وحدت نیوز(کراچی) مجلس وحدت مسلمین پاکستان کے سربراہ علامہ راجہ ناصرعباس جعفری نے دورہ کراچی کے موقع پر جعفریہ الائنس کے سربراہ علامہ محمد عباس کمیلی سےان کے گھر پر ملاقات کی اور گذشتہ دنوں وفات پانے والی ان کی زوجہ محترمہ کے انتقال پر ملال پر تعزیت اور افسوس کا اظہار کیا، علامہ راجہ ناصرعباس جعفری کا علامہ عباس کمیلی سے گفتگو کر تے ہو ئے کہنا تھا کہ بہترین شریک حیات کا داغ مفارقت دے جانا سنگین امتحان ہو تا ہے خدا آپ کو اس عظیم امتحان میں سر خرو کرے اور آپ کے اہل خانہ کو صبر جمیل عطا فرمائے، اس موقع پر ایم ڈبلیو ایم کراچی کے رہنماناصر حسینی ، مبشر حسن اور محمد رضابھی موجود تھے۔

وحدت نیوز(کوئٹہ) مجلس وحدت مسلمین کوئٹہ ڈویژن کے رہنما کونسلر کربلائی رجب علی عوام کو درپیش مسائل پر کوئٹہ میڑو پولیٹن کارپوریشن اور محکمہ واسا کو شدید تنقید کا نشانہ بناتے ہوئے اپنے بیان میں کہا ہے کہ حلقہ نمبر12اورعلمداروڈکے رہائشی علاقوں کے مسائل کی شنوائی نہیں ہورہی ہیں باربار کوئٹہ میڑوپولیٹن کارپوریشن اور محکمہ واسا کے دفتر چکر کاٹ کرتھک چکے ہیں لیکن کوئی عوام کے بنیادی مسائل کی طرف توجہ کرنے کو تیار نہیں جس کی وجہ سے علاقے میں عوام کو شد ید مشکلات کا سا منا ہیں۔

انہوں نے کہاکہ میں حلقہ نمبر 12کے منتخب نمائندے کی حثیت سے بار بار علاقے کے مسائل کے حل کیلئے درخواستیں دے چکا ہوں ، لیکن کوئی سننے والا نہیں علاقہ پانی کے بوند بوند کو ترس رہی ہے لیکن واسا حکام مسلسل لاپرواہی کا مظاہر ہ کررہی ہیں۔ یہاں تک کے مسجد میں نماز پڑھنے والے افراد کیلئے بھی پانی میسر نہیں اس کے علاوہ بیشتر علاقوں میں پانی کی سپلائی گزشتہ کئی ہفتوں سے بند ہے ۔ یوں لگتا ہے کہ محکمہ واسا کرپشن میں ڈوبا ہواہے جس کی وجہ سے عوام کو پانی نہیں مل رہاجن دو ٹیوبویلوں کی منظوری علمدار روڈ میں دی جاچکی ہے لمبے عرصے میں صرف ایک ٹیوب ویل لگایا ہے اور دوسرے کیلئے جگہ کا بہانہ بنا کر بے جا تا خیر کی جارہی ہے تاکہ ٹیو ب ویل کیلئے خرچ ہونے والی رقم اپنے جیبوں میں ڈال سکیں جبکہ ٹیوب ویل جگہ کا بندوبست ہو چکا ہے ۔

انہوں نے کہا کہ محکمہ واسا کے حکام بالا سے میرا پرزور مطالبہ ہے کہ عوام کو پانی سپلائی ہنگامی بنیادوں پر شروع کریں اور منظور شدہ ٹیوب ویل کا بھی فوری تعمیر بلاتاخیر شروع کی جا ئے ۔ انہوں مزید کہاکہ کوئٹہ سٹی نالہ بھی گندگی سے بھری پڑی ہے جبکہ سٹی نالہ کی صفائی کیلئے ختیر رقم کی منظوری لی گئی تھی لیکن پھربھی سٹی نالے کی صفائی نہ ہونے کے برابر ہے جس سے شبہ ہے کہ منظو رشدہ فنڈ بعض متعلقہ آفیسروں اور ٹھیکیداروں کے جیبوں میں چلا گیا ہے جبکہ عوام گندگی کی وجہ طرح طرح کے بیماریوں کا شکار ہورہے ہیں۔انہوں نے کہا کہ میں بحثیت منتخب نمائندہ حلقہ نمبر 12صوبائی حکومت سے مطالبہ کرتاہوں کہ متعلقہ محکموں کے خلاف ایکشن لیتے ہوئے عوامی مسائل کوفوری طور پرحل کریں۔

