The Latest
وحدت نیوز (سکردو) مجلس وحدت مسلمین پاکستان کے مرکزی سیکرٹری اطلاعات سید مہدی عابدی،سیکرٹری امور خارجہ علامہ ڈاکٹر شفقت شیرازی اور مجلس وحدت مسلمین کے مرکزی سیکرٹری تربیت علامہ احمد اقبال رضوی الیکشن مہم کا حصہ بننے کیلئے گلگت پہنچ گئے،کارکنوں کی بڑی تعداد اور صوبائی سیکرٹری اطلاعات گلگت بلتستان علی حیدر نے اُن کا استقبال کیا، گلگت میں کارکنان سے خطاب کرتے ہوئے مرکزی سیکرٹری اطلاعات مجلس وحدت مسلمین پاکستان سید مہدی عابدی کا کہنا تھا کہ گلگت بلتستان کے غیور عوام کی بیداری کو سلام پیش کرتا ہوں کہ جنہوں نے وقت کے فرعونوں سے ٹکر لے کر ثابت کیا کہ وہ سچے پاکستانی ہیں اور وطن عزیز کو دیمک کی طرح چاٹنے والوں کو عبرت ناک شکست دیں گے،ہم نے ہمیشہ وطن دشمنوں اور ظالموں کے خلاف اپنی جان ہتھیلی پر رکھ کرقیام کیااور اسے اپنے لئے اعزاز قرا ر دیا، آج بھی ہم گلگت بلتستان کے عوام سے یہ عہد کرتے ہیں کہ پاکستان کے ان غیور سپوتوں کیساتھ کسی سیاسی و مذہبی گروہ کو ناانصافی اور ظلم و جبر کرنے کی اجازت نہیں دینگے،گلگت بلتستان پاکستان کا فطری دفاعی لائن ہیں،یہاں کی شجاع عوام سینہ تان کر ہمارے ازلی دشمن بھارت کیخلاف پاکستان کی سلامتی کے لئے سربکف ہمہ وقت تیار ہیں،پاکستان کے دفاع میں گلگت بلتستان کے نوجوان کلیدی کردار ادا کر رہے ہیں،وطن عزیز کی ان حساس سرحدوں پر آپ لوگوں کی موجودگی پاکستانی عوام کے لئے امن و سلامتی کا ضامن ہے،سید مہدی عابدی کا کہنا تھا کہ وفاقی حکومت کی جانب سے اقتصادی راہ داری کی آل پارٹیز کانفرنس میں گلگت بلتستان کو نظر انداز کرنا گلگت بلتستان کے عوام کی توہین ہیں،وفاقی حکومت کی اس عمل سے یہ واضح ہو گیا کہ اُن کو گلگت بلتستان کی ترقی اور عوامی مفادات میں کوئی دلچسپی نہیں،انشااللہ یہاں کے غیور عوام 8 جون کوگلگت بلتستان کے حقیقی ہمدرد قومی جماعت مجلس وحدت مسلمین کو کامیاب کرکے گلگت بلتستان کو نظر انداز کرنے والوں کو بھرپور جواب دینگے۔
دوسری جانب مجلس وحدت مسلمین کے رکن بلوچستان اسمبلی آغاسید محمد رضا رضوی ایم ڈبلیو ایم گلگت بلتستان کے الیکشن مہم میں حصہ لینے گلگت پہنچ گئے،صوبائی سیکرٹری سیاسیات محمدغلام عباس نے کارکنوں کے ہمراہ ان کا ستقبال کیا ،مجلس وحدت مسلمین کے صوبائی سیکرٹریٹ میں کارکنان سے خطاب میں ان کا کہنا تھا کہ مجلس وحدت مسلمین وہ جماعت ہے جس نے مظلومین کو جینے کا سلیقہ سکھایا،آج کوئٹہ سے لے کر سیاچن تک کے مظلوم عوام قائد وحدت ناصر ملت علامہ راجہ ناصر عباس جعفری کو اپنے لئے نجات دہندہ سمجھتے ہیں،مجلس وحدت مسلمین کی کارکردگی دیکھنا چاہتے ہو تو کوئٹہ آپ کے سامنے ہیں،آج حکومتی فنڈز کو ہم پوری ایمانداری کیساتھ عوام پر خرچ کررہے ہیں،ہم