وحدت نیوز (اسلام آباد) مجلس وحدت مسلمین پاکستان کے سربراہ علامہ ناصر عباس جعفری کی بھوک ہڑتال کے 25 ویں روز بھی احتجاجی کیمپ میں مختلف جماعتوں کے وفود اورعمائدین کی آمدو رفت کا سلسلہ جاری رہا۔احتجاجی کیمپ کے شرکا ء نے علامہ ناصر عباس جعفری کے عزم و حوصلے کی تعریف کرتے ہوئے کہا کہ ملت تشیع کے وقار اور سربلندی کے لیے ان کے جدوجہد کو پاکستان کی تاریخ میں سنہری لفظوں سے لکھا جائے گا۔علامہ ناصرعباس نے وفود سے گفتگو کرتے ہوئے کہاکہ انسانیت کو بچانے کے لیے ظلم کے خلاف جدوجہد کا درس ہمیں دین اسلام سے ملتا ہے۔ظلم کے خلاف خاموش رہنا غیر اسلامی اور دین محمد ی سے متصادم ہے۔انہوں نے کہا کہ اس وقت دنیا میں دو طاقتیں برسرپیکار ہیں ۔ایک طاقتیں ظالموں کی اور دوسری مظلوموں کی ہے۔ ہم نے ظالم کے خلاف ہمیشہ سینہ سپر رہنا ہے۔دنیا بھر میں جو جو حکومتیں ظالمین کی تائید کرتی ہیں وہ ظلم کی حکومتیں ہیں۔ان کے خلاف قیام کرنا واجب ہے۔وطن عزیز کو گزشتہ تین دہائیوں سے قاتلوں، ظالموں اور لٹیروں نے یرغمال بنایا ہو ا ہے۔ اس مادر وطن کو ان کے شکنجے سے چھڑانا ہے۔وطن کے ہر وفادار بیٹے اورباشعور شخص کو ایسے عناصر کے خلاف آواز بلند کرنا ہو گی جو قومی مفادات کے خلاف سرگرمیوں میں مصروف ہیں۔اگر آج ہم نے مل کر آواز بلند نہ کی تو آنے والی نسلوں کے مستقبل پر سنگین خطرات منڈلاتے رہیں گے۔یاد رہے کہ علامہ ناصر عباس جعفری کے بھوک ہڑتال کے اعلان کے بعد پاکستان اور یورپ سمیت دنیا بھر کے بیشتر ممالک میں قائدمجلس وحدت مسلمین سے اظہار یکجہتی کے لیے پاکستانی سفارت خانوں کے سامنے علامتی بھوک ہڑتال اور احتجاج کا سلسلہ جاری ہے۔اس وقت ملک بھر میں پچاس سے زائد مقامات پر بھوک ہڑتال کیمپ لگے ہوئے ہیں۔ گزشتہ روز امریکی ریاستوں، ڈیلاس، ہوسٹن اور سیاٹل میں بھی علامہ ناصر عباس سے اظہار یکجہتی کے لیے احتجاجی مظاہرے کیے گئے۔

وحدت نیوز (اسلام آباد) ملک کی مختلف شیعہ جماعتوں نے کالعدم تنظیموں کی طرف سے اتوار کے روزوفاقی دارالحکومت اسلام آباد میں احتجاجی ریلی کی کال پر شدید ردعمل کا اظہار کرتے ہوئے اسے نیشنل ایکشن پلان کوسرعام چیلنج کرناقرار دیا ہے۔بھو ک ہڑتالی کیمپ میں منعقدہ آپ پارٹیز شیعہ کانفرنس میں شریک شیعہ ایکشن کمیٹی کے سربراہ مرزا یوسف حسن سمیت دیگر شیعہ رہنماوں نے اپنے مشترکہ بیان میں کہا ہے کہ حکومتی سرپرستی میں دفاع پاکستان کے نام پر منعقد کی جانے والی اس ریلی کا مقصد نیشنل پریس کلب اسلام آباد کے سامنے مجلس وحدت مسلمین کے احتجاج کو سبوتاژکرنا ہے ۔انہوں نے کہا کہ اس پروگرام میں کالعدم جماعتوں کی شرکت اس حقیقت کو آشکار کرہی ہے کہ حکومت آج بھی دہشت گرد گروہوں کی پشت پر کھڑی ہے۔ حکومت کی طرف سے مختلف متحارب جماعتوں کے کارکنوں کو آمنے سامنے لاکھڑا کرنا قومی امن و سلامتی کو تباہ کرنے کی ایک بھیانک سازش ہے۔ حکومت کالعدم جماعتوں کی پشت پناہی کر کے عسکری اداروں کی دہشت گردی کے خلاف کوششوں میں رکاوٹ پیدا کر رہی ہے۔اگر کالعدم جماعتوں کی ریلی نے مجلس وحدت مسلمین کے گزشتہ 23 دنوں سے قائم پرامن بھوک ہڑتالی کیمپ میں خلل ڈالنے کی کوشش کی تو پھر ملک بھر میں حالات کی سنگینی کی تمام تر ذمہ داری حکومت پر ہو گی۔انہوں نے کہا کہ علامہ ناصر عباس صاحب کی روز اول سے یہ کوشش ہے کہ وہ اپنے مطالبات کی منظور ی کے لیے قوم کو کسی آزمائش میں نہ ڈالا جائے لیکن حکومت کی غیر سنجیدہ ردعمل سے اس تاثر کو تقویت مل رہی ہے کہ حکومت اس احتجاج کو شاہراوں پر دیکھنا چاہتی ہے۔انہوں نے کہا کہ اگر ایک بار شیعہ قوم شاہراوں پر آ گئی تو پھر حکومت کے خاتمے کا مطالبہ بھی ہمارے ایجنڈے میں شامل ہو گا۔

