وحدت نیوز(ملتان)مجلس وحدت مسلمین جنوبی پنجاب کی جانب سے سوتری وٹ میں علم پاک پر شہید آیت اللہ ابراہیم رئیسی اور ان کے رفقا کار کو خراج تحسین پیش کرنے کے لئے شمیں روشن کی گئی۔اس موقع پر ذاکر اہل بیت صابر حسین بلوچ نے ذکر مصائب بیان کیے۔ اس موقع پر مجلس وحدت مسلمین پاکستان کے مرکزی ڈپٹی جنرل سیکرٹری سلیم عباس صدیقی، صوبائی صدر علامہ اقتدار حسین نقوی، مولانا علامہ مظہر حسین صادقی، سیکرٹری سیاسیات وسیم زیدی، سیکرٹری میڈیا عاطف سہرانی، فہیم جعفر، صوبائی صدر عزاداری ونگ سخاوت سیال، ضلعی صدر فخر نسیم، فخر بلوچ، ظہور اور منیر نے شرکت کی۔ صوبائی صدر علامہ اقتدار حسین نقوی نے شہدا کے لئے خصوصی دعا کروائی۔