وحدت نیوز (ملتان)  مجلس وحدت مسلمین پاکستان کے مرکزی سیکرٹی جنرل علامہ راجہ ناصر عباس جعفری کے حکم پر گزشتہ روز ہونیوالے سانحہ بھکر اور بعد ازاں بے گناہ کارکنان کی بلاجواز گرفتاری کے خلاف چوک نواں شہر ملتان میں مجلس وحدت مسلمین اور امامیہ اسٹوڈنٹس آرگنائزیشن کے زیراہتمام احتجاجی مظاہرہ اور علامتی دھرنا دیا گیا۔ دھرنے کی قیادت مجلس وحدت مسلمین ملتان کے ضلعی سیکرٹری جنرل وممبر امن کمیٹی علامہ سید اقتدارحسین نقوی، علامہ قاضی نادرحسین علوی، ڈپٹی سیکرٹری جنرل محمد عباس صدیقی، ڈویژنل صدر آئی ایس او رتہورحیدری نے کی۔ دھرنے کے شرکاء نے بینرز، پلے کارڈز اور بینرز اُٹھا رکھے تھے۔ جن پر سانحہ بھکر کے مومنین کی حوصلہ افزائی کی گئی ۔

مظاہرین سے خطاب کرتے ہوئے علامہ سید اقتدارنقوی نے کہا کہ سانحہ بھکر میں ڈی پی او ملوث ہے جب تک اُسے وہاں سے معطل نہیں کیا جائے حالات قابو میں نہیں آ سکتے۔ پنجاب حکومت کی آشیر باد سے جنوبی پنجاب میں تکفیری ٹولے کو مراعات ملی ہوئی ہیں۔ پوری دنیا جانتی ہے کہ یہ ٹولہ کالعدم ہے لیکن پھر بھی اُن کو پولیس کی حفاظت حاصل ہے۔ دھرنے کے شرکاء نے ڈی پی او، پنجاب حکومت اور دہشتگردوں کے خلاف شدید نعرے بازی کی۔ اس موقع پر علامہ قاضی نادر حسین علوی نے خطاب کرتے ہوئے کہا کہ جنوبی پنجاب کے علاقے بھکر میں جان بوجھ حالات خراب کیے جارہے ہیں تا کہ شیعوں پر دبائوڈال کر وہاں دہشت گردوں کی پناہ گاہوں محفوظ کیا جائے۔

وحدت نیوز (لاہور) مجلس وحدت مسلمین پاکستان (شعبہ تربیت) کی جانب سے برسی قائد مرحوم حضرت مفتی جعفر حسین (رہ) کے موقع پر دعائے کمیل و مجلس عزا کا انعقاد کیا جائے گا۔ ان خیالات کا اظہار مرکزی سیکریٹری امور تربیت علامہ احمد اقبال رضوی نے وحدت میڈیا سیل کو دیئے گئے بیان میں کیا۔ انہوں نے کہا کہ مفتی جعفر حسین پاکستان کی ملت جعفریہ کے ان  افراد میں سے ہیں کہ جن کہ خدمات کو قوم کبھی فراموش نہیں کرے گی، ہمیں ان کے کردار و افکار کو ہمیشہ زندہ رکھنے کی ضرورت ہے تاکہ شیعہ قوم قائد مرحوم کی یاد کو اپنی آئندہ نسلوں تک منتقل کرسکے اور ان کا ہم پر جو حق بنتا ہے وہ ادا ہوسکے۔ انہوں نے مزید کہا کہ قائد مرحوم حضرت مفتی جعفر حسین (رہ)  کی یاد کو زندہ رکھنے کیلئے مجلس وحدت مسلمین پاکستان کی جانب سے ان کی مرقد مبارک کربلا  گامے شاہ  لاہور پر دعائے کمیل و مجلس عزا کا انعقاد 29 اگست ، جمعرات کو 7 بجے کیا جارہا ہے، جس سے خصوصی خطاب ناصر ملت حجتہ السلام و المسلمین علامہ راجہ ناصر عباس جعفری فرمائیں گے، تمام مومنین و مومنات سے بڑی تعداد میں شرکت کی گزارش ہے۔