پاکستان کے ہر ادارے کو دعوت دیتے ہیں آئیں کوئٹہ میں ہمارا احتساب کریں،ہمارے اثاثے چیک کریں،الیکشن سے پہلے سے اثاثوں میں کمی آئی ہو گی لیکن بڑھے نہیں،ہم عوامی خدمت کو عین عبادت سمجھ کر کر رہے ہیں،آغا محمد رضا کا کہنا تھا کہ گلگت بلتستان کے عوام مفاد پرستوں کو مسترد کر دیں گے، مجھے یقین ہے کہ خوشحالی آپ کا مقدر بنے گی، گلگت بلتستان عاشقان رسولﷺ کی سر زمین ہے، یہاں کے عوام پاکستان کی دفاعی فرنٹ لائن ہے،ان روایتی سیاست دانوں نے اس جنت نظیر علاقے کو محرومیوں کے سوا کچھ نہیں دیا،زراعت،معدنیات،سیاحت سے مالا مال خطے کے عوام کے چہروں پر چھائے مایوسی ان سیاسی فرعونوں کے ماتھے پر کلنک کا ٹیکہ ہے،اللہ تعالیٰ نے قرآن پاک میں ارشاد فرمایا ہے کہ جب تک انسان خود جدوجہد نہ کریں ہم اس کے حالات کو نہیں بدلیں گے،آج گلگت بلتستان کے عوام کے پاس ایک موقع ہے کہ وہ اپنے مستقبل کا فیصلہ کریں اگر آپ نے اس میں کوتاہی کی تو آپکی نسلیں اس غلطی کا خمیازہ بھگتیں گے۔
وحدت نیوز (سکردو) مجلس وحدت مسلمین پاکستان کے مرکزی رہنما علامہ اعجاز حسین بہشتی نے کہا ہے کہ دس سال تک حرملہ کا تیر کہہ کر عوام کو بیوقوف بنانے والے آج اس ہی تیر کیلئے ووٹ مانگ رہے ہیں، شگر کے عوام اب بیدار ہوچکے ہیں، علامہ راجہ ناصر عباس کے ایک ایک حرف پر اپنی جان قربان کرنے کیلئے تیار ہیں، جلس وحدت مسلمین شگر کے عوام کی آرزو ہے، انشا اللہ 8 جون کو شگر کے عوام سیاسی فرعونوں، معاشی قارونوں اور عوام کو بیوقوف بنانے والے ہر غدار کو شکست دیں گے، نواز لیگ میں شمولیت کا معنی خوبصورت گلاب کو خون سے بھرے جگ میں ڈالنے کے مترادف ہے، گلاب کی خوبصورتی اور پاکیزگی میں شک نہیں ، لیکن خون کی ملاوٹ کے بعد گلاب اپنی حیثیت کو کھو بیٹھنا ہے، مجھے یقین کامل ہے انشا اللہ 8 جون کو شگر کے عوام روایتی سیاستدانوں اور جاگیرداروں کو بدترین شکست دیں گے۔ واضح رہے کہ گلگت بلتستان کے انتخابات میں حلقہ 6 شگر میں تین امیدوار مقابلے میں ہیں جن میں ن لیگ نے راجہ اعظم خان، پیپلز پارٹی کے عمران ندیم اور مجلس وحدت مسلمین کے فدا علی شگری کے درمیان مقابلہ ہے۔ خیال یہ کیا جارہا ہے کہ اصل مقابلہ عمران ندیم اور فدا علی شگری کے درمیان ہے۔
وحدت نیوز (گلگت) دستبرداری کی خبروں میں کوئی صداقت نہیں، اسلامی تحریک سے اتحاد قوم کے وسیع تر مفاد کے لئے ہوا ہے، حلقہ 3 سے میری دستبرداری کی جھوٹی خبر مخالفین کی بدنیتی کی عکاسی کرتا ہے۔ ان خیالات کا اظہار مجلس وحدت مسلمین حلقہ 3 کے امیدوار علامہ نئیر عباس مصطفوی نے میڈیا سے بات کرتے ہوئے کیا۔ انہوں نے کہا کہ اسلامی تحریک پاکستان سے اتحاد ضرور ہوا ہے مگر کسی بھی امیدوار کے حق میں الیکشن سے دستبرداری کی خبروں میں کوئی صداقت نہیں ہے، ایسی خبریں پھیلا کر چند لوگ اپنی ذاتی مفاد کے لئے ایسی جھوٹی خبریں پھیلا رہے ہیں۔ متفقہ امیدوار کا حتمی فیصلہ آغا راحت حسین الحسینی کرینگے ایم ڈبلیو ایم نے فیصلے کا حق آغا کو دیا ہے، اگر وہ حکم دیں تو ہم جان بھی دے سکتے ہیں، لیکن دوسرے لوگ بھی آغا راحت کے فیصلے کو حتمی سمجھیں۔
