The Latest
وحدت نیوز (آرٹیکل) ہمارادشمن کون ہے ؟ کیا چاہتا ہے؟ اس کے مراکز کہاں ہیں؟ اس کے سرپرست کون ہیں؟ اس کی سہولتکاری کا کام کون انجام دے رہا ہے؟اس کی مدد کون کر رہاہے؟
آج دشمن مخفی نہیں آشکار ہے اور اس کے مراکز و سہولت کار سب عیاں ہیں لیکن اس کے باوجود ہمارے سرکاری ادارے ملک و قوم کے دشمنوں کے خلاف کوئی ایکشن لینے سے ہچکچا رہے ہیں، اس ہچکچاہٹ کی ایک اہم وجہ یہ ہے کہ خود ہمارے اداروں کے اندر دشمنوں کے سہولتکار براجمان ہیں۔
بحیثیت پاکستانی ہمارے دشمن وہی لوگ ہیں جو قیامِ پاکستان کے دشمن ہیں جو آئین ِ پاکستان کے باغی اور قائداعظم محمد علی جناح کے دشمن ہیں ، یہ وہی لوگ ہیں جنہوں نے کوچہ و بازار میں ہمارا قتلِ عام کیا اور جنہوں نے آرمی پبلک سکول پشاور میں ننھے منھے طالب علموں کو خاک و خوں میں غلطاں کیا اورکئی اساتذہ کو زندہ آگ لگا دی ، جس کے بعد اب آئے دن یہ لوگ پاکستان میں تعلیمی اداروں کو نذرِ آتش کرنے میں مصروف ہیں۔
گزشتہ دنوں گلگت بلتستان کے ضلع دیامر میں دہشتگردوں نے 12 تعلیمی اداروں پر حملہ کر کے انہیں آگ لگادی۔نجی ٹی وی کے مطابق دیامر میں چلاس کے علاقے داریل اور تنگی میں جمعرات اور جمعے کی درمیانی شب نامعلوم افراد نے 10 تعلیمی اداروں میں گھس کر توڑ پھوڑ کے بعد انہیں آگ لگادی جب کہ 2 کو تباہ کرنے کے لیے بارودی مواد بھی استعمال کیا۔
اس کے علاوہ بلوچستان کے علاقے پشین میں پاکستان کے دشمنوں نے لڑکیوں کے دو سکولوں کو آگ لگا دی یہ واقعہ چھٹی کے بعد پیش آیا۔اسی طرح بنوں میں بھی ایک پرائمری سکول کو بم سے اڑانے کی کوشش کی گئی جسے بم ڈسپوزل سکواڈ نے ناکام بنا دیا۔
شدت پسندوں کے لئے کارروائیوں اور فرار کی راہیں فراہم کرنے والے ہی ان واقعات کے اصل ذمہ دار ہیں۔ ابھی پاکستان میں جو حالیہ انتخابات ہوئے ان میں بھی دہشت گردوں اور شدت پسندوں کو سیاسی میدان میں کودنے کی کھلی چھٹی دی گئی جس کے بعد ڈیرہ اسماعیل خان میں دہشت گردی کے واقعات میں اضافے کے ساتھ ساتھ تعلیمی اداروں کو نذرِ آتش کرنے کی لہر بھی عروج پر پہنچ چکی ہے۔
ایک رپورٹ کے مطابق گزشتہ آٹھ برسوں میں پاکستان کے تعلیمی اداروں پر ۸۶۷ حملے ہو چکے ہیں۔اس وقت پاکستان میں سکول نہ جانے والے بچوں کی تعداد 67 لاکھ سے زائد ہے، پاکستان ایک ترقی پذیر ملک ہے جس میںسکولوں میں غیر معیاری نصاب تعلیم اور اسٹاف کی کمی سمیت دیگر شکایات عام ہیں، ایسے میں تعلیمی اداروں پر حملے مزید کسی بڑے تعلیمی بحران کو جنم دے سکتے ہیں۔
