The Latest
وحدت نیوز(بھکر)ملک بھر سے غربت و افلاس اور دہشت گردی کے خاتمے تک جد وجہد کرتے رہیں گے، پاکستان کے عوام کرپٹ اورظالم حکمرانوں کو مسترد کر چکے ہیں، نواز شریف آنے والے دنوں میں عوامی دباوبرداشت نہیں کر سکیں گےانہیں جانا ہی ہوگا، ہم مظلوموں کے حقوق کی جنگ خون کے آخری قطرےتک لڑیں گے، ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے مجلس وحدت مسلمین، پاکستان عوامی تحریک ، سنی اتحاد کونسل کے زیر اہتمام جمیل اسٹیڈیم بھکرمیں منعقدہ عوامی جلسہ سے خطاب کرتے ہوئے کیا، عوامی انقلاب اجتماع میں لاکھوں افرادنے شرکت کی اور ملک میں قائم بد عنوان اور ظالم حکمرانوں سمیت موجودہ نظام کو مسترد کرتے ہوئے مطالبہ کیاہے کہ ملک میں اسلامی فلاحی نظام کا نفاذ کیا جائے بھکرمیں عوامی انقلاب اجتماع سے خطاب کرتے ہوئے مجلس وحدت مسلمین پاکستان کے سربراہ علامہ ناصر عباس جعفری نے کہا کہ پاکستان میں رائج نظام ظالموں کو تحفظ فراہم کرتا ہے ، اس نظام کے اندر مظلوم کے لئے زندہ رہنے کا کوئی حق نہیں ہے۔ان کاکہناتھا کہ یہ ظالمانہ نظام چند خاندانوں کے درمیان موجود ہے اور یہی چند خاندان پاکستان کے تمام وسائل پر قابض ہیں اور ایک دوسرے کو تحفظ فراہم کرتے ہیں اور مل جل کر پاکستان کو لوٹ رہے ہیں، ان کاکہنا تھا کہ اب وقت آ گیاہے کہ ان ظالم و جابر اور بد عنوان اور پاکستان کولوٹ کھسوٹ کر کھوکھلاکرنیوالے چندخاندانوں کے اقتدارکا خاتمہ کیاجائے ۔
علامہ ناصرعباس کاکہنا تھا کہ مجلس وحدت مسلمین پاکستان میں ایک ایسے نظام کا نفاذ چاہتی ہے جو مظلوموں کے حقوق کو تحفظ دے ،جو ان کو جینے کا حق فراہم کرے۔انہوں نے کہا کہ بھکر کے غریب عوام سے ہم وعد ہ کرتے ہیں کہ 29نومبر کوہونے والے ضمنی انتخاب میں بھکر انقلاب کی پہلی سیڑھی ثابت ہو گااوربھکر سے طلوع ہونیوالا سورج پاکستان کے مظلوموں کی قسمت کوبدل کر رکھ دے گا،علامہ ناصر عباس جعفری نے کہا کہ رسول اکرم (ص) سلامتی کا مذہب لیکر آئے تھے، آپ (ص) امن کے پرچارکرنیوالے تھے، و ہ لوگ جو ملک کے اندر قتال کی بات کرتے ہیں وہ دراصل اسلامی تعلیمات کی کھلم کھلانفی کررہے ہیں، اسلامی ریاست کے اندرقتال و جہاد کی اجازت نہیں ہے، قتال اور جہاد غیرمسلموں سے ہوتا ہے اور اس کی شرعی شرائط ہیں جس کے بغیر آپ کسی غیر مسلم سے بھی جنگ نہیں کر سکتے، کیونکہ اسلام سب کو جینے کا حق دیتا ہے۔جلسے سے مجلس وحدت مسلمین کے مرکزی رہنما سید ناصر شیرازی پنجاب کے رہنماوں علامہ عبدالخالق اسدی ،سید اسد عباس نقوی، احسان اللہ بلوچ اور سفیر حسین شہانی نے بھی خطاب کیا۔