وحدت نیوز (شگر/عابد شگری) مجلس وحدت المسلمین شگر کی عوام کو پٹواری ،پولیس کلچر ،روایتی اور دو شخصیات کی گرد گھومنے والی سیاست سے نجات دلائیں گے۔ایم ڈبلیو ایم اسمبلی میں متوسط اور غریب طبقوں کی بھرپور نمائندگی کرتے ہوئے ان کی حقوق کی جدودجہد کرینگے۔ان خیالات کا اظہار مجلس وحدت المسلمین کے نامزد امیدوار حلقہ 6شگر فدا علی شگری نے حسینی چوک مرکنجہ شگر میں اپنے الیکشن کمپین آفس کی افتتاح کے موقع پرپرہجوم مجمع سے خطاب کرتے ہوئے کہا۔انہوں نے کہا کہ شگر پورے بلتستان اور پاکستان کا ایک معاشی حب ہے یہاں سے نکلنے والی معدنیات اور کے ٹو کی رائلٹی سے پاکستان کی خزانہ کثیر زرمبادلہ کما رہا ہے لیکن کتنی افسوس کا مقام ہے کہ سیاحت ،معدنیات اور آبی مواقعوں کی موجودگی کے باؤجود شگر آج بھی پسماندہ علاقہ ہے۔اس کی اہم وجہ ہماری سیاست میں نابلوغت ہیں ہم آج بھی دو شخصیات کی مفادات کو اپنے سیاست کا مرکز بنایا ہوا ہے جس کی وجہ سے آج شگر پورے گلگت بلتستان میں ترقی کی لحاظ سے سب سے پیچھے ہیں۔ ایم ڈبلیو ایم محض ایک شخص کی ذات کو اسمبلی میں پہنچانے یا کسی ایک مخصوص طبقے کو نوازنے کیلئے میدان میں نہیں آیا۔بلکہ ہم یہاں کے غریب اور پسے ہوئے لوگوں کی آواز بن کر ان کی حقوق کیلئے جدوجہد کرنے آئے ہیں۔انشاء اللہ کامیاب ہوکر اسمبلی میں عوام اور غریبوں کی آواز بنیں گے۔اور اس محروم اور مظلوم عوام کی داد رسی اور ان کی حقوق کی حصول کیلئے جدوجہد کرینگے۔انہوں نے عوام پر زور دیا کہ وہ شخصیات اور پٹواری سیاست سے نجات حاصل کرنے کیلئے ایم ڈبلیو ایم کی پلیٹ فارم کو مضبوط کریں۔اور آٹھ جون کو اپنا قیمتی ووٹ خیمہ پر لگا کر ایک نئی اور درخشان مستقبل کا آغاز شروع کریں۔
وحدت نیوز (گلگت) مجلس وحدت مسلمین کا کسی سیاسی جماعت سے اتحاد اور سیٹ ایڈجسٹمنت کا ابھی تک کوئی فیصلہ نہیں ہوا ہے ،کارکن افواہوں پر کان نہ دھریں اور اپنی انتخابی مہم زور و شور سے چلائیں۔ اسلامی تحریک سے ہنزہ نگر حلقہ 4 اور گلگت حلقہ 3 میں مجلس وحدت کے امیدواروں کو بٹھانے کا کوئی فیصلہ نہیں ہوا ہے۔ان خیالات کا اظہار مجلس وحدت مسلمین پاکستان کے سیکرٹری سیاسیات سید ناصر عباس شیرازی نے اپنے اخباری بیان میں کیا ہے۔
