The Latest
وحدت نیوز (ملتان) مجلس وحدت مسلمین کے زیراہتمام پاکستان اور نائیجیریا میں جاری شیعہ ٹارگٹ کلنگ کے خلاف ملک بھر میں یوم احتجاج منایا گیا، ملتان میں مجلس وحدت مسلمین کے زیراہتمام نماز جمعہ کے بعد جامع مسجد الحسین نیو ملتان سے احتجاجی ریلی نکالی گئی ، ریلی کی قیادت ایم ڈبلیو ایم پنجاب کے ڈپٹی سیکرٹری جنرل علامہ اقتدارحسین نقوی، علامہ قاضی نادر حسین علوی اور دیگر نے کی۔ ریلی کے شرکاء نے مدنی چوک پر احتجاج بھی کیا۔ مجلس وحدت مسلمین کے رہنماؤں نے احتجاجی ریلی سے خطاب کرتے ہوئے کہا پاکستانی حکومت سے مطالبہ کیا کہ وہ نائیجیریا میں مسلمانوں پر ہونے والے مظالم کے خلاف آواز بلندکرے، رہنماؤں نے نائیجیریا میں ہونے والے قتل عام کی مذمت کرتے ہوئے اوآئی سی اور اقوام متحدہ سے نوٹس لینے کا مطالبہ کیا۔اُنہوں نے مزید کہا کہ نائیجیریا کی حکومت اور فوج اسرائیلی حکمرانوں کے اشاروں پر قتل عام کررہی ہے، اُنہوں نے نائیجیریا کی حکومت سے آیت اللہ شیخ ابراہیم زکزاکی اور اُن کے ساتھیوں کی رہائی کا مطالبہ کیا۔ریلی کے شرکاء نے بینرز اور پلے کارڈز اُٹھا رکھے تھے جن پر سانحہ پاراچنا ر اور نائیجیریا میں جاری شیعہ نسل کشی کے خلاف نعرے درج تھے۔ رہنماؤں نے کہا کہ نائیجیریا کی حکومت اسرائیل کے ایماء پر مسلمانوں کے خلاف کاروائی کررہی ہے، اس موقع پر اُنہوں نے اقوام متحدہ اور اوآئی سی سے مطالبہ کیا کہ نائیجیریا میں ہونے والے قتل عام کا نوٹس لیا جائے۔ علامہ اقتدار نقوی نے مزید کہا کہ پاکستان میں دہشت گردی کی مذمت کی جاتی ہے دہشت گردوں کی نہیں ، حکومت کی منافقانہ پالیسی کی وجہ سے ہمارے ہزاروں بے گناہ لوگ شہید ہوچکے ہیں، اُنہوں نے اسرائیل اور امریکہ کے ایماء پر سعودی عرب میں بننے والے 34ممالک کے اسلامی اتحاد میں پاکستان کی شمولیت پر مذمت کرتے ہوئے اسے عالم اسلام کے خلاف سازش قراردیا۔
وحدت نیوز (کوئٹہ) مجلس وحدت مسلمین کوئٹہ ڈویژن کے سیکریٹری جنرل عباس علی نے کہا ہے کہ جن حالات کا ہمیں سامنا ہے، اس میں وفاقی اور صوبائی حکومتوں کیلئے ضروری ہے کہ وہ اپنی کارکردگی اور بہترین طرز حکمرانی سے اس جمہوری نظام حکومت کو مضبوط بنائیں۔ محض کھوکھلے نعروں اور الیکشنوں میں حاصل کئے گئے عوامی مینڈیٹ کی بنیاد پر کرپشن ، جرائم اور خراب طرز حکمرانی کی کھلی چھٹی نہیں دی جاسکتی ، یہ ٹھیک ہے کہ جمہوریت ہی ایک مثالی نظام حکومت ہے۔ جس میں عوام اپنے منتخب نمائندوں کے زریعے اپنے مسائل حل کرنا چاہتے ہیں ۔ ہمارے سیاستدان جمہوریت کو حکومت کی مدت پوری کرنے سے تعبیر دیتے ہیں حالانکہ جمہوریت ڈلیور کرنے کا نام ہے ، لوگ جمہوریت میں گڈ گورننس دیکھنا چاہتے ہیں مگر المیہ یہ ہے کہ ہمارے جمہوری حکمران یہ سمجھتے ہیں کہ وہ حکومت میں آنے کے بعد سیاہ و سفید کے مالک ہو گئے ہیں اور وہ کسی کے سامنے جواب دہ نہیں ہیں ۔ حکمران عوام کی امیدوں اور خواہشوں پر پورا اترے لوگوں کی یہ خواہش پوری نہیں ہو سکی کہ اچھی حکمرانی ہوانہیں روزگار ملے اور ان کے مسائل حل ہوں۔ سب سے اہم بات یہ ہے کہ لوگوں کو امن بھی میسر نہیں آسکا ہے۔ہماری سیاسی جماعتوں کو وفاق کی یکجہتی کی علامت ہونا چاہئے تھا لیکن تمام سیاسی جماعتیں علاقائی حدود تک محدود ہو گئی ہیں ۔ دہشتگردی ، کرپشن اور بیڈ گورننس کے خاتمے سے لے کر علاقائی اور عالمی سیاست تک ہمارے سیاسی جماعتوں نے بہتر کارکردگی کا مظاہرہ نہیں کیا ۔ پاکستان کے عوام یہ سمجھتے ہیں کہ دہشتگردی کے ساتھ ساتھ کرپشن کا خاتمہ ہونا چاہئے، کیونکہ کرپشن ختم کئے بغیر نہ جمہوریت مضبوط ہو سکتی ہے اور نہ ہی پاکستان داخلی طور پر مضبوط ہوسکتا ہے ۔
وحدت نیوز (کوٹلی) محافل و مجالس ہماری عبادت ، کسی قسم کی رکاوٹ برداشت نہیں ، درود کی خوشبو سے بارود ختم ہو جائے گا،پیغام حسین ؑ و محافل میلاد مصطفی ؐ کا انعقاد عین عبادت ہے، یہ عبادت جاری و ساری رکھیں گے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی نے منڈیاری سیداں میں ایک عوامی اجتماع سے خطاب کے دوران کیا ، انہوں نے کہا کہ ہم عزاداری سیدا لشہداء ؑ و میلاد خاتم الانبیاء ؐ کے ذریعے پیغام امن عام کرتے ہیں ، ہم بتاتے ہیں کہ ظالم کے خلاف ڈٹ جانا اسوہ حسینی ہے اور نعمات خداوندی کا شکر ادا کرنا کار مصطفوی ہے، تمام مشکلات کا حل امت واحدہ کی صورت میں اکٹھے ہونے میں ہے، اتحاد و اتفاق سے دشمن دین و وطن کو نابود کر دیں گے ، درود و سلام ، لبیک یا رسول ؐ اللہ و لبیک یا حسین ؑ ہمارے شعار ، بلند کرتے ہوئے دشمن کو بھگا دیں گے، علامہ تصور جوادی نے کہا کہ مجلس وحدت مسلمین اتحاد امت کے لیئے کوشاں ، ہر صورت بر سر پیکار رہے گی، مظلوم کی آواز بن کر ابھرنے والی جماعت ہر مظلوم کی آواز بنے گی ، ظالم کے مقابلے میں مظلوم کی حمایت ہی ہمارا شیوہ ہے۔ تفصیلات کے مطابق ریاستی سیکرٹری جنرل علامہ سید تصور حسین نقوی الجوادی دو روزہ دورے پر کوٹلی پہنچے جہاں ضلعی سیکرٹری جنرل مجلس وحدت مسلمین کوٹلی بردر طاہر بخاری نے اپنی کابینہ کے ہمراہ ان کا خیر مقدم کیا ، ریاستی سیکرٹری جنرل کے ہمراہ ریاستی سیکرٹری اطلاعات مولانا سید حمید نقوی ، ریاستی سیکرٹری تنظیم سازی ڈاکٹر عابد علی قریشی اور ریاستی سیکرٹری وحدت اسکاؤٹس برادر سید انصر عباس نقوی تھے، ریاستی سیکرٹری جنرل نے تنظیمی اجلاس میں خصوصی شرکت کے ساتھ ساتھ مجلس عزاو عوامی اجتماع سے خطاب کے علاوہ مختلف شخصیات سے ملاقاتیں بھی کیں ۔