وحدت نیوز(پشاور) مجلس وحدت مسلمین صوبہ خیبر پختون خوا کے سیکرٹری جنرل علامہ سید محمد سبطین الحسینی اپنے دورہ کے دوران شعبہ خواتین کے سیکرٹری جنرل ذاکرہ خانم نسیم اور ڈپٹی سیکرٹری جنرل سے ملاقات کی۔ جس میں شعبہ خواتین کو فعال کرنے اور درس دورس کے انعقاد پر تفصلی گفتگو کی جس میں علامہ سید محمد سبطین الحسینی نے کہا کہ کسی معاشرے میں ہر حوالے سے خواتین کا کرداربہت اہمیت کا حامل ہوتا ہے جس کے ضروری ہے کہ خیبر پختون خوا میں بھی یہ حلاء ختم کیا جائے جس کے لئے آپ جیسے با بصیرت خواتین میدان میں آنے کی ضرورت ہے ۔ انہوں نے مزید کہا کہ آپ اپنے کام کو جاری رکھے ہمارے طرف سے ہر قسم کا تعاون ہوگا۔

علامہ سید محمدسبطین الحسینی نے امامیہ رابطہ کونسل کے رہنماوں سے بھی ملاقات کی جس میں انہوں کا کہنا تھا ہر روز جس طرح پشاور کے غریب عوام کے ساتھ ظلم وذیادتی کا سلسلہ جاری ہے اس میں ہمیں کردار آدا کرنے کی ضرورت ہیں ہم نے اگر آج اپنی حقوق کا دفا ع نہ کیا تو آئندہ نسلیں ہمیں معاف نہیں کرنگے اس حوالے سے آئی آر سی جو بھی قدم اُٹھائی گی مجلس وحدت مسلمین اس کا بھر پور ساتھ دی گی، انہوں نے کہا کہ پشاور میں اتحاد بین المسلمین کی بہت ضرورت ہے جس کے اہلسنت کے علماء اور بردران سے رابطہ رکھنے کی اشد ضرورت ہے اس سلسلے میں ملکر سمنار اور دیگر پروگرامات بہت اہمیت کے حامل ہوسکتے ہیں۔ آئی آر سی کے رہنماء سید اظہر علی شاہ نے پشاور کے مسائل پر علامہ سید سبطین الحسینی کو طوئل بریفنگ دی۔اس دوران علامہ سید سبطین نے مظفر علی خوانزادہ سے بھی ملاقات کی جس میں پشاور کے مجموعہ صورت حال پر تبادلہ خیال ہوا۔علامہ سید سبطین نے مظفرعلی اخونزادہ کی کاوشوں کو سراہا۔ انہوں نے کہا کہ اپ نے شیعہ نسل کشی پر تاریحی کام کیا ہے اللہ آپ کو اسکا آجر ضرور دے گا۔اس دوران اہلسنت کے عالم دین مولانا شعیب سے بھی اتفاقاً ملاقات ہوئی جس میں اتحاد بین مسلمین کو مزید وسعت دینے پر اتفاق ہوا۔

وحدت نیوز(کراچی) حضرت امام خمینی (رہ) وہ عظیم ہستی کہ جنہوں نے پروردگار عالم سے جو عہد و پیمان باندھا تھا اور اس کی راہ میں جو عظیم جدوجہد کی وہ ہمارے لئے مشعل راہ ہے۔ انہوں نے کہا کہ حضرت امام خمینی (رہ) کی راہ خدا میں جدوجہد ہمارے لئے واضح مثال ہے کہ استعمار و استکبار چاہئیے جتنا بڑا ہی کیوں نہ ہو، خواہ وہ کتنا ہی خدائی کا دعویٰ کرے مگر وہ حق کے سامنے نہیں ٹہر سکتا، اسے فنا ہونا ہی ہوتا ہے۔ان خیالات کا اظہار  مجلس وحدت مسلمین سندھ کے سیکرٹری جنرل علامہ مختار احمد امامی نے ایم ڈبلیوایم کراچی ڈویژن کےزیر اہتمام امام بارگاہ مدینتہ العلم گلشن اقبال میں معرفت خط امام خمینی ؒ سیمینار کے شرکائے سے خطاب کر تے ہو ئے کیا۔

انہوں نے مزید کہا کہ ہمیں آج بھی عالمی استعمار و استکبار اور اسکے سرپرست شیطان بزرگ امریکا اور اسکے مقامی نمک خوار ایجنٹوں کے مقابلے میں مبارزہ کی راہ میں حضرت امام خمینی (رہ) کے عظیم خط کی معرفت اور حقیقی معنوں میں پیروی و گامزن ہونے کی ضرورت ہے کہ جس کے بغیر عالمی استعمار کے ساتھ مبارزہ ممکن نہیں۔ علامہ مختار امامی کا کہنا تھا کہ اسلامی ناب محمدی میں شکست نام کی کوئی چیز نہیں ہے تو یہ کیسے ممکن ہے کہ لبنان میں چند ہزار حزب اللہ کے جوان خطِ ولایت فقیہ و ولی فقیہ زمان رہبر معظم آیت اللہ العظمیٰ سید علی خامنہ ای کی پیروی کرتے ہوئے پورے خطے میں ہر ہر محاذ پر عالمی استعمار امریکا و اسرائیل کو شکست سے مسلسل دوچار کرتے چلے آئیں مگر ہم ناکام ہو جائیں، نہیں ایسا ہرگز نہیں ہوسکتا بشرط یہ کہ ہم پانچ کروڑ شیعہ پاکستان میں خطِ ولایت و ولی فقیہ پر اخلاص کے ساتھ گامزن ہو جائیں۔