وحدت نیوز(ملتان) مجلس وحدت مسلمین ضلع ملتان کے وفد نے ضلعی سیکرٹری جنرل مرزا وجاہت علی کی قیادت میں ملتان ڈویلپمنٹ اتھارٹی کے نئے چیئرمین رانا عبدالجبار سے ملاقات کی، ملاقات کے موقع پر ضلعی سیکرٹری سیاسیات حسنین کربلائی، سید قیصر عباس رضوی، حسن عباس سیال اور راشد رضوی بھی موجود تھے۔ ضلعی سیکرٹری جنرل نے ملاقات کے دوران ملتان شہر کے مسائل، واسا، ویسٹ منیجمنٹ کے مسائل کے حوالے سے درپیش مشکلات پر تبادلہ خیال کیا۔
مرزاوجاہت علی کا کہنا تھا کہ پی ٹی آئی حکومت سے عوام کو توقعات وابستہ ہیں، فلاحی اور رفاہی کاموں کے ذریعے سے شہر ملتان کی عوام کے دل جیت جاسکتے ہیں، اہلیان ملتان نے پی ٹی آئی کو بھاری مینڈیٹ دیا ہے اب حکومت کی ذمہ داری ہے کہ خطے کے مسائل کو ترجیحی بینادوں پر حل کرے، اس موقع پر چیئرمین ایم ڈی اے رانا عبدالجبار نے ایم ڈبلیو ایم کے وفد کا شکریہ ادا کرتے ہوئے کہا کہ ملتان اور جنوبی پنجاب کے مسائل ہماری ترجیحات میں شامل ہیں ماضی میں اس خطے کے ساتھ جو سلوک کیا گیا اُس کا ازالہ کریں گے۔
