈویژن کے ترجمان نے ایک پریس ریلیز کے ذریعے معروف عالم دین علامہ آغا علی رضوی کے سیکرٹری جنرل مجلس وحدت المسلمین پاکستان بلتستان ڈویژن کے طور پر انتخاب کو نہایت حوصلہ افزاء قرار دیا ہے۔ انہوں نے کہا کہ علامہ آغا علی رضوی جسے نڈر، بے باک اور عالم مبارز کے انتخاب سے دشمن مایوں ہونگے۔ انہوں نے کہا کہ علامہ آغا علی رضوی میں قیادت کی صلاحیت کوٹ کوٹ کر بھری ہوئی ہے آپ سخت ترین حالات میں بھی مصلحت کا شکار ہونے والا نہیں۔ امامیہ اسٹوڈنٹس آرگنائزیشن پاکستان بلتستان ڈویژن اس الٰہی تنظیم اور اس کے عظیم رہنماء سے ہر طرح کے تعاون کی یقین دہانی کرتی ہے اور دونوں تنظیمیں مل کر اسلام دشمن، پاکستان دشمن اور انسانیت دشمن طاقتوں کا مل کر مقابلہ کریں گے۔
انہوں نے کہا کہ علامہ آغا علی رضوی کو سانحہ کوہستان، چلاس اور لولوسر کے بعد صدائے احتجاج بلند کرنے اور دہشت گردوں کے خلاف بولنے پر مختلف ذہنی اذیتوں میں مبتلا کرنے کی بھرپور کوششیں ہوئی ہیں تاہم آپ کے پائے استقامت میں کبھی لغزش نہیں آئی ہے، آپ کو گرفتار کروانے میں ان عناصر کا بھی ہاتھ ہوسکتا ہے جو پس پردہ دہشت گردوں کے ساتھ ملے ہوئے ہیں جو کبھی یہ نہیں چاہتے کہ سانحہ چلاس، کوہستان اور بابوسر کے قاتل پکڑے جائیں۔ جیل، گرفتاریاں اور شہادتیں کربلا والوں کا خاصہ ہے اور یہ ہمیں ان سے وراثت میں ملی ہے۔ کربلا والے بھی یزیدی طاقتوں سے کبھی مرعوب نہیں ہوئے۔
مجلس وحدت مسلمین پاکستان کراچی ڈویژن شعبہ خواتین کے زیراہتمام کراچی میں نمائش چورنگی پر شیعہ خواتین اور معصوم بچیوں کی ٹارگٹ کلنگ کے خلاف احتجاجی مظاہرہ کیا گیا۔ احتجاجی مظاہرے میں سینکڑوں خواتین اور معصوم بچوں سمیت کراچی میں شہید ہونے والے درجنوں شیعہ نوجوانوں اور عمائدین کے خانوادوں نے بھی بھرپور شرکت کی۔ شرکائے احتجاجی مظاہرہ نے ہاتھوں میں بینرز اور پلے کارڈز اٹھا رکھے تھے، جن پر دہشت گردی کے خلاف اور حالیہ دنوں شہر کراچی میں دہشت گردوں کے حملوں میں شہید ہونے والی خواتین اور معصوم بچی مہزر زہراء سے اظہار یکجہتی پر مبنی کلمات درج تھے۔ شرکائے احتجاجی مظاہرہ شہر کراچی میں ملت جعفریہ کے عمائدین کی ٹارگٹ کلنگ اور خصوصاً خواتین کی ٹارگٹ کلنگ سمیت مقامی اسپتال میں زندگی اور موت کی کشمکش میں مبتلا 13 سال مہزر زہراء پر حملہ کرانیوالے دہشت گردوں کی گرفتاری اور سزا کا مطالبہ کر رہے تھے اور امریکہ اور اسرائیل کے خلاف زبردست نعرے بھی لگا رہے تھے۔
