وحدت نیوز (ملتان) مجلس وحدت مسلمین جنوبی پنجاب کے سیکرٹری سیاسیات مہر سخاوت علی نے صوبائی پولیٹیکل کونسل کا اعلان کردیا، جس کے مطابق موصوف کے علاوہ جامعتہ شہید مطہری ملتان کے پرنسپل علامہ قاضی نادر علوی، سابق سیکرٹری تعلیم ایم ڈبلیو ایم پاکستان سید یافث نوید ہاشمی، سید ظہیر عباس نقوی، صفدر خان، سید نعیم عباس کاظمی، سید فرحت عباس شاہ، رحمت علی کھوسہ شامل  ہیں۔ مہر سخاوت علی نے وحدت نیوز سے ٹیلی فونک گفتگو کرتے ہوئے کہا کہ کونسل کا پہلا اجلاس 29 اکتوبر بروز اتوار ملتان میں منعقد ہوگا۔