وحدت نیوز (کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ امریکی فرمائش پر 34 ممالک کا دہشت گردی کے خلاف الائنس عالم انسانیت کے ساتھ مذاق سے زیادہ کچھ نہیں۔ الائنس کی تشکیل پر امریکہ کا اظہار مسرت اس بات کو ظاہر کرتا ہے کہ یہ الائنس انہیں ممالک کی فرمائش پر بنا ہے، جنہوں نے گریٹر اسرائیل کی تشکیل کے لئے داعش کو جنم دیا۔انہوں نے مطالبہ کیا کہ پاکستان کو اس نام نہاد الائنس میں شمولیت سے گریز کرنا چاہیے۔جس کے اہداف اور مقاصد واضح نہیں۔ انہوں نے سیکریٹری خارجہ اعزاز احمد چوہدری کے جرئت مندانہ بیان کا خیر مقدم کرتے ہوئے کہا ہے کہ پاکستان ایک آزاد خود مختار ملک ہے اتحاد کے سلسلے میں پاکستان سے پیشگی مشاورت نہیں کی گئی تھی ۔ وزیراعظم کبھی قوم سے سچ بولیں اور ایک خود مختار اور آزاد قوم کی نمائندگی کا حق ادا کریں۔
در ایں اثناء علامہ مقصود علی ڈومکی نے کہاہے کہ قائد وحدت علامہ راجہ ناصر عباس جعفری کی ہدایت پر کل جمعہ 18دسمبر کو ملک بھر میں دہشت گردی کے خلاف یوم احتجاج منایا جائے گا۔ ملک گیریوم احتجاج کے موقع پر بلوچستان کے مختلف اضلاع میں شہدائے سانحہ پارہ چنار اور نائیجیریا کے مظلوم شہداء کو خراج عقیدت پیش کرتے ہوئے معصوم انسانوں کے قاتل دھشت گردوں کے خلاف بھرپور عوامی نفرت کا اظہار کیا جائے گا۔ انہوں نے کہا کہ نائیجریا میں جاری قتل عام پر دنیا بھر کے عوام احتجاجا روڈوں پر ہیں، اور وہ نائیجریا کے مظلوم مسلمانوں سے یکجہتی کا اظہار کر رہے ہیں۔
وحدت نیوز (کوئٹہ) مجلس وحدت مسلمین کوئٹہ کے کونسلر کربلائی عباس علی نے وفد سے گفتگو کرتے ہوئے کہا کہ پاکستان کی سیاسی تاریخ کے سرسری جائزے سے یہ بات سامنے آتی ہے کہ ملک میں تمام خرابیوں کا بنیادی سبب مخلص اور دیانتدار قوی قیادت کا فقدان ہے سیاستدانوں اور حکمرانوں نے کبھی بھی اپنے ذات سے باہر نکل کر ملک و قوم کے مفادات کو قومیت نہیں دی۔ ان کی تمام سرگرمیاں اقتدار کے حصول اور ایک دوسرے کو نیچا دکھانے کے گرد گھومتی ہے۔ آنہوں نے سیاست کو سماجی خدمت کا ذریعہ بنانے کی بجائے ذاتی مفادات کے حصول کے لیے استعمال کیا اور عوامی مسائل سے لاتعلق رہے۔ یہی وجہ ہے کہ 68 سال گزرنے کے باوجود عوامی مسائل جوں کے توں ہیں۔ سب سے بڑی بات تو یہ ہے کہ ہمارے حکمران ملک میں سیاسی نظام کے ساتھ ساتھ اخلاقی نظام قائم کرنے میں بھی ناکام رہے ہیں۔ ہمارے زیادہ تر مسائل کا تعلق اخلاقی اور سماجی نظام سے ہے۔ اسلامی تعلیمات پر عمل پیرا ہونے کے باوجود ہم اخلاقی گراونڈ سے دو چار ہیں۔ سو ہمیں ایسی قیادت میسر آتی ہے جیسے ہم خود ہیں ۔ ہم نے لاکھوں انسانوں کی قربانی دے کر یہ خطہ زمین اس لیے حاصل کیا تھا کہ یہاں قرآن و سنت کے زریں اصولوں کے مطابق نظام قائم ہوگا۔ ہماری زندگیاں اسلام کے مطابق ہوں گی لیکن ہمارا کردار اور عمل اسلامی تعلیمات سے کوسوں دور ہے۔ ناپ تول میں کمی ، ناجائز منافع خوری، ملاوٹ، دھوکہ بازی ، جھوٹ اور فریب جیسے برائیوں میں گرفتار ہیں۔ گزشتہ برسوں میں ہم بحیثیت قوم قیام پاکستان کے اصل مقاصد حاصل کرنے میں ناکام ہی رہے ہیں لیکن اس ناکامی کا ملبہ دوسروں پر گرانے کی بجائے ہمیں سوچنا چاہیے کہ ہماری زندگیاں کس حد تک اخلاقی نظام کے پابند ہیں۔