وحدت نیوز (بہاولپور) ملک میں موروثی سیاست سے نجات کا واحد راستہ متناسب نمائندگی کے ساتھ الیکشن کا انعقاد ہے ،جب تک موجودہ فرسودہ نظام کا خاتمہ نہیں ہوتا ملک میں تبدیلی ناممکن ہے۔ ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے بہاولپور میں پاکستان مسلم لیگ ق کے زیر اہتمام عوامی جلسے سے خطاب کرتے ہوئے کیا ،انہوں نے کہا کہ بھکر کا اجتماع وہاں کے عوام کو لٹیروں اور جاگیرداروں سے نجات کا پیش خیمہ ثابت ہوگا، کرپٹ نظام کیخلاف جدوجہد جاری رہیگی، بھاولپور کے بیدار اور غیور عوام نے آض اس عظیم اجتماع نے ثابت کر دیا کہ عوام نواز شریف کے خلاف جاری تحریک کا بھر پور حصہ ہیں ، اور کرپٹ حکمرانوں کی ایوانوں سے واپسی تک چین سے نہیں بیٹھیں گے، گلگت بلتستان میں الیکشن کمشنر کی تعیناتی کے نوٹفیکیشن کو مسترد کرتے ہیں ،غیر جانب دار الیکشن کمشنر کے تعین کے لئے ہر قسم کا جمہوری حق استعمال کریں گے ،جی بی میں استحصالی حکمرانوں کو مک مکا کی سیاست نہیں کرنے دینگے، انہوں نے کہا کہ گلگت بلتستان حکومت کے یکطرفہ فیصلوں کیخلاف مجلس وحدت مسلمین الیکشن کمیشن سمیت اعلیٰ عدالتوں تک جائیگی ،جس طرح گندم سبسڈی اور دیگر عوامی مسائل کو حل کرنے میں ہم نے کلیدی کردار ادا کیا تھا اسی طرح خطے کی ترقی اور عوامی حقوق پر کرپٹ مافیا کو ڈاکہ نہیں ڈالنے دینگے ۔انہوں نے مسلم لیگ ق کی مرکزی قیادت چوہدری شجاعت حسین ، چوہدری پرویز الہیٰ کو عظیم الشان جلسے کے انعقاد پر مبارک باد پیش کی۔
وحدت نیوز(اسکردو) مجلس وحدت مسلمین پاکستان بلتستان ڈویژن کے دفتر سے جاری ایک بیان میں ڈویژنل پولیٹیکل سیکریٹری فدا حسین نے کہا ہے کہ چیف سیکرٹری گلگت بلتستان کا دورہ خطہ کے لیے کس حد تک مفید ثابت ہوتا ہے یہ وقت ہی بتائے گا لیکن سابقہ تلخ تجربات نے چیف سیکرٹری جیسی شخصیت کے دورہ کی اہمیت گھٹا دی ہے۔انہوں نے کہا کہ اس سے قبل بھی سابق چیف سیکرٹری سجاد ہوتیانہ اور دیگر نے اسکردو کا دورہ نہایت شد و مد کیساتھ کیا اور کرپشن کے خلاف انکوائری کا ڈرامہ رچایا گیا اور آخر میں ساری انکوائریز بالخصوص محکمہ تعلیم میں ہونے والی بدترین بدعنوانیوں کی انکوائریز کا نتیجہ سرکاری خزانے کو نقصان پہنچانے کے علاوہ کچھ نہیں ہوا۔ اسی طرح حالیہ چیف سیکرٹری کے دورہ کے موقع پر اسکردو کی سڑکیں جو کھنڈر بن چکی ہے ہنگامی بنیادوں پر مٹی ڈال کر کھائیوں کو پر کرنے کی کوششوں کے علاوہ سرکاری دفاتر میں بھی میک اپ کا سلسلہ جاری ہے۔ اسکردو کی کئی مقامات پر ایسی بھی سڑکیں ہیں جہاں پر صرف سو فٹ کی سڑک پر کام گذشتہ تین سال سے آغاز ہوا ہے لیکن تاحال مکمل نہیں ہو سکا ہے۔ بلتستان میں بجلی کی آنکھ مچولی کا سلسلہ بھی افسوسناک اور انتظامیہ کے منہ پر طمانچہ ہے ترقی اور خوشحالی کا دعویٰ کرنے والی حکومت پانچ سال پورے کرنے کے باوجو د بجلی کا مسئلہ بھی حل نہیں کر سکا۔ چیف سیکرٹری گلگت بلتستان اس بات کا نوٹس لے کہ بلتستان میں بجلی کی پیداوار اسکی ضرورت سے زیادہ ہونے کے باجود لوڈشیڈنگ کا نہ رکنے والا سلسلہ کیوں ہے۔