وحدت نیوز (کراچی) محب وطن جماعتوں کو تصادم کی راہ پر اکسانے کے لیے مشتعل کرنا نواز لیگ کا پرانا ہتھیار ہے۔ عوامی مسائل سے حکومت کی دانستہ لاتعلقی جمہوری اقدار کے منافی ہے۔جمہوریت کا ہر وقت راگ الاپنے والے حکمرانوں کو وفاقی دارالحکومت میں پارلیمنٹ ہاوس سے ایک کلومیٹر مسافت پر گزشتہ سولہ روز سے ایک ملک گیر سیاسی و مذہبی جماعت کا لگا ہوا بھوک ہڑتالی کیمپ کیوں دکھائی نہیں دے رہا۔ ملک بھر سے سینکڑوں قافلے اسلام آباد کی طرف مارچ کرنے کے لیے بے چین بیٹھے ہیں۔ان خیالات کا اظہار مجلس وحدت مسلمین کراچی ڈویثرن کی جانب سے نمائش سے کراچی پریس کلب احتجاجی ریلی نکالی گئی ۔ کراچی پریس کلب کے سامنے احتجاجی مظاہرے سے علامہ باقر عباس زیدی،علامہ نشان حیدر،علامہ احسان دانش،علامہ مبشر حسن ،علامہ علی انور،مولانا صادق جعفری ،علی حسین نقوی سمیت دیگر رہنماؤں نے شرکت کی احتجاجی مظاہرے میں خواتین ،بچوں سمیت ایم ڈبلیو ایم کارکنا ن کی بڑی تعداد شامل تھی مظاہرین نے ملک میں جاری شیعہ نسل کشی،دہشتگردی، لاقانونیت اور حکمرانوں کی کرپشن کے خلاف بینرز اور پوسٹر اٹھا رکھے تھے اور شیعہ و سنی اتحاد سمیت شیعہ قتل عام پر کالعدم دہشتگرد جماعتوں کے خلاف آپریشن اور حکومت کے خلاف شدید نعرے بازی کی احتجاجی مظاہرے سے خطاب میں مقررین کا کہنا تھا کہاایم ڈبلیو ایم مرکزی سیکرٹری جنرل علامہ راجہ ناصر عباس جعفری کی دہشتگردی،لاقانونیت،اور کرپشن کے خلاف احتجاجی بھوک ہڑتال سترہویں روزبھی جاری ہے حکومت کی طرف سے ملت تشیع کے ساتھ یہ غیر منصفانہ طرز عمل حکومت کے متعصبانہ رویہ کی دلالت کرتا ہے۔وفاقی حکومت کی جانب سے ڈی آئی خان ،پاراچنار،پشاور،کوئٹہ اور کراچی شیعہ نسل کشی کی مذمت نہیں کی گئی اور نہ ہی اب تک کسی دہشتگرد کی گرفتاری عمل میں لائی گئی نواز لیگ میں شامل رانا ثناا للہ سمیت چند وزراء وفاق میں بیٹھ کر دہشتگرد تکفیری قوتوں کو سپورٹ کرکے ملکی جڑوں کو کھوکھلا کر رہیں ہیں دوسری جانب عدلیہ کی جانب سے بے گناہ افراد کی ٹارگٹ کلنگ پر سرد مہری دیکھائی جاری ہے جو غیر منصفانہ ہے ،شیعہ قتل عام پر حکومتی مجرمانہ خاموشی کی بھر پور مذمت کرتے ہیں وفاقی حکومت ہمیں مسلسل نظر انداز کر کے کن قوتوں کو خوش کر رہی ہے۔