انہوں نے کہا کہ بعض سیاسی جماعتوں کے کارکن محض افواہیں پھیلاکر کارکنوں کے درمیان مایوسی پھیلانے کی مذموم کوشش کررہے ہیں فی الحال ان افواہوں کی کوئی صداقت نہیں۔ کارکن مجلس کے امیدواروں کی کمپین جاری رکھیں اگر کسی انتخابی حلقے کے بارے میں کوئی فیصلہ ہوا تو ہماری قیادت کی جانب سے باقاعداعلان کیاجائیگا۔مجلس وحدت مسلمین کی قیادت نے سید راحت حسین کے ہرحکم پرغیرمشروط لبیک کہنے کا اعلان کیا ہے اور سید محترم کی خواہش پرکسی ممکنہ اتحاد تک پہنچنے کیلئے مشاورت جاری ہے ۔ انہوں نے افواہیں پھیلانے والوں کی سختی سے مذمت کرتے ہوئے کارکنوں کو ہدایت کی ہے کہ وہ بغیر تصدیق کے افواہوں پر رد عمل نہ دکھائیں۔
وحدت نیوز (سکردو) مجلس وحدت مسلمین کا گلگت بلتستان میں وجود خطے کے عوام کے لئے نعمت سے کم نہیں،اتحاد بین المسلمین ہو یا عوامی حقوق کے لئے جدو جہد ایم ڈبلیو ایم نے قومی امور میں ہر وقت کلیدی کردار ادا کیا،یہ وہ قومی جماعت ہے جس نے تمام مکاتب فکر کے مظلومین کے لئے آواز بلند کی،آج جس طرح عوام نے اس قومی جماعت کو عزت دی ہے،اس سے باقی جماعتوں کو پریشانی نہیں ہونی چاہئیے،بلکہ دیگر جماعتیں بھی ایم ڈبلیوایم کی تقلید کرتے ہوئے انسانیت اور ملکی بقا کے لئے کام کریں تاکہ وہ بھی عوام کے دلوں میں جگہ بنا سکے،ان خیالات کا اظہار مجلس وحدت مسلمین کے رہنما علامہ ڈاکٹر غلام محمد فخرالدین نے چندا اور کچورا میں عوامی اجتماع سے خطاب کرتے ہوئے کیا،انہوں نے کہا مجلس وحدت مسلمین رواداری اور برداشت کی سیاست پر یقین رکھنے والی جماعت ہے،اس جماعت کی ماضی گواہ ہے کہ ہمیشہ مظلومین کی حمایت میں آواز بلند کرتے رہے چاہے اس کی جتنی بھی قیمت ادا کرنی پڑے،یہ وہ جماعت ہے جہاں شخصیت کو معیار قرار نہیں دیتے بلکہ خوشنودی خدا کو عین معیار سمجھتے ہیں،آج خطے میں عوامی حقوق کے لئے مخلصانہ کردار ادا کرنے والی اگر کوئی جماعت ہے تو اس کا نام مجلس وحدت مسلمین پاکستان ہے،ہماری قیادت نے عوام کے درمیان رہ کر عوامی حقوق کے لئے جدو جہد کی،یہی وجہ ہے جی بی کے عوام اس جماعت کو اپنے لئے نجات دہندہ قرار دیتی ہے،نہایت افسوس کی بات ہے کہ بلتستان کے عوام کو پھر سے کچھ لوگ مذہب کے نام پر تقسیم کرنے کے درپے ہیں،ہم مذہب کے نام پر ووٹ لینے کے خلاف ہیں،ہم عوام سے کارکردگی کے بنیاد پر حمایت چاہتے ہیں،علامہ فخرالدین کا کہنا تھا کہ مجلس وحدت مسلمین وہ واحد جماعت ہے کہ جس کے الیکشن مہم میں اہلسنت 30 سے زائد جماعتوں پر مشتمل سب سے بڑی جماعت سنی اتحاد کونسل کے سربراہ صاحبزادہ حامد رضا بذات خود حصہ لے رہے ہیں،اور یہ اس بات کی غمازی ہے کہ مجلس وحدت مسلمین اتحاد بین المسلمین کے علمبرادار اور اداعی جماعت ہے،میں عوام سے اپیل کرتا ہوں کہ وہ آزمائے ہووُں کو آزامانے کی پھر سے غلطی نہ کریں،ورنہ یہ اقتدار کے بھوکے آپ کو پھرسے پتھروں کے دور میں دھلیک دیں گے۔