فدا حسین نے مذید کہا کہ بلتستان کے تمام سرکاری محکموں میں ہونے والی چور بھرتیوں بلخصوص محکمہ تعلیم میں جاری بدعنوانی کے خلاف اگر چیف سیکرٹری عملی اقدام اٹھائے تو جہاں سرکاری خزانے کو نقصان پہنچا کر ریاست کو کمزور کرنے والوں کا رستہ رک جائے گا وہاں نئی نسل کے مستقبل کو بھی بچایا جا سکتا ہے۔ امید ہے کہ چیف سیکرٹری گلگت بلتستان اپنے دورہ اسکردو کے موقع پر بلتستان میں جاری آٹے کی بحران، بجلی کی بحران اور مختلف اداروں میں جاری بدعنوانیوں کے حل کے لیے عملی اقدام اٹھا کر جائیں گے اور یہ دورہ کسی ایک سیاسی پارٹی کی راہ ہموار کرنے کی بجائے عوامی دورہ ثابت ہوگا۔
وحدت نیوز(حیدرآباد) شکارپور میں شہید علامہ شفقت عباس کے قاتلوں کی عدم گرفتاری اور سندھ پولیس کی طرف سے ایم ڈبلیوایم سکهر، شکارپور اور بدین کے عہدیداران اور عزاداروں کے خلاف جهوٹی ایف آئی آر کاٹنے پر سندھ حکومت اور آئی جی سندھ پولیس کے خلاف مجلس وحدت مسلمین حیدرآباد کی جانب سے احتجاجی مظاہرہ کیا گیا۔ قدم گاہ مولانا علی (ع) پر بعد از نماز جمعہ منعقدہ احتجاجی مظاہرے سے خطاب مولانا گل حسن مرتضوی نے کیا جبکہ اس موقع پر ایم ڈبلیو ایم صوبہ سندھ کے ڈپٹی سیکریڑی جنرل عالم کربلائی سمیت شرکاء کی بھی بڑی تعدادبھی موجود تھی۔ اپنے خطاب میں رہنماؤں نے کہا کہ سندھ حکومت کی جانب سے ابھی تک علامہ شفقت عباس مطہری کے قاتلوں کی گرفتاری عمل میں نہیں لائی گئی جبکہ انتظامیہ شہادت کے خلاف احتجاج کرنے والے پر امن مظاہرین کے خلاف ہی مقدمات بنا رہی ہے۔ انہوں نے مزید کہا کہ اگر پیپلز پارٹی کی حکومت نے یہ روش جاری رکھی تو سندھ حکومت کے خلاف صوبے بھر میں بھرپور احتجاجی تحریک چلائیں گے۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی سینکڑوں کارکنان کے قافلے کے ہمراہ آج صبح بھکر جلسہ کے لئے روانہ ہونگے مجلس وحدت مسلمین ضلع جھنگ ،گڑھ موڑ،حیدر آباد تھل،منکیرہ میں کارکنان استقبال کریں گے اور قافلوں کی شکل میں بھکر جلسہ گاہ پہنچیں گے،علامہ عبدالخالق اسدی نے بھکر جلسہ عام کے حوالے سے کارکنوں سے خطاب کرتے ہوئے کہا کہ بھکر کا جلسہ یہاں کی تاریخ کا سب سے بڑا عوامی جلسہ ثابت ہو گا ،یہاں کے عوام نے جاگیرداروں اور سٹیٹس کو کے خلاف جس جواں مردی سے مزاحمت کی ہے اس کی تاریخ میں کوئی مثال نہیں ملتی ،انشااللہ مجلس وحدت مسلمین عوامی حقوق اور قومی وحدت کے لئے جدو جہد جاری رکھےگی اورانشااللہ وطن عزیز سے نفرت کا خاتمہ کر کے تکفیریت کو شکست دینگے۔
