وحدت نیوز (سکردو) مجلس وحدت مسلمین پاکستان کی حب الوطنی پر مشتمل سیاسی پالیسیز اور گلگت بلتستان کے حقوق کیلئے خصوصی جدوجہد سے متاثر ہوکرجی بی کی اہم سیاسی ، مذہبی وسماجی شخصیات کی تیزی کے ساتھ ایم ڈبلیوایم میں شمولیت کا سلسلہ جاری ہے ۔

 کھرمنگ کے معروف عالم دین امام جماعت مسجد زہرا سلام اللہ علیہا حجتہ الاسلام و المسلمین شیخ محمد رضا اسدی، بلتستان کی معروف سماجی و سیاسی شخصیت حاجی زرمست خان، روندو کے معروف سماجی و سیاسی شخصیت مولانا محمد اسحاق، پاری کی سماجی و سیاسی شخصیت صوبیدار محمد عباس اور فاپا رگیول سے سماجی شخصیت حاجی حسن نے مجلس وحدت مسلمین پاکستان میں شمولیت کا اعلان کردیا۔

 تمام نووارد شخصیات نے ایم ڈبلیوایم میں شمولیت کا اعلان وحدت سیکرٹریٹ سکردو میں ایک تقریب کے دوران کیا، اس موقع پر آغا علی رضوی ، شیخ احمد علی نوری و دیگر عہدیداروں نے ان کا خیر مقدم کیا اور انہیں اس عظیم کاروان میں خوش آمدید کہااور انہیں پھولوں کے ہار پہنائے۔

وحدت نیوز(پشاور)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے جامعہ شہید عارف حسین الحسینی پشاور کا دورہ کیا۔ انہوں نے جامعہ شہید کے مدیر اعلیٰ علامہ سید جواد ہادی سمیت مختلف شخصیات سے ملاقاتیں بھی کیں۔

جامعہ کے طلباء کیساتھ نشست سے خطاب کرتے ہوئے علامہ راجہ ناصر عباس نے قائد شہید علامہ عارف حسین الحسینی کی سیرت کو مشعل راہ بنانے کی ضرورت پر زور دیا۔ انہوں نے کہا کہ شہید قائد نے اپنی زندگی کو ملک و ملت کے لیے وقف کر رکھا تھا۔ ان کی فکری بصیرت اعلیٰ درجے کی تھی۔ وہ اتحاد امت کو قومی ترقی اور باہمی امن کے لیے وسیلہ سمجھتے تھے۔

ان کا مزید کہنا تھا کہ شہید قائد پاکستان میں اخوت و اتحاد کے سب سے بڑے داعی تھے۔ فروعی اختلافات کی بنیاد پر امت مسلمہ میں فتنے کھڑے کرنے والوں کو وہ مسلمانوں کے دشمنوں کا ہتھیار سمجھتے تھے۔ انہوں نے کہا کہ علامہ عارف الحسینی کو شہید کرنے والی طاقتیں شیعہ سنی اتحاد پر کاری ضرب لگانا چاہتی تھیں۔ ان مذموم عناصر کے فکری جانشین اب بھی سرگرم ہیں۔

انہوں نے مزید کہا کہ ہمیں قائد شہید کے نظریات کے مطابق اتحاد و اخوت کے دامن کو مضبوطی سے تھامے رکھنا ہے۔ ہم نے میدان عمل میں یہ ثابت کرنا ہے کہ ہم  قائد شہید کے غیرت مند روحانی فرزند ہیں۔ انہوں نے کہا کہ اہل بیت اطہار علیہم السلام کی تعلیمات کے فروغ میں جامعہ شہید کا کردار بے مثال اور قابل تقلید ہے۔

وحدت نیوز(سکردو) مجلس وحدت مسلمین پاکستان گلگت بلتستان کے سیکرٹری جنرل آغا علی رضوی نے اپنے ایک بیان میں کہا ہے کہ انسانی ہمدردی کی بنیاد پر کرگل لداخ روڈ کی واگزاری عمل میں لائی جائے۔ انہوں نے کہا کرتارپور راہداری کے بعد بھی کرگل لداخ روڈ کا نہ کھلنا بلتستان کے ساتھ زیادتی ہے۔ کرگل لداخ روڈ کی واگزاری سے نہ صرف سیاحت کو ترقی مل سکتی ہے بلکہ منقسم خاندان بھی آپس میں مل سکتے ہیں۔

