وحدت نیوز (علی پور) مجلس وحدت مسلمین ضلع علی پور کی شوریٰ کا اجلاس مرکزی امام بارگاہ مہاجرین میں منعقد ہوا، اجلاس میں ضلع بھر کے تمام یونٹس سیکرٹری جنرل اور نمائندگان نے شرکت کی، اجلاس کی صدارت ضلعی سیکرٹری جنرل خواجہ قمر عباس نے کی جبکہ اجلاس میں خصوصی طور پر ایم ڈبلیو ایم جنوبی پنجاب کے ڈپٹی سیکرٹری جنرل سلیم عباس صدیقی، صوبائی رہنما سید ندیم عباس کاظمی، سید زعیم نواز زیدی، سید رضوان کاظمی اور دیگر نے شرکت کی۔ اجلاس کے آخر میں سیکرٹری جنرل خواجہ قمر عباس نے اپنی ضلعی کابینہ کا اعلان بھی کیا۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