مجلس وحدت مسلمین خیبر پختونخوا کے سیکرٹری جنرل علامہ سبیل حسن مظاہری نے کراچی میں جاری ٹارگٹ کلنگ پر تشویش کا اظہار کرتے ہوئے کہا ہے کہ ملک کو فرقہ واریت کی آگ میں جھونکنے کی کوشش کرنے والی پاکستان و اسلام دشمن قوتوں کو لگام دی جائے، اپنے ایک بیان میں انہوں نے کراچی میں مولانا اسماعیل کے قتل کی شدید الفاظ میں مذمت کرتے ہوئے کہا کہ شہر قائد میں شیعہ سنی کا کوئی مسئلہ نہیں، بلکہ مسلمانوں کے مشترکہ دشمن شیعہ سنی عوام کی قتل و غارت گری میں مصروف ہیں، حکومت کراچی میں دہشتگردوں کیخلاف فوری کارروائی کرے، ان کا کہنا تھا کہ کراچی میں اہلحدیث پیش امام کے قتل میں ملوث ٹارگٹ کلر کی گرفتاری اور اس کے انکشافات نے ظاہر کردیا ہے کہ شیعہ سنی عوام کے قتل عام میں ایک ہی قوت ملوث ہے۔
نیویارک میں اقوام متحدہ کے دفتر کے سامنے ہزاروں افراد نے پاکستان میں شیعہ نسل کشی کیخلاف شدید احتجاج کیا
اس مظاہرے میں شریک افراد نے ہاتھوں میں پاکستان میں ہونے والی شیعہ نسل کشی کیخلاف بینرز اٹھائے ہوئے تھے جبکہ اس نسل کشی میں شہید ہونے والے افراد کی تصاویر بھی اٹھارکھی تھیں
مظاہرین بند کرو بندکرو دہشت گردی بند کرو شیعہ کشی بند کرو اور ہم امن کے ہیں طلبگار شدت پسندی مردہ باد جیسے نعرے لگارہے تھے
اس مظاہرے کو انعقاد کرنے والوں میں سے ایک خاتون وجیہ رضوی نے میڈیا سے گفتگو کرتے ہوئے کہا کہ کالعدم جماعتوں اور طالبان کے حملوں میں ابتک ہزاروں بے گناہ شیعہ مارے گئے ہیں جن میں ایک بڑی تعدادڈاکٹرز اینجنئرز اور پروفیشنل افراد کی ہے
انہوں نے کہا کہ اس غیر انسانی سلوک کا خاتمہ ضروری ہے افسوناک پہلو یہ ہے کہ ریاستی ادارے اور ذمہ دارافراد ملک میں جاری شیعہ نسل کشی کے حوالے سے کسی قسم کا کوئی خاص قدم نہیں اٹھارہے ہیں
واضح رہے کہ اس مظاہرے میں پورے امریکہ سے افراد نے شرکت کی جوسو سے زائدہ دینی سماجی اور انسانی تنظیموں کی کال پر جمع ہوئے تھے
مظاہرے میں شریک علمائے کرام کا کہنا تھا کہ ہم پاکستان میں امن کے خواہان ہیں اور امت مسلمہ کے درمیان وحدت اور بھائی چارگی چاہتے ہیں لیکن حکومت اوراداروں میں موجود کالی بھیڑیں اور کچھ سیاسی جماعتیں شدت پسندوں اور دہشت گردوں کے لئے نرم گوشہ رکھتے ہیں
مظاہرین نے آخر میں پاراچنار ،ڈیرہ اسماعیل خان کوئٹہ گلگت بلتستان،اور کراچی میں شہید کئے جانے والے افراد کے لئے فاتحہ خوانی کی اور مذمتی قرارداد پیش کی جس میں محرم الحرام کے دوران ہونے والے بم دھماکوں کی شدید مذمت کی گئی
سگریٹ نوشی اور بلند فشار خون سے بڑی عمر کے افراد کی یاداشت اور توجہ میں کمی جبکہ کم عمر افراد کی سیکھنے کی صلاحتیں بری طرح متاثر ہوتی ہیں۔
کنگز کالج لندن میں کئی گئی حالیہ طبی تحقیق کے مطابق 50 سال سے زائد عمر کے سگریٹ پینے والے افراد کو ہائی بلڈ پریشر کی تکلیف کا سامنا ہوسکتا ہے جس سے دل کے دورے کے خدشات بڑھ جاتے ہیں ۔
تحقیقی ٹیم نے کہا ہے کہ سگریٹ نوشی اور بلڈ پریشر سے بڑی عمرکے افراد اور نوجوان طبقہ بری طرح متاثر ہوتے ہیں۔ نوجوان طبقے کی یاداشت اور توجہ میں کمی کے علاوہ ان کی سیکھنے کی صلاحیتیں بھی متاثر ہوتی ہیں۔
