وحدت نیوز (کراچی) مجلس وحدت مسلمین پاکستان کے سربراہ علامہ ناصر عباس جعفری نےمختصر دورہ کراچی کے ،موقع پر ایم ڈبلیوایم کی سپریم کونسل کے چیئرمین علامہ شیخ محمد حسن صلاح الدین سےان کے مدرسہ علوم اسلامی جعفر طیار میں ملاقات کی، علامہ ناصر عباس جعفری نے علامہ حسن صلاح الدین سے ان کے مدرسہ علوم اسلامی سے پرنسپل علامہ شیخ محمد عباس الحیدری کی اچانک رحلت پر تعزیت کا اظہار ، مغفرت کی دعا اور فاتحہ خوانی کی، ملاقات میں دونوں رہنماوں کے درمیان مجلس وحدت مسلمین کے دستور میں بعض ترامیم کے حوالے سےبھی گفتگو ہوئی، علامہ صلاح الدین نے علامہ احمد اقبال کو ایم ڈبلیوایم کے کارکنان کیلئےتربیتی نصاب کی تشکیل کےحوالے سے مفید مشورے بھی دیئے،جبکہ علامہ ناصر عباس جعفری نے علامہ صلاح الدین کی مختلف تصانیف کو ایم ڈبلیوایم کے تنظیمی تربیتی نصاب میں شامل کرنے کا اعلان بھی کیا، اس موقع پر ان کے ہمراہ مرکزی رہنما علامہ احمد اقبال رضوی ، سید محمد عابدی، صوبائی رہنما مہدی عباس، ڈویژنل رہنما سجاد اکبر زیدی اور ضلعی رہنما احسن عباس اور حسن عباس بھی موجود تھے۔
وحدت نیوز(لاہور)تحریک منہاج القرآن پاکستان کے زیر اہتمام مینار پاکستان لاہورمیں منعقدہ عالمی میلاد کانفرنس سے خطاب کرتے ہوئے مجلس و حدت مسلمین پاکستان ،شعبہ تبلیغات کے سیکرٹری جنرل علامہ اعجاز بہشتی نے کہا کہ رحمت اللعالمین،سردار انبیاء حضرت محمد ؐ کی یوم ولادت کے موقعہ پر تمام مسلمانوں کو چاہیے کہ وہ دنیا کے سامنے حضرت محمد ؐ کی سیر ت طیبہ کو اجاگر کریں اور ہفتہ وحدت کے ذریعہ آپس میں اتحاد و بھائی چارگی کو فروغ دیں،اور جو شخص یا گروہ اتحاد کی فضاء کو پامال کرے اُس کے بارے میں خدا وندعالم قرآن میں ارشار فرماتا ہے \"اے رسول جن لوگوں نے اپنے دین میں تفرقہ پیدا کیا اور ٹکڑے ٹکڑے ہوگئے ان سے آپ ؐ کا کوئی تعلق نہیں ہے\"۔
علامہ اعجاز بہشتی کا مزید کہنا تھا کہ آج جس طرح تکفیری اور دہشت گرد عناصر ایک عالمی سازش کے تحت اسلام اور سیر ت محمد ؐ کے روشن چہرہ کو مسخ کر نے کی کوشش میں مصروف ہے، اور ساری دنیا میں اسلام کے نام پر صہونی عزائم کو پائے تکمیل تک پہنچایا جارہا ہے۔ لہٰذا اس پیچیدہ دور میں شیعہ سنُی اور تما م مسلمان کو مل کر اتحاد کی فضاء کو قائم کرنا ہوگا تاکہ اسلام دشمنوں سے مل کر مقابلہ کر سکیں۔اسلام امن اور سچائی کا گہوارہ ہے، سیرت محمد پاک سچائی اور امن و امان کا درس دیتا ہے لہٰذا تمام عالم اسلام کو اس مقدس ہستی کی سیرت پر عمل کرنے کی ضرورت ہے۔
