وحدت نیوز (کراچی) مجلس وحدت مسلمین کراچی ڈویژن کی جانب سے خیرالعمل روڈ انچولی سوسائٹی میں شب یاد شہداء کا انعقاد کیا گیا۔ شب یاد شہداء سے ایم ڈبلیو ایم کے مرکزی سیکریٹری جنرل علامہ راجہ ناصر عباس جعفری، مرکزی ڈپٹی سیکریٹری جنرل علامہ حسن ظفر نقوی و علامہ احمد اقبال رضوی، مجلس علماء پاکستان کے مرکزی صدر علامہ مرزا یوسف حسین، علامہ فرقان حیدر عابدی، مجلس ذاکرین امامیہ پاکستان کے سربراہ علامہ نثار قلندری، ایم ڈبلیو ایم کراچی کے رابطہ سیکریٹری علامہ اظہر حسین نقوی نے خطاب کیا۔ شب یاد شہداء کی نظامت کے فرائض علامہ نقی نقوی اور علامہ مبشر حسن نے انجام دیئے۔ شب یاد شہداء میں معروف منقبت خواں شجاع رضوی اور شادمان رضا نے ترانہ شہادت پیش کیا۔ پروگرام کے آغاز میں تلاوت کے فرائض مولانا احسان دانش جبکہ آخر میں دعائے سلامتی امام زمانہ عج ایم ڈبلیو ایم سندھ کے سیکریٹری جنرل مولانا مقصود ڈومکی نے پڑھی۔ جعفریہ الائنس کے سینئر نائب صدر علامہ حسین مسعودی، ایم ڈبلیو ایم کے صوبائی رہنما علامہ دوست علی سعیدی، ڈویژنل رہنما علامہ نشان حیدر، علامہ صادق جعفری سمیت لوگوں کی کثیر تعداد شہداء کی یاد منانے کیلئے پروگرام میں شریک تھی۔

شب یاد شہداء کے شرکاء سے خطاب کرتے ہوئے علامہ راجہ ناصر عباس جعفری نے  کہا کہ مشرق وسطیٰ سمیت دنیا بھر میں امریکی صہیونی بلاک کی شکست یقینی ہے، مسلسل کمزور ہوتا ہوا امریکی اسرائیلی بلاک نابودی کے قریب ہے، شام و عراق میں امریکا نواز تکفیری دہشت گردوں کی شکست اسرائیل کی نابودی کا پیش خیمہ ہوگا، پاکستان کو امریکا نواز تکفیری دہشت گردوں کی آماجگاہ نہیں بننے دیں گے، ملت جعفریہ کو امریکا نواز تکفیری دہشت گردوں کا راستہ روکنے کی سزا دی جا رہی ہے، ملت جعفریہ تکفیری دہشت گردوں کا راستہ نہ روکتی تو پاکستان حلب و موصل بن چکا ہوتا، پاکستان میں امریکا نواز تکفیری دہشت گردوں کو کسی صورت کامیاب نہیں ہونے دیں گے، ملک کو قائد و اقبال کا پاکستان بنا کر رہیں گے، تکفیری دہشت گردوں کو نہ پہاڑوں میں چھپنے دیں گے نہ شہروں میں، تمام محب وطن حلقوں سے مل کر حکمرانوں کو دہشت گردوں کے خلاف کارروائی پر مجبور کریں گے، امت مسلمہ کے دشمن مراکز وائٹ ہاؤس و تل ابیب سقوط کے قریب ہیں، پاکستان کو امریکی بلاک و چنگل سے نکال کر رہیں گے، پاکستان کو امریکی بلاک سے نکالنا تمام محب وطن حلقوں کی ذمہ داری ہے، نواز حکومت بے گناہ شیعہ سنی لاپتہ شہریوں کو فی الفور بازیاب کرائے، بے گناہ لاپتہ شیعہ سنی شہریوں کو بازیاب نہ کرایا گیا تو ایوانوں کا گھیراؤ کرسکتے ہیں۔