علامہ باقر عباس زیدی نے کہاکہ ظلم ،ناانصافی ،ریاستی جبر اور حکومتی اداروں کا اختیارات سے تجاوز قومی بدحالی کا بنیادی سبب ہے مجلس وحدت کے قائدین نے انصاف کے حصول اور قومی سلامتی کے لیے جو مطالبات پیش کر رکھے ہیں ان پر جب تک عمل درآمد نہیں ہوتا تب تک ہمارا احتجاج جاری رہے گاہماری نظریں مرکزی قائدین کی جانب ہیں ملک بھر سے سینکڑوں قافلے اسلام آباد کی طرف مارچ کرنے کے لیے بے چین بیٹھے ہیں اگر ان ریلیوں کا رُخ اسلام آباد کی طرف ہو گیا تو پھر واپسی آسانی سے نہیں ہو گی مقررین وفاقی حکومت ،چیف جسٹس آف پاکستان اورآرمی چیف جنرل راحیل شریف سے مطالبہ کیا کہ وہ ملک بھر میں جاری شیعہ نسل کشی اور ستررہ روز سے مرکزی قائدین کی جانب سے دہشتگردی ،لاقانونیت اور کرپشن کے خلاف ہمارے جائز عوامی مطالبات کی عملی منظوری دی جائے مقررین نے آرمی چیف جنرل راحیل شریف سے مطالبہ کیا ہے کہ پاکستانی قوم کو قائد و اقبال کا وہ پاکستان واپس کیا جائے جس کا انہوں نے خواب دیکھا اور جس کے لیے لاکھوں جانوں کی قربانی دی گئی۔حکمرانوں کی تبا ہ کن پالیسیوں نے اس ملک کو طالبان اور انتہاپسندوں کا ملک بنا کر رکھ دیا ہے۔آرمی چیف اس ملک سے ان ملک دشمن عناصر کا مکمل صفایا کریں۔نیشنل ایکشن پلان پر عمل نہ ہونے کی وجہ سے شیعہ کمیونٹی کے پڑھے لکھے طبقے اور مختلف شعبوں کے ماہرین کو ٹارگٹ کنلگ کا نشانہ بنایا جا رہا ہے ملک بھر میں دوبارہ ابھرنے والی کالعدم دہشتگرد جماعتوں اور ان کے سہولت کاروں کے خلاف بھر پور آپریشن کیا جائے انہوں نے کہا ملک کے تمام سول و عسکری اداروں سے ان کالی بھیڑوں کا صفایا کیا
جائے جواداروں کی بدنامی کا باعث بنی ہوئی ہیں۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے اپنی بھوک ہڑتال کے پندرویں روز ایم ڈبلیو ایم کے احتجاجی کیمپ میں پاک سرزمین پارٹی کے رہنما راجہ ریاض کے ہمراہ مشترکہ پریس کانفرنس سے خطاب کرتے ہوئے کہا ہے کہ عوامی مسائل سے حکومت کی دانستہ لاتعلقی جمہوری اقدار کے منافی ہے۔جمہوریت کا ہر وقت راگ الاپنے والے حکمرانوں کو وفاقی دارالحکومت میں پارلیمنٹ ہاوس سے ایک کلومیٹر مسافت پر گزشتہ پندرہ دنوں سے ایک ملک گیر سیاسی و مذہبی جماعت کا لگا ہوا بھوک ہرتالی کیمپ کیوں دکھائی نہیں دے رہا۔حکومت کی طرف سے ملت تشیع کے ساتھ یہ غیر منصفانہ طرز عمل حکومت کے متعصبانہ رویہ کی دلالت کرتا ہے۔حکومت کو واضح کرنا ہو گا کہ ہمیں مسلسل نظر انداز کر کے وہ کن قوتوں کو خوش کر رہی ہے۔