وحدت نیوز (مظفرآباد /چکوٹھی) لبیک یا رسول ؐ اللہ میلاد ریلی زیر اہتمام مرکزی سیرت کمیٹی ہٹیاں بالا بتعاون مجلس وحدت مسلمین آزاد جموں وکشمیر ریلی کا بھرپور انعقاد ، سینکڑوں گاڑیاں و موٹربائیکس کی شرکت، ریلی دومیل پل سے شرو ع ہو کر چکوٹھی کنٹرول لائن مقبوضہ کشمیر اختتام پذیر ہوئی، جبکہ جگہ جگہ ریلی کا پرتباک استقبال کیا گیا، ریلی کی قیادت مرکزی سیرت کمیٹی کے صدر پروفیسر قاضی محمد ابراہیم چشتی و سیکرٹری جنرل مجلس وحدت مسلمین علامہ سید تصور حسین نقوی الجوادی نے کی ، ریلی کے روٹ پر مجلس وحدت مسلمین کے زیر اہتمام مختلف مقامات پر شایان شان استقبالیہ کیمپ ، قائدین و شرکائے ریلی پر پھولوں کی پتیاں نچھاور کیں گئیں ، تفصیلات کے مطابق سیکرٹری نشرو اشاعت مجلس وحدت مسلمین آزاد جموں و کشمیر سید پیر حسن نقوی نے میڈیا کو جاری بیان میں بتایا کہ مرکزی سیرت کمیٹی ہٹیاں بالا کے زیر اہتمام لبیک یا رسول اللہ ؐ میلاد ریلی کا اہتمام کیا گیا، ریلی میں مجلس وحدت مسلمین آزاد جموں وکشمیر نے بھرپور شرکت و تعاون کیا، ریلی میں سینکڑوں کی تعداد میں گاڑیاں و موٹر بائیکس شامل تھے، ریلی کا آغاز دومیل پل مظفرآباد سے ہوا، مجلس وحدت مسلمین مجہوئی یونٹ کے زیر اہتمام استقبالیہ کیمپ مجہوئی پل کے مقام پر لگایا گیا، جہاں ریلی کا شایان شان استقبال کیا گیا، جبکہ دوسرا استقبالیہ کیمپ جامع مسجد گڑھی دوپٹہ کے قریب لگایا گیا ، جس کا اہتمام مجلس وحدت مسلمین گڑھی دوپٹہ و مرکزی انجمن جعفریہ جہلم ویلی نے کیا ، ریلی کا پرتباک استقبال کیا گیا، قائدین و شرکائے ریلی پر پھولوں کی پتیاں نچھاور کیں گئیں ، تیسرا استقبالیہ زیراہتمام مجلس وحدت مسلمین ضلع ہٹیاں بالا کچھا بازار کے مقام پر لگایا گیا ، جہاں بھی ریلی کا خیرمقدم کیا، جبکہ جگہ جگہ شیعہ سنی عوام نے ریلی کو خوش آمدید کیا ، ریلی کی قیادت صدر مرکزی سیرت کمیٹی ہٹیاں بالا مولانا پروفیسر قاضی محمد ابراہیم چشتی ، سیکرٹری جنرل مجلس وحدت مسلمین علامہ سید تصور حسین نقوی الجوادی و دیگر مذہبی و سیاسی جماعتوں کے زعماء نے کی ، ریلی چکوٹھی کنڑول لائن مقبوضہ کشمیر کے مقام پر اختتام پذیر ہوئی جہاں اختتامی جلسہ ہوا ، شیعہ سنی علماء کرام نے سیرت محمدؐی پر روشنی ڈالتے ہوئے مقبوضہ کشمیر کے محکوم عوام کے ساتھ اظہار یکجہتی بھی کیا۔
وحدت نیوز (مظفرآباد) سیکرٹری جنرل مجلس وحدت مسلمین علامہ سید تصور حسین نقوی الجوادی مرکزی میلاد جلوس کے استقبالیئے سے خطاب کرتے ہوئے کہا کہ سلام ہو آج نکلنے والوں ، سلام ہو آج لبیک یا رسول اللہ کی صدائیں بلند کرنے والوں پر ، سلام ہو عاشقان مصطفےٰ پر، کہ پورا ملک بارود کی بوسے اٹا پڑا ہے، اور آپ نے لبیک یا رسولؐ اللہ اور درود سے ماحول کو منور کر دیا، رسول ؐ امن،رسولؐ رحمت کے ماننے والے آج وحدت اسلامی کا عملی مظاہرہ کر کے دنیا کو یہ بتا رہے ہیں کہ ہم دہشت گرد و دہشت گردی کوملک و اسلام کا دشمن سمجھتے ہیں ، ملک بارود کی بو سے اٹا پڑا ہے، عاشقان مصطفےٰؐ نے درود کی خوشبو سے سنوار دیا،انہوں نے کہا کہ شیعہ سنی وحدت ہی ملک و قوم کی بقاء ہے، وہ ملک کہ جس کی بنیاد لا الہ الا اللہ محمد رسول اللہ پر ہو ، اس ملک کے وسیع تر مفاد میں ہے کہ ملک کے حقیقی فرزند ایک پیج پر ہوں ، دشمنان اسلام و پاکستان کے خلاف کمر بستہ ہوں، قائداعظم و اقبال کے پاکستان کے حقیقی وجود کی خاطر اتحاد و یگانگت ہی واحد راستہ ہے، ہفتہ وحدت اسی عنوان سے منا رہے ہیں کہ وقت کی اہم ضرورت ہے کہ مسلمان وحدت کے پرچم تلے ایک ہوجائیں ، آج وقت کا طاغوت اپنی پوری توانایاں صرف کیئے ہوئے ہے کہ کسی طرح سے ملک و قوم کو نقصان پہنچایا جائے، مسلمانوں کو آپس میں لڑایا جائے، ظلم کا بازار گرم کیا جائے، اس بات کا عملی ثبوت کہیں ننھے پھولوں کو گولیوں سے بھون کر دیتا ہے، کہیں اساتذہ کو جلا کر دیتا ہے، کہیں مساجد میں حملے کر کے بتاتا ہے، کہیں امام بارگاہوں کو نشانہ بنا کر دکھاتا ہے، کہیں مزارات کو مسمار کر کے اپنے مقاصد کی تکمیل چاہتا ہے ، کہیں پرامن و نہتے شہریوں کی جانیں لیکر ملک و قوم کو ٹکڑوں میں تقسیم کرنا چاہتا ہے ،انہوں نے کہا کہ ضرورت اس امر کی کہ ہم دشمن شناس بن جائیں ، فروعی اور نہ ہونے کے برابر اختلاف کو ہوا دینے والوں کو تسلیم نہ کریں ، انہیں کالی بھیڑیں قرار دیکر اپنی صفوں سے نکال باہر کریں ، ہاتھوں میں ہاتھ ڈال کر ، کندھے سے کندھا ملا کر اغیار یا اغیار کے ایجنٹوں کو اپنے درمیان آنے کی جگہ نہ دیں ، ظلم و جبر کے خلاف ایک ہو جائیں ، رحمت دو عالم ؐ کے پرچم تلے جمع ہو جائیں۔انہوں نے کہا کہ الحمدلللہ پاکستان و خصوصاً پرامن خطہ آزاد کشمیر میں ہم سب کا ایک ہونا دنیا کے لیئے واضح پیغام ہے کہ ہم عاشقان رسول ؐ و آل ؑ رسول ؑ ہیں ، ہم بہادروں کے بہادر پیرو ہیں ، ہم ایک ہیں ، متحد ہیں ، خوشی و غمی ملکر کرتے ہیں ، اور وحدت کا عملی ثبوت پیش کرتے ہیں۔یہ شیعہ سنی وقت کے یزیدوں ، وقت کے ابن زیادوں ، وقت کے ابو لہبوں اور وقت کے یزویدوں کے خلاف ایک ہیں اس کا ثبوت سب کا ایک ساتھ نکل کر لبیک یا رسول اللہ کا نعرہ فضا میں بلند کرنا ہے۔
تفصیلات کے مطابق مجلس وحدت مسلمین آزاد جموں و کشمیر ضلع مظفرآباد کے زیر اہتمام عظیم الشان ریلی کا انعقاد کیا گیا، ریلی کا آغازریاستی سیکرٹریٹ مجلس وحدت مسلمین آزاد جموں وکشمیر سے ہوا، ریلی میں کثیر تعداد میں میں مجلس وحدت مسلمین کے کارکنان و عہدیداران نے شرکت کی ، ریلی کی قیادت سیکرٹری جنرل مجلس وحدت مسلمین علامہ سید تصور حسین نقوی الجوادی ، ریاستی کابینہ ، ضلعی سیکرٹری جنرل مولانا سید طالب حسین ہمدانی و ضلعی کابینہ نے کی، ریلی شہر کی مین شاہرا بینک روڈ سے ہوتی ہوئی مرکزی جلوس میں شامل ہوئی ، جبکہ فضا لبیک یا رسولؐ اللہ کے نعروں سے گونجتی رہی ، مرکزی جلوس میں شامل ہونے پر انجمن تاجران مدینہ مارکیٹ، سنی تحریک،سیرت کمیٹی اور تحریک منہاج القرآن نے پرتباک استقبال کیا ۔