وحدت نیوز(چنیوٹ) مجلس وحدت مسلمین پاکستان کے سربراہ راجہ ناصرعباس جعفری نے عید سعید غدیر کے پر مسرت موقع پر چنیوٹ میں منعقدہ جشن غدیر کے عوامی اجتماع سے خطاب کرتے ہوئے  کہا کہ غدیرعلوی اور اموی حکومت کے درمیان خط تقسیم کا نام ہے، اتمام نعمت اور تکمیل دین کے روز کو خدا نے عید غدیر قرار دیا، ولایت پناہ گاہ بشریت بالمقابل حوادث زمانہ ہے، ولایت علی کا اصل مصدریعنی  حکومت ، اختیار، اقتدار کا مقتدر علی ابن ابی طالب(ع) اور اولاد علی (ع)ہے، علی (ع)کی کرامات ، فضائل و اوصاف تمام مذاہب،ادیان، مسالک میں یکساں ہیں ، مولا امیر کی تشریعی ولایت مومن و منافق میں فرق واضح کرتی ہے، عاشورا کا پیش خیمہ غدیر ہے،ان کا کہنا تھا کہ  غدیر میں اعلان کردہ حکومت علوی کی بحالی کی جدوجہد تا ظہور حجت عج جاری رہے گی،حکومت یتیمان علی ابن ابی طالب (ع)کی غصب شدہ میراث ہے، ہماری تمام تر جدوجہد اور فعالیت بھی اسی غصب شدہ میراث کی بازیابی کیلئےہے۔ ملت اسلامیہ کی جملہ مشکلات و مصائب کی وجہ پیغام ولایت سے روگردانی ہے،آج ضرورت اس امر کی ہےکہ امت مسلمہ خدا کی وحدانیت، محمد (ص) کی نبوت اور علی (ع )کی ولایت کے شعار پر اکٹھا ہواور اسلام دشمن قوتوں کے سامنے سینہ سپر ہوجائے۔

وحدت نیوز ( گلگت) 13 اکتوبر گلگت کی تاریخ کا سیاہ دن ہے ریاستی سرپرستی میں گلگت کے شہریوں پر بے جرم و خطا گولیوں کی بوچھاڑ کردی گئی ۔اس ریاستی ظلم و بربریت کے نتیجے میں دو سید زادیاں اور 7 بیگناہ افراد شہید ہوئے۔ 13 اکتوبر 2005 کو گلگت شہر کو خاک و خون میں غلطاں کیا گیا اور علاقے کے معروف سماجی و سیاسی شخصیت سابقہ چیئرمین بلدیہ گلگت سلیم رضا کو شہید کیا گیا۔ اس ہولناک واقعے میں ملوث ریاستی اہلکاروں کے خلاف تا حال ایف آئی آر درج نہ ہوسکی۔

ان خیالات کا اظہار مجلس وحدت مسلمین گلگت بلتستان کے سیکرٹری سیاسیات غلام عباس نے اپنے ایک بیان میں کیا ہے۔ انہوں نے مجلس وحدت مسلمین پاکستان کے سیکرٹری جنرل علامہ راجہ ناصر عباس کا تہہ دل سے شکریہ ادا کیا جنہوں نے فیصل آباد جلسے میں گلگت شہر میں ریاستی سرپرستی میں کی جانیوالی دہشت گردی کا نوٹس لیا ۔ صوبائی سیکرٹری جنرل ایم ڈبلیو ایم نے کہا کہ واقعے کے بعد جوڈیشل کمیشن قائم کیا گیا جس کی رپورٹ تا حال سامنے نہیں آئی ہے۔ انہوں نے مطالبہ کیا جوڈیشل انکوائری کمیشن کی رپورٹ کو منظر عام پر لایا جائے اور واقعے میں ملوث مجرموں کے خلاف ایف آئی آر درج کرکے قانون کے مطابق قصاص لیا جائے۔ انہوں نے مزید کہا کہ انسانی حقوق کی تنظیمیں اس ریاستی ظلم و جبر پر خاموش تماشائی کا کردار ادا کررہے ہیں لیکن پاکستان کے عوام ظالموں کے خلاف اٹھ کھڑے ہوئے ہیں اور ہم انشاء اللہ ظلم وجبر کے خلاف دیوار بن کر کھڑے ہونگے۔

