وحدت نیوز (لاہور) مجلس وحدت مسلمین پنجاب کے صوبائی اراکین پر مشتمل وفد کی ایم کیوایم پنجاب سیکرٹریٹ میں متحدہ کے ذمہ داران سے ایم کیوایم پنجاب کے رہنما باوُانورکے بہیمانہ قتل پراظہار تعزیت اور واقعہ کی شدید مذمت کی ،وفد کی قیادت مجلس وحدت مسلمین پنجاب کے ڈپٹی سیکرٹری جنرل علامہ محمد اقبال کامرانی اور سید اسد عباس نقوی نے کی جبکہ وفد میں،محمد باقر ایدوکیٹ،علی رضا ،زاہد حسین مہدوی،سید نقاش علی،غلام عباس ترابی شریک تھے ایم کیوایم کے ذمہ داران سے گفتگو کرتے ہوئے سید اسد عباس نقوی کا کہنا تھا کہ ن لیگ نے پنجاب میں دہشت گردوں کو کھلی چھٹی دے کر سیاسی مخالفین کو قلع قمع کرنے کا ٹاسک دیا گیا ہے باوُ انورکا قتل بھی انہی کے دہشت گردوں کا شاخسانہ ہے حکمرانوں نے تشدد کی سیاست اپنا کر جمہوریت کو بدنام کر دیا ہے پنجاب میں مقامی تکفیری دہشت گردوں نے عالمی دہشت گرد داعش سے رشتہ جوڑ لئے ہیں اور یہ دہشت گرد ٹولہ ملک میں خانہ جنگی کے لئے منظم ہو رہا ہے اور ان کی موجودہ حکمرانوں کی آشیرباد حاصل ہے ۔