وحدت نیوز(اسلام آباد) مجلس وحدت مسلمین کراچی ڈویژن کے ڈپٹی سیکریٹری جنرل شہید علامہ دیدارعلی جلبانی اور انکے با وفا محافظ شہید سرفراز حسین بنگش کی پہلی برسی کے موقع پر مرکزی سیکریٹریٹ سے جاری اپنے تعزیتی بیان میں مجلس وحدت مسلمین کے سربراہ علامہ ناصرعباس جعفری نے کہا ہے کہ شہید دیدار جلبانی ایک نڈر، بے باک، بہادر، شجاع اور مرد میدان ، مجاہد عالم دین تھے، شجاعت انکی ذات کا خاصہ تھی، شہید نے مختصر مدت تنظیم میں گذاری لیکن اپنی فعالت اور بےباکی کی بنیاد پر ملت جعفریہ کراچی کی دل کی دھرکن بن گئے، شہید علامہ حسن ترابی کی شہادت کے بعد خدا نے شہیدعلامہ دیدار جلبانی کو ایک نعمت کی صورت میں کراچی کے مومنین پر نازل کیا تھا، ان کی مسلسل میدان مبارزہ میں حاضری سے خوفزدہ استعماری آلہ کاروں نے انہیں بے دردی کے ساتھ شہید کردیا ، آج ان کی پہلی برسی کے موقع پر شہداء کے خانوادگان کو ہدیہ تعزیت وتسلیت پیش کرنے کے ساتھ ساتھ شہداء کی مقدس راہ پر ثابت قدم رہنے کے عزم کا اعادہ بھی کرتے ہیں ۔ شہید علامہ دیدار جلبانی ان کا با وفا محافظ سرفراز بنگش اور دیگر شہداء ہمارے شفیع ہیں، ہمیں یقین ہے کہ یہ شہدائے راہ ولایت و وحدت روز محشر ہماری شفاعت کا ذریعہ قرار پائیں گے۔
وحدت نیوز(اسلام آباد) مجلس وحدت مسلمین پاکستان کے سربراہ علامہ ناصرعباس جعفری اتحادی جماعتوں کے زیر اہتمام جمیل اسٹیڈیم میں منعقدہ جلسہ عام سے خصوصی خطاب کریں گے، علامہ ناصرعباس جعفری کی اسلام آباد سے بھکر آمد پر ایم ڈبلیوایم کے کارکنان ان کا والہانہ استقبال بھی کریں گے جبکہ انہوں بڑے جلوس کی صورت میں پنڈال تک لایا جائے گا، یہ عوامی اجتماع کل بروز اتوار صبح 10بجے شروع ہوگا جس میں پاکستان عوامی تحریک کے سربراہ علامہ ڈاکٹرطاہرالقادری ، سربراہ سنی اتحاد کونسل صاحبزادہ حامد رضا، مسلم لیگ ق کے سربراہ چوہدری شجاعت حسین سمیت اتحادی جماعتوں کےدیگر قائدین بھی خطاب کریں گے، واضح رہے کہ یہ عوامی اجتماع انتہائی اہمیت کا حامل ہےکیونکہ آئندہ ہفتے بھکر کے حلقے پی پی 48میں ضمنی الیکشن کا انعقاد ہونے جا رہا ہے، مجلس وحدت مسلمین سمیت تمام اتحادی جماعتوں نے پاکستان عوامی تحریک کے نامزد امیدوار ملک نذر عباس کہاوڑ کی متفقہ طور پر حمایت کا اعلان کا ہے، اس جلسے کو حکومت مخالف جلسے کے ساتھ ساتھ انتخابی مہم کا اہم ستون بھی قرار دیا جا رہا ہے۔
وحدت نیوز (نوشہروفیروز) شیعہ ٹارگٹ کلنگ، قاتلوں کی عدم گرفتاری اور بے بنیاد جھوٹے مقدمات کے اندراج کے خلاف مجلس وحدت مسلمین پاکستان ضلع نوشہرو فیروز کے جانب سے قدم گاہ سے حبیب چوک تک احتجاجی ریلی نکالی گئی جس کی قیادت ضلعی سیکریٹری جنرل اعجاز ممنائی نے کی .