وحدت نیوز ( اسلام آباد) پاکستان کی نامور علمی شخصیت اور عالم اہل حدیث مولانا محمد اسحاق مدنی کی المناک وفات پاکستان کے تمام مسالک کا مشترکہ نقصان ہے ، اتحاد بین المسلمین کے لئے مرحوم کی کاوشوں کو ہمیشہ یاد رکھا جائے گا، خدا مرحوم کی مغفرت فرمائے اور انہیں جنت الفردوس میں جگہ عنایت فرمائے ،ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے مرکزی سیکریٹریٹ وحدت ہاؤس سے میڈیا سیل کو جاری اپنے تعزیتی بیان میں کیا ۔

ان کاکہنا تھا کہ مولانا محمداسحاق اہل حدیث مکتب فکر کی طرح اہل تشیع علماء و عوام میں بھی بے حد مقبول اور پسند کی جانے والی شخصیت تھے ، مرحوم نے شیعہ سنی اتحاد کے لئے عملی کوششیں انجام دیں ، اہل تشیع کی دعوت پر بارہا سیمینارز اور تقاریب میں شرکت کر تے رہے ، اور ہمیشہ وحدت امت ان کا موضوع سخن رہا ۔ منفرد انداز بیان ان کا خاصہ تھا ۔ ان کی وفات سے پیدا ہو نے والا خلہ مشکل سے پر ہو گا ، جب بھی کبھی اتحاد امت کی بات کی جائے گی مولانا اسحاق کا نام ضرور یا دآئے گا۔

علامہ امین شہیدی نے مولانا محمد اسحاق کے اہل خانہ سے ان کی اچانک وفات پر دلی تعزیت کا اظہار کیا ہے اور پروردگار عالم کی بارگاہ میں دعا کی کے خدا انہیں اپنے جوار رحمت میں جگہ عنایت فرمائے اور پسماندگان کو صبر جمیل عطا فرمائے ۔

وحدت نیوز(مظفرآباد) بھکر واقعہ میں ملوث دھشتگردوں کو فوری طور پر گرفتار کر کے قرار واقعی سزا دیتے ہوئے متاثرین کے خلاف درج مقدمات کو فی الفور ختم کیا جائے، واقعے کی تمام تر ذمہ داری رانا ثناء اللہ اور ڈی پی او فلکی پر عائد ہوتی ہے، وفاقی و صوبائی حکومت رانا ثناء اللہ کے خلاف ایکشن لے، رانا ثناء اللہ پچھلے دور میں شیعہ کشی کے اپنے ادھورے منصوبے کی تکمیل کے لیئے کوشاں ہے واقعے کی ایف آئی آر رانا ثناء کے خلاف درج کی جائے، جبکہ ڈی پی او فلکی کو معطل کر کے واقعہ کی جوڈیشل انکوئری کروائی جائے۔

 ان خیالات کا اظہار مجلس وحدت مسلمین پاکستان کے شوریٰ عالی کے ممبر اورمجلس وحدت مسلمین ریاست آزاد جموں و کشمیرکے سربراہ علامہ سید تصور حسین نقوی الجوادی نے مظفرآباد میں سانحہ بھکر کے حوالے سے پریس کا نفرنس سے خطاب کرتے ہوئے کیا،اس موقع پر سید سرفراز کاظمی ایڈیشنل سیکرٹری جنرل مجلس وحدت مسلمین آزاد جموں کشمیر، سید محمد رضا شاہ بخاری سیکرٹری جنرل ضلع میرپور، سید ظاہر علی نقوی سیکرٹری جنرل ضلع نیلم ، علامہ سید طالب ہمدانی سیکرٹری جنرل ضلع مظفرآباد، سید عاطف حسین جعفری سیکرٹری جنرل ضلع باغ کے علاوہ علامہ ممتاز حسینی،مولانا افتخار حسین جعفری،مولانا سید حمید حسین نقوی، سید سجاد حسین سبزواری ، سید قلندر حسین نقوی، سید ذیشان حیدر کاظمی ، خالد محمود عباسی ، عابد حسین قریشی اور مجلس وحدت مسلمین آزاد کشمیر کے مرکزی کابینہ کے دیگر عہدیداران بھی موجود تھے۔

