وحدت نیوز(جنوبی پنجاب)مجلس وحدت مسلمین پاکستان کے شعبہ امور سیاسیات کے رکن ایگزیکیٹوکونسل سید عارف رضا زیدی نے دو روزہ تنظیمی دورہ جنوبی پنجاب کے موقع پر ضلع ملتان ، علی پور، ڈیرہ غازی خان کا دورہ کیا اور تنظیمی کارکردگی سمیت سیاسی شعبے کی فعالیت کا جائزہ لیا۔
اس موقع پر صوبائی سیکریٹری جنرل علامہ سید اقتدار حسین نقوی اور صوبائی پولیٹیکل سیکریٹری انجینئر مہرسخاوت علی بھی ان کے ہمراہ تھے۔ ضلعی عہدیداران سے گفتگو کرتے ہوئے عارف رضا نے کہاکہ مجلس وحدت مسلمین مظلوم ومحروم پاکستانیوں کی توانا آوازہے ۔ایم ڈبلیوایم وطن عزیز میں قانون کی بالا دستی اور عوامی مسائل کے حل اور حقوق کی جدوجہد میں مصروف عمل ہے ۔
انہوں نے مزید کہاکہ ایم ڈبلیوایم نےآمدہ بلدیاتی انتخابات میں ملک بھرخصوصاً جنوبی پنجاب سے بھرپور حصہ لینے کا فیصلہ کیا ہے ، تمام اضلاع آنے والے بلدیاتی انتخابات کی میں حصہ لینے کی تیاریوں کا ابھی سےآغاز کردیں۔