اس موقع پر انہوں نے خطاب کرتے ہوئے کہا کہ سندھ حکومت دہشتگردوں کی سرپرستی کرتے ہوئے ان کو گرفتار کرنے کے بجا ئےپرامن احتجاج کرنے والے مومنین پر جھوٹے مقدمے داخل کر رہی ہے جس کی تازہ مثال شکارپور بدین اور سکھر کے مومنین شامل ہیں اس پوری سازش میں آئی جی سندھ کا کردار نہایت مشکوک ہے جسکو سندھ کے وزیر اعلی قائم علی شاہ کی حمایت حاصل ہے، جس کی ناہلی کی وجہ سے آج پورا سندھ بدامنی اور دہشتگردی کی لپیٹ میں آ گیا ہے، انہوں نے کہا کہ اگر آئی جی سندھ کو فوری نہ ہٹایا گیا تو ان کے خلاف مہم کا آغاز کرینگے۔
وحدت نیوز (کوئٹہ) 25 محرم الحرام حضرت امام علی زین العابدین ؑ کے یوم شہادت کے موقع پر منعقدہ مجلس عزا سے خطاب کرتے ہوئے مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ واقعہ کربلا کے بعدبازار شام اور دربار یزید میں امام زین العابدین ؑ نے جوخطبہ دیا وہ باطل یزیدی سلطنت کی رسوائی اور شکست کا سبب بنا۔ واقعہ کربلا نے یزیدی چہرے کو بے نقاب کیا اور امام سجاد ؑ پیغام کربلا کے پہلے مبلغ ہیں۔ آپ نے ظلم و بربریت سے خوفزدہ ہونے کی بجائے جرائت و بہادری اور صبر و استقامت کی عظیم مثال قائم کی۔ سید سجاد ؑ اور سیدہ زینب کبریٰ ؑ نے کربلا کے حقائق کو مسخ ہونے سے بچایا اور تحریک کربلا کوہر دور کے یزید کے خلاف عالمگیر انقلابی تحریک میں بدلنے کی بنیاد رکھی۔
انہوں نے کہا کہ عزاداری تحریک کربلا کا تسلسل اورفرزند رسول ﷺ سید سجاد ؑ کی امانت ہے۔ طاقتور جابر حکمرانوں کو کیسے للکارا جاتا ہے عالم انسانیت باطل نظام کو للکارنے کا درس سید سجاد ؑ سے لے ،جو طوق و زنجیر میں جکڑا ہوا تھا مگر بشریت کو حریت و آزادی کا درس دے رہا تھا۔
در ایں اثناء علامہ مقصود علی ڈومکی نے تنظیمی اجلاس سے خطاب کرتے ہوئے کہا ہے کہ یکم دسمبر سے رابطہ عوام مہم کا آغاز کیا جارہا ہے۔ جبکہ 20, 21 دسمبر کوصوبائی شوریٰ کا اہم اجلاس طلب کیا گیا ہے۔ تنظیمی اجلاس کے موقع پر مختلف شعبہ جات کی کارکردگی کا جائزہ لیا گیا۔ اجلاس نے ایک قرار داد کے ذریعہ حکومت اور پاک فوج سے مطالبہ کیا گیا کہ وہ دہشت گردوں کے خلاف ملک گیر فوجی آپریشن کا آغاز کرے تاکہ ملک سے فرقہ وارانہ منافرت اور دہشت گردی کا خاتمہ یقینی بنایا جاسکے۔
وحدت نیو ز (علی پور) مجلس وحدت مسلمین ڈسٹر کٹ علی پور کے سیکرٹری جنر ل بر دار اعجاز حسین زیدی نے مختلف علاقوں کا دورہ کرتے ہو ئے دو نئے یونٹ تشکیل دیئے جس میں کوٹلہ رحمت شاہ سیکرٹری جنرل ، اوچ موغلہ موجود ہیں ۔ اس کے علاوہ علی پور گھلواں میں بر ادر حسن گھلو ، بستی ٹبی میں بر ادر کامران عباس ، بستی بصیرہ میں ملک فیاض حسین ، بستی غریب شاہ میں بر ادر سیف اللہ ، بستی بدھوالی میں نذر حسین ، جتوئی میں شہباز علی ، یونٹ اوچشریف میں برادر احسن رضا جعفری جنر ل سیکرٹر ی منتخب ہوئے ۔ اس کے علا وہ محر م الحرام کی کار گر دگی حوالے تمام یونٹس سے رپوٹ طلب کی ۔