علامہ حسن ظفر نقوی کا کہنا تھا کہ حسینیت کی حمایت سے روکنے والی سیاسی جماعتوں کو نہیں مانتے، شیعہ قیدیوں کے ساتھ متعصبانہ سلوک ختم کیا جائے، محب وطن ملت جعفریہ ہر صورت پاکستان و اسلام کا دفاع جاری رکھے گی، نام نہاد مذہبی جماعتوں کو یمن، بحرین، عراق، پاکستان میں دہشت گردی کیوں نظر نہیں آتی، شام سے بھاگنے والے بھگوڑے تکفیری دہشتگردوں کو پاکستان لانے کی سازش کی جا رہی ہے، نام نہاد مذہبی جماعتیں حلب کے بعد موصل میں تکفیری دہشتگردوں کی شکست کا نوحہ پڑھنے کیلئے تیار رہیں، شیعہ سنی اتحاد کے ذریعے فرقہ واریت کی سازش کو ناکام بناتے رہیں گے، شیعہ سنی مسلمان حلب کی طرح ہر جگہ امریکہ نواز تکفیری دہشت گردوں کو شکست دیتے رہیں گے۔

 علامہ احمد اقبال رضوی نے کہا کہ ملت جعفریہ کیخلاف لگائی گئی دہشت گردی کی آگ پورے ملک میں پھیل چکی ہے، شیعہ قتل عام پر خاموش رہنے والے ارباب اختیار ہی ملک میں دہشت گردی کے بحران کے ذمہ دار ہیں، امریکی ایما پر تکفیری دہشت گرد عناصر ملت جعفریہ کو نشانہ بنا رہے ہیں، دہشت گرد عناصر کا ملت جعفریہ کو نشانہ بنانا حکومتی و ریاستی ارادوں کی مجرمانہ غفلت کا کھلا ثبوت ہے، کالعدم دہشت گرد جماعتوں کی فعالیت نیشنل ایکشن پلان کی کامیابی کا دعویٰ کرنے والوں کے منہ پر طمانچہ ہے، ملت جعفریہ پاکستان دشمن تکفیری دہشت گرد عناصر کے امریکی عزائم کو ناکام بناتی رہے گی۔

علامہ مرزا یوسف حسین نے کہا کہ دہشت گردی کے باوجود ملت جعفریہ ملکی سلامتی و ترقی میں کردار ادا کرتی رہیگی، 39 ملکی عسکری اتحاد دہشت گردی کیخلاف نہیں، امریکی مفاد کے تحفظ کیلئے ہے، حکمرانوں کو دہشت گردوں کی سہولت کاری و سرپرستی کا جواب دینا ہوگا، حکومتی و ریاستی اداروں کی صفوں میں موجود کالی بھیڑیں ملت جعفریہ کیخلاف سازشوں میں مصروف ہیں۔

 علامہ فرقان حیدر عابدی نے کہا کہ ہزاروں شہداء وطن پر قربان کرنے کے باوجود ملت تشیع نے ہمیشہ صبر کا دامن تھامے رکھا، وطن کی محافظ ملت تشیع کو دیوار سے لگانا ملک دشمنی ہے، علامہ نثار قلندری نے کہا کہ ملت جعفریہ ہزاروں شہادتوں کے ساتھ ملک کی بقاء و سلامتی کا فریضہ انجام دے رہی ہے، نیشنل ایکشن پلان کے باوجود ملت تشیع کے قتل عام سلسلہ جاری رہنا سوالیہ نشان ہے، اسلام و پاکستان کے تحفظ کیلئے شہادتیں دینا ملت جعفریہ کیلئے باعث افتخار ہے۔ علامہ اظہر نقوی کا کہنا تھا کہ عالمی استکبار نے اپنے داعشی ایجنٹوں کے ذریعے مشرق وسطیٰ پر قبضہ کا جو خواب دیکھا تھا وہ چکنا چور ہوچکا ہے، انشاء اللہ ولی امر مسلمین امام خامنہ ای کی رہبری میں عالم اسلام متحد ہے اور ہر محاذ پر استکباری قوتوں کو شکست ہوگی۔

وحدت نیوز(کوہاٹ) وحدت یوتھ پاکستان شعبہ تربیت کے تعاون سے ضلع کوھاٹ میں جوانوں کے لئے معارف اسلامی دروس کا سلسلہ شروع کرے گی. اس سلسلے کا پہلا پروگرام 9 فروری بروز جمعرات 2017 کو منعقد ہو گا. ساتھ ساتھ جوانوں میں صحت مند سرگرمیوں کے فروغ کے لئے رواں مہینے میں کرکٹ ٹورنامنٹ کے انعقاد کا بھی فیصلہ کیا گیا. یہ پروگرام مرکزی وحدت یوتھ سیکریٹری ڈاکٹر یونس حیدری کے دو روزہ دورہ کوھاٹ کے دوران ضلعی سیکریٹری جنرل مولانا سید مرتضی عابدی سے ملاقات میں طے پایا گیا. اس موقع پر صوبائی سیکریٹری تربیت مولانا ذولفقار علی حیدری بھی موجود تھے۔