کنگز کالج لندن کی طبی ٹیم کی تحقیق کے مطابق سگریٹ نوشی سے دماغ اور پھیپھڑے بری طرح متاثر ہوتے ہیں۔ انہوں نے کہا کہ اچھی اور بھرپور صحت کیلئے سگریٹ نوشی سے اجتناب کرنے کی ضرورت ہے۔
اسی طرح بلڈ پریشر سے بچنے کیلئے سادہ غذا اور ورزش کو معمول بنا کر صحت مند طریقے سے زندگی بسر کی جاسکتی ہے
مجلس وحدت مسلمین ضلع فیصل آباد کے زیراہتمام نصرت فتح علی خان ایڈیٹوریم فیصل آباد میں "حسین (ع) سب کے امن کانفرنس" کا انعقاد کیا گیا۔ 
جس میں تمام مکاتب فکر کے علمائے کرام، فیصل آباد امن کمیٹی کے اراکین سمیت بڑی تعداد میں افراد نے شرکت کی۔ کانفرنس سے ایم ڈبلیو ایم کے مرکزی سیکرٹری سیاسیات سید ناصر عباس شیرازی، چیئرمین امن کمیٹی پنجاب پیر ابراہیم سیالوی، مرکزی امیر تحریک اتحاد ملت اسلامیہ پاکستان مولانا احمد کھرل، جامعہ معصومیہ کے وائس پرنسپل سید زوار حسین نقوی، مولانا تصور حسین جعفری، ضلعی صدر عالمی امن اتحاد کونسل مولانا آصف رضا علوی، ضلعی صدر منہاج القران مولانا عزیز الحسن، مولانا محمد خوبیب حمید، مرکزی رہنماء جماعت اہلحدیت مولانا قاری محمد حنیف بھٹی، چیئرمین متحدہ امن کمیٹی قاری محمد منشاء، ایم ڈبلیو ایم ضلع فیصل آباد کے سیکرٹری جنرل ڈاکٹر سید افتخار حسین نقوی، صوبائی صدر جماعت مشائخ پاک پیر صدیق الرحمان احمد، عرفان علی حسینی اور سید حسنین شیرازی نے خطاب کیا۔
مقررین نے کانفرنس سے خطاب کرتے ہوئے امام حسین (ع) کی عظیم قربانی کو خراج تحسین پیش کیا اور کہا کہ امام حسین (ع) نے کربلا میں قربانی اسلام کو بچانے کے لئے دی تھی، لہذا تمام مکاتب فکر کی ذمہ داری بنتی ہے کہ ان کی یاد کو بھرپور طریقے سے منائیں اور ان کے عظیم اہداف و مقاصد کو سمجھ کر ان پر عمل پیرا ہوا جائے۔ انہوں نے کہا کہ آج کے طاغوت اور یزید کے سامنے ڈٹ جانا ہی حسینیت ہے۔ امام حسین (ع) ایک ایسی ہستی ہیں کہ ان پر پوری امت مسلمہ اتحاد کر سکتی ہے۔ انہوں نے کہا کہ امام (ع) نے خون دے کر یزید کو بے نقاب کیا اور اسلام کا اصل چہرا امت مسلمہ کے سامنے پیش کیا۔ دہشت گردی کرنے والے یزیدی نسل سے تعلق رکھتے ہیں، جو اسلام کے نام کو اسی طرح مٹانے چاہتے ہیں، جیسے یزید نے کوشش کی۔ لہذا حسینی کرادر ادا کرکے اسلام کا تحفظ کرنا ہوگا۔
مجلس و حدت مسلمین پاکستان (شعبہ خواتین )کے زیر اہتمام مملکت خداد پاکستان میں جاری شیعہ نسل کشی حالیہ دہشت گردی ،ٹارگٹ کلنگ میں شہید ہونے والے نذر زیدی اورزخمی ہونے والی اُن کی معصوم بیٹی مہزل زہرا سمیت شیعہ خواتین کودہشت گردی کا نشانہ بنانے والے دہشت گردوں کی عدم گرفتاری کے خلاف احتجاجی ریلی کل 8،دسمبر ،بروز ہفتہ ،بوقت 4بجے شام بمقام امام بارگاہ شاہ خراسان،نمائش چورنگی سے امام بارگاہ علی رضا ایم اے جناح روڈتک نکالی جائے گی