تعلیم قوموں کا زیور، انسانیت کاحسن، ترقی کی شاہراہ اور افراد کی طاقت ہے۔ ہمیں چاہیے کہ ہم زمینی حقائق کے مطابق شدت پسندوں کے ساتھ آہنی و قانونی ہاتھوں کے ساتھ نمٹیں۔
جو لوگ طالب علموں کو خاک و خوں میں غلطاں کرتے ہیں، تعلیمی اداروں پر حملہ ا ٓور ہوتے ہیں، اور اساتذہ کونذرِ آتش کر تے ہیں، ایسے وحشی افراد کسی رعایت اور نرمی کے مستحق نہیں ہیں، یہی وہ لوگ ہیں جو پاکستان کی ترقی اور خوشحالی کے اصلی دشمن ہیں۔
شدت پسندی ، پاکستان کے لئے ایک پرانا چیلنج ہے، اس کی جڑیں ہمارے سرکاری اداروں کے اندر سرطان کی طرح پھیلی ہوئی ہیں، ہمارے کسی بھی نئے وزیراعظم کے لئے سب سے کڑاچیلنج بابائے طالبان اور شدت پسند سوچ کے ساتھ نمٹنا ہوگا۔جب تک پاک سر زمین پر بابائے طالبان اور ان کے گماشتے آزاد گھومتے رہیں گے تب تک یہ ملک ترقی نہیں کر سکتا۔
تحریر۔۔نذر حافی
This email address is being protected from spambots. You need JavaScript enabled to view it.
وحدت نیوز(گلگت) ریسکیو 1122 کے ڈائریکٹر جنرل کی ملازمت میں توسیع خلاف قانون اقدام ہے۔اپنے من پسند افراد کے ذریعے سیاسی مفاد حاصل کرنے کی نواز لیگ کی کوشش قابل مذمت ہے۔چیف سیکرٹری خلاف ضابطہ مدت ملازمت میں توسیع کا نوٹس لیں۔
مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ ریسکیو1122 کے ڈائریکٹر جنرل حکومت کے لاڈلے بن چکے ہیں جن کو تیسری مرتبہ خلاف قانون توسیع دے کر انصاف کا قتل عام کیا گیا ہے۔سپریم کورٹ کے فیصلے کی روشنی میں کسی بھی ملازم کو دوبار سے زیادہ ایکسٹنشن نہیں دی جاسکتی ہے جبکہ ریسکیو 1122 کے ڈائریکٹر جنرل کو تیسری بار ایکسٹنشن دی گئی ہے۔انہوں نے کہا کہ موصوف کوتین بار ایکسٹنشن دینے کے بعد چوتھی مرتبہ مدت ملازمت میں توسیع کی کوشش کی جارہی ہے اور اس وقت موصوف مدت ملازمت ختم ہونے کے باوجود غیر قانونی طور پر اپنے عہدے پر کام کررہے ہیں۔
انہوں نے کہا کہ قانون سب کیلئے برابر ہے جبکہ من پسند افراد کیلئے قانون کو توڑنا کوئی جرم نہیں ہوتااور حکومت کی اس اندھیر نگری پر کوئی پوچھنے والا نہیں۔انہوں نے مزید کہا کہ گلگت بلتستان کے دیگر اضلاع میں ریسکیو1122 میں پوسٹس پر تقرریاں ہونے والی ہیں اس لئے حکومت موصوف کے ذریعے اپنے من پسند افراد کو کھپانے کا پروگرام بنارہی ہے۔میرٹ کو پامال کرنا نواز لیگ کا من پسند مشغلہ ہے اورجس کسی بھی ادارے میں میرٹ کو فالو کیا جاتا ہے وہاں حکومتی مشینری حرکت میں آکر تقرریوں کو رکوادیتی ہے۔انہوں نے اعلیٰ حکام سے اس بابت نوٹس لینے کی اپیل کی ہے بصورت دیگر اس بے ضابطگی کے خلاف عدالت عالیہ سے رجوع کیا جائے گا۔