وحدت نیوز(لاہور) لاہور کے علاقے مسلم ٹاؤن میں ایم ڈبلیوایم پنجاب کا اجلاس زیر صدارت صوبائی ڈپٹی سیکرٹری جنرل سید اسد عباس نقوی منعقد ہوا۔ اجلاس میں سانحہ کوئٹہ کی شدید مذمت اور آپریشن ضرب عضب کا دائرہ ملک بھر میں موجود دہشت گردوں کی پناہ گاہوں تک پھیلانے کا مطالبہ کیا گیا۔ اجلاس میں دہشت گردوں کو ملک بھر میں لاجسٹک سپورٹ فراہم کرنے والی کالعدم جماعت کے خلاف کارروائی کا مطالبہ بھی کیا گیا۔ اجلاس سے خطاب کرتے سید اسد عباس نقوی نے کہا کہ محرم الحرام میں پنجاب میں ممکنہ دہشت گردی کا خدشہ خارج از امکان نہیں، پنجاب میں دہشت گردوں کیخلاف آپریشن میں سب سے بڑی رکاوٹ پنجاب حکومت ہے، پنجاب حکومت میں شامل وزراء دہشت گردوں کی صوبے میں مکمل سرپرستی کرتے ہیں۔ انہوں نے کہا کہ ملک بھر میں موجودہ حکمرانوں کی جانب سے ہمارے خلاف انتقامی کارروائیاں کی جا رہی ہیں، ہمیں پرامن سیاسی جدوجہد سے دور رکھنے کے لئے اوچھے ہتھکنڈے استعمال کئے جا رہے ہیں، ہم اپنے قانونی و آئینی حق سے ایک انچ بھی پیچھے ہٹنے کو تیار نہیں۔

وحدت نیوز (پشاور) مجلس وحدت مسلمین خیبر پختونخوا کے سیکرٹری جنرل علامہ سبطین حسینی کی پاکستان مسلم لیگ (ق) کے صوبائی نائب صدر سید حامد شاہ سے ملاقات، ملکی صورتحال پر تبادلہ خیال، جعفری ہاوس میں ہونے والی ملاقات میں مختلف ماتمی تنظیموں کے سالاروں سے بھی ملاقات کی۔ اس موقع پر تنظیم کی وسعت، ہمہ گیری اور ہر فرد مومن و مسلمان کی شمولیت پر زور دیا گیا۔ دونوں قائدین نے اتفاق و اتحاد اور ملت کی فلاح کے لئے کام کرنے پر اتفاق کا اظہار کیا۔

وحدت نیوز(مظفرآباد) احتجاجی مظاہرے دھرنے جمہوریت میں عوام کا حق ہیں، ہر آدمی اپنے مطالبے کے لیئے آواز اٹھانے کا حق رکھتا ہے، پارلیمنٹ ہاؤس کے سامنے پاکستان کی بانی شخصیات کی اولادیں اکٹھی ہیں جبکہ وہ لوگ جو قیام پاکستان کے مخالف اور قائداعظم محمد علی جناح کو کافر اعظم کہتے تھے، آج ان دھرنوں کی مخالفت کر رہے ہیں، آج ان دھرنوں کی مخالفت کر رہے ہیں،انہیں تکلیف مظاہروں سے نہیں بلکہ لبیک یا حسین ؑ کے جان افزاء اور روح پرور نعروں سے ہے جو شیعہ سنی مسلمان یک زبان ہو کر لگا رہے ہیں، ان خیالات کا رکن شوریٰ عالی MWMسیکرٹری جنرل MWMآزادکشمیر علامہ سید تصور حسین نقوی الجوادی نے ضلع مظفرآباد کی کابینہ کے اجلاس میں خصوصی شرکت وخطاب کرتے ہوئے کیا۔

انہوں نے کہا کہ شام غریباں اہلبیت ؑ کے پسماندگان کی شام ہے جب ہر طرف ہو کا عالم تھا ، سارے مرد شہید ہو چکے تھے، ماؤں کی گودیاں خالی ہو چکی تھیں۔ بہنوں کے دل کا قرار بھائی جدا ہوگئے تھے، خیمے جل چکے تھے، اسباب لٹ چکے تھے، ایسے میں چند یتیموں اور بیواؤں کو ساتھ لیکر سیدہ زینب سلام اللہ علیھا بیٹھی تھیں ، اس غمزدہ لیکن مقدس ترین شب کی اس طرح تشبیہ دے فضل الرحمن نے توہین و اہانت اہلبیت ؑ کا مظاہرہ کرتے ہوئے اپنے یزیدی ہونے کا ثبوت دیاہے، انہوں نے کہا کہ پاکستان شیعہ سنی مسلمانوں کی مشترکہ جدوجہد کا نتیجہ ہے جب کہ فضل الرحمن کے والد مفتی محمود کا بیان ریکارڈ پر ہے کہ جس میں انہوں نے قیام پاکستان کو گناہ قرار دیا تھا، لہذا فضل الرحمن مذہبی منافرت پھیلانے کے بجائے اپنے اجداد کے گناہوں کی معافی مانگیں، کہ انہوں نے پاکستان کو ’’ناپاکستان قرار دیا تھا، اور ملا فضل الرحمن پاکستان میں اقتدار کے نشے میں دھت رہتا ہے۔