 انہوں نے کہا کہ ملک بھر سے سینکڑوں قافلے اسلام آباد کی طرف مارچ کرنے کے لیے بے چین بیٹھے ہیں۔اگر ان ریلیوں کا رُخ اسلام آباد کی طرف ہو گیا تو پھر واپسی آسانی سے نہیں ہو گی۔ ہماری کوشش ہے ہم اپنے مطالبات کو پرامن انداز میں منوائیں۔انہوں نے کہا کہ محب وطن جماعتوں کو تصادم کی راہ پر اکسانے کے لیے مشتعل کرنا نون لیگ کا پرانا ہتھیار ہے۔ہمیں اس طرح کی چالوں میں نہیں الجھایا جا سکتا۔

علامہ ناصر عباس نے آرمی چیف جنرل راحیل شریف سے مطالبہ کیا ہے کہ پاکستانی قوم کو قائد و اقبال کا وہ پاکستان واپس کیا جائے جس کا انہوں نے خواب دیکھا اور جس کے لیے لاکھوں جانوں کی قربانی دی گئی حکمرانوں کی تباہ کن پالیسیوں نے اس ملک کو طالبان اور انتہاپسندوں کا ملک بنا کر رکھ دیا ہے۔آرمی چیف اس ملک سے ان ملک دشمن عناصر کا مکمل صفایا کریں۔انہوں نے کہا ملک کے تمام سول و عسکری اداروں سے ان کالی بھیڑوں کا صفایا کیا جائے جواداروں کی بدنامی کا باعث بنی ہوئی ہیں۔پاک سرزمین پارٹی کے رہنما راجہ ریاض نے کہا ہے ہم نے کراچی میں بھی آواز حق بلند کی ہے ۔یہاں بھی مجلس وحدت مسلمین کے ساتھ مل کر ظلم و بربریت کے خلاف ملک کر جدوجہد کی جائے گی۔

وحدت نیوز (کراچی) مجلس وحدت مسلمین پاکستان کراچی ڈویژن کی جانب سے شیعہ نسل کشی اور علامہ راجہ ناصر عباس جعفری کی دو ہفتوں سے جاری احتجاجی بھوک ہڑتال سے اظہار یکجہتی کیلئے شہر قائد کی مختلف جامع مساجد کے باہر احتجاجی مظاہرے کئے گئے، اس حوالے سے مرکزی احتجاجی مظاہرہ بعد نماز جمعہ خوجہ مسجد کھارادر کے باہر کیا گیا۔ احتجاجی مظاہرین نے علامہ راجہ ناصر عباس جعفری سے اظہار یکجہتی کرتے ہوئے شیعہ سنی اتحاد، امریکا مردہ باد، اسرائیل نامنظور کے نعرے لگائے، اور ملک میں جاری شیعہ نسل کشی پر حکومت اور ریاستی اداروں کی مجرمانہ خاموشی اور غفلت کے خلاف شدید نعرے بازی کی۔ مظاہرین سے خطاب کرتے ہوئے علامہ مبشر حسن نے کہا کہ وفاقی حکومت کی طرف سے جب تک ہمارے مطالبات پر عمل درآمد نہیں ہوتا، تب تک ملک بھر میں پُرامن احتجاج کا سلسلہ جاری رہے گا، ملک سے دہشتگردی کا خاتمہ ہمارا اولین مطالبہ ہے، ہم ملک میں دہشگردی کے ہونے والے تمام واقعات کی بھرپور مذمت کرتے ہیں، پاکستان میں بسنے والے ہر شہری کی جان و مال کی حفاظت ریاست کی ذمہ داری ہے، ریاست کو بلاتخصیص مسلک و مذہب ہر شخص کی حفاظت کو یقینی بنانا ہوگا۔ انہوں نے کہا کہ ہم اس ملک کو دہشتگردوں کی آماجگاہ نہیں بننے دیں گے، وطن عزیز کو دہشت گردوں کی محفوط پناہ گاہ قرار دینے والوں کی امیدیں اب دم توڑنے لگی ہیں۔