وحدت نیوز (لیہ) مجلس وحدت مسلمین ضلع لیہ کی شوریٰ کااجلاس مورخہ 31مئی 2015ء مدرسہ باب الرضا (ع) کروڑ لعل عیسن ضلع لیہ میں منعقد ہوا، جس میں خصوصی شرکت ایم ڈبلیو ایم پنجاب کے سیکرٹری جنرل جناب علامہ عبدالخالق اسدی نے کی، جبکہ ان کے ہمراہ صوبائی سیکرٹری تنظیم سازی برادر ظفر عباس چشتی اور صوبائی سیکرٹری روابط برادر علی رضا طوری موجود تھے۔اجلاس میں ضلع بھر سے یونٹس کے نمائندگان علماء کرام اور سینئر تنظیمی برادران نے شرکت کی۔اجلاس میں سید غلام سرور شاہ کو ضلعی سیکرٹری جنرل منتخب کیا گیا جن سے علامہ عبدالخالق اسدی نے حلف وفاداری لیا۔اس موقع پر علامہ عبد الخالق اسدی نے خطاب کرتے ہوئے کہا کہ مجلس وحدت مسلمین نے بہت کم عرصہ میں اپنی خدمات اور مسلسل جدوجہد سے ملت جعفریہ میں پذیرائی حاصل کی ہے۔ مجلس وحدت مسلمین پاکستان قوم کی نمائندہ جماعت بن کر اُبھری ہے۔ ضلعی شوریٰ کاآئندہ اجلاس 26جولائی کو طلب کیا جائے گا، جس میں آئندہ کا لائحہ عمل طے کیا جائے گا، اس فیصلہ کا باقاعدہ اعلان صوبائی سیکرٹری جنرل مجلس وحدت مسلمین علامہ عبدالخالق اسدی نے کیا، جسے تمام شرکائے اجلاس نے قبول کیا، علامہ عبدالخالق اسدی نے ضلع لیہ کے علاقہ چوک اعظم کو تنظیمی طور پر تحصیل کا درجہ دینے کا بھی اعلان کیا، اور بعدازاں علامہ منظر عباس سے تحصیل چوک اعظم کے سیکرٹری جنرل کی حیثیت سے حلف لیا۔
وحدت نیوز (گلگت) حضرت علی اکبر ابن امام حسین ؑکی ولادت با سعادت کے پر مسرت موقع پر وحدت یوتھ کے تحت یوم جوان کے عنوان سے گلگت میں پروقار تقریب سے خطاب کرتے ہوئے مرکزی چیئرمین وحدت یوتھ پاکستان فضل عباس نقوی نے کہا کہ جوان کسی بھی معاشرے کی ریڑھ کی ہڈی ہوتے ہیں ، انتخابات میں جوانوں کا کردار اہم ہے، خطے کو کرپشن ، دہشت گردی اور جہالت سے پاک کرنے میں جوانوں کے ذمہ داری اہم ہے، انہوں نے کہا کہ سیرت حضرت علی اکبر ؑ تقاضہ کرتی ہے کہ ظلم کے مقابل سینہ سپر ہو کر کھڑا ہوا جائے، تقریب میں جوانوں کی بڑی تعداد نے شرکت کی ، جبکہ مرکزی ڈپٹی سیکریٹری جنرل ایم ڈبلیوایم علامہ محمد امین شہیدی مہمان خصوصی تھے۔
وحدت نیوز (آرٹیکل) امید ،انسانی زندگی کا ستون،بے کسوں کا سہارا،مظلوموں کا عصا اور اہلِ ہمّت کی شاہراہ ہے۔کسی بھی انسان کی نااہلی کے لئے اتناہی کافی ہے کہ وہ نااہل لوگوں سے اپنی امیدیں وابستہ کرلے۔ہمارے ملک میں دہشت گردی کے دلخراش واقعات صرف حکومتی اداروں کی کارکردگی پر سوالیہ نشان نہیں بلکہ عوامی نااہلی پر بھی دلالت کرتے ہیں۔
اس ملک میں جہاں دہشت گردوں اور سرکاری اہلکاروں کے مفادات مشترک ہیں وہاں عوام کا کرپٹ بیوروکریسی،بے دین سیاستدانون ،رشوت خور پولیس و ملیشیا سے اپنے دفاع اور تحفط کی امید باندھنا حماقت نہیں تو اور کیاہے!