علامہ تصور نقوی جوادی نے کہا کہ بہت عرصہ بعد قوم کو علامہ راجہ ناصر عباس جیسی باجرأت اور حوصلہ مند قیادت نصیب ہوئی ہے ، جنہوں نے مجلس وحدت مسلمین کے قیام سے ملت کی عزت و سربلندی کے لیئے اقدام اٹھائے ہیں ، جس پر ہم انہیں خراج تحسین پیش کرتے ہیں۔ انہوں نے کہا کہ ہم انقلاب مارچ کے مطالبات کے تسلیم ہونے اور مقاصد میں کامیابی کے لیئے دعا گو ہیں ، انہوں نے واضح کیا کہ اب نواز شریف کے لیئے کوئی باعزت راستہ باقی نہیں رہ گیا ، ان کی ضد اور ہٹ دھرمی کیوجہ سے ملک میں شدید انارکی پھیلی ہے ، جمہوری طریقہ تو یہ تھا کہ وہ پہلے دن ایف آئی آر کا حکم دیتے اور خود مستعفی ہو جاتے ، تحقیقات سے بے گناہ ثابت ہوتے تو ہیرو قرار پاتے لیکن اب وہ اس سطح تک آگئے ہیں تم انہیں سیاست سے مکمل علیحدگی اختیار کر لینی چاہیے۔ افواج پاکستان ملکی سلامتی کا ضامن ادارہ ہے نواز شریف نے پہلے انہیں مذاکرات کی درخواست کی اور پھر اپوزیشن جماعتوں کے دباو میں آکر یوٹرن لیا جس کی وجہ سے فوج کی ساکھ خراب کرنے کی کوشش کی گئی لیکن آئی ایس پی آر نے تمام دعوؤں کی کلی کھول دی ہے۔

وحدت نیوز(کوئٹہ) مجلس وحدت مسلمین بلوچستان کااہم اجلاس صوبائی سیکریٹری جنرل علامہ مقصود علی ڈومکی کے زیر صدارت کوئٹہ میں منعقدہوا۔ اجلاس میں بلوچستان کے مختلف اضلاع اور ڈویژن کے نمائندے شریک ہوئے ۔ اجلاس میں ملکی سیاسی صورتحال، حکومت مخالف الائنس اور تنظیمی امورپر غور وخوض کیا گیا۔

اس موقع پر اجلاس سے خطاب کرتے ہوئےعلامہ مقصود علی ڈومکی نے کہا کہ نواز حکومت غیر جمہوری ہتھکنڈے استعمال کرتے ہوئے پرامن احتجاج روکنا چاہتی ہے۔ماڈل ٹاؤن سانحہ نواز حکومت کے دامن پر ایسا داغ ہے جسے مٹانا ممکن نہیں۔مجلس وحدت مسلمین ، علامہ راجہ ناصر عباس جعفری کی قیادت میں ملکی سیاست اور اپوزیشن الائنس اور احتجاجی تحریک میں اہم کردار ادا کرے گی ،انہوں نے کارکنوں کو ہدایت کی کہ بلوچستان کے مختلف اضلاع میں انقلاب مارچ کی تیاری کی جائے۔

انہوں نے کہا کہ 5سے 12 اگست ہفتہ ء شہداء کے موقعہ پر ہم پاک فوج کے شہداء کو سلام عقیدت پیش کرتے ہیں۔ جنہوں نے آپریشن ضرب عضب کے دوران جرئت اور بہادری سے دہشتگردوں کا مقابلہ کیا۔ہم دہشتگردوں کے ہاتھوں شہید کیے گئے 65000 ہزار معصوم شہریوں کو بھی خراج عقیدت پیش کرتے ہیں ۔اس وقت ملک دو راہے پر کھڑا ہے۔ اور انقلابی اصلاحات کے ذریعے جعلی جمہوریت کے خاتمے کا وقت آچکا ہے ۔

اجلاس میں فیصلہ کیا گیا کہ سنی شیعہ وحدت کے ذریعے اسلام دشمنوں کی سازشوں کو ناکام بنا دیں گے،اور ماہ ربیع الاول میں مجلس وحدت مسلمین دوسری عظیم الشان صوبائی لبیک یا رسول اللہ ﷺ کانفرنس کی میزبانی کرے گی جس میں مجلس کے قائدین ،شیعہ ،سنی علمائے کرام اور تمام مکاتب فکر کے رہنماء شریک ہوکر اتحاد وحدت اور امن و محبت کا پیغام دیں گے۔ اجلاس میں بلوچستان میں تعمیر مساجد کی اہمیت پر تاکید کرتے ہوئے پانچ مقامات پر تعمیر مساجد کی منطوری دی گئی۔ اجلاس نے تعلیم و تربیت سے متعلق بہترین ورکشاپ بصیرت افزائی کورس کے انعقاد پرشعبہ تربیت کے تمام ذمہ داران کا شکریہ ادا کرتے ہوئے انہیں خراج تحسین پیش کیا ۔

اس موقع پر اجلاس سے MWMکے صوبائی ڈپٹی سیکریٹری جنرل مخدوم سید ظفرعباس شمسی،صوبائی سیکریٹری تنظیم سازی مولانا برکت علی مطہری،صوبائی سیکریٹری مالیات مولانا محمد علی جمالی ، کونسلر عبد الکریم جمالی ، سید نیاز حسین شاہ ، سید گلزار علی شاہ ، سید قربان شاہ و دیگر نے خطاب کیا ۔