کراچی میں شیعہ و سنی کوئی جھگڑا نہیں دہشت گردی میں کالعدم تنظیموں کے دہشتگرد ملوث ہیں ۔،اہل حدیث عالم دین مولانا شکور کی ٹارگٹ کلنگ میں پکڑے جانے والے دہشت گردشاکر اللہ(عرف کا لا) کی تحقیقاتی رپورٹ سامنے لائی جائے۔شہر قائد کے امن کو تہ و بالا کرنے والے ملک دشمن اسلام دشمن عناصر ہیں ۔
کراچی(پ۔ر)کراچی میں شیعہ و سنی کوئی جھگڑا نہیں دہشت گردی میں کالعدم تنظیموں کے دہشت گرد ملوث ہیں ۔،اہل حدیث عالم دین مولانا شکور کی ٹارگٹ کلنگ میں پکڑے جانے والے دہشت گردشاکر اللہ(عرف کا لا) کی تحقیقاتی رپورٹ سامنے لائی جائے۔شہر قائد کے امن کو تہ و بالا کرنے والے ملک دشمن اسلام دشمن عناصر ہیں ۔موقع واردات سے پکڑے جانے والے دہشت گردوں کو فوری پھانسی دی جائے
مجلس وحدت المسلمین پاکستان بلتستان ڈویژن اور امامیہ اسٹوڈنٹس آرگنائزییشن بلتستان ڈویژن کے زیر اہتمام علامہ حافظ حسین نوری مرحوم کے ایصال ثواب کے لئے تعزیتی جلسہ و مجلس ترحیم کا اہتمام کیا گیا۔ تعزیتی جلسہ و مجلس ترحیم میں ایم ڈبلیو ایم پاکستان کے مرکزی سیکرٹری جنرل علامہ راجہ ناصر عباس جعفری نے خصوصی شرکت کی۔ تعزیتی جلسہ و مجلس ترحیم سے جامعتہ النجف کے پرنسپل علامہ محمد علی توحیدی کے علاوہ علامہ حافظ حسین نوری مرحوم کے تنظیمی رفیق کار علامہ آغا علی رضوی نے بھی خطاب کیا۔ اس موقع پر خطاب کرتے ہوئے علامہ راجہ ناصر عباس جعفری نے علامہ حافظ حسین نوری کی وفات کو ملت تشیع بلتستان کے لیے ناقابل تلافی نقصان قرار دیا اور شیعیان بلتستان کو ان کی المناک وفات پر ہدیہ تعزیت و تسلیت پیش کیا۔ انہوں نے کہا کہ صوبائی حکومت ہوش کے ناخن لے اور گلگت بلتستان میں شیعوں کو دیوار سے نہ لگائے، یہاں پر عجیب رٹ قائم ہے کہ اتحاد کے داعی علامہ شیخ نیر عباس مصطفوی کو جیل میں ڈالا جاتا ہے جبکہ قاتل اور دہشت گرد آزاد ہیں۔ ارباب اختیار اگر علامہ شیخ نیئر عباس اور دیگر شخصیات کو رہا نہیں کرتے تو ہم بھرپور عوامی طاقت سے آزاد کرائیں گے
گلگت بلتستان کے لوگوں میں جس قدر حب الوطنی ہے اتنا ملک کے دیگر حصوں میں رہنے والوں میں نہیں لیکن بدقسمتی یہ ہے کہ اس خطے کو جان بوجھ کر نظر انداز کیا جارہا ہے۔ ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے علامہ حافظ حسین نوری کے ایصال ثواب کے لئے منعقدہ مجلس ترحیم کے شرکاء سے خطاب کے دوران کیا۔ انہوں نے کہا کہ ملک میں شیعہ سنی کو جان بوجھ کر لڑانے کی سازش ہو رہی ہے اور نتیجے میں پاکستان کمزور تر ہوتا جا رہا ہے۔ انہوں نے کہا کہ مکتب اہل بیت (ع) کے پیروکار کبھی کسی ملک دشمن سرگرمی میں آج تک ملوث نہیں ہوئے بلکہ ہمیں یہ فخر حاصل ہے کہ ہم نے ہمیشہ اس ملک کیلئے قربانیاں دی ہیں، ضرورت اس بات کی ہے کہ ایسی جماعتوں کو ابھارا جائے اور ان کی حوصلہ افزائی کی جائے جو اس ملک کو انتشار سے نکال کر مزید مستحکم کرنا چاہتے ہیں۔ علامہ ناصر عباس نے مزید کہا کہ علامہ حافظ حسین نوری کی علمی و دینی خدمات ہمیشہ یاد رکھی جائیں گی۔