تفتان سے کوئٹہ اور کوئٹہ سے کراچی و اسلام آباد تک پولیس ،ملیشیا اور لیویز کے جو اہلکار جگہ جگہ مسافروں کو خوفزدہ کرکے رشوت بٹور رہے ہیں وہ مسافروں کو کیا تحفظ دیں گے!
جو اپنی صبح کا آغاز لقمہ حرام سے کرتے ہیں وہ دہشت گردوں کے خلاف کیا آپریشن کریں گے!
سانحہ بابوسر،سانحہ چلاس،سانحہ تفتان،سانحہ پشاور،سانحہ صفورا۔۔۔اور اب سانحہ مستونگ ۔گزشتہ روز بلوچستان کے ضلع مستونگ میں 2 کوچز کے 20 مسافروں کو اغوا کے بعد قتل کردیا گیا۔
قارئینِ کرام ! پاکستان میں سرکاری سرپرستی میں جاری حرام خوری اوردہشت گردی کے خلاف جتنا بھی احتجاج کیاجائے وہ کم ہے۔اب احتجاج زیادہ سے زیادہ ہونا چاہیے لیکن اس وقت احتجاج کا سب سے موثر موقع اہلیانِ گلگت و بلتستان کو حاصل ہے۔
اہلیانِ گلگت و بلتستان کو چاہیے کہ وہ درپیش انتخابات میں بے دین سیاست دانوں ،بے اصول لیڈروں،بے بصیرت شخصیات ،مفاد پرست پارٹیوں اور حرام خور بیوروکریسی کا اپنے قیمتی ووٹ کے ذریعے صفایا کریں۔
اس وقت الیکشن کمپین میں تفتان روٹ پر زائرین کی اہانت کے مسئلے کو اٹھایاجائے اورمسافروں سے سرکاری اہلکاروں کے رشوت وصول کرنے کے سلسلے کو رکوایا جائے،مسافروں کے تحفط اور دفاع کی خاطر بھرپور آواز اٹھائی جائے۔خصوصی طور پر موجودہ حکومت سمیت تمام تجربہ شدہ پارٹیوں اور ان کے حاشیہ براداروں و نمک خواروں کا ناطقہ بند کیاجائے۔
ہاں اہلیانِ گلگت و بلتستان! اس وقت آپ ایسا کر سکتے ہیں۔اس وقت قسمت نے آپ کو یہ موقع دیا ہے کہ آپ زائرینِ مشہدو کربلا کے تحفظ کے لئے اٹھیں،اس وقت حالات نے آپ کو یزیدانِ عصر کے مقابلے میں لاکر کھڑا کردیاہے کہ آپ چاہیں تو انہیں از سرِ نو اپنے اوپر مسلط کردیں اور چاہیں تو ان کے کھوکھلے رعب و دبدبے کو حرفِ غلط کی طرح مٹا دیں۔
ہاں ہاں ! اہلیانِ گلگت و بلتستان !