 آغا علی رضوی نے کہا کہ وزیراعظم پاکستان سے مطالبہ کرتے ہیں کہ جس طرح کرتالپور بارڈ کھول کر ہندوستان کے سکھوں کو انکی مذہبی عبادت گاہوں تک رسائی دے کر اچھی روایت قائم کی کرگل لداخ بارڈر کھول کر برولمو شیخ علی کی زیارت کے مواقع اور ستر سالوں سے منقسم خاندانوں کو آپس میں ملنے کا موقع دے۔

انہوں نے کہاکہ گلگت بلتستان بھی میں دیگر مذاہب کے مقدسات اور عبادت گاہیں موجود ہیں اگر حکومت اس پہ توجہ دے تو بلتستان مذہبی سیاحت کا مرکز بن سکتا ہے۔ بلتستان میں بدھ مت، بون مت اور سکھ مت سمیت دیگر مذاہب کے آثار و مقدسات موجود ہیں۔ آغا علی رضوی نے مزید کہا کہ کرگل لداخ روڈ کی واگزاری ہندوستان سے زیادہ پاکستان کے لیے سود مند ہے۔

وحدت نیوز(ہنگو) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے جامع مسجد رسول اعظم ؐہنگو میں ”سیرت النبی ؑ و اتحاد امت کانفرنس“ سے خطاب کرتے ہوئے کہا ہے کہ اس وقت عالم اسلام کے لیے سب سے بڑا فتنہ نفاق بین المسلمین ہے جس کی بنیاد علم و آگہی کی بجائے شرانگیزی و انتشار پر رکھی گئی ہے۔امت مسلمہ کو ایک دوسرے کے مدمقابل لانے والی طاغوتی قوتیں اپنے شیطانی مقاصد کے حصول کے لیے پوری طرح سرگرم ہیں۔دنیا بھر کے مسلمان اس وقت صرف تقسیم ہی نہیں بلکہ ایک دوسرے کے خلاف صف آرا بھی ہیں۔

ان کا کہناتھاکہ یہود و نصاری کا اولین ہدف امت مسلمہ کو زندگی کے ہر شعبے میں تنزلی کا شکار کرنا ہے۔متعدد اسلامی ممالک اسلام دشمن طاقتوں کے آلہ کار بن کر  شیطانی  ایجنڈے کی راہ ہموارکرتے آئے  ہیں۔ان باطل قوتوں کو شکست دینے کے لیے واحد ہتھیار ”اتحاد امت“ ہے۔دنیا بھر کے مسلمان متحد ہو کر اسلام کا مضبوط دفاع بن سکتے ہیں۔

انہوں نے کہا کہ دین اسلام محبت و اخوت کا مذہب ہے جس میں عصبیت کی قطعی گنجائش نہیں۔جو لوگ مسلک کے نام پر نفرت و انتشار کا بازار گرم رکھنا چاہتے ہیں وہ اسلام کے دشمن ہیں انہیں خیر خواہ نہیں کہا جا سکتا۔تمام مکاتب فکر اپنی صفوں سے ایسے لوگوں کو دور رکھیں۔اتحاد امت دور حاضر کی اولین ضرورت ہے۔ جس کے فروغ کے لیے علما و مشائخ اپنا اپنا کردار ادا کرتے ہوئے اپنی قوم کی فکری و شعوری تربیت کریں۔امت مسلمہ کی بیداری دشمنوں کے ناپاک عزائم کی موت ثابت ہوگی۔

انہوں نے کہا کہ نبی کریم ﷺ کی بعثت کا مقصددین اسلام کی بالادستی اور کفر کو سرنگوں کرنا تھا۔اسلام کی سربلندی کے لیے سیرت نبویؐ کو مشعل راہ بنانا ہو گا۔اسلام کی حقیقی تعلیمات پر عمل کر کے پوری امت تباہ حالی سے نجات حاصل کر سکتی ہے۔کانفرنس میں ڈپٹی کمشنر ہنگو سمیت ایم ڈبلیو ایم کے مرکزی رہنما علامہ اعجاز حسین بہشتی، علامہ شبیر بخاری، علامہ غلام حُر شبیری اور علامہ وحید عباس کاظمی نے بھی شرکت کی۔

وحدت نیوز(لاہور) امامیہ سٹوڈنٹس آرگنائزیشن طالبات کے سہ روزہ سالانہ کنونشن کے موقع پر دختر بانی آئی ایس اوشھید ڈاکٹر محمد علی نقوی ، مجلس وحدت مسلمین شعبہ خواتین کی مرکزی سیکرٹری جنرل اور ایم پی اے پنجاب اسمبلی محترمہ سیدہ زھرا نقوی اور مجلس وحدت مسلمین شعبہ خواتین کی مرکزی سیکرٹری تنظیم سازی محترمہ سیدہ معصومہ نقوی جو کہ آئی ایس او طالبات کی نظارتی کمیٹی کی رکن بھی ہیں، نے خصوصی شرکت کی ۔