علامہ علی انور جعفری نے کہا کہ اگر حکومت دہشتگردی کے خاتمے میں سنجیدہ ہے، تو دہشت گردوں اور انکے سہولت کاروں کے ساتھ مصلحت پسندی سے پیش آنے کی بجائے دوٹوک مؤقف اختیار کرتے ہوئے ان سے قانون کی زبان میں بات کرے، یہ وقت سیاست چمکانے کا نہیں بلکہ ملک بچانے کا ہے، قوم شعوری طور پر بیدار ہو چکی ہے، اگر مسلم لیگ نواز اسی طرح ملک دشمن عناصر کے دامن سے چمٹی رہی، تو پھر پوری قوم ان کے خلاف اٹھ کھڑی ہوگی۔ انہوں نے کہا کہ دہشتگرد عناصر تو پاکستان کی بقا و سالمیت کیلئے خطرہ ہیں ہی، لیکن دہشتگردی کے خلاف حکومت اور ریاستی اداروں کی مجرمانہ خاموشی اور غفلت اس سے بڑا خطرہ بن چکی ہیں، جس کا نتیجہ آج ملک بھر میں محب وطن شیعہ مسلمانوں کی نسل کشی، ملکی ترقی کیلئے ریڑھ کی ہڈی کی مانند شیعہ پروفیشنلز کی ٹارگٹ کلنگ اور بڑھتی ہوئی دہشتگردی کی صورت میں سامنے آ رہا ہے۔ رہنما ایم ڈبلیو ایم کا کہنا تھا کہ علامہ راجہ ناصر عباس نے دہشت گردی، کرپشن اور ریاستی جبر کے خلاف اپنی ذات کو مشکل میں ڈال کر ایک محب وطن ہونے کا ثبوت دیا ہے، ان کی بھوک ہرتال تیسرے ہفتے میں داخل ہو رہی ہے، لیکن حکمران بے حس بنے بیٹھے ہیں، حکمرانوں کی یہ رعونت پاکستان کے پانچ کروڑ تشیع کی تضحیک ہے، ملت تشیع کو نظر انداز کرکے حکومت کیا باور کرانا چاہتی ہے، اسے اس کا حساب دینا ہوگا، پاکستان کے آئندہ الیکشن میں ملک بھر میں ملت تشیع کی طرف سے مسلم لیگ نواز کے مکمل بائیکاٹ کی مہم چلائی جائے گی۔

وحدت نیوز (گلگت) وفاقی حکومت نے نیشنل ایکشن پلان کا رخ دہشتگردوں سے پرامن شہریوں کی جانب موڑ دیا ہے حکومت کی اس یو ٹرن نے آپریشن ضرب عضب کو بھی متاثر کیا ہے۔مجلس وحدت مسلمین گلگت بلتستان کے صوبائی ترجمان محمد الیاس صدیقی نے علامتی بھوک ہڑتالی کیمپ گلگت میں اظہار یکجہتی کی خاطر شرکت کرنے والے رہنماؤں اور اکابرین سے گفت شنید کرتے ہوئے کہا ہے کہ ہمارا یہ احتجاج ملک کے مظلوم طبقات کو انصاف دلانے کی خاطر ہے ۔ہم قائد اعظم کا پاکستان دیکھنا چاہتے ہیں جس میں ہر فرقے اور مذہب کے ماننے والوں کو آزادی کے ساتھ اپنے رسوم کی ادائیگی کا پورا پورا حق حاصل ہے لیکن حکمرانوں کی غلط پالیسیوں اور جانبداری کی وجہ سے آج ملک دہشت گردوں کی آماجگاہ بنا ہوا ہے۔ملک کے کسی شہری کی جان ومال و آبرو محفوظ نہیں اور آئے روز معصوم شہریوں کے خون سے یہ جنت ارضی رنگین ہوتی جارہی ہے۔

انہوں نے کہا کہ آج ملک کے تمام مظلوم طبقات علامہ ناصر عباس سے اظہار یکجہتی کررہے ہیں جو اپنی جان کی پرواہ کئے بغیر ظلم کے مد مقابل کھڑا ہے۔ہماری جدوجہد اس ملک کی بقا ،تعمیر و ترقی اور ایک پرامن پاکستان کیلئے ہے جس میں نسل، ذات پات اور مذہبی تفرقات کی بیخ کنی ہو اور کرپشن سے پاک معاشرے کے قیام کیلئے میدان عمل میں ہیں۔گلگت میں مجلس وحدت مسلمین پاکستان کے سربراہ علامہ راجہ ناصر عباس کی اسلام آباد میں بھوک ہڑتال کی حمایت میں پانچویں روز بھوک ہڑتال جاری رہی اور سیاسی و مذہبی جماعتوں کے رہنماؤں نے اظہار یکجہتی کی خاطربھوک ہڑتالی کیمپ میں شرکت کی۔انہوں نے تحریک اسلامی کے رہنما و رکن صوبائی اسمبلی کیپٹن محمد شفیع اور پیپلز پارٹی کے رہنما رانا نظیم کاہڑتالی کیمپ آمد پر تہہ دل سے شکریہ ادا کیا ۔