وحدت نیوز (قم) مجلس وحدت مسلمین شعبہ قم کی جانب سے ایک تقریری مقابلے کا انعقاد ہوا جس میں حوزہ علمیہ قم کے 17 طلباء نے حصہ لیا. مقابلے میں پہلی 5 پوزیشن لینے والے طلباء کا اعلان کیا گیا ،پہلی پوزیشن آغا مختار حسین،دوسری پوزیشن آغاعلی حسنین،تیسری پوزیشن آغا قربان علی حسینی،چوتھی پوزیشن آغا رضوان جعفری اور پانچویں پوزیشن آغا علی حسین جتوئی  نے حاصل کی،پروگرام میں حوزہ علمیہ قم کے طلباءاور علمائےکرام نے کثیر تعداد نے شرکت کی،آخر میں ایم ڈبلیوایم  شعبہ قم کے مسئول حجتہ اسلام ڈاکٹر گلزاراحمد جعفری نے طلباء اور مہمانوں کا شکریہ ادا کرنے کے ساتھ ساتھ یہ کہا کہ  انشاءاللہ مستقبل قریب میں ممبر حسینی علماے حقہ کی دسترس میں ہو گا. اور جلد ہی پررونق تقریب تقسیم انعامات کا انعقاد کیا جائے گا اور ناصر ملت علامہ راجہ ناصر عباس جعفری کےدست مبارک سے دیئےجائیں گے۔

وحدت نیوز(گلگت) کشمیر کے مظلوم عوام کی حق خود ارادیت کی طویل جدوجہد کو خراج تحسین پیش کرتے ہیں.مقبوضہ کشمیر کے عوام کی قربانیاں ایک دن بارآور ثابت ہونگی اور اس خطے کے عوام اپنی منزل کو پانے میں ضرور کامیاب ہونگے. مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ انسانی حقوق کی تنظیمیں ہندوستانی افواج کی جانب سے کشمیری عوام پر ڈھائے جانیوالے مظالم کا نوٹس لیں اور برسوں سے انصاف کے متلاشی اس خطے کے عوام کو بنیادی حقوق کی فراہمی میں اپنا کردار ادا کریں.کشمیر پر انڈیا کا قبضہ غیرقانونی غاصبانہ ہے مسئلہ کشمیر کے تصفئیے تک اقوام متحدہ کی قراردادوں پر عمل درآمد کرتے ہوئے اپنی فوج کو کشمیر سے واپس بلائے.انہوں نے کہا کہ ہندوستانی افواج کی کشمیری عوام انسانیت سوز مظالم کی جتنی بھی مذمت کی جائے کم ہے.کشمیری عوام کی پرامن جدوجہد کی مثال تاریخ میں نہیں ملتی.مجلس وحدت مسلمین کشمیری عوام کی جدوجہد آزادی میں شانہ بشانہ شریک ہیں اور ہر سطح پر ان کی جدوجہد کی مکمل حمایت کرتے ہیں۔

وحدت نیوز (قصور) مجلس  وحدت مسلمین پاکستان ضلع قصور کی ورکنگ کمیٹی کا اجلاس صوبائی سیکریٹریٹ میں منعقد ہوا جس میں صوبائی سیکرٹری تنظیم سازی  مولانا سید نیاز حسین  نقوی ، صوبائی رابطہ سیکرٹری رائے ناصر علی ، اراکین ورکنگ کمیٹی سید اقبال حسین نقوی ، مولانا ظفر حسین ترابی ، چوہدری  صبح  صادق ، سید علی حسین شمسی ، سید نوید حسین شمسى نے شرکت کی ‘ اجلاس میں  ضلع کی یونٹ سازی اور تنظیم سازی کا تفصییل سے جائزہ لیا گیا اور ۲۸ فروری تک   ضلع میں یونٹ سازی مکمل کرنے کا فیصلہ کیا گیا  اجلاس  میں اراکین نے مرکزی  سیکرٹری جنرل ناصر ملت علامہ راجہ ناصر عباس جعفری پر مکمل اعتماد کا اظہار کیا۔