علامہ تصورجوادی نے کہا کہ دہشت گردوں سے مذاکرات نہیں قانون کی عملداری قائم کی جائے، نواز حکومت امریکی اشاروں پر مذاکرات مذاکرات کا راگ الاپنے سے پہلے دہشتگردی اور فرقہ واریت میں ملوث افراد کے حوالے سے قانون سازی کرے تاکہ ایسے شخص کو معینہ دنوں میں سزا دی جا سکے ۔سٹیٹ کو پاور آف سٹیٹ سے کام لینا چاہیے نہ کہ دہشتگردوں سے مذاکرات کی بات کرنی چاہیے جو لوگ قانون ہاتھ میں لیتے ہیں ان کے خلاف قانون کے مطابق عمل کرتے ہوئے  ایکشن لیاجاناچاہیے۔ ان کا کہنا تھا کہ  اس ملک کا اصل مسئلہ ہی یہ ہے کہ پہلے تو پولیس ایکشن کے بجائے تماشائی بنی رہتی ہے اور اگر کچھ دھشتگرد گرفتار بھی ہیں تو عدالتیں انہیں بری کر دیتی ہیں، ہم یہ سوال کرنے میں حق بجانب ہیں کہ دھشتگردوں کو میڈیا کے ذریعے کیوں دکھایا جاتا ہے ؟ملکی سلامتی کے خلاف گھناؤنے واقعات میں ملوث دھشتگردوں کی میڈیا انٹرویو زبھی صورت میں تشہیرکیوں کرتاہے ، پولیس کے ذمہ داران بھی واقعات و جرائم کی نشاندھی کرتے ہیں لیکن پھرا نہیں کیا سزا دی جاتی ہے؟ وہ کہاں جاتے ہیں جیلوں سے کیسے چھوٹ جاتے ہیں یہ سب سوالات پاکستان کی عدالتوں کے متعلق ہیں، آخر کیوں چیف جسٹس چھوٹے چھوٹے واقعات پر از خود نوٹس لے لیتے ہیں لیکن شیعہ نسل کشی کے واقعات کا کوئی نوٹس نہیں لیا جاتا، قانون نافذ کرنے والے ادارے ہوں یا اعلیٰ عدلیہ امن عامہ کے قیام کے حوالے سے صورتحال انتہائی مخدوش ہے، کہیں سزا موت کے مجرموں کو چھوڑ دیا جاتا ہے اور کہیں اطلاعات کے باوجود ناقص سکیورٹی انتظامات کی وجہ سے جیلیں ٹوٹتی ہیں ، سنگین واقعات میں ملوث قیدی چھڑوا لیئے جاتے ہیں ، جیل کے اندر موجود مخالف فرقے کے لوگوں کو قتل کر دیا جاتا ہے لیکن نہ کوئی سوموٹو لیا جاتا ہے، اور نہ ہی جیل ٹوٹنے کے واقعات میں ذمہ داران کا تعین کیا جاتا ہے،

انہوں نے کہا کہ بھکر واقعہ اس لیئے بھی باعث تشویش ہے کہ انتظامیہ کی موجودگی میں کالعدم دھشتگرد تنظیم کی ریلی کس طرح نکالی جا رہی تھی اور شیعہ آبادی میں نعرے بازی اور مساجد سے حملے کرنے کے اعلان پر مقامی پولیس اور انتظامیہ نے فوری طور پر کوئی نوٹس کیوں نہ لیا؟ اور جب واقعہ ہو جاتا ہے6اور بیگناہ مظلوم افراد کی شہادت اور متعدد افراد زخمی ہو جاتے ہیں تو پولیس الٹی چال چلتے ہوئے دہشتگردی کا شکار ایسے 89افراد کے خلاف ایف آئی آر درج کرتی ہے جن کا کوئی عزیز شہید ہو گیا ، کوئی عزیز یا وہ فرد خود زخمی ہوا ،انہوں نے کہا کہ ہم ایسے واقعات کی پرزور مذمت کرتے ہیں اور مطالبہ کرتے ہیں کہ حکومت پنجاب اپنی صفوں سے کالی بھیڑوں کو فی الفور نکالے اور واقع کے ذمہ دران کو قرار واقعی سزا کو یقینی بنایا جائے۔