وحدت نیوز(گلگت) صوبائی حکومت دیامر میں دہشت گردوں کے خلاف فوجی آپریشن سے گریز کررہی ہے جبکہ دہشت گرد مورچے سنبھالے بیٹھے ہیں اور مسلسل فورسز پر شیلنگ کررہے ہیں۔دیامر اور غذر کے کچھ علاقے دہشت گردوں کیلئے محفوظ پناہ گاہ ہیں جہاں سے وقتا فوقتا دہشت گردی ہوتی رہتی ہے۔
مجلس وحدت مسلمین پاکستان کے رہنما علامہ نیئر عباس مصطفوی نے کہا ہے کہ بچوں کے سکولز کو تباہ کرنے والوں کے ساتھ نرم رویہ علاقے کیلئے تباہ کن ثابت ہوگا۔خود دیامر کے عوام دہشت گردوں کے خلاف کھڑے ہوگئے ہیں جبکہ دہشت گردی کے خاتمے کیلئے حکومت کی کوئی وِل نظر نہیں آرہی ہے۔گلگت بلتستان کو بچانا مقصود ہے تو دہشت گردوں کے خلاف کومبنگ آپریشن کرنا ہوگا چاہے دہشت گردوں کا تعلق کسی بھی علاقے یا فرقے سے ہو۔
انہوں نے کہا کہ صوبائی حکومت نے سیاسی انتقام کے طور پر معزز شہریوں کو شیڈول فورتھ میں رکھا ہے جبکہ دہشت گرد انہیں نظر ہی نہیں آرہے ہیں۔عالمی حالات پر گفتگوکرتے ہوئے انہوں نے یمن میں سکول کے بچوں پر سعودی طیاروں کی بمباری کی سخت مذمت کی اور انسانی حقوق کی تنظیموں اور اقوام متحدہ سے اس ظلم وبربریت کے خلاف آواز اٹھانے کا مطالبہ کیا۔آرڈر2018 کا سپریم کورٹ کی جانب سے بحالی کو اس قوم کی بدقسمتی قرار دیتے ہوئے کہا کہ گلگت بلتستان کے عوام آرڈرسے تنگ آچکے ہیں اور یہاں کے عوام آئینی حقوق کا مطالبہ کرتے ہیں جبکہ وفاق آرڈر کے ذریعے اپنے اقتدار کو طول دینے کا ارادہ کئے ہوئے ہیں ۔انہوں نے کہا کہ مجلس وحدت مسلمین جی بی آرڈر 2018 کو مسترد کرچکی ہے اور گلگت بلتستان کے عوام کے حقوق کیلئے ہمہ وقت ان کے ساتھ کھڑی ہے۔
وحدت نیوز(گلگت) دیامر کے عوام کو دہشت گردوں کے چنگل سے آزاد کروایا جائے، آئے روز دہشت گردی کے واقعات سے عوام کی زندگی اجیرن ہوگئی ہے۔معزز جج پر قاتلانہ حملہ کرنے والوں کو فوری گرفتار کرکے قرارواقعی سزا دی جائے۔سابق سپیکر قانون ساز اسمبلی ملک مسکین کے بیان سے واضح ہوا کہ علاقے میں حکومتی رٹ قائم نہیں۔
مجلس وحدت مسلمین گلگت بلتستان کے پولیٹیکل سیکریٹری غلام عباس نے کہا ہے کہ اگر دیامر کے واقعات میں بیرونی ہاتھ کارفرما ہے تو اندرونی ایجنٹوں کو منظر عام پر لائے جائے۔انہوں نے کہا کہ چند دہشت گردوں اور ان کے پشت پناہوں نے دیامر کو یرغمال بنارکھا ہے اور ماضی میں بھی انہی دہشت گردوں کے کئی وارداتیں انجام دی ہیںاور ہر واردات کے بعد حکومت دعویٰ کرتی ہے کہ دہشت گردگرفتار ہوچکے ہیں جبکہ آج تک کسی دہشت گرد کو سزا نہیں ہوئی ہے اس سے ثابت ہوتا ہے کہ حکومتی دعوے جھوٹ پر مبنی ہوتے ہیں۔