اپنے ووٹ،احتجاج ،کمپین اور اپنی سیاسی طاقت کو سمجھیے۔اس وقت آپ اس ملک و ملت کی تقدیر بدل سکتے ہیں۔ آپ کا درست فیصلہ کرپٹ حکومت اور مفاد پرست پارٹیوں کی بساط اُلٹ سکتاہے،اس وقت آپ کے ووٹ کا صحیح استعمال اور آپ کا بھرپور احتجاج زائرینِ مشہد و کربلا کی عزّت و ناموس اور جان و مال کے دفاع کا باعث بن سکتاہے اور آپ کی خاموشی،سادہ لوحی اورووٹ کا غلط استعمال یزیدانِ عصر حاضر کو فائدہ دے سکتاہے۔
بلاشبہ اس وقت تمام پاکستانیوں کی امیدیں اہلیانِ گلگت و بلتستان پر لگی ہوئی ہیں اور یہ تو ہم جانتے ہی ہیں، امید ،انسانی زندگی کا ستون،بے کسوں کا سہارا،مظلوموں کا عصا اور اہلِ ہمّت کی شاہراہ ہے۔آج ملت پاکستان اس راز کو جان چکی ہے کہ کسی بھی انسان کی نااہلی کے لئے اتناہی کافی ہے کہ وہ نااہل لوگوں سے اپنی امیدیں وابستہ کرلے۔چنانچہ اس وقت ملت ِ پاکستان کی امیدیں رشوت خور سرکاری اہلکاروں اور مفادپرست سیاستدانوں اور پارٹیوں کے بجائے گلگت و بلتستان کی دیندار اور باشعورعوام سے وابستہ ہیں۔
ہم سب گلگت و بلتستان کی دیندار اور باشعور عوام سے یہ امید رکھتے ہیں کہ وہ اپنی سیاسی طاقت کو ظلم،بے بصیرتی اور فرعونیت کے خلاف استعمال کریں گے۔
تحریر۔۔۔۔۔۔نذرحافی
وحدت نیوز (کوئٹہ) شیعہ سیفٹی آرگنائزیشن کے سیکرٹری جنرل سیرت عباس کا امام جمعہ کوئٹہ و مجلس وحدت مسلمین پاکستان کے مرکزی رہنماء علامہ سید ہاشم موسوی، ایم ڈبلیو ایم سے تعلق رکھنے والے رکن بلوچستان اسمبلی آغا محمد رضا اور ایم ڈبلیو ایم کوئٹہ ڈویژن کے سیکرٹری جنرل سید عباس علی موسوی سے ٹیلیفونک رابطہ ہوا ہے، جس میں کوئٹہ سمیت بلوچستان میں شیعہ ٹارگٹ کلنگ و نسل کشی، سانحہ مستونگ اور بڑھتی ہوئی دہشتگردی پر تبادلہ خیال کیا گیا۔ تفصیلات کے مطابق شیعہ سیفٹی آرگنائزیشن کے سیکرٹری جنرل سیرت عباس نے علامہ سید ہاشم موسوی، رکن بلوچستان اسمبلی آغا محمد رضا اور سید عباس علی موسوی سے ٹیلیفونک رابطہ قائم کیا، جس میں انہوں نے شیعہ رہنماؤں کو کوئٹہ سمیت بلوچستان میں ٹارگٹ کلنگ کے نتیجے میں ہونے والی شہادتوں پر تعزیت پیش کی، اور کوئٹہ میں بڑھتی ہوئی شیعہ ٹارگٹ کلنگ و نسل کشی پر گہری تشویش کا اظہار کیا۔
سیرت عباس نے ایم ڈبلیو ایم کے رہنماؤں سے ٹیلیفون پر گفتگو کرتے ہوئے کہا کہ شیعہ سیفٹی کے تحت ماضی میں کوئٹہ میں جو سیکیورٹی اقدامات کئے گئے، شہر کی تشویش ناک صورتحال کے پیش نظر سیکیورٹی اقدامات کی رفتار کو مزید تیز کرنا ہوگا۔ انہوں نے ایم ڈبلیو ایم کے رہنماؤں کو شیعہ سیفٹی کی جانب سے سیکیورٹی اقدامات کے حوالے سے اپنے ہر ممکن تعاون کی یقین دہانی کرائی ہے۔ اس موقع پر انہوں نے ایم ڈبلیو ایم کے رہنماؤں کو شیعہ سیفٹی کی جانب سے ملک بھر میں دی جانے والی سیکیورٹی خدمات کے حوالے سے آگاہی دی اور تنظیم کے اغراض و مقاصد بھی بیان کئے، جس پر شیعہ رہنماؤں نے شیعہ سیفٹی آرگنائزیشن کی خدمات کو سرہاتے ہوئے نیک خواہشات کا اظہار کیا، اور اس نیک عمل کو جاری و ساری رکھنے کی خواہش کرتے ہوئے اپنے بھرپور تعاون کی یقین دہانی بھی کرائی۔