وحدت نیوز (شہدادکوٹ) مجلس وحدت مسلمین پاکستان کے مرکزی سیکریٹری جنرل علامہ راجا ناصر عباس جعفری نے کہاہے کہ وہ حسینی اور مظلوم ہیں پاکستان کو ان کے بڑوں قائد اعظم محمد علی جناح اور علامہ محمد اقبال نے حسینی شعور کے زریعے بنایا تھا اور وہ اس پاکستان کو بچانے کا پیغام لے کر ملک کے شہر شہر،گلی گلی اور گھر گھر نکلے ہیں ۔شہدادکوٹ میں امام بار گاہ دربار فاطمہ میں منعقدہ لبیک یا رسول اللہ کانفرنس سے خطاب کرتے ہوئے علامہ ناصر عباس نے کہا کہ پاکستان دنیا کے دل اور اہم جگہ پر واقع ہے اسے سیاسی گڑھ سمجھا جاتا ہے ۔

انہوں نے کہا کہ پاکستان کے ذریعے ہی دنیا آپس میں ملتی ہے جبکہ فرعونی قوتیں پاکستان کو کمزور کرنا چاہتی ہیں امریکہ پاکستان کو بحرانوں کی طرف دھکیل رہا ہے ۔پاکستان میں نفرتیں پیدا کرنے والے کافروں کے ایجنٹ ہیں اور یہ ہی دہشتگرد کاروائیوں میں ملوث ہیں ۔علام ناصر عباس جعفری کا کہنا تھا کہ شیعہ اور سنی کوئی بھی دہشتگرد نہیں ہے حوثی باغی ، باغی نہیں بلکہ یمن کے بیٹے ہیں تکفیری ،یذیدی سوچ کا نام ہے۔ پاکستان کو نا اہل حکمران مستحکم کرنے کی بجائے اپنے کرتوتوں کے زریعے کمزور کر رہے ہیں حکمران بزدل ہیں جو قاتل پال رہے ہیں یہاں پر ووٹ دلی طور پر نہیں لیا جاتا بلکہ لوٹا اور چھینا جا تا ہے ۔

انہوں نے کہا کہ ظالم مافیا حکمرانوں پر قابض ہے جس کی وجہ سے ملک میں جمہوریت کا نام ہی نہیں ہے اقتدار اللہ کی ملکیت ہے اس لئے حاکم کو صالح ،صادق ہونا چاہے لیکن ہمارے حکمران عوام کا پیسہ لوٹ مارکر کے ملک کو کمزور بنا رہے ہیں ۔علامہ ناصر عباس جعفری نے کہا کہ مظلوم تقسیم ہوئے ہیں اس لئے انہیں یکمشت ہو کر شیطانی قوتوں کا مقابلہ کرنا ہو گا جہاں اختیار چھینا جائے وہ قائد اعظم محمد علی جناح کا پاکستان نہیں ہو سکتا ۔انہوں نے کہا کہ اگر وہ لانگ مارچ نہ کرتے تو یذیدی مافیا ملک پر حاوی ہو جا تا تھا اس ملک میں غربت لٹیروں کی وجہ سے ہے ۔پاکستان ان کے بڑوں نے بنایا اور وہ اسے کمزور ہونے یا ٹوٹنے نہیں دیں گے کیونکہ وہ اب ملک میں دہشتگردوں کے خلاف سڑکوں پر نکلے ہیں اور اس کے زریعے آئندہ 14 اگست کو قائد اعظم محمد علی جناح اور علا مہ محمد اقبال کا بناے ہوا پاکستان دنیا کو دیکھائیں گے ۔کانفر نس سے ایم ڈبلیو ایم کے مرکزی اور صوبا ئی ر ہنمائوں علامہ علی رضوی ،مولانا نقی حیدری ،علامہ مقصود علی ڈومکی ،سید علی اکبر شاہ ،منور علی جعفری، محمد علی شر اور دیگر نے بھی خطاب کیا اس موقع پر محرم الحرام اور چہلم کے دوران سیکیورٹی کے فرائض انجام دینے والے اسکاوٹس کو کارکردگی طور پر شیلڈز اور سرٹیفکیٹ بھی تقسیم کئے گئے ۔