انہوں نے کہا کہ پے درپے دہشت گردی کے واقعات سے دنیا کے سامنے علاقے کا امیج بری طرح متاثر ہوا ہے جس سے سیاحت سمیت کاروبار زندگی متاثر ہورہا ہے ۔انہوں نے کہا کہ دیامر میں ان سخت حالات میں دہشت گردوں کے خلاف احتجاج کرکے عوام نے پیغام دیا ہے کہ وہ دہشت گردی کے خلا ف ہیں۔اگر حکومت نے عوامی طاقت ساتھ ہونے کے باوجود دہشت گردوں کے خلاف سخت ایکشن نہیں لیا توآنیوالے دنوں میں عوام کیلئے سخت خطرات لاحق ہونگے۔انہوں نے کہا کہ حکومت اپنی رٹ قائم کرے اور دہشت گردوں کے سامنے عمائدین کو لانے والی پالیسی ترک کرے۔دیامر سے ملحق نالوں ، غذر اور گلگت میں سیکورٹی فول پروف بنائیں اور گلگت سکائوٹس کوانٹری پوائنٹس پر تعینات کرکے دہشت گردی کے خطرات پر قابو پائیں۔
وحدت نیوز (گلگت) علاقے کی پسماندگی کو دور کئے بغیر حقیقی ترقی ممکن نہیں،نگر کے عوام محب وطن اور ملک کی حفاظت کیلئے جان لٹانے والے ہیں۔نگر کو جان بوجھ کر پسماندہ رکھا گیا ہے پورے ضلعے میں ڈنگ کا کوئی ہسپتال موجود ہے اور نہ ہی اچھے تعلیمی ادارے موجود ہیں۔حکومت نگر کی پسماندگی کو دور کرنے کیلئے انقلابی اقدامات اٹھائے۔
مجلس وحدت مسلمین گلگت بلتستان شعبہ خواتین کی رہنما و رکن جی بی اسمبلی بی بی سلیمہ نے نگر میاچھر کے دورے کے دوران عمائدین علاقہ سے گفتگوکرتے ہوئے کہا کہ مجلس وحدت خدمت کے جذبے سے سیاست میں آئی ہے اور ہمارا مقصد صرف اور صرف علاقے کے عوام کی خدمت ہے جبکہ دیگر سیاسی جماعتیں اقتدار کے مزے لوٹنے کیلئے سیاست کرتے ہیں۔انہوں نے میاچھر نگر میں زیر تعمیر ایم سی ایچ کا عمائدین علاقہ کے ساتھ معائنہ کیا اور ذمہ داروں کو ہدایت کی کہ معیار کو برقرار رکھا جائے اور وقت پر تعمیر کو مکمل کیا جائے۔
اس موقع پر میاچھر کے عمائدین نے بی بی سلیمہ کا شکریہ ادا کیا ۔عمائدین کا کہنا تھا کہ آج تک اس گاؤں کو پسماندہ رکھا گیا ہے اور کسی ممبر نے میاچھر میں کوئی پراجیکٹ نہیں دیا جبکہ مجلس وحدت نے پہلی اے ڈی پی میں ہماری درخواست پر ایم سی ایچ کا پراجیکٹ دیا جو کہ تکمیل کے مراحل میں ہے۔نگر سے واپسی پر رکن اسمبلی بی بی سلیمہ نے جوتل میں سیلاب سے تباہ شدہ علاقے کا دورہ کیا اور متاثرین کی دلجوئی فرمائی۔انہوں نے متاثرہ خاندانوں کو یقین دلایا کہ اعلیٰ فورمز پر آپ کے نقصانات کے ازالے کیلئے ضرور آواز اٹھاؤنگی۔