وحدت نیوز (کوئٹہ) مجلس وحدت مسلمین کوئٹہ ڈویژن کے سیکریٹری سیاسیات کامران حسین ہزارہ نے کہا ہے کہ ملک میں اس وقت سب سے بڑا مسئلہ دہشتگردی ، کرپشن اور بیڈ گورننس ہے حکمرانوں نے عوام کو مایوسی کے سوا کچھ نہیں دیا لوگوں کے بنیادی حقوق کیلئے ہر فورم پر آواز بلند کرنا ہوگی ۔ ناقص پالیسیوں کے باعث مہنگائی ، بد امنی ، لوڈ شیڈنگ ، گیس کی بندش اور بے روزگاری میں تیزی سے اضافہ ہو رہا ہے۔ دہشتگردی کی ایک وجہ بھوک اور بے روزگاری بھی ہے جس ملک میں غریبوں کا استحصال ہو اور اقتدار میں ہمیشہ امیر ہی رہے ہیں اور ملک پرسرمایہ داروں اور جاگیرداروں کی حکومت ہو، حکومت کے پاس ملک و قوم کو غربت سے نکال کر خوشحالی کی راہ پر ڈالنے کا کوئی نظام نہ ہو اور وہ صرف سیاسی جوڑتوڑ میں لگی رہیں تو عوام کے اندر مایوسی بڑے گی جس کا نقصان سیاسی عمل کوپہنچے گاعوام اپنے مسائل کا حل چاہتے ہیں ، سیاست اور جمہوریت کی گاڑی تو چل رہی ہے مگر آگے نہیں بڑھ رہی ہے۔ عام آدمی کا مسئلہ آٹا، دال، چاول، چینی، گھی ،بجلی اور گیس ہے اسے اسمبلیوں اور سینٹ سے نہیں اپنے مسائل کے حل سے غرض ہے، بلا شبہ اختلاف رائے جمہوریت کا حسن ہوتا ہے ۔ تاہم اس وقت پاکستان کو جن مشکلات کا سامنا ہے انکا تقاضا ہے کہ وسیع تر قومی اتفاق رائے کو فروغ دیا جائے ،لہٰذا حکومت اوردیگر سیاسی جاعتوں کا فرض ہے کہ جس طرح سیاسی معاملات پر اتحاد کیا جاتا ہے عوام الناس کے مسائل کے حل کیلئے بھی وسیع تر اتفاق رائے تشکیل دیا جائے ۔ دیگر اہم سماجی معاشی اور سیاسی معاملات پر قومی اتفاق رائے کو فروغ دینے کی ضرورت ہے۔
وحدت نیوز (قم) ایم ڈبلیو ایم قم کے شعبہ سیاسیات و ارتباطات و اطلاعات کو نائیجیریا کی صورتحال سے آگاہ کرتے ہوئے ایران میں آیت اللہ شیخ زکزاکی کے نمائندے شیخ عبداللہ احمد زنغو نے کہا ہے کہ آیت اللہ شیخ زکزاکی ،ایک مقبول،مہذب اور علمی شخصیت ہیں،ان پر حملہ در اصل انسانی اقدار پر حملہ ہے۔
انہوں نے کہا کہ دہشت گردی چاہے بوکو حرام جیسے ٹولے کریں یا سرکاری سرپرستی میں کی جائے اس کا نوٹس لیا جانا چاہیے۔انہوں نے عالمی برادری سے اپیل کی کہ وہ نائجیریا کی صورتحا پر بے حسی کا مظاہرہ نہ کرےخصوصاً آیت اللہ شیخ زکزاکی پر کئے جانے والے تشدد کے بارے میں تحقیقات کی جائیں اور حقائق کو غیر جانبدارانہ طور پر منظرِ عام پر لایا جائے۔
انہوں نے کہا کہ انتہائی افسوس کی بات ہے کہ اتنی بڑی تعداد میں بے گناہ اور نہتے انسانوں کا قتلِ عام کیا گیاہے لیکن انسانی حقوق کے علمبردار خاموش تماشائی بنے ہوئے ہیں ،انہوں نے کہا کہ انسانی حقوق کے ٹھیکیداروں کی خاموشی دنیا بھر کی مظلوم اقوام کے لئے خطرے کی گھنٹی ہے۔