وحدت نیوز ( ماتلی ) مجلس وحدت مسلمین پاکستان صوبہ سندھ ضلع ماتلی کی جانب سے سانحہ بھکر اور علامہ اصغر عسکری سمیت دیگر افراد کی گرفتاری کے خلاف احتجاجی ریلی نکالی گئی۔ جس سے  ضلعی سیکریٹری جنرل برادر نقی کھوسو، مولانا مراد علی حیدری و دیگر نے خطاب کیا۔ اس موقع پر کاظم حسین اور ستار شاہ سمیت دیگر رہنما بھی موجود تھے۔

وحدت نیوز ( ہری پور) سیاسی جماعتیں اور سکیورٹی ادارے آخر کب تک دہشت گردوں کے ہاتھوں پاکستان کی تباہی اوربربادی کے مناظر ملاحظہ کرتی رہیں گے ، یہ دہشت گرد عناصر بیرانی ایجنڈے پر پاکستان کی جڑوں کو کھوکلا کر نے میں مصروف ہیں ، ہمارے حکمرانوں نے پاکستان کو امریکی کالونی بنا دیا ہے ، پاکستان میں ایک منظم پلاننگ کے تحت حالات کو بگاڑا جا رہا ہے ، کالعدم جماعتوں کے سنگین سانحات میں ملوث ہو نے کہ باوجود انہیں فری ہینڈ دینا اور ان کے خلاف کو ئی کاروائی نہ کرنا وفاقی حکومت اور سکیورٹی اداروں کی نیت کو مشکوک بنا رہا ہے ۔پنجاب میں صوبائی حکومت مسلسل دہشت گردوں کی پشت پناہ میں مصروف ہے ، بھکر میں تکفیری ٹولے کی جانب سے اہل تشیع آبادی پر مسلح حملہ اس بات کی واضح نشانی ہے کہ اب پاکستان میں کو ئی شیعہ محفوظ نہیں ہے ، دہشت گرد شام میں اپنی شکست کا بدلہ پاکستان میں اہل تشیع سے لے رہے ہیں ۔

ان خیالات کا اظہارمجلس وحدت مسلمین پاکستان کے سربراہ علامہ راجہ ناصر عباس جعفری نے ملک گیر دفاع وطن کانفرنس کی تیاریوں کے سلسلے میں ضلع ہری پور کی تحصیل خانپور میں عوامی اجتماع سے خطاب کر تے ہو ئے کیا اس موقع پر ایم ڈبلیو ایم کے مرکزی ڈپٹی سیکریٹری جنرل و سیکریٹری امور خارجہ علامہ شفقت شیرازی اور علامہ سخاوت قمی بھی موجود تھے ۔ان کا کہنا تھامسلم لیگ ن جو کہ خود کو فخریہ متعدل اور محب وطن جماعت کہلواتی ہے ، آج بھکر میں دہشت گردوں کو سپورٹ کر کے اپنی ساکھ خود داغدار کر رہی ہے ، تاریخ گواہ ہے کہ مکتب اہل بیت (ع) کے پیروکار کبھی اس مادر وطن کے خلاف کسی خیانت میں شامل نہیں ہو ئے ، کو ئی سکیورٹی ادارہ ثبوت فراہم کرے کے کسی شیعہ نے کبھی کسی سرکاری ادارے ، بازار ، مسجد، چرچ یہ کسی اہل سنت پر حملہ کیا ہو یہ ایسی کسی سازش میں شامل رہا ہو ، جب کہ پاکستان کی سالمت صبح و شام کھیلنے والے تکفیری ٹولے کو ہر قسم کی قانونی و ائینی سپورٹ فراہم کی جا رہی ہے ، حکمران جماعت اور سکیورٹی اداروں کی دہشت گردوں کوسپورٹ کی صورت میں یہ خیانت قومی نقصان ثابت ہو گی ۔