وحدت نیوز (ڈیرہ اسماعیل خان) ڈیرہ اسماعیل خان میں شہید ہونے والے باقر حسین اور حفاظت حسین کے ایصال ثواب کیلئے اجتماعی دعا اور رسم قل ادا کر دی گئی ہے۔ شہید باقر حسین کیلئے قل خوانی پروآ میں ادا کی گئی جبکہ شہید حفاظت حسین کے قل گاوں فتح میں پڑھے گئے۔ شہید باقر حسین کی رسم قل میں مجلس وحدت مسلمین کے مرکزی رہنما مولانا ضیغم عباس، علامہ ظہیر عباس کربلائی، امامیہ سٹوڈنٹس آرگنائزیشن کے مرکزی صدر نے شرکت کی۔ اس موقع پہ مولانا ضیغم عباس نے خطاب کرتے ہوئے کہا کہ ہمارے سینے نام حسین (ع) کیلئے گولی کھانے کو ہمہ وقت حاضر ہیں، ہمیں ان بزدلانہ حملوں سے ڈرایا نہیں جا سکتا، ہم کربلا والوں کا راستہ کبھی نہیں چھوڑ سکتے۔ انشاءاللہ وہ دن دور نہیں جب ان شہداء کے خون کی تاثیر سے ملک میں امن آئے گا، چھپ چھپ کے ہم پہ حملے کرنے والے ہمارے حوصلے پست نہیں کر سکتے۔ شہید باقر حسین کے فرزند کی دستار بندی علامہ ضیغم عباس نے کی۔ دستار بندی کے موقع پر ہر آنکھ اشکبار تھی۔ شہداء کی قل خوانی میں شہریوں کی بڑی تعداد نے شرکت کی اور اس ڈیرہ میں جاری شیعہ نسل کشی پہ شدید تشویش کا اظہار کیا۔
وحدت نیوز (اسلام آباد) ڈی آئی خان میں وزیرستان طرز کے آرمی آپریشن کا مطالبہ کرتے ہیں تاکہ دہشت گردوں کا قلع قمہ کر کے علاقے کے امن کو یقینی بنایا جا سکے ان خیالات کا اظہاررہنما مجلس وحدت مسلمین علامہ غنضفعباس نے ڈی آئی خان میں جاری مسلسل ٹارگٹ کلنگ پرسربراہ مجلس وحدت مسلمین علامہ راجہ ناصر عباس جعفری کی ملک گیر احتجاج کی کال پر نیشنل پریس کلب اسلام آباد کےباہر احتجاجی مظاہرے سے خطاب کرتے ہوئے کیا۔
انہوں نے کہا کہ عالمی طاقتیں امریکہ ، اسرائیل اور ہندوستان پاکستان کے اندر سیاسی ،اقتصادی اور امن وامان کی بحران کو پیداکرنا چاہتی ہے ڈیرہ اسماعیل خان پھر دہشتگرو ں کے نشانے پر ہے مسلسل ٹارگٹ کلنگ سے علاقے میں خوف ہراس کی فضا ہے ،معصوم لوگوں کا بے رحمانہ قتل عام قانون نافذ کرنے والے اداروں اور پختون خوا ہ کی پویس پر سوالیہ نشان ہے،ایم ایم اے دور کے بھرتی شدہ معتصب عناصر کی نشاندہی اور ان کی انکوائری کی جائے آئی جی کے پی کے سپریم کورٹ کے روبہ رو ڈی آئی خان میں فرقہ وارانہ کلنگ میں پولیس میں موجود دہشتگردوں کے سہولت کاروں کے ملوث ہونے کا اعترف کر چکے ہیں اداروں میں موجود یہ کالی بھیڑیں ڈیرہ اسماعیل خان کے موجودہ حالات کے ذمہ دار ہیں یہ صرف معصوم لوگوں کے