وحدت نیوز (قصور) مجلس وحدت مسلمین کے فلاحی شعبے خیرالعمل فائونڈیشن کی جانب سے قصور کے علاقے پتو کی مین مسجد قاسم ؑابن الحسن ؑ کا افتتاح کردیا گیا ۔ایم ڈبلیو ایم کے صوبائی سیکریٹری پنجاب علامہ عبدالخالق اسدی نے مسجد کا افتتاح کیااس موقع پر عوام کی بڑی تعدادموجودتھی،مسجدکےافتتاح کےبعدنماز باجماعت بھی ادا کی گئی۔
وحدت نیوز (نصیرآباد) مجلس وحدت مسلمین ، شیعہ علماء کونسل ، اصغریہ اسٹوڈنٹس آرگنائیزیشن اور دیگر شیعہ تنظیمو ں کی جانب سے جامع مسجد حسینی سے پارا چنار ، سانحہ آرمی پبلک اسکول پشاور ، نائیجیریا سمیت پوری دنیا میں ہونے والے شیعہ مسلمانوں پر مظالم کے خلاف احتجاجی ریلی نکالی گئی ، جو کے مقررہ راستوں سے ہوتی ہوئی پریس کلب پہنچی جہاں پر رہنماؤں مولانا خادم حسینی ، سید اختر عباس ، حبدار علی ،مست علی ، غلام رضا اور دیگر نے خطاب کرتے ہوئے کہا کے ہم پاراچنار ، آرمی پبلک اسکول پشاور اور نائیجیریا میں ہونے والی دھشتگردی کی سخت لفظوں میں مذمت کرتے ہیں ،اور چیف آف آرمی جنرل راحیل شریف سے مطالبہ کرتے ہیں کے پورے ملک میں نیشنل ایکشن پلان پر عمل کرکے دھشتگردوں کا صفایا کر کے ملک اور قوم کو امن وامان کا گہوارا بنایا جائے ، اور انہوں نے مزید کہا کے نائیجیریا میں ہونے والے شھیدوں کے لواحقین کے ساتھ انصاف کیا جائے ، دھشتگردوں کو کیفر کردار تک پہنچایا جائے اور اسلامی تحریک کے قائد شیخ ابراہیم زکزکی کو فوری رہا کیا جائے ۔
وحدت نیوز (بنوں) مجلس وحدت مسلمین بنوں کے زیر اہتمام سانحہ پاراچنار اور نائجیریا میں فوج کی بربریت کے خلاف مرکزی امام بارگاہ حسینیہ کے سامنے پرامن احتجاج کیا گیا۔ ریلی کے شرکا نے نائجیریا کی معروف مذہبی شخصیت حجت الاسلام و المسلمین شیخ ابراہیم زکزکی کی فوج کے ہاتھوں گرفتاری اور سانحہ پارا چنار کے خلاف مذمتی بینر اٹھا رکھے تھے۔ ریلی سے خطاب کرتے ہوئے سیکرٹری جنرل ایم ڈبلیو ایم بنوں و ڈپٹی آرگنائزر آل کونسلر اتحاد ذاکر نوروز علی کربلائی نے نائیجیریا کی فوج کی جانب سے ہونے والی فائرنگ کے نتیجے میں سینکڑوں بےگناہ افراد کی شہادت کو بھیانک ترین ریاستی دہشت گردی قرار دیا۔ انہوں نے کہا کہ شیخ زکزکی کی مقبولیت سے خائف نائجیریا کی حکومت نے اسرائیلی ایما پر انہیں حق پرستی کا سزا دی ہے۔ ہم پاکستان کی حکومت سے مطالبہ کرتے ہیں کہ وہ اس سلسلے میں سفارتی کردار ادا کرتے ہوئے شیخ زکزکی کی فوری رہائی کے لیے نائیجریا حکومت پر زور ڈالیں۔ دیگر رہنماوں کا کہنا تھا کہ ضرب عضب اور نیشنل ایکشن پلان کے باوجود ملت جعفریہ کو ملک بھر میں سنگین سانحات کا سامنا کرنا پڑ رہا ہے۔ دہشت گرد عناصر کے گرد گھیرا مزید تنگ کرنے کی ضرورت ہے۔