اس کے علاوہ مجلس وحدت مسلمین کے زیر اہتمام تمام اضلاع میں ریلیز کی صورت میں شرکت میلاد جلوس میں شرکت کی گئی، میرپور میں سیکرٹری جنرل ضلع میرپور سید ناظر عباس، کوٹلی میں سیکرٹری جنرل سید طاہر حسین بخاری، باغ میں سیکرٹری مالیات قیصر عباس بانڈے ، ہٹیاں بالا میں سیکرٹری جنرل ڈاکٹر عارف حسین کاظمی، میرپورہ ضلع نیلم میں سیکرٹری جنرل پیر سید ظاہر حسین نقوی کی قیادت میں ریلیز و وفود نے اہلسنت کے زیر اہتمام جلوسوں میں شرکت کی ۔
وحدت نیوز (پنجاب) مجلس وحدت مسلمین پاکستان کے زیراہتمام ملک بھر میں جشن عید امیلادالنبی ۖ کے سلسلے میں گلگت بلستان اور آزاد کشمیر سمیت چاروں صوبوں کے تمام اضلاع میں ریلیوں کا انعقاد کیا گیا، اس موقع پر جلوسوں کے راستوں میں استقبالیہ کیمپس لگائے گئے اور عاشقان رسول ۖ پر گل پاشی کی گئی ، ایم ڈبلیو ایم میڈیا سیل سے جاری تفصیلات کے مطابق، مجلس وحدت مسلمین پنجاب کے سیکرٹری جنرل علامہ عبدالخالق اسدی نے سر گودہا میں میلاد النبی ۖ کے مرکزی جلوس کا پر تپاک استقبال کیا لاہور میں مجلس وحدت مسلمین لاہور کے زیر اہتمام دس سے زائد مقامات پر میلاد پاک کے جلوسوں کے لئے استقبالی کیمپ اور شرکاء جلوس کے لئے سبیلوں اور لنگر کا خاطر خواہ انتظام کیا گیا تھا شاہ عالمی چوک پر مجلس وحدت مسلمین نمک منڈی یونٹ کے زیر اہتمام جلوس میلاد کا شاندار استقبال کیا گیا علامہ امتیاز کاظمی ،سید اسد عباس نقوی ،رانا مبارک علی،رانا قاسم علی و دیگر سینکڑوں کارکنان نے شرکاء جلوس پر گل پاشی کی اور خوش آمدید کہا اور اتحاد امت کے شعار بلند کرتے رہے رنگ محل چوک پر مجلس وحدت مسلمین لاہور ڈویژن کے زیر اہتمام مرکزی استقبالی کیمپ سے جلو س عید میلاالنبی کا شاندار استقبال کیا گیا جہاں شیخ عمران علی ،سید حسین زیدی ،علامہ جعفرموسوی نے شرکاء جلوس میں شامل اہلسنت زعماء کی دستار بندی کی اور خوش آمدید کہا اسلام پورہ حیدر روڈ مسجد صاحب الزمان پر مجلس وحدت مسلمین اسلام پورہ یونٹ کے زیر اہتمام عید میلاد النبی ۖ کے جلو کا پر تپاک استقبال کیا گیا جلو س کے شرکاء سے خطاب میں مجلس وحدت مسلمین لاہور کے سیکرٹری جنرل علامہ امتیاز کاظمی کا کہنا تھا کہ رسول اعظم خاتم انبیاۖ کی ذات اقدس وحدت کا مرکز ہے آج فرزندان اسلام پر فرض ہے کہ وہ حضور پاک کی ذات اقدس کو محور بنا کرمتحد ہوں اور وطن عزیز کے دشمنوں کے مذموم عزائم خاک میں ملادیں اور دہشت گردوں کو تنہا کر کے اس ملک کو امن کا گہوارہ بنائیں مجلس وحدت مسلمین نشتر ٹاون ،ٹاوُن شپ،واہگہ ٹاوُن اور لاہور کینٹ میں بھی جلوس ہائے میلاد پاک کا بھر پور استقبال کیا گیااسلام آباد کے سیکٹر جی ٹن سے برآمد ہونے والی ریلی میں علامہ اصغر عسکری نے وفد کے ہمراہ شرکت کی۔ ایم ڈبلیو ایم بلوچستان اسمبلی کے رکن آغا محمد رضا اور شوریٰ عالی کے رکن علامہ ہاشم موسوی نے کوئٹہ میں کندھاری امام بارگاہ سے میزان چوک تک نکالی جانیوالی ریلی کی قیادت کی۔مجلس وحدت مسلمین ضلع راولپنڈی کی جانب سے جامع مسجد روڈ پر استقبالیہ کیمپ لگایا اور نعت خوانی کے مقابلے کرائے گئے۔ اس موقع پر تحریک اسلام کے صدر علامہ حیدر علوی سمیت متعد سنی رہنماوں نے کیمپ کا دورہ کیا اور خطابات کیے۔ کیمپ میں مجلس وحدت مسلمین پنجاب کے ترجمان علامہ محمد اصغر عسکری اور ضلع راولپنڈی کی قیادت دن بھر موجود رہی۔ اس موقع پر اتحاد وحدت کا عظیم الشان مظاہرہ کیا گیا۔ کیمپ میں دن بھر نعت خوانی کے مقابلے کرائے گئے جس میں نعت خوانوں نے گلائے عقیدت کے پھول نچھاور کیے۔ مرکزی جلوس سے خطاب کرتے ہوئے ایم ڈبلیو ایم پنجاب کے ترجمان علامہ اصغر عسکری کا کہنا تھا کہ شیعہ سنی اتحاد ہی پاکستان کا اصل چہرہ ہے ، آج دشمن دیکھ لے کہ ہم ایک ہیں، شیعہ سنی میں کوئی تفریق نہیں چند مٹھی بھر تکفیری ملک کے امن کے درپے ہیں۔ انہوں نے کہا کہ پوری قوم ملٹری کورٹس کے قیام کا خیرمقدم کرتی ہے اور توقع کرتی ہے کہ قومی ایکشن پلان پر جلد عمل کیا جائیگا۔ انہوں نے کہا کہ نام بدل کرکے کام کرنے والی تمام کالعدم جماعتوں کو بین کیا جائے اور ان کی سرگرمیوں پر پابندی عائد کی جائے۔ انہوں نے کہاحضرت رسول خدا ۖ کی ذات مرکز وحدت ہے جس پر پوری امت مسلمہ متحد ہے۔ ضرورت اس امر کی ہے کہ ہم اس ہستی کی تعلیمات کو فروغ دیں اور دشمن کی سازشوں کو سمجھیں۔ علامہ حیدر علوی کا کہنا تھا کہ ہم پاک فوج کے ہر اقدام کی تائید کرتے ہیں اور توقع کرتے ہیں کہ دہشتگردوں کو عبرت کا نشان بنا دیا جائیگا۔نعت خوانی میں حصہ لینے والے نعت خوانوں میں ٹرفیاں تقسیم کی گئیں۔
وحدت نیوز (مظفرآباد) مجلس وحدت مسلمین آزاد جموں و کشمیر ضلع مظفرآباد کے زیر اہتمام جشن عید میلاد النبی ﷺ پرعظیم الشان ریلی کا انعقاد کیا گیا، ریلی کا آغازریاستی سیکرٹریٹ مجلس وحدت مسلمین آزاد جموں وکشمیر سے ہوا، ریلی میں کثیر تعداد میں میں مجلس وحدت مسلمین کے کارکنان و عہدیداران نے شرکت کی ، ریلی کی قیادت سیکرٹری جنرل مجلس وحدت مسلمین علامہ سید تصور حسین نقوی الجوادی ، ریاستی کابینہ ، ضلعی سیکرٹری جنرل مولانا سید طالب حسین ہمدانی و ضلعی کابینہ نے کی، ریلی شہر کی مین شاہرا بینک روڈ سے ہوتی ہوئی مرکزی جلوس میں شامل ہوئی ، جبکہ فضا لبیک یا رسولؐ اللہ کے نعروں سے گونجتی رہی ، مرکزی جلوس میں شامل ہونے پر انجمن تاجران مدینہ مارکیٹ،دعوت اسلامی،سیرت کمیٹی اور تحریک منہاج القرآن نے پرتباک استقبال کیا ۔