قاتل نہیں بلکہ وطن اور انسانیت کے دشمن ہیں نئی وفاق اور خیبر پختوانخوہ حکومت کے لئے اہم ترین ٹاسک ڈیر اسماعیل خان میں امن کا قیام اور دہشتگروں کا صفایا ہونا چاہیے ڈیرہ اسماعیل خان اور وطن عزیز میں دہشت گردوں کے حملوں میں عالمی داعش دہشت گرد اور تکفیری عناصر ملوث ہیں جو ملک دشمن غیر ملکی اداروں کے ایما پر وطن عزیز میں ناامنی اورعدم استحکام پیدا کرنا چاہتے ہیں ۔
وحدت نیوز (کراچی) ڈیرہ اسماعیل خان میں پاکستان کے دو شیعہ شہریوں سمیت تین بے گناہ مسلمانوں کے بہیمانہ قتل کے خلاف مجلس وحدت مسلمین کی جانب سے جمعہ کے روز یوم احتجاج منایا گیا۔ اس ضمن میں شیعہ خوجہ اثناعشری جامع مسجد کے باہر بعد نماز پر جمعہ مرکزی احتجاجی مظاہرہ کیا گیا مظاہرین دہشت گردی مردہ باد اور قاتلوں کو گرفتار کرو، شہریوں کو تحفظ فراہم کرو اور ڈیرہ اسماعیل خان میں جاری دہشت گردی کی مذمت پر مبنی نعرے لگاتے رہے۔ مجلس وحدت مسلمین کے رہنما مولانا باقر زیدی اور دیگر نے مظاہرین سے خطاب کرتے ہوئے ڈیرہ اسماعیل خان میں تین افراد کے قتل پر گہرے غم و غصے کا اظہار کرتے ہوئے اسے حکومتی بے حسی اور قانون نافذ کرنے والے اداروں کی نا اہلی قراد دیا ہے۔رہنماوں کا کہنا تھا کہ ڈیرہ اسماعیل خان میں جاری روزانہ عمائدین کی ٹارگٹ کلنگ ضرب عضب اور نیشنل ایکشن پلان کی ناکامی ظاہر کرتی ہے۔صوبہ میں دہشت گردی کی تازہ لہر خیبر پختونخواہ کی نگرہ حکومت اورریاستی اداروں کی دہشت گردعناصر کے خلاف فیصلہ کن کاروائی سے تساہل برتنے کا نتیجہ ہے۔سابق کے پی کے کے وزیر اعلیٰ پرویز خٹک صوبے میں امن و امان کے قیام میں بُری طرح ناکام رہے اور صوبہ میں دہشت گردی کے خلاف جاری ضرب عضب سے مطلوبہ نتائج حاصل نہیں کیے گئے جس کی بنیادی وجہ سہولت کاروں کے خلاف کاروائی میں پس و پیش ہے۔
انہوں نے کہا کہ محض کرایے کے چند قاتل پکڑنے سے ان واقعات کا انسداد ممکن نہیں۔اگر حکومت اور ریاستی ادارے دہشت گردی کے خاتمے میں سنجیدہ ہے تو انتہا پسند عناصر کی مکمل بیخ کنی کے لیے صوبہ میں فوجی آپریشن کافوری آغاز کرے۔انہوں نے آرمی چیف جنر ل قمر جاوید باجوہ سے مطالبہ کیا ہے کہ ڈیر ہ اسماعیل خان,پشاور,کوئٹہ سمیت دیگر شہروں میں کالعدم جماعتوں کے خلاف فوجی آپریشن بلاتاخیر شروع کیا جائے اورملک کے مختلف شہروں میں جاری شیعہ نسل کشی کا فوری نوٹس لیتے ہوئے ذمہ داران کو انصاف کے کٹہرے میں لایا جائے تاکہ صوبہ میں دہشت گردی کو جڑ سے اوکھاڑا جائے۔ احتجاجی مظاہرے میں رہنما ء علامہ نشان حیدر ساجدی، ،ناصر حسینی ،حسن علی مہدی سمیت مظاہرین کی بڑی تعداد موجود تھی احتجاجی مظاہرے میں ڈی آئی خان میں شیعہ مسلمانوں کے قتل عام کے خلاف شدید نعرے بازی کی گئی۔دریں اثناء مجلس وحدت مسلمین کی جانب سے ڈیرہ اسماعیل خان ملت تشیع کی دوقیمتی جانوں کے ضیاع پر جمعہ کے روز یوم سوگ منایا گیااور ملک کے مختلف شہروں میں نماز جمعہ کی ادائیگی کے بعد احتجاجی کیا گیا۔
وحدت نیوز (اسلام آباد) ڈیرہ اسماعیل خان میں جاری مسلسل دہشتگردی اور ٹارگٹ کلنگ کے واقعات کی شدید مذمت کرتے ہیں اور بعدازنمازجمعہ ملک گیر احتجاج کریں گے ۔ڈی آئی خان کا علاقہ پروا اہل تشیع کی مقتل گاہ بنا ہوا ہے ان خیالات کا اظہار مجلس وحدت مسلمین کے مرکزی ترجمان علامہ مختار امامی نے میڈیا سیل سے جاری اپنے بیان میں کیا۔ انہوں نے کہا کہ ڈی آئی خان کے حالات پولیس انتظامیہ کے کنڑول سے باہر ہو چکے ہیں دہشتگرد علاقے میں آزادانہ وارداتیں کرتے پھر رہے ہیں۔گزشتہ چند دنوں میں خود پولیس اور انتظامیہ سمیت کئی شہری ٹارگٹ کلنگ کا نشانہ بنے۔ صوبہ میں حکومتی رٹ کہیں نظر نہیں آ رہی ہم ڈی آئی خان میں فوجی آپریشن کا مطالبہ کرتے ہیں ۔
انہوں نے مزید کہاکہ ڈیرہ اسماعیل خان کی عوام کو دہشتگردوں کے رحم وکرم پر نہیں چھوڑ سکتے ہم ان کے ساتھ کھڑے ہیں اور ملک بھر میں ان پر ہونے والے ظلم اور انتظامیہ کی مجرمانہ خاموشی کے خلاف احتجاج کریں گے۔ انہوں نے کہا کہ سپریم کورٹ آف پاکستان کا ڈی آئی خان میں فرقہ وارانہ ٹارگٹ کلنگ پر سوموٹو ایکشن لینے کے باوجود انتظامیہ و پولیس دہشتگردی کی مسلسل وارداتوں سے نمٹنے کے لئے سنجیدہ نظر نہیں آرہی ،آئی جی خیبر پختونخواہ کا سپریم کورٹ میں فرقہ وارانہ ٹارگٹ کلنگ کیس پر بیان ان کی بے بسی اور نا اہلی کا ثبوت ہے ۔
وحدت نیوز (لاہور) مجلس وحدت مسلمین کے صوبائی سیکرٹری جنرل پنجاب علامہ سید مبارک علی موسوی نے کہا ہےکہ نواز شریف نے ملک کو تباہ کردیا ہے،ملک میں کوئی این آر او نہیں ہورہا،چالیس سال سے ملک تباہ کرنے والے اب سکون سے نہیں بیٹھیں گے،الیکشن پر اس لیے سوال ہیں کہ الیکشن فضل الرحمان جیسے لوگ نہیں جیت سکے۔ان کا مزید کہنا تھا کہ اسی فیصد سیاستدان نیب کی زد میں ہیں،شہباز شریف تیاری کریںانہیں بھی نیب کے ہاتھ آنا ہے۔علامہ مبارک علی موسوی نے کہا کہ عمران خان پر عوام نے بہت بڑی ذمے داری ڈالی ہے،پاکستان کو اب ہمیں غریب کا پاکستان بنانا ہو گا۔نئے پاکستان میں کرپشن کی جڑیں اکھاڑ نی پڑیں گی۔
