وحدت نیوز(ڈی جی خان) مجلس وحدت مسلمین پاکستان کے صوبائی صدر علامہ سید اقتدار حسین نقوی کی زیرِ صدارت ضلعی شوری کا اہم اجلاس ڈیرہ غازی خان میں منعقد ہوا ۔ ایم ڈبلیو ایم کے مرکزی سیکرٹری تنظیم علامہ مقصود علی ڈومکی مرکزی ڈپٹی جنرل سیکریٹری سلیم عباس صدیقی نے خصوصی طور پر اجلاس میں شرکت کی۔اس موقع پر برادر سید اظہر عباس کاظمی ڈیرہ غازی خان کے ضلعی صدر منتخب ہوئے نو منتخب ضلعی صدر سے علامہ سید اقتدار نقوی نے حلف لیا۔
اجلاس سے خطاب کرتے ہوئے علامہ مقصود علی ڈومکی نے کہا کہ ہر دور میں اہل حق نے باطل طاغوتی قوتوں کے مقابل قیام کیا اور حق کی راہ میں قربانیاں دیں۔ قرآن کریم فرقان ہے جو حق و باطل میں تمیز سکھاتا ہے حق اور باطل کے معرکے میں ہم بے طرف نہیں ہیں بلکہ ہم حق اور اہل حق کے ساتھ ہیں۔
انہوں نے کہا کہ عصر حاضر میں حضرت امام خمینی رحمۃ اللہ علیہ نے تعلیمات قرآن و عترت کی روشنی میں حق کا پرچم بلند کیا پوری دنیا کے اہل حق ان کے گرد جمع ہوگئے۔علامہ سید اقتدار حسین نقوی نے اجلاس سے خطاب کرتے ہوئے کہا کہ ایم ڈبلیو ایم الٰہی جماعت ہے جو وطن عزیز پاکستان میں ملت جعفریہ کے حقوق کے حصول کے لئے مصروف جدوجہد ہے۔