تین روزہ سالانہ کنونشن میں شب شھداء کے موقع پر محترمہ سیدہ زھرا نقوی نے ملک بھر سے آئی ہوئیں طالبات کے نمائندہ تنظیمی اجتماع سے خطاب بھی کیا کنونشن سے خطاب کرتے ہوئے ان کا کہنا تھا کہ دین اسلام کی حفاظت اور پرچار کے لیے شھداۓ اسلام نے اپنے جانوں کے نذرانے پیش کیے اور دین مبین کی آبیاری اپنے لہو سے کی۔

 ان کا کہنا تھا کہ ہمیں ملت جعفریہ پاکستان کے شھداء پر فخر ہے جنھوں نے خط ولایت پر چلتے جام شہادت نوش کیا شھداء ہمارا افتخار ہیں اور ان کے راستے کو زندہ رکھتے ہوے اس پر چلنا ہماری اولین ذمہ داری ہے۔ شھید ڈاکٹر محمد علی نقوی کی شخصیت پر اظہار خیال کرتے ہوئے ان کا کہنا تھا کہ شھید ان اہم شخصیات میں سے تھے جنھوں نے نوجوانان ملت پر بھرپور کام کیا ، ان کے نفوس کو زمانے کی آلودگیوں سے پاک کیا ان کی اخلاقی و روحانی تربیت کی اور باطل کے سامنے پرچم حق بلند کرنے کی جرات پیدا کی آپ نے جوانوں کو اپنے حقیقی دشمن کی پہچان کروائی اور نظریہ ولایت فقیہ سے روشناس کروایا۔

وحدت نیوز(ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کی ہدایت پر ناروے میں کی جانے والی قرآن پاک کی بے حرمتی کے خلاف ملتان میں بھی احتجاجی ریلی نکالی گئی، احتجاجی ریلی کا مقصد ناروے میں قران پاک کی توہین کے واقعہ پر اقوام عالم کو اپنے غم و غصے سے آگاہ کرنا تھا، شرکاء نے پلے کارڈز اور بینرز اٹھا رکھے تھے جن پر ناروے کی حکومت کے خلاف نعرے درج تھے۔

ریلی جامعہ شہید مطہری سے شروع ہوئی اور چوک قذافی پر اختتام پذیر ہوئی، ریلی کی قیادت مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی، صوبائی رہنما علامہ قاضی نادر حسین علوی، ضلعی سیکرٹری جنرل مرزا وجاہت علی، حسنین انصاری، حسنین کربلائی سمیت دیگر نے کی۔

ریلی سے خطاب کرتے ہوئے علامہ اقتدار نقوی کا کہنا تھا کہ بنیادی حقوق کی آزادی کی آڑ میں کسی کے مذہب کی تضحیک کی ہرگز اجازت نہیں ہونی چاہیئے، اقلیتوں سمیت تمام طبقات کو ہر طرح کا تحفظ فراہم کرنا ریاست کا اولین فریضہ ہے، سیان نامی تنظیم کی تخریبی فکر سے آگاہ ہونے کے باوجود انہیں شرپسندانہ اقدامات کے لیے کھلی چھٹی دے کر ناروے کی حکومت نے پورے دنیا کے مسلمانوں کے مذہبی جذبات کو مجروح کیا ہے، اس دل آزاری پر ناروے کی حکومت کو پوری دنیا کے مسلمانوں سے معافی مانگنی چاہئے۔

علامہ قاضی نادر حسین علوی نے کہا کہ عالم اسلام کے درمیان لاکھ اختلافات سہی لیکن دین اسلام کی حرمت و دفاع کے لیے پوری امت مسلمہ کے جذبات اور نظریات ایک جیسے ہیں، مسلمان کبھی بھی اپنے دین اور مقدسات کی توہین برداشت نہیں کر سکتے۔ شدت پسند تنظیم سیان کے سرکردہ رکن لارس کی طرف سے قران کی توہین کا فعل ایک ناقابل معافی جرم ہے، رہنماوں نے حکومت پاکستان سے مطالبہ کیا کہ فی الفور ناروے حکومت کے ساتھ سفارتی تعلقات منقطع کیے جائیں۔

Page